ئێمە لە تۆرە کۆمەڵایەتیەکان

جیهان

بەهۆی ساڵیادی لەدایكبوونییەوە، تڕەمپ ئەمڕۆ مۆڵەتی وەرگرت

خەڵك-بەشی هەواڵ

ئەمڕۆ پێنج شەممە دۆناڵد ترەمپ سەرۆك كۆماری ئەمریكا بەهۆی ساڵیادی لەدایكبوونیەوە مۆڵەتی وەرگرتووە.

تۆڕی سپوتنیك بڵاویكردەوە، كۆشكی سپی سەبارەت بە سازكردنی مەراسیمێك بۆ دۆناڵد ترەمپ بەبۆنەی ساڵیادی لەدایكبوونیەوە ئاشكرایكرد، هیچ بڕیارێك نییە كە سەرۆك كۆمار مەراسیمێكی گشتی بەو بۆنەیەوە ساز بكات.

ئاماژە بۆ ئەوەش دەكات، ترەمپ رۆژی چوار شەممە دوای كۆبونەوەی لەگەڵ كیم جونگ ئون سەرۆكی كۆریای باكور لە سەنگاپورە گەڕاوەتەوەو لە ئێستادا لە پشوودایە.

ئەمڕۆ پێنج شەممە دۆناڵد ترەمپ سەرۆك كۆماری ئەمریكا دەبێتە 72 ساڵ‌و بەتەمەنترین كەسە تا ئەمڕۆ سەرۆكی ئەمریكا بێت، ئەمەش لەكاتێكدایە ناوبراو لە تەمەنی 70 ساڵیدا پۆستی سەرۆكایەتی ئەمریكای بەدەستهێنا.

ترەمپ لە 14ی حوزەیرانی ساڵی 1946 لە نیویۆرك لەدایك بووە و تا ئێستاش كۆشكی سپی سەبارەت بە ئەنجامدانی مەراسیمێك بۆ ئەو مەبەستە هیچ هەواڵێكی ئاشكرا نەكردووە.

جیهان

سوپای ئیسرائیل پەلاماری کەرتی غەززەی دایەوە

خەڵک-

سوپای ئیسرائیل ئاماژە بەوە دەکات، لەمڕۆوە ئۆپەراسیۆنێکی نوێی زەمینی و ئاسمانییان بۆ سەر کەرتی غەززە دەستپێکردووە و کاتی کۆتایی ھاتنیشی دیار نییە.

لەو بارەیەوە سوپای ئیسرائیل ڕاگەیەنراوێکی بڵاوکردەوە و تیایدا دەڵێت، لە سنووری غەززەوە تەقە لە سەربازانی ئیسرائیلی کراوە و دواتر سوپای ئیسرائیل ھێرشی بۆ سەر غەززە دەستپێکردووە، لە ئێستاشدا فڕۆکە جەنگییەکان بەردەوام لەسەر ئاسمانی غەززە دەفڕن و شوێنە گومانلێکراوەکان بە ئامانج دەگرن.

ھاوکات بۆ چاودێریکردنی پێشھاتەکانی ئۆپەراسیۆنەکە، بنیامین ناتانیاھۆ سەرۆک وەزیران سەردانی سەرۆکایەتی ئەرکانی سوپای وڵاتەکەی لە تەلئەبیب کردووە.

میدیاکانیش لە زاری چالاکوانانی فەلەستینی لە کەرتی غەززەوە ئاماژە بەوە دەکەن، لە ھێرشەکانی ئەمڕۆی ئیسرائیل بۆ سەر غەززە، ٤ ھاوڵاتی مەدەنی گیانیان لەدەستداوە و ١٢ کەسی تریش بریندار بوون.

تا ئێستاش کاتی کۆتایی ھاتنی ئۆپەراسیۆنەکە دیار نییە.

بەردەوام بە لە خوێندنەوە

جیهان

ئێران.. بەھۆی تەقینەوەی کۆگایەکی نەوتی دوو کەس گیانیان لەدەستدا

خەڵک-

لە ئەنجامی گڕگرتنی کۆگایەکی نەوتیی گەورە و ڕوودانی تەقینەوە لە باشوری تاران، دوو کەس گیانیان لەدەستدا.

ئاژانسی ھەواڵی ڕەسمیی ئێران (ئیرنا) بڵاویکردەوە، رووداوەکە نزیک بە کاتژمێر ٣:٠٠ ی پاشنیوەرۆی ئەمڕۆ لە پارێزگای مەرکەزی لە باشوری تاران ڕوویداوە، کاتێک چەند کۆگایەکی نەوتی لە دامەزراوەی پیشەسازیی خومەین گڕیان گرتووە و دواتر ئاگرەکە لە لایەن تیمە تایبەتەکانەوە کۆنترۆڵ کراوە، بەڵام تا دڵنیا بوون لە ھۆکاری ڕووداوەکە، تیمەکان لەو شوێنە دەمێننەوە.

ئاژانسەکە ئاماژەی بەوەش کردووە: لەو ڕووداوەدا ٢ کەس گیانیان لەدەستداوە کە کارمەندی ئەو دامەزراوەیە بوون، ١٠ کەسی تریش بریندار بوون.

رۆژی ٢٠١٨/٦/٢٠ ش بەھۆی تەقینەوەی کارگەیەکی پێترۆکیمیایی لە پارێزگای ئابادان نزیک بە سنوری عیراق، ٢ کەس گیانیان لەدەستدا و ١٨ کەسی دیکەش بریندار بوون.

 

بەردەوام بە لە خوێندنەوە

جیهان

لە ئەڵمانیا لە هێرشێكدا 14 كەس بریندار بوون

خەڵك- بەشی هەواڵ
لە هێرشێكدا بۆ سەر پاسێك لە شاری لوكی باكوری ئەڵمانیا 14 كەس برینداربوون.

رۆژنامەی (لوبكر نخر شتین) بڵاویكردەوە، بەلایەنی كەمەوە 14 كەس بریندار بوون كە دوویان رەوشی تەندروستییان مەترسیدارە لەهێرشێكدا لە شاری لوكی باكوری ئەڵمانیا.

بەپێی سەرچاوەكان گومان دەكرێت هێرشەكە بە چەقۆ كرابێت و بەپێی راگەیەندراوی پۆلیسی هەرێمی شلسفیج هولشتاین لە توێتەر، هێزێكی ئەمنی زۆر لە شاری لوك بڵاوەیان پێكراوە.

پۆلیس دەڵێت “لەوێ هێزێكی زۆری پۆلیس بڵاوەی پێكراوە و لە رەوشەكە دەكۆڵینەوە و لە ئایندەدا زانیاری زۆرتر بڵاودەكەینەوە”.

بەردەوام بە لە خوێندنەوە
ریکلام

کوردستان

دوایین