ئێمە لە تۆرە کۆمەڵایەتیەکان

ئۆتۆمبێل و تەکنەلۆژیا

دە سەیرترین دیزاینەکانی مۆبایل لە ڕابردوودا

خەڵک-

پێش برەو پەیداکردنی مۆبایل بەم دیزانە باوانەی ئێستا ھەن، کۆمپانیاکانی دروستکردنی مۆبایل لە پێنا سەرنجراکێشان و تازەگەری، ساڵانە دەیان دیزاینی سەیر و ناکردەیی مۆبایلیان دەخستە بازاڕەوە بە بێ ئەوەی لەوە بترسن فرۆشیان لە بازاڕدا ھەرەس بھێنێت، چونکە ھەمیشە ھەڵبژاردەی ئاسایی دیکەیان لە بازاڕدا بووە و بەوەش نەترساون سەکێشییە نوێیەکانیان شکست بھێنێت.

لێرەدا ئاماژە بە چەند دانەیەک لەو مۆبایلانە دەکەین:

1-مۆبایلی Haier P7، کە لە شێوەی قەڵەمدا دروستکراوە، کیبۆردێکی ١٢ دوگمەیی لەگەڵ شاشەیەکی بچوک ھەیە، لە پشتەوەشی کامێرایەکی ٢ مێگاپێکسڵیی لەسەرە و دەشتوانیت بیکەیت بە گیرفانی سەر قۆڵەکەتەوە.
ژمارەیەکی کەم مۆبایلە بەھەم ھێنرا و خواستی زۆری لەسەر نەبوو، بۆیە بەرھەمھێنانی وەستێنرا.

٢- لە ساڵی ٢٠٠٣ کۆمپانیای نۆکیا زنجیرە دیزاینێکی بڵاوکردەوە بە دوو گۆشەی تیژ و دوو گۆشەی چەماوە، بەڵام سەیرترینیان مۆبایلی Nokia 7600 بوو، کە شێوەیەکی چوارگۆشەیی ھەبوو، دوگمەکانیشی بە ھەردوو لای چوارگۆشەکەدا دابەشکرابوون.
بەھۆی ناکردەیی بەکارھێنانییەوە ئەم مۆبایلە کڕیاری زۆر کەم بوو، بەڵام کۆمپانیای نۆکیا دیزاینە نویێیەکەی لەسەر مۆبایلێکی دیکە Nokia 7610 دانا و سەرکەوتنی بەرچاوی بەدەست ھێنا.

٣- مۆبایلی Nokia 7280 زەمەنێک پێش مۆبایلە لەمسەکان دروستکراوە، ئەم مۆبایلە ھیچ دوگمەی لەسەر نییە، بەڵکو بە سوڕاندنی دوو لای مۆبایلەکە لە ئاراستەی ژمارە و پیتەکان و وەستان لەسەریان، ژمارەکە یان پیتەکە دەنوسێت.
بیرۆکەی مۆبایلەکەش ئاراستەی ئەو خانمانە کرابوو گرنگی بە باتەتی جوانکاریی دەدەنن بەڵام نەیتوانی ئامانجی خۆی بپێکێت.

٤- مۆبایلی Nokia N-Gage، ئەم مۆبایلەش بەرھەمی ساڵی ٢٠٠٣ یە، لەسەرەتای ئەو دەیە یارییە کۆمپیوتەرییە دەستییەکان باوی بوو، کۆمپانیای Nintendo ش پێشڕەویی ھەبوو لەو بوارەدا، نۆکیاش بۆ ئەوەی سەرنجی گەیمەرەکان رابکێشێت، ئەم مۆبایلەی بۆ دیزاین کردن.
مۆبایلەکە چەند یارییەکی خرابوویە سەر و سیستمی کارپێکردنەکەشی بە شێوەیەک بوو دەتوانرا یاریی دیکەی بۆ زیاد بکرێت، سەرکەوتنێکی ناوەندیی بۆ کۆمپانیاکە بەدەستھێنا.

