ئێمە لە تۆرە کۆمەڵایەتیەکان

عێراق

دوای سوتاندنی سندوقەكانى دەنگدان، قاسم سولەیمانی لە بەغدا چ دەكات؟

خەڵك-سەعد مەلا عەبدوڵڵا گوڵپی

 

چەند كاتژمێرێك بەسەر سوتاندنی سندوقەكانی دەنگدان لە بەغدا تێپەڕی نەكردبوو، ئیرەج محەمەدی باڵیۆزی ئێران لە عێراق رۆژی دوو شەممە بەربانگێكی لە باڵیۆزی ئێران سازكرد بۆ هەر یەك لە موجتەبا خامەنەیی كوڕی رێبەری كۆماری ئیسلامی ئێران و قاسم سولەیمانی فەرماندەی گشتی سوپای قودسی سوپای پاسداران و نوری مالكی سەرۆك وەزیرانی پێشووی عێراق و سەرۆكی هاوپەیمانی دەوڵەتی یاسا و هادی عامری رێبەری هاوپەیمانی فەتح و كۆكردنەوەی هەموو ئەو شیعانەی كە پارێزگاری لە سەروەری ئێران دەكەن لە عێراق.

 

سەرچاوەیەكی نزیك لە باڵیۆزخانەی ئێران كە نەیویست ناوی ئاشكرا بكرێت بە (العربیە نت)ی راگەیاند، باڵیۆزی ئێران میواندارییەكی بەربانگكردنەوەی گەورەی بۆ بەرپرسانی پایە بڵندی ئێران و فەرماندەكانی حەشدی شەعبی و بەرپرسانی سیاسی هەردوو هاوپەیمانی فەتح و دەوڵەتی یاسا كرد.

 

سەرچاوەكە، وتیشی “لەكاتی بەڕێوەچوونی میواندارییەكە هەوڵەكان چڕ كرانەوە بۆ پێكهێنانی فراكسیۆنێكی گەورە لە پەرلەمانی عێراق بۆ پێكهێنانی حكومەتی ئایندەی عێراق و ئەمەش لەلایەن ئەو هاوپەیمانیەتییانەوە گفتوگۆی لەسەر كرا”.

 

بەپێی ئەو زانیارییانەی بەدەست گەیشتوون، هەوڵەكان بۆ پێكهێنانی فراكسیۆنێكی گەورە لە هاوپەیمانی دەوڵەتی یاسا كە خاوەنی 29 كورسییەو هاوپەیمانی فەتح كە خاوەنی 48 كورسی و حزبە كوردستانییەكان كە خاوەنی 43 كورسین گفتوگۆی لەسەر دەكرێت، جگە لەوەش هاوپەیمانی بچوكتر كە مەیلی رۆیشتنە نێو ئەم هاوپەیمانیەتیەیان هەیە گفتوگۆ دەكرێت تاكو كۆی كورسییەكان بگەیەنرێنە 120 كورسی.

 

لەگەڵ ئەوەشدا پەیوەندییەكان لەگەڵ حەیدەر عەبادی سەرۆك وەزیرانی عێراق و سەرۆكی هاوپەیمانی نەسر بەردەوامە، تاكو بێتە نێو ئەم هاوپەیمانییەتیەوە، لە ئەگەری هاتنی عەبادیش بۆ ئەم فراكسیۆنە گەورەیە ژمارەی كورسییەكان دەگاتە 175 كورسی.

 

سەرچاوەیەكی دیكەی ئاگادار بە (العربیە)ی راگەیاند، ئێران لە هەوڵی بەردەوامدایە لەبەرانبەر ئەو هەوڵانەی كە لەلایەن موفتەدا سەدر و ئەیاد عەلاوی و عەمار حكیم ئەنجامیان داوە دروست بكات.

 

لە هەڵبژاردنەكانی عێراق كە رۆژی 12ی مانگی رابردوو بەڕێوەچوو، هاوپەیمانی سائیرون بە سەرۆكایەتی موقتەدا سەدر 54 كورسی بەدەستهێناو پلەی یەكەمی بەدەستهێنا، بەهۆی نزیكیشیان لەگەڵ یەك ئەو سێ قەوارەیە دەتوانن 102 كورسی بۆ خۆیان كۆبكەنەوە، بەڵام گفتوگۆكانیش تا ئێستا بەردەوامیان هەیە و ئەگەری هەیە حەیدەر عەبادیش بچێتە نێو ئەم هاوپەیمانیەتییە گەورەوە.

 

بەپێی بڕیارەكانی دادگای فیدڕاڵی عێراق، گەورەترین هاوپەیمانی ناتوانێت سەرۆك وەزیران بۆ حكومەتی داهاتووی عێراق دیاری بكات، بەڵكو گەورەترین فراكسیۆن لە یەكەم كۆبونەوەی پەرلەمانی داهاتوو رادەسپێردرێت كە كەسێك بۆ سەرۆك وەزیرانی حكومەتی داهاتوو دیاری بكات.

 

لەم ساڵانەی كۆتاییدا، موقتەدا سەدر لەبەرانبەر سیاسەتەكانی ئێران وەستایەوەو چەندین جار پێچەوانەی سیاسەتەكانی ئەو وڵاتە كاری كردووە لە عێراقداو ئێستا كار بۆ پێكهێنانی حكومەتێكی تەكنۆكرات دەكات لە عێراق.

