ئێمە لە تۆرە کۆمەڵایەتیەکان

جیهانی

هه‌ڵبژارده‌ی یه‌ده‌گی مۆندیال نرخه‌که‌ی (٧٠٥) ملیۆنه‌ و دوو پێکهاته‌ی پاڵه‌وانی پێدروست ده‌بێت !

خه‌ڵک سپۆرت

مۆندیالی ٢٠١٨ له‌ڕووی توانا مرۆییه‌کانه‌وه‌ جیاوازییه‌کی زۆری له‌گه‌ڵ مۆندیاله‌کانی ڕابردوو هه‌یه‌، هه‌ندێک له‌شاره‌زایان پێیان وایه‌ له‌ئاستی یاریزانان و زۆری ڕێژه‌ی باشترینه‌کاندا ئه‌م مۆندیاله‌ به‌هێزترین ده‌بێت‌ له‌مێژوودا.

له‌م باره‌یه‌وه‌ ڕۆژنامه‌ی “مارکا” ئاشکرای کردووه‌، ٣٢ هه‌ڵبژارده‌ لیستی یاریزانانیان پێشکه‌ش کردووه‌ و پێکهاته‌ سه‌ره‌کیه‌کانیان ئاشکران و له‌ئێستاوه‌ میدیاکان ده‌زانن کام یاریزانانه‌ ڕۆڵی سه‌ره‌کیان پێده‌درێت، به‌ڵام سه‌یر له‌وه‌دایه‌ که‌ کورسی یه‌ده‌گی هه‌ڵبژارده‌کان له‌م مۆندیاله‌دا پڕاوپڕی‌ باشترینه‌کانه‌ و ئه‌وه‌ش له‌ مۆندیاله‌کانی تری جیا ده‌کاته‌وه‌.

مارکا نوسیویه‌تی: ئه‌گه‌ر پێکهاته‌یه‌ک له‌ کورسی یه‌ده‌گی هه‌ڵبژارده‌ به‌شداره‌کانی مۆندیال هه‌ڵبژێرین نرخه‌که‌ی ده‌گاته‌ (٧٠٥) ملیۆن یورۆ، پێکهاته‌که‌ش به‌م شێوه‌یه‌ ده‌بێت (٣ – ٤ – ٣):

گۆڵپارێز: ئه‌ندرێ تێر شتیگن (ئه‌ڵمانیا ٦٠ ملیۆن)

به‌رگری: ئالپیلیکوێتا(ئیسپانیا ٤٠)، مارکینیۆس(به‌رازیل ٥٥)، لوکاس هێرناندێز(فه‌ره‌نسا ٣٥)

ناوه‌ند: ئاسینسیۆ(ئیسپانیا ٧٥)، ساول نیگوێز(ئیسپانیا ٧٠)، ئیلکای گۆندوگان(ئه‌ڵمانیا ٤٠)، عوسمان دیمبیلی(فه‌ره‌نسا ٨٠)

هێرشبه‌ر: هیگواین(ئه‌رجه‌نتین ٦٠)، دیبالا(ئه‌رجه‌نتین ١١٠)، فێرمینۆ(به‌رازیل ٨٠)

جگه‌ له‌و پێکهاته‌یه‌ش ده‌توانین ئه‌م یاریزانه‌ ناودارانه‌ی تر بخه‌ینه‌ سه‌ر کورسی یه‌ده‌گ:  دوگلاس کۆستا، نه‌بیل فه‌کیر، باکا، فیلیپی لویس، نزۆنزی، ئیدێرسۆن، بانێگا، ڕۆخۆ، سولی، لیمار، ڕودیگێر، ڕاشفۆرد، کۆڤاسیچ، باتشوای، فلۆریان تاوڤین.

جیهانی

پاڵه‌وانی ئیتاڵیا و جیهان: گرنگ نییه‌ به‌لامه‌وه‌ کریستیانۆ هاوسه‌ری هه‌یه‌ یان منداڵ، کێشه‌م نییه‌ و ئاماده‌م

خه‌ڵک سپۆرت

فیدریکا پیلیگرینی مه‌له‌وانی ناوداری ئیتاڵیا و جیهان، هانده‌رێکی سه‌رسه‌ختی یانه‌ی یوڤانتۆسه‌ و به‌ئاشکرا خۆشه‌ویستی خۆی بۆ کریستیانۆ ڕۆناڵدۆی پورتوگالی ده‌رده‌بڕێت.

فیدریکا چه‌ندین ساڵه‌ له‌ڕێگه‌ی تۆڕه‌ کۆمه‌ڵایه‌تیه‌کان و سکرینی ته‌له‌ڤیزیۆنه‌ وه‌رزشیه‌کانه‌وه‌‌ ئه‌وه‌ی ئاشکرا کردووه‌، که‌ هانده‌ری سه‌رسه‌ختی “خانمه‌ پیره‌که‌یه‌”، له‌ئێستاشدا دوای په‌یوه‌ندیکردنی کریستیانۆ ڕۆناڵدۆی پورتوگالی به‌و یانه‌یه‌وه‌ زیاتر یانه‌ زه‌به‌لاحه‌که‌ی تۆرینۆی له‌لا خۆشه‌ویست بووه‌.

له‌م باره‌یه‌وه‌ به‌ “موندۆ دیپۆرتیڤۆ”ی ئیسپانی ڕاگه‌یاندووه‌ :” ئه‌گه‌ر کریستیانۆ ڕۆناڵدۆ بۆ خوانێکی ئێواره‌ بانگهێشتم بکات، ڕاسته‌وخۆ قایل ده‌بم، له‌ڕاستیدا گرنگ نییه‌ به‌لامه‌وه‌ هاوسه‌ری هه‌یه‌، هاوسه‌رگیری کردووه‌ یان خاوه‌ن منداڵه‌، من کێشه‌م نییه‌”.

هه‌روه‌ها ده‌ڵێت :” پێموابێت له‌داهاتودا زیاتر سه‌ردانی یاریگای یوڤانتۆس ئارینا ده‌که‌م بۆ ئه‌وه‌ی کریستیانۆ ببینم‌ چۆن یاریی ده‌کات، زۆر حه‌زیش ده‌که‌م ڕوواو ڕوو چاوم پێی بکه‌وێت”.

لێدوانه‌کانی فریدریکا له‌نێو ماڵپه‌ڕه‌ بیانیه‌کاندا سه‌دایه‌کی به‌هێزی داوه‌ته‌وه‌، چونکه‌ به‌ ئاشکرا ده‌ریده‌خات که‌ گوێ به‌ جۆرجینا ڕۆدریگێزی خۆشه‌ویستی یاریزانه‌که‌ و ته‌نانه‌ت خۆشه‌ویسته‌که‌ی خۆشی نادات و به‌ ئاشکرا به‌یانی ده‌کات که‌ به‌ په‌یوه‌ندی سۆزداری له‌گه‌ڵ ئه‌ستێره‌که‌ی بیانکۆنێری ڕازییه‌.

پاڵه‌وانه‌‌ ئیتاڵیه‌که‌ له‌مێژوویدا توانیویه‌تی میدالیای ئاڵتونی ئۆڵمپیاد و جامی جیهانی و ئه‌وروپا به‌ده‌ست بهێنێت، مه‌له‌وانی ٢٠٠ مه‌تری سه‌ربه‌سته‌ و خاوه‌نی چه‌ندین نازناوی جیهانیه‌.

بەردەوام بە لە خوێندنەوە

جیهانی

مۆدریچ: سوپاسی مێسی ده‌که‌م، کریستیانۆ ئه‌مجاره‌ پیرۆزبایی لێنه‌کردم و ئه‌م بابه‌تانه‌ به‌ جدی ده‌گرێت !

خه‌ڵک سپۆرت

لوکا مۆدریچی کرواتی ئه‌ستێره‌ی یانه‌ی ڕیاڵ مه‌درید له‌چاوپێکه‌وتنێکدا سوپاسی لیۆنێل مێسی ئه‌فسانه‌ی زیندوی یانه‌ی به‌رشلۆنه‌ ده‌کات و له‌هه‌مان کاتدا دووپاتیده‌کاته‌وه‌، به‌رامبه‌ر کریستیانۆ ڕۆناڵدۆ ڕق له‌ دڵ نابێت.

شه‌وی ڕابردوو یه‌کێتی تۆپی پێی جیهان خه‌ڵاتی باشترینه‌کانی ساڵی ٢٠١٨ی دابه‌ش کرد و لوکا مۆدریچی کرواتی وه‌ک باشترین یاریزانی جیهان ده‌ستنیشان کرا، له‌م باره‌یه‌وه‌ به‌ ڕۆژنامه‌ی “مارکا”ی ڕاگه‌یاند :” سه‌رجه‌م خه‌ونه‌کانم به‌دیهێنا، به‌رده‌وام له‌گه‌ڵ ڕیاڵ مه‌درید هه‌وڵده‌ده‌م تا نازناوه‌کان به‌ده‌ست بهێنم، هه‌رچه‌نده‌ له‌ئێستادا ته‌مه‌نم ٣٣ ساڵه‌ هه‌میشه‌ حه‌ز ده‌که‌م ئاستم به‌ره‌وپێش ببه‌م”.

