ئێمە لە تۆرە کۆمەڵایەتیەکان

عێراق

بڕیارەکانی پەرلەمان لە بازنەیەکی داخراودا دەخولێنەوە

خەڵک-بەشی ھەواڵ

 خولی سێیەمی پەرلەمانی عیراق کەمتر لە مانگێک ماوەی ئاسایی خۆی ماوە، بڕیارەکانیشی دەربارەی ئەنجامەکانی ھەڵبژاردنی ١٢ ئایاری رابردوو دەبێت لەو ماوەیەدا لە لایەن دادگاوە یەکلایی بکرێتەوە و سەرۆکایەتی کۆماریش واژۆی لەسەر بکات، ئەگەر نا لە ڕووی یاساییەوە ناتوانرێت حکومەت پێکبھێنرێت.

رۆژی ٢٠١٨/٦/٦، پەرلەمانی عیراق زنجیرە بڕیارێکی لەبارەی ئەنجامەکانی ھەڵبژاردنی ١٢ـی ئایاری ڕابروو دەرکرد، بەڵام بڕیارەکان ھێشتا قۆناغی کۆتایی خۆیان وەرنەگرتووە و وەک پرۆژە یاسا ماونەتەوە، کاتی کەمیش ماوە پەرلەمان بتوانێت بەرگریی لە پرۆژە یاساکەی خۆی بکات لە دادگای فیدراڵی.

تەمەنی ئاسایی ئەم خولەی پەرلەمان لە ٢٠١٨/٦/٣٠ کۆتایی دێت، دەبێت تا ئەو کاتە دادگای فیدراڵی کێشەی بڕیارەکانی پەرلەمان یەکلایی بکاتەوە، ئەگەر نەشتوانێت یەکلایی بکاتەوە، ئەوا ناتوانێت ئەنجامەکان پەسەند بکات و خولی داھاتووی پەرلەمانیش ناتوانێت کۆ ببێتەوە.

لە ئێستاشدا بڕیارەکان لە بازنەیەکدا دەخولێنەوە، دادگا ناتوانێت لە ماوەی ١٧ رۆژی داھاتوو بڕیاری کۆتایی بدات، لەو ماوەیەش بەدوا وڵات دەکەوێتە بۆشایی دەستوریی و لە نەمانی پەرلەمانیشدا دادگا ناتوانێت بە تەنھا ئەرکی گواستنەوەی دەسەڵاتی یاسادانان بگرێتە ئەستۆ.

عێراق

ئێران هۆكاری بڕینی كارەبای عیراقی ئاشكراكرد

خەڵك- بەشی هەواڵ
وەزیری وزەی ئێران، هۆكاری ڕاگرتنی هەناردەكردنی وزەی كارەبا بۆ عیراق ڕادەگەیەنێت و دەڵێت، “ڕاگرتنەكە بەپێی ڕێكەوتنی پێشووتر بووە لەبارەی زیاتر گرنگیدان بەپڕكردنەوەی پێداویستییەكان”.

ئاژانسی دەنگوباسی (فارس)ی ئێرانی لە زاری ڕەزا ئەردەكانیان، وەزیری وزەی ئێرانەوە بڵاویكردەوە، “هەموو گرێبەست و ڕێكەوتنێك بۆ ئاڵوگۆڕی وزە چوارچێوە و پابەندبوونی خۆی هەیە، وڵاتی هەناردەكەریش كاتێك خۆی پێویستی زۆری بەو زەیە دەبێت، پێداویستییە ناوخۆییەكان دەخاتە پێش بەرژەوەندییەكانی ترەوە”.

بە وتەی ئەردەكانیان، “عیراق پێویستییەكی زۆری بە كارەبا هەیە، بە تایبەت لە وەزری هاوین، كە بەشێك لەو پێداویستییە لەڕێی هێڵەكانی گواستنەوەی وزەوە دابین دەكات، ئێمە پەیوەندییەكی بەردەواممان لەگەڵ لایەنی عیراقی هەیە و وەزیری كارەبای عیراقیش سەردانی ئێرانی كرد و لە نزیكەوە ئاگارداریی سنورداریی و پێداویستییەكانی بەشە وزەