ئێمە لە تۆرە کۆمەڵایەتیەکان
ریکلام

کوردستان

مەکتەبی سیاسیی یەکێتی ڕاگەیەنراوێکی بڵاوکردەوە

خەڵک-بەشی ھەواڵ

بەھۆی کۆچی دوایی عەبدولرەزاق فەیلی، یەکێک لە ئەندامانی دەستەی دامەزراندنی یەکێتی، مەکتەبی سیاسیی ئەو حزبە ڕاگەیەنراوێکی بڵاو کردەوە.

ئەمشەو بەھۆی نەخۆشی و لە نەخۆشخانەی فاروق لە شاری سلێمانی، پێنجەمین ئەندامی دەستەی دامەزراندنی یەکێتی کۆچی دوایی کرد.

دەقی راگەیەنراوەکە:

بەداخ و پەژارەیەكی زۆرەوە هەواڵی كۆچی دوایی سەركردەو و دامەزرێنەرێكی یەكێتیی نیشتمانی كوردستان عەبدولرەزاق فەیلی رادەگەینین، گەلی ئازادی خوازی كوردستان
كەسوكاری شەهیدان
هاوسەنگەرانی سەرۆك مام جەلال
ئەی فەیلییە مەینەت بارەكان
هەڤاڵانی یەكێتیی

مەكتەبی سیاسی ی.ن.ك بە داخ و پەژارەیەكی قوڵەوە، بە خەم و كەسەرێكی ناخ هەژێنەوە هەواڵی كۆچی دوایی عەبدولرەزاق فەیلی یەكێكی تر لە دامەزرێنەرانی یەكێتیی، دوای كەمتر لە مانگێك لە كۆچی دوایی كاك عادل موراد فەیلی دامەزرێنەرێكی تری یەكێتی كاكە رەزاقیش بەرەو جیهانی سەروەریی كوردستان و هەڤاڵ و هاوسەنگەرانی و گەلەكەی دڵە هەمیشە پڕ لە ئومێدەكەی لە لێدان كەوت، جەماوەری دڵسۆزی یەكێتی.

عەبدولرەزاق فەیلی لە ناو چەوساندنەوەی نەتەوایەتی و سیاسەتی ستەمكاری بەرامبەر فەیلییەكان و پەروەردەی كۆڵنەدان بوو، لە شەستەكانەوە وەكو لاوێكی شۆڕشگێڕ ئەركی تێكۆشانی هەڵگرتووە و زیاتر لە نیو سەدە بۆ یەك رۆژیش پشووی نەداوە، و هەردەم لە سەنگەری رزگاری و دیموكراسی و عەدالەت خوازیدا بووە.

لە دامەزراندنی كۆمەڵەی رەنجدەرانی كوردستانەوە لەسەر دەستی شەهید شەهاب و بە هاورێیەتی شەهید ئارام و رابەرایەتی مام جەلال رێبازی چەپی دیموكراسی گرتۆتەبەر، لەدوای خیانەتنامەی 6 ی جەزائیریشەوە دەستبەجێ‌ خۆی دەگەیەنێتە سوریا و شانبەشانی سەرۆك مام جەلال دەبێتە یەكێك لە وەفادارترین تێكۆشەرانی یەكێتی، لەبواری رێكخستن، راگەیاندن و دیبلۆماسی چالاكی جەماوەری و هەڵمەتەكان دژی فاشییەكان پشووی نەداوە ، كاك رەزاق كەسایەتییەكی هێمن، پاك، بێباك، فیداكار، راستگۆ، دڵسۆز بۆ راێبازەكەی و رابەرەكەی و هاورێكانی بووە، دژی هەڵپەهەڵپ و هەڵپەرستی و خۆپەرستی هەمیشە یەكێتی ناو یەكێتی یەكڕیزی كوردایەتی و هاوهەڵوێستی دیموكراتی خوازان، ئامانجی دوور و نزیكی بووە .

بەداخەوە ئەو تێكۆشەرە دێرین و سەنگین و پڕاو پڕ لە ئومێدە، ماوەیەك بوو دووچاری نەخۆشی ببوو، سەرەنجام هەر بەهۆی نەخۆشییەوە چاوی دوور لە كینەو چرای پڕ رووناكی ژیانی لێكنا و كوردستان ئاوایی لە كورد و كوردستان و هاوسەنگەرەكانی كرد.

مەكتەبی سیاسی یەكێتی لە كاتێكدا هەواڵی ئەم كۆسپە جەرگبڕە بە گەلەكەمان رادەگەیەنێت لە هەمان كاتدا پەیمان دووپاتدەكاتەوە كەوا یەكێتییەكەی مام جەلال و عەبدولرەزاق، وەكو فێرگەی رەوشتی بەرزی كوردایەتی و حزبایەتی و هاوڕێیایەتی، لە ویژدانماندا بە نەمری دەمێننەوە.

سڵاو لە پاكی و بێباكی كاك رەزاق فەیلی
هەزاران رەحمەت لە ئارامگاكەی.
مەكتەبی سیاسی ی.ن.ك
٢٠١٧/٦/١٣

ریکلام

کوردستان

کوڕەزایەکی خومەینی ھاوشێوەی باپیری لە نەجەف نیشتەجێ دەبێت

خەڵک-

میدیاکانی ئێران ئاماژە بەوە دەکەن، نەوەیەکی ئایەتوڵڵا خومەینی بە نیازە بێتە شاری نەجەف و بۆ ماوەی چەند ساڵێک ھاوشێوەی باپیرەی، لەو شارە بمێنێتەوە.

وەک ئەوەی میدیاکانی ئێران دەڵێن، بڕیارە عەلی خومەینی، نەوەی روحوڵڵا خومەینی ڕابەری شۆڕشی ئیسلامیی شوێنی نیشتەجێبوونی خۆی بۆ شاری نەجەف بگوازێتەوە و بۆ ماوەی چەند ساڵێک ھاوشێوەی باپیرەی لەو شارە نیشتەجێ ببێت.

عەلی خومەینی تەمەنی ٣٣ ساڵە و کوڕی ئەحمەد خومەینییە کە چەند ساڵێک پاش مردنی باوکی بەھۆکارێکی نادیار گیانی لەدەستداوە.

روحوڵڵا خومەینی کە لە حەفتانی سەدەی ڕابردوو لە ئێران ھەڵات، ڕووی لە شاری نەجەف کرد و بۆ ماوەی چەند ساڵێک لەو شارە مایەوە، دواتر لەسەر داوای ئێران، حکومەتی ئەوکاتی عیراق لە نەجەف دەریکرد و رۆشتە فەرەنسا و تا شوباتی ١٩٧٩ لەو وڵاتە مایەوە و دواتر گەڕایەوە ئێران.

 

بەردەوام بە لە خوێندنەوە

کوردستان

پارتی: خێزانی فوئاد حسێن مەسیحییە نەک جولەکە

خەڵک-

پاش کاندید کردنی فوئاد حسێن سەرۆکی دیوانی سەرۆکایەتیی ھەرێمی کوردستان بۆ پۆستی سەرۆکایەتیی کۆماری عیراق، چەند میدیا و تۆڕی کۆمەڵایەتیی عیراق بڵاویانکردەوە، خێزانی ناوبراو جولەکەیە و لە کاتی ھەڵبژاردنی بە سەرۆک کۆمار، ژنێکی جولەکە دەبێت بە خانمی یەکەمی عیراق.

بەڵام سۆمەرییە نیوز، لە زاری رێناس جانۆ پەرلەمانتاری پێشووی پارتی لە پەرلەمانی عیراق، ڕایگەیاندووە: “خێزانی فوئاد حسێن خانمێكی ھۆڵەندییە و بە ئایین مه‌سیحی پرۆتیستانتە‌، ئەو ژنە له‌ بنه‌ماڵه‌ی مۆنتسۆرییه‌ كه‌ له‌هه‌مو ئه‌وروپا به‌ناوبانگن نه‌ك ته‌نیا له‌ هۆڵه‌ندا.”