عەمار حەكیمی سەرۆكی رەوتی حیكمەش كە لەگەڵ سەدر رێكەوتووە رایگەیاندووە، دەوڵەتی داهاتووی عێراق دەبێت نە ئێرانی بێت و نە ئەمریكیش بێت.

چەندین جاریش بەرپرسانی باڵای ئێران لە دژی موقتەدا سەدر و هاوپەیمانیەتییەكەی قسەیان كردووە بەتایبەت لەلایەن عەلی ئەكبەر ویلایەتی راوێژكاری باڵای رێبەری ئێران كە پێش هەڵبژاردنەكان ئاشكرایكرد، ئێران رێگە نادات دەسەڵات لە عێراق بكەوێتە دەست لیبڕاڵ و كۆمۆنیستەكان.

ئەو هێرشانەش بە تەواوەتی لەگەڵ هاوپەیمانی سائیرون بوو كە سەدر لەگەڵ حزبی شیوعی عێراقی پێكەوە رێكەوتبوون لە پێكهێنانی لیستەكەدا.

دوای راگەیاندنی هەژماركردنەوەی دەنگەكان بە دەست، رۆژی یەك شەممی رابردوو 10-6 لە كۆگای پارێزگاری لە سندوقەكانی دەنگدان ئاگر كەوتەوەو زۆرینەی سندوقەكانی دەنگدان لە بەغدا سوتاند، ئەمەش لەكاتێكدایە كە ژمارەیەك لە قەوارەو لایەنە سیاسییەكانی عێراق ئاشكرایدەكەن، بەهۆی هەژماركردنەوەی دەنگەكان بەشێوەی ئەلیكترۆنی ساختەكارییەكی زۆر گەورە بۆ ژمارەیەك لە هاوپەیمانی و قەوارەكان كراوە.

عێراق

بەسرە.. ھێزە ئەمنییەکان ڕەشبگیرییان دەستپێکردووە

خەڵک-

وەک ھەنگاوێک بۆ سەرتکوتکردنی ناڕەزاییەکان، لە ئێوارەی ئەمڕۆوە ھێزە ئەمنییەکانی عیراق لە شاری بەسرە دەستیان بە ڕەشبگیری کردووە.

میدیا عیراقییەکان ئاماژە بەوە دەکەن، لە ئێوارەی ئەمڕۆوە ھێزە ئەمنییەکانی کە براونەتە شاری بەسرە و قەزا و ناحیەکانی دەوروبەری، دەستیان بە ڕەشبگیری کردووە و بە پێی زانیارییە بەدەستھاتووەکان، نزیکی ٦٠٠ کەس لەو ھەڵمەتەدا دەستگیر کراون.

تا ئێستا ھیچ لایەنێکی حکومی ڕوونکردنەوەی لەبارەی ئەو ھەڵمەتەی ھێزە ئەمنییەکانەوە نەداوە.

 

بەردەوام بە لە خوێندنەوە

عێراق

لە خۆپیشاندانەکانی ئەمڕۆدا سێ کەس کوژران و زیاد لە دووسەد کەسیش بریندار بوون

خەڵک-

لە خۆپیشاندانەکانی پاشنیوەڕۆی ئەمڕۆ لە شاری سەماوە، ٣ خۆپیشاندەر کوژران و ١٦٠ کەسی دیکەش بریندار بوون.

میدیا عیراقییەکان ڕایانگەیاند: لە خۆپیشاندانەکانی ئەمڕۆی شارەکانی باشوری عیراق، ٣ خۆپیشاندەر لە شاری سەماوە بە تەقەی ھێزە ئەمنییەکان کوژراون، ١٦٠ کەسی دیکەش بریندار بوون.

ھەر ئەمڕۆ لە پارێزگای میسان ٢٣ خۆپیشاندەر بریندار بوون، لە خۆپیشاندانەکانی شارەکانی دیکەش بە گشتی ئەمڕۆ ٥٠ کەس بریندار بوون.

پێشتریش خۆپیشاندەرێک لە بەسرە و ٢ خۆپیشاندەریش لە شاری عەمارە کوژراون.

 

بەردەوام بە لە خوێندنەوە

عێراق

شەڕ لە نێوان چەكدارانی سەدر و خۆپیشاندەراندا ڕوویدا

خەڵك- بەشی هەواڵ

میدیاكانی عێراق بڵاویانكردەوە، چەند خولەكێك پێش ئێستا خۆپیشاندەران چوونە بەردەم بارەگایەكی سەر بە ڕەوتی سەدر لە پارێزگای بابل و بەهۆیەوە پێكدادان لە نێوان پاسەوانەكانی بارەگاكە و خۆپیشاندەراندا دروست بوو.

میدیاكانی عێراق بڵاویانكردەوە، بەهۆی پێكدادانەكەوە، كە لە قەزای “قاسم” لە پارێزگای بابل ڕوویداوە، 8 خۆپیشاندەر برینداربوون.

هەر بەپێی زانیارییەكان، خۆپیشاندەران ویستویانە بارەگاكە بسوتێنن و لەلایەن پاسەوانەكانیشەوە تەقەیان لێكراوە.

بەردەوام بە لە خوێندنەوە
ریکلام

کوردستان

دوایین