ئێمە لە تۆرە کۆمەڵایەتیەکان

عێراق

پشتیوانی لە هاوپەیمانییەكیش دەكات
عەللاوی هۆشداریی دەدات لە تێكچوونی پرۆسەی سیاسی عیراق

خەڵك- بەشی هەواڵ
سەرۆكی ئیئتیلافی وەتەنیە رایدەگەیەنێت، عیراق رووبەڕووی قەیرانێك بۆتەوە كە رەنگە ببێتە مایەی تێكچوونی پرۆسەی سیاسی، پشتیوانی خۆیشی بۆ پێكهێنانی هاوپەیمانییەك دەردەبڕێت كە تایەفەگەریی تێبپەڕێنێت.

ئەیاد عەللاوی سەرۆكی ئیئتیلافی وەتەنیە لە بەیاننامەیەكدا رایگەیاند”لەگەڵ هاتنی جەژنی رەمەزانی پیرۆزدا، ئێمە لەسەر رۆخی تێكچوونی پرۆسەی سیاسیین بەهۆی ئەو ساختەكارییەی لە هەڵبژاردنەكاندا كرا، وێڕای دەرهاویشتەكانی و بەردەوامبوونی لێشاوی خوێنی عیراقییەكان و نەهامەتی خەڵك”.

بە وتەی عەللاوی”هەر هەوڵێك بۆ كۆپیكردنی ئەزمونەكانی پێشوو بدرێت، عیراق دەگەڕێنێتەوە بۆ چوارگۆشەی یەكەم و شێوەیەكی تری پشكداریی لێدەكەوێتەوە كە بووە مایەی كارەسات و نەهامەتی بۆ عیراقییەكان”.

سەرۆكی ئیئتیلافی عیراقیە، داوای لە هێزە سیاسییەكان كردبوو، بەرژەوەندی نیشتمان و هاولاتیان بەسەر خۆیاندا زاڵ بكەن و بەشێوەیەكی واقعی بڕواننە بارودۆخی عیراقییەكان، پشتیوانی ئیئتیلافەكەیشی بۆ هەموو ئەو هەوڵانە دەربڕیبوو كە دەبێتە مایەی پێكهێنانی “هاوپەیمانییەك بۆ تێپەڕاندنی تایەفەگەریی لەچوارچێوەی فەزای نیشتمانی”.

لە 12ی حوزەیرانی 2018، موفتەدا سەدر لە كۆنفراسێكی رۆژنامەوانیدا لە شاری نەجەف رایگەیاند” كوتەلی سائیرون هاوپەیمانی لەگەڵ لیستی فەتج كردووە”، بەستنی ئەم هاوپەیمانییەش سەبارەت بە زۆرێك لە عیراقییەكان رووداوێكی لەناكاو و چاوەڕواننەكراو بوو.

سەدر رایگەیاندبوو”هاوپەیمانی لەگەڵ فەتح، لە چوارچێوەی فەزایەكی نیشتمانییە، و پارێزگاریش لە هاوپەیمانییە سێقۆڵییەكە دەكەن لەنێوان حیكمە و سائیرون و وەتەنیە”، سوتاندنی سندوقەكانی دەنگدانیشی بە تاوانێكی گەورە وەسفكرد، و وتی”لەدوای راگەیاندنی ئەنجامەكان هەڵوێستی خۆیان رادەگەیەنن”.

لای خۆیەوە هادی عامری سەرۆكی هاوپەیمانی فەتح، رایگەیاندبوو”دەرگاكانی هاوپەیمانییەكەی لەگەڵ (سائیرون) كراوەیە لەبەردەم هەمواندا، كێشەمان نییە لەگەڵ جیاكردنەوەی دەنگەكان بەدەست، بەڵام دەبێت رێژەی جیاكردنەوەكە لەنێوان لەسەدا 5 بۆ لەسەدا 10 بێت”.

3 رۆژ بەر لەوە، لێكگەیشتنێكی سەرەتایی لەنێوان هاوپەیمانییەكانی سائیرون بە سەرۆكایەتی موفتەدا سەدر، و رەوتی حیكمە بە سەرۆكایەتی عەممار حەكیم، و ئیئتیلافی وەتەنیە بە سەرۆكایەتی ئەیاد عەللاوی راگەیەندرا.

عێراق

بەسرە.. ھێزە ئەمنییەکان ڕەشبگیرییان دەستپێکردووە

خەڵک-

وەک ھەنگاوێک بۆ سەرتکوتکردنی ناڕەزاییەکان، لە ئێوارەی ئەمڕۆوە ھێزە ئەمنییەکانی عیراق لە شاری بەسرە دەستیان بە ڕەشبگیری کردووە.

میدیا عیراقییەکان ئاماژە بەوە دەکەن، لە ئێوارەی ئەمڕۆوە ھێزە ئەمنییەکانی کە براونەتە شاری بەسرە و قەزا و ناحیەکانی دەوروبەری، دەستیان بە ڕەشبگیری کردووە و بە پێی زانیارییە بەدەستھاتووەکان، نزیکی ٦٠٠ کەس لەو ھەڵمەتەدا دەستگیر کراون.

تا ئێستا ھیچ لایەنێکی حکومی ڕوونکردنەوەی لەبارەی ئەو ھەڵمەتەی ھێزە ئەمنییەکانەوە نەداوە.

 

بەردەوام بە لە خوێندنەوە

عێراق

لە خۆپیشاندانەکانی ئەمڕۆدا سێ کەس کوژران و زیاد لە دووسەد کەسیش بریندار بوون

خەڵک-

لە خۆپیشاندانەکانی پاشنیوەڕۆی ئەمڕۆ لە شاری سەماوە، ٣ خۆپیشاندەر کوژران و ١٦٠ کەسی دیکەش بریندار بوون.

میدیا عیراقییەکان ڕایانگەیاند: لە خۆپیشاندانەکانی ئەمڕۆی شارەکانی باشوری عیراق، ٣ خۆپیشاندەر لە شاری سەماوە بە تەقەی ھێزە ئەمنییەکان کوژراون، ١٦٠ کەسی دیکەش بریندار بوون.

ھەر ئەمڕۆ لە پارێزگای میسان ٢٣ خۆپیشاندەر بریندار بوون، لە خۆپیشاندانەکانی شارەکانی دیکەش بە گشتی ئەمڕۆ ٥٠ کەس بریندار بوون.

پێشتریش خۆپیشاندەرێک لە بەسرە و ٢ خۆپیشاندەریش لە شاری عەمارە کوژراون.

 

بەردەوام بە لە خوێندنەوە

عێراق

شەڕ لە نێوان چەكدارانی سەدر و خۆپیشاندەراندا ڕوویدا

خەڵك- بەشی هەواڵ

میدیاكانی عێراق بڵاویانكردەوە، چەند خولەكێك پێش ئێستا خۆپیشاندەران چوونە بەردەم بارەگایەكی سەر بە ڕەوتی سەدر لە پارێزگای بابل و بەهۆیەوە پێكدادان لە نێوان پاسەوانەكانی بارەگاكە و خۆپیشاندەراندا دروست بوو.

میدیاكانی عێراق بڵاویانكردەوە، بەهۆی پێكدادانەكەوە، كە لە قەزای “قاسم” لە پارێزگای بابل ڕوویداوە، 8 خۆپیشاندەر برینداربوون.

هەر بەپێی زانیارییەكان، خۆپیشاندەران ویستویانە بارەگاكە بسوتێنن و لەلایەن پاسەوانەكانیشەوە تەقەیان لێكراوە.

بەردەوام بە لە خوێندنەوە
ریکلام

کوردستان

دوایین