٥- مۆبایلی Siemens Xelibri 6، لەسەرەتای دەیەی یەکەمی ئەم سەدەیە، کۆمپانیای سیمینزی ئەڵمانی زنجیرەیەک مۆبایلی خستە بازاڕەوە، یەکێک لەو مۆبایلانەش تایبەت کرابوو بە خانمان، بەڵام زۆریی ھەڵبژاردنەکانی ئەوکاتی Nokia و Sony Ericson لە بازاڕدا، بواریان بۆ بەرھەمی ھیچ کۆمپانیایەکی دیکە نەھێشتبوویەوە، مۆبایلەکەش پاش ماوەیەک لە بەرھەمھێنان ڕاگیرا.

٦- مۆبایلی Nokia N90، بەدیزاینێکی نوێ و شۆرشگێرانە لە بواری مۆبایل ھەژمار کرا، بە شێوەیەک دەتوانرا شاشە و کامێرا ٢ مێگاپێکسڵییەکەی بە ئاراستەی جیاواز بسوڕێنرێت، لە کورستانیش خەڵکێکی زۆر لەو مۆبایلەیان کڕیبوو.

٧- مۆبایلی Samsung SPH-N270 Matrix، وادیارە کاریگەریی فیلمی ماتریکس ئەو کات تەنھا بواری سینەمای نەگرتبوویەوە، بەڵکو بۆ بەرھەمە تەکنۆلۆجییەکانیش سەری کێشابوو، ئەم مۆبایلەی سامسۆنگ یەکێک بوو لەو بەرھەمانەی ئاراستەی ئەو کەسانە کرا حەزیان بە بابەتی تەکنۆلۆجی داھاتوو دەکرد.

٨- مۆبایلی Samsung Serene، دیزاینێکی دیکەی سامسۆنگ بوو بە شێوەی دەفتەری، لەکاتی داخستنیدا ھەست ناکرێت مۆبایل بێت.

٩- مۆبایلی Nokia 3250، بەشی خوارەوەی مۆبایلەکە دەسوڕا و کە ھەڵدەگەڕایەوە لە جیاتی کیبۆرد، میوزیک پلایەر دەھاتە بەرچاو، ئەویش بۆ تۆخکردنەوەی ئەو تەکنۆلۆجیا نوێیەی ڕێگای دەدا لە ئامێرێکی بچوکدا بەردەوام گوێ لە میوزیک بگریت، ئەویش لە ساڵی ٢٠٠٦ دا.

١٠- مۆبایلی Toshiba G450، کاتێک تۆشیبا ئەم ئامێرەی لە ٢٠١١ خستە بازاڕەوە، دوو سیستمی ئەندرۆید و ئای ئۆ ئێس ھێواش ھێواش خەریکی کۆنترۆڵکردنی بازاڕ بوون، بەڵام کۆمپانیاکە ویستی ھەنگاوێک بگەڕێتەوە و ئەم ئامێرەی خستە بازاڕەوە کە لە سێ بازنە پێکھاتووە، بازنەیەک شاشەیە و دووانەکەی دیکەش کیبۆرد.

ریکلام

ئۆتۆمبێل و تەکنەلۆژیا

زنجیرەی هواوی مایت 10 : زۆر چالاكە لەگەڵ تێپەربوونی كات

سمارت فۆن بۆتە بەشێكی سەرەكی لە ژیانی خەڵكدا ئەوانەی پێیان وایە كە بەكارهێنانی ئاسان، فاكتەرێكی گرنگە لەهەڵبژاردنی مۆبایلێك ، وەكو مرۆڤ، مۆبایل لە رووی تەمەنەوە بەرو پێش دەڕوات و لەگەڵ كاتدا ماندوو دەبێت، لەدوای چەند مانگێك لەبەكارهێنان، مۆبایلەكان سست دەبن و داوكەوتنیان پێوە دیار دەبێت لە جێبەجێكردنی ئەركەكان، بەپێی دروشمی ( خێرا لەدایك بوو، بەخێراییش دەمێنێتەوە) زنجیرەی مۆبایلی هواوی مایت 10 بە پرۆسێسەری كیرین 970 بەرهەم هاتووە بۆ ئەوەی ئەزموونێكی ئاسان ببەخشێت بە درێژایی ماوەی كاركردنی .

