ئێمە لە تۆرە کۆمەڵایەتیەکان
ریکلام

عێراق

بەنزین لە سوتاندنی كۆگاكانی كۆمسیۆندا بەكارهێندراوە

خەڵك-بەشی هەواڵ

وەزارەتی ناوخۆی عێراق ئاشكرایكرد، بەپێی لێكۆڵینەوە سەرەتاییەكان، ئاگركەوتنەكەی شوێنی پارێزگاریكردن لە سندوقەكانی دەنگدان لە ناوچەی (رەسافە) لە رۆژهەڵاتی بەغدا بە سوودوەرگرتن لە بەنزین ئەنجام دراوە.

بەپێی هەواڵی ئاژانسی ئێسنا بڵاویكردەوە، سەعد مەعن وتەبێژی وەزارەتی ناوخۆی عێراق رایگەیاند، ئاگركەوتنەوە لە ناوچەی پارێزگاری لە سندوقەكانی دەنگدان بە ئەنقەست بووە و لێكۆڵینەوە سەرەتاییەكان ئاماژە بۆ ئەوە دەكەن، سوود لە بەنزین وەرگیراوە بۆ ئاگرتێبەردانی سندوقەكانی دەنگدان.

وتیشی، لێكۆڵینەوەكان تا بەدەستگەیشتنی ئەنجامی كۆتایی بەردەوامی هەیەو ئەنجامەكەشی لە كەناڵەكانی راگەیاندن بڵاودەكەینەوە.

لای خۆشییەوە حەیدەر عەبادی سەرۆك وەزیرانی عێراق هۆشداری دابوویە سەرجەم پارێزگاكان تاكو پارێزگارییەكی توند لە سندوقەكانی دەنگدان بكرێت، چونكە چەند گروپێك بەدوای ئەوەدان كە ئاسایشی و ئەمنییەتی هەڵبژاردنەكان بشێوێنن.

عێراق

سەرۆكی پەرلەمان: بۆ هەڵبژاردنی سەرۆك كۆمار پابەندی وادە دەستورییەكان دەبین

خەڵك- بەشی هەواڵ

سەرۆكی پەرلەمانی عێراق رایگەیاند، پابەندن بە وادە دەستورییەكانەوە بۆ هەڵبژاردنی سەرۆك كۆمار و سەرۆك وەزیرانی عێراقەوە.

محەمەد حەلبوسی سەرۆكی پەرلەمانی عێراق ئەمڕۆ دوو شەممە لەگەڵ موقتەدا سەدر ڕێبەری رەوتی سەدر كۆبووەو دوای كۆبونەوەكەش لێدوانی بۆ هەواڵنێران دا.

حەلبوسی رونیكردەوە، لە كۆبونەوەكەدا تاوتوێی پێكهێنانی حكومەت و پابەندبوون وادەی دەستوری بۆ هەڵبژاردنی سەرۆك كۆمار و سەرۆك وەزیران كراوەتەوە.

پەرلەمانی عێراق بڕیاری داوە سبەینێ 25ی ئەیلول سەرۆك كۆماری عێراق هەڵببژێردرێت، ئەمە لەحاڵێكدا لە كارنامەی كۆبونەوەی سبەینێی پەرلەمان باس لە هەڵبژاردنی سەرۆك كۆمار نەكراوە.

هاوكات ناكۆكییەكانی پارتی دیموكراتی كوردستان و یەكێتی نیشتمانی كوردستانیش قوڵبونەوە لەسەر پۆستی سەرۆك كۆمار و هەرلایەنە و كاندیدی خۆی هەیە.

بەردەوام بە لە خوێندنەوە

عێراق

لە كارنامەی كۆبونەوەی رۆژی 25ی ئەیلولی پەرلەماندا هەڵبژاردنی سەرۆك كۆمار نییە

خەڵك- بەشی هەواڵ

كارنامەی كۆبوونەوەی رۆژی سێ شەممە 25ی ئەیلولی پەرلەمانی عێراق، هەڵبژاردنی سەرۆك كۆماری عێراقی تێدا نییە.