ئەوەشی ڕاگەیاندووە: “بنه‌ماڵه‌ی مۆنتسۆری خزمه‌تێكی زۆریان له‌بواری په‌روه‌رده‌ و فێركردندا كردووه‌ و ماریا مۆنتسۆری یه‌كێكه‌ له‌ بیرمه‌نده‌كانی ئه‌و بنه‌ماڵه‌یه ‌کە خاوه‌نی هه‌زاران قوتابخانه‌ن له‌ سه‌رتاسه‌ری دنیادا.”

 

بەردەوام بە لە خوێندنەوە

کوردستان

بە وشکبوونی دەریاچەی ورمێ شارێک نامێنێت بە ناوی تەبرێز

خەڵک-

جێگری سه‌رۆكی رێكخراوی پاراستنی ژینگه‌ی ئێران ئاماژە بەوە دەکات، ئەگەر دەریاچەی ورمێ وشک ببێت، ئەوا شارێک نامێنێت بە ناوی تەبرێزەوە.

مه‌سعود ته‌جریشی جێگری سه‌رۆكی رێكخراوی پاراستنی ژینگه‌ی ئێران لە میانی وتووێژێکی لەگەڵ رۆژنامەی (کارگران) دا ڕەخنەی توندی لە بەرپرسانی ئێران گرت سەبارەت بە فەرامۆشکردنی کارەساتی وشکبوونی دەریاچەی ورمێ.

ئەو ڕاگەیاندووە: “ئه‌گه‌ر ده‌ریاچه‌ی ورمێ وشك بكات، ئه‌وا شارێك نامێنێت به‌ناوی ته‌برێز و پێویسته‌ ئەو شارە لە شوێنی خۆی بگوازرێته‌وه.”

ئەوەشی ڕاگەیاندووە: وشكبوونی ده‌ریاچه‌كه‌ جگە لەوەی تەبرێز دەمرێنێت، كاریگه‌ری نه‌رێنی ده‌كاته‌ سه‌ر دانیشتوانی ناوچەکە، كه‌ ژیان و گوزه‌رانیان له‌سه‌ر كشتوكاڵ و ئاژه‌ڵدارییه، بۆیە پێویستە ھەرچی لەدەست دەێت بکرێت تا ڕێ بگیرێت لە وشکبوونی تەواوی دەریاچەکە.

ده‌ریاچه‌ی ورمێ پێش بچوکبوونەوە بە دووه‌م گه‌وره‌ترین ده‌ریاچه‌ی سوێر له‌ جیهان ھەژمار دەکرا، ئەو دەریاچەیە ده‌كه‌وێته‌ نێوان پارێزگاکانی ئازه‌ربایجانی خۆرئاوا و ئازه‌ربایجانی خۆرهه‌ڵات، پێش دەستپێک وشكبوونەکەی، ڕووبه‌ری ده‌ریاچه‌كه‌ ٥ هه‌زار و ٢٠٠ كیلۆمه‌تر چوارگۆشه‌ بوو، لە ئێستاشدا تەنھا نزیکی ٢٠٪ ـی ڕووبەرەکەی ئاوی تیا ماوە و نزیک بە شاری ورمێیە لە رۆژھەڵاتی کوردستان.

شاری تەبرێزیش دوای تاران و مەشھەد سێیەمین گەورەترین شاری ئێرانە و بەپێی داتای ساڵی ٢٠١٦، دانیشتووانی شارەکە نزیک بە ٢ ملیۆن و ٥٠٠ ھەزار کەسە، زۆرینەی دانیشتووانەکەشی تورکی ئازەرین، کوردیش بە پلەی دووەم دێن لە شارەکە.

ئەم وێنەیەش قەبارەی دەریاچەکە پیشاندەدات لە نێوان ساڵانی ٢٠٠٠ تا ٢٠١٤

بەردەوام بە لە خوێندنەوە
ریکلام
ریکلام
ریکلام

کوردستان

دوایین