چیرۆكی سەركەوتنی هواوی مایت 10
پێش چەند مانگێك هواوی زنجیرەی HUAWEI P20 وەشاند، وەشاندنی ئەم زنجیرەیە هاوكات بوو لەگەڵ وەشاندنی مۆبایلی PORSCHE DESIGN HUAWEI Mate RS، زنجیرەی مۆبایلی HUAWEI P تایبەتە بە مۆدا و وێنەگرتنی فۆتۆگرافی لەو كاتەی زنجیرەی هواوی مایت ئاماژە بۆ توانای بەهێز و داهێنان دەكات .
لەساڵی 2013 هواوی زنجیرەی هواوی مایتی وەشاند، كە مایەی خۆشحاڵی بەكارهێنەران بوو، چونكە شاشەكەی گەورەبوو، ئەزموونێكی سەیركردنێكی ناوازەی دەبەخشی، لەگەڵ هەر وەشاندنێكی هواوی مایتدا، هواوی تایبەتمەندی و داهێنانی تازەی پێشكەش دەكرد، ئەم زنجیرەیە بەوە ناسراو بوو كەشاشەی گەورە و پرۆسێسەری كیرین و تواناكانی زیرەكی دەستكرد لەخۆدەگرێت، كە بووە هۆكاری ئەوەی سەركەوتنی بێ وێنە لەسەرتاسەری جیهان بەدەست بهێنێت، هواوی مایت 7 پرۆسێسەری كیرین 925 ی تێدابوو كەبۆیەكەمجار مۆبایلێكی ئەندرۆید تایبەتمەندی كردنەوەی شاشە بە پەنجەمۆری تێدابێت، هواوی مایت 9 پرۆسێسەری كیرین 960ی تێدا بوو كەتوانای كاركردنی بەرزكردەوە .

هواوی مایت 9 بەوە جیادەكرایەوە كەدەبل كامیرای لایكا و پاتریەكی بەهێزی 4000 میلی ئەمپێر لەكاتژمێرێكدا لەخۆدەگرێت، لەگەڵ تەكنەلۆژیای SuperCharge كە مۆبایلەكە بە 20 خولەك چارچ كردن بۆدوو رۆژ كاركردن بەردەوام دەبێت .
زنجیرەی مۆبایلی هواوی مایت 10 دەسكەوتێكی گەورە بوو چونكە لەو كاتەدا تاكە مۆبایل بوو كە تەكنەلۆژیای زیرەكی دەستكردی لەخۆگرتبوو .

پرۆسێسەری تایبەت لە هواوی بۆ توانایەكی خێرا
هواوی مایت 10 پرۆسێسەری كیرین 970ی خێرای تێدایە پاڵپشت بە تەكنەلۆژیای زیرەكی دەستكرد، پرۆسێسەری كیرین 970 یەكەی چارەسەری هەستیاری سەربەخۆ (NPU) لەخۆدەگرێت كەوا دەكات خێرایی مۆبایلەكە 25 جار زیاتر بێت لەیەكەی چارەسەری ئاسایی (CPU)، لەگەڵ تواناكانی زیرەكی دەستكرد، یەكەی چارەسەری هەستیاری سەربەخۆ (NPU) وادەكات هواوی مایت 10 بەئاسانی كاربكات و توانایەكی بێ وێنەی پێ دەبەخشێت، هەروەها پرۆسێسەرەكە توانای فێربوونی هەیە كەوا دەكات راستەخۆ بگونجێت لەگەڵ هەڵسوكەوتی بەكارهێنەران، بەوەش مۆبایلەكە لە هەڵسوكەوتی بەكارهێنەر تێدەگات و پێشبینی هەڵسوكەوتی داهاتوو دەكات، یەكەی چارەسەری سەرەكی CPU و یەكەی چارەسەری وێنەكان GPU یارمەتیدەر دەبێت بۆ توانای كاركردنی زیرەكتر و خێراتر بە رێژەی 25% بەبەراورد لەگەڵ مۆبایلەكانی پێشووتر، هاوی مایت 10، پارێزگاری لەبەڵێنەكەی (خێرا لەدایك بوو، بەخێراییش دەمێنێتەوە) دەكات، هەروەها زامنی توانای كاركردنی خێرا و ئەزمززنێكی ئاسان دەكات لە دوای 16 مانگ لە بەكارهێنانی .