هه‌روه‌ها ده‌ڵێت :” خۆشحاڵم که‌ ڕۆژ به‌ڕۆژ ئاستم به‌ره‌وسه‌ر ده‌ڕوات و باشتر ده‌رده‌که‌وم، له‌ڕاستیدا خۆشم سه‌رسامم به‌و به‌ره‌وپێشچونه‌ که‌ زیاد له‌وه‌یه‌ چاوه‌ڕوانم ده‌کرد‌، ته‌نها ده‌مه‌وێت له‌گه‌ڵ ڕیاڵ مه‌درید به‌رده‌وام بم و بردنه‌وه‌ به‌ده‌ست بهێنم، خۆشترین کاته‌کانم ئه‌وه‌ ده‌بێت نازناوی چواره‌م له‌سه‌ریه‌کی خولی یانه‌ پاڵه‌وانه‌کان له‌ژیانی وه‌رزشیمدا مسۆگه‌ر بکه‌م”.

له‌وه‌ڵامی پرسیارێکیشدا ده‌رباره‌ی ده‌نگدانه‌کانی (فیفا) که‌ تیایدا لیۆ مێسی له‌ پله‌ی یه‌که‌مدا ده‌نگی پێداوه‌، ده‌ڵێت :” زۆر خۆشحاڵم به‌و هه‌واڵه‌، نه‌مده‌زانی مێسی ده‌نگی به‌ من داوه‌، ئه‌و یه‌کێکه‌ له‌باشترینه‌کانی جیهان، هیوام ده‌خواست به‌شداری ئاهه‌نگه‌که‌ی بکردایه‌، هیچم پێ نییه‌ بیڵێم ته‌نها سوپاس نه‌بێت، سوپاسگوازری مێسیم که‌ پێنج خاڵی پێبه‌خشێم”.

سه‌باره‌ت به‌ ئاماده‌ نه‌بونی کریستیانۆش له‌ ئاهه‌نگه‌که‌دا ڕایگه‌یاند :” کریستیانۆ هاوڕێی نزیکمه‌ و بێگومان ڕێزی ده‌گرم و خۆشمده‌وێت، به‌رامبه‌ری ڕق له‌ دڵ نیم، ئه‌مجاره‌ جیاواز له‌جاری پێشو پیرۆزبایی لێنه‌کردم، کریستیانۆ ئه‌م بابه‌تانه‌ زۆر به‌جدی ده‌گرێت”.

له‌کۆتاییشدا ده‌ڵێت :” من شایسته‌ی ئه‌وه‌بووم خه‌ڵاتی باشترین به‌ده‌ست بهێنم، حه‌زم به‌باسکردنی خۆم نییه‌، به‌ڵام توانیومه‌ وه‌رزێکی ناوازه‌ به‌ڕێبکه‌م، ئه‌وه‌ش له‌لایه‌ن ڕاهێنه‌ران و یاریزانان و ڕۆژنامه‌نوسانه‌وه‌ دووپاتکرایه‌وه‌ و به‌ ده‌نگه‌کانیان شاهێدیان بۆدام، له‌به‌رئه‌وه‌یه‌ خۆم به‌ شایسته‌ ده‌زانم”.

بەردەوام بە لە خوێندنەوە

جیهانی

(به‌وێنه‌) گه‌ڕانه‌وه‌ی مۆدریچ و ئه‌ستێره‌کانی (زه‌ بێست) بۆ یه‌که‌ی مه‌شق و ڕاهێنانه‌کانی ڕیاڵ مه‌درید

خه‌ڵک سپۆرت

شه‌وی ڕابردوو خه‌ڵاته‌کانی (زه‌ بێست) تایبه‌ت به‌ باشترینه‌کانی جیهان دابه‌شکران و لوکا مۆدریچی کرواتی ئه‌ستێره‌ی یانه‌ی ڕیاڵ مه‌درید وه‌ک باشترین یاریزانی جیهان بۆ ساڵی ٢٠١٨ ده‌ستنیشان کرا.

جگه‌ له‌ لوکا، هه‌ریه‌ک له‌ ڤاران و ڕامۆس و کۆرتوا و مارسێلۆ خه‌ڵاتیان وه‌ک باشترین و باشترینی پێکهاته‌ی جیهان به‌ده‌ست هێنا، ئه‌مڕۆش سه‌رجه‌میان گه‌ڕانه‌وه‌ سه‌ر یه‌که‌ی مه‌شق و ڕاهێنانه‌کان.

بەردەوام بە لە خوێندنەوە
ریکلام
ریکلام
ریکلام

کوردستان

دوایین