لە كارنامەكەدا بابەتی پێكهێنانی لیژنە هەمیشەییەكانی پەرلەمان و تاوتوێكردنی دابینكردنی خزمەتگوزاری لە پارێزگای بەسرە بە ئامادەبوونی وەزیرانی تەندروستی و ئاوەدانكردنەوە و سەرچاوەكانی ئاو هەیە.

بەپێی هەندێك سەرچاوەی دیكەی هەواڵیش هەڵبژاردنی پۆستی سەرۆك كۆماری عێراق كە سەرۆكی پەرلەمانی بڕیاری دابوو لە رۆژی 25ی ئەیلوول بێت، دواخراوە بۆ كاتێكی نادیار.

هەڵبژاردنی پۆستی سەرۆك كۆماری عێراق ناكۆكییەكی توندی لە نێوان یەكێتی نیشتمانی كوردستان و پارتی دیموكراتی كوردستاندا دروستكردووە و هەردوولایان داوای پۆستەكە دەكەن.

بەردەوام بە لە خوێندنەوە

عێراق

یەكەم كەسایەتی بۆ سەرۆك وەزیرانی عیراق خۆی كاندید كرد

خەڵك- بەشی هەواڵ
كەسایەتییەكی سیاسی عیراقی لە پارێزگای بەسرە خۆی بۆ پۆستی سەرۆك وەزیرانی عیراق كاندید كرد و ڕایگەیاند، كە بەشداری هەڵبژاردنە پەرلەمانیەكەی 12ی ئایاری نەكردووە.

وابس عامود، كەسایەتی سیاسی شاری بەسرە بە ماڵپەڕی (سۆمەریە نیوز)ی عیراقی ڕاگەیاندووە، “بە فەرمی خۆم بۆ پۆستی سەرۆك وەزیرانی عیراق كاندید كردووە و داواكاریم ئاڕاستەی سەرۆكایەتی پەرلەمان كردووە، ئەوەشم لە ئاهەنگێكدا لە بەسرە بە ئامادەبوونی هەواداران و كەسایەتییە عەشایەریەكان ڕاگەیاندووە”.

وتیشی، “كوتلە سیاسیەكان تا ئێستا لەسەر دیاری كردنی كاندیدێك ڕێكنەكەوتوون، بۆیە ئەوەم بە هەڵیچك زانی”.

عامود ڕاشیگەیاندووە، كە وەك ئەركێكی ئایینی خۆم بۆ ئەو پۆستە كاندید كردووە، بەتایبەتیش لەژێر ڕۆشنایی ئەوەی پارێزگای بەسرە تووشی قەیرانی و دەردەسەری زۆر بووە و چەندین شەهیدی داوە.

جەختیشی كردۆتەوە، كە سەرجەم مەرجەكانی بوون بە سەرۆك وەزیرانی تێدایە و ئامادەیە لە دیبەیتێكدا ڕووبەڕووی سەرجەم كاندیدەكانی ئەو پۆستە ببێتەوە.

وابس سەلمان عامود ئەلشەمەری لە ساڵی 1943 لە شارۆچكەی (سەت ئەلعەرەب) لەدایك بووە و خاوەنی بڕوانامەی دكتۆرایە لە فەسلەجەی دەمار و ماسولكە لە زانكۆی (برستۆڵ) لە بەریتانیا لە ساڵی 1973 و چەندین ساڵە لە زانكۆی بەسرە وانە دەڵێتەوە و ئەندامی ئەنجومەنی پارێزگای بەسرە بووە لە ساڵی 2005- 2009 و لە ئێستاشدا لەگەڵ هاوسەرەكەی دامەزراوەی حەوانەوە و سەرپەرشتی هەتیوان بەڕێوە دەبن بەناوی (دامەزراوەی هەتیوانی نیشتمانی).

بەردەوام بە لە خوێندنەوە
ریکلام
ریکلام
ریکلام

کوردستان

دوایین