لەگەڵ توانای خێرایی، هواوی مایت 10 پاتریەكی بەهێز بەقەبارەی 4000 میلی ئەمپێر لەكاتژمێكدا لەگەڵ سیستەمێكی زیرەك بۆ بەكارهێنانی پاتریەكە لەگەڵ تەكنەلۆژیاری چارچی خێرا SuperCharge، هەروەها زنجیرەی هواوی مایت 10 سیستەمی كامیرای زیرەك پێشكەش دەكات بۆ ناسینەوەی وێنەكان كەبریتیە لە دەبل كامیرای لایكا بە تەكنەلۆژیای زیرەكی دەستكرد بەهەستیاری یەك رەنگی بەكوالیتی 20 میگاپیكسل و هەستیاری رەنگەكان RGB بە كوالیتی 12 میگاپیكسل، 100 ملیۆن وێنە هەڵدەگرێت كەتوانای ناسینەوەی 13 سیناریۆی هەیە وەك ئاسمان و درەخت و ئاژەڵی ماڵی و كەنار دەریا و هتد، هەروەها توانای ناسینەوەی تەنەكان و دیمەنەكانی هەیە بەخێرایی چونكە تەنەكان و دیمەنەكان لەلای خۆی هەڵدەگرێت وزانیاریەكان دەربارەی ئەوانە لە مۆبایلەكە بارگۆ دەكات، مانای ئەوەیە كاتێك بەكارهێنەر دیمەنەكە یان تەنەكان دووبارەدەكاتەوە مۆبایلەكە دەیناسێتەوە و گۆڕانكاری پێویستی بۆ ئەنجام دەدات .


زنجیرەی هواوی مایت 10 دەسكەوتێكی گرنگە لەبازاڕی مۆبایلدا و پابەندبوونی هواوی دووپاتدەكاتەوە لە داهێنانی بەردەوام ، لە دوای تەكنەلۆژیای زیرەكی دەستكرد چی لە رێگایە، هواوی بێگومان سوپرایزی بەردەوامی هەیە .

بەردەوام بە لە خوێندنەوە

ئۆتۆمبێل و تەکنەلۆژیا

شۆڕشێكی نوێی خێراكردنی كۆمپیوتەر سەرهەڵدەدات

خەڵك- تەكنەلۆژیا

بەهۆی بەكارهێنانی گرافین خێرایی كۆمپیوتەر و ئامێرە زیرەكەكان دەگاتە هەزار هێندەی ئێستا.

داهێنانی ترانسزتەر و پاشان مایكرۆپرۆسێسەر لەڕابردوودا شۆرشێكبوون لە تەكنەلۆجیادا، كە بوونە هۆی زیادبونی خێرایی كۆمپیوتەر و ئامێرە زیرەكەكان، ئەمەش بەهۆی كەمبونەوەی كاتی پێویست بۆ جێبەجێكردنی ئاماژەكان لەلایەن پارچەكانی پرۆسێسینگی كۆمپیوتەرەكان، لەئێستاشدا چاوەڕوان دەكرێت دۆزینەوەی گرافین بەهەمان شێوە ببێتە سەرەتای شۆڕشێكی نوێ لە دنیای تەكنەلۆجیادا.

پێشبینی دەكرێت لەداهاتویەكی نزیكدا گرافین بكرێتە جێگرەوەی سیلیكۆن و مس لەدروستكردنی ئامێرە زیرەكەكان و كۆمپیوتەردا، چونكە بەبەراورد بەمس و سلیكۆن گرافین توانای گەیاندنی تەزوی كارەبای ١٠ هێندە زیاترە ، و ٢٥٠ هێندە زیاترە لە سلیكۆن.

بەكارهێنانی گرافین لە دروستكردنی دەرگا لۆژیكییەكان (logic gates) كە پێكهێنەری سەرەكین لە مایكرۆپڕۆسێسەر و بەعەقڵی كۆمپیوتەرەكان هەژماردەكرێن، دەبێتە هۆی ئەوەی خێرایی بەجێگەیاندن(processing) لەیەكەی جێبەجێكردنی ناوەندی (CPU) لەئامێرە زیرەكەكان و كۆمپیوتەرەكاندا بۆ تێراهێرتز زیاد بكات، لەكاتێكدا لە ساڵی ٢٠٠٥ەوە خێراییەكەیان لە نێوان ٣ بۆ ٤ گێگا هێرتز  وەستاوە، ئەمەش بەهۆی سنورداری توانای سلیكۆنەوەیە لەگەیاندنی تەزووی كارەبا و زۆری بەرگری بەبەراورد بەگرافین.

ماڵپەڕی تایبەت بەگرافین ئاماژەی بەوەكردووە، هەوڵدەدرێت لە داهاتویەكی نزیدا لە پیشەسازی ئۆتۆمبێل و كوتاڵدا بە كاربهێنرێت، چونكە گرافین نیمچە كانزایەكی زۆر سەختە و توانای بەرزی بۆ زەبرە ئاڕاستەكراوەكان بەبەراورد بە ئاسن هەیە، ئەمە لەكاتێكدایە لەئێستادا بەرهەمی گرافین (پێنوسی گرافیت) بەردەستە.

ئەمە لەكاتێكدایە پێشتر گرافین هەبووە، بەڵام لەگەڵ فۆرمە جیاوازەكانی دیكەی كاربۆندا تێكەڵكرابوو.

گرافین فۆرمێكە لە فۆرمە جیاوازەكانی كاربۆن، لەسەرەتای ساڵانی ٢٠٠٠ لەلایەن زانایان و لێكۆڵەرەوان كاری لەسەركراوە، هەرچەندە پێشتر لە ساڵی ١٩٤٠ی زایینی بەشێوەیەكی سەرەتایی و تیۆری كاری لەسەر كرابوو، بەڵام تیمێك لە زانایانی بواری فیزیا لە زانكۆی مانچستەر لە وڵاتی بەریتانیا بەسەرۆكایەتی هەردوو زانای بواری فیزیا (Andre Geim) و (Konstantin Novoselov)لە ساڵی ٢٠٠٤ دۆزینەوەی گرافینیان ڕاگەیاند، هەر بۆیە خەڵاتی نۆبڵ لە بواری فیزیادا بۆ ساڵی ٢٠١٠ بەخشرایە هەردوو زانای فیزیایی ناوبراو.

لەم بابەتەوە دەردەكەوێت، خێرایی كۆمپیتەر دەگاتە هەزار هێندەی ئێستا، بەڵام ئایا گرافین دەستپێكی شۆڕشێكی دیكەی نوێیە لە تەكنەلۆجیادا؟ وەڵامی ئەم پرسیارە جێدەهێڵین بۆ ساڵەكان یان مانگەكانی داهاتوو.

ئامادەكردنی: ڕێبوار ڕەیس

سەرچاوەكان:

Friedman, J. S., A. Girdhar, et al. (2017). “Cascaded spintronic logic with low-dimensional carbon.” Nature Communications8: 15635.

https://www.graphenea.com/pages/graphene#.W00EnPZuLIU

بەردەوام بە لە خوێندنەوە

ئۆتۆمبێل و تەکنەلۆژیا

سۆفیا یەکەم ڕۆبۆت لەسەر قاچ دەڕوات قسە دەکات هاوشێوەی مرۆڤ

خەڵک –
داهێنانە تەکنەلۆژییەکان ڕۆژ لە دوای ڕۆژ زیاتر و زیاتر گەشە دەسەنن،  ڕۆبۆتی سۆفیا  کە لە ساڵی ٢٠١٥ ەوە کاری لەسەر دەکرێت، دەتوانێت هەتا دووری 0.6 میل لە کاتژمێرێکدا بڕوات بە هاوکاری قاچە جێگیر و پتەوەکانی.

لە ماوەی ڕابردووداو لە کۆنگرەی ئامێرە زیرەک و ڕۆبۆتەکاندا، کەناڵی CNBC دیمانەیەکی سۆفیای بڵاوکردەوە  کە سۆفیاى ڕۆبۆت گفتوگۆ دەکات لەگەڵ ڕۆژنامەنوسەکەدا  دەربارەی داهاتووی تەکنەلۆژیا .

سۆفیا، هەر ئەوەندەنییە کە بڕوات و قسەش بکات،  دەتوانێت سەری بجوڵێنێت بەملاو لادا، برۆ و چاوەکانی دەجوڵێنێت، بە پێی ئەو بارەی تێیدایە خەندەی پێویست دەکات بۆ بەرامبەرەکەی کە پێک دێت لە ٦٠ جوڵەی جۆراوجۆری دەموچاو.

دەست جوڵان بە هەموو جۆرێک تایبەتمەندییەکی دیکەی خاتوو سۆفیای ڕۆبۆته.

Image result for Sophia robot

Image result for Sophia robotImage result for Sophia robot

بەردەوام بە لە خوێندنەوە
ریکلام

کوردستان

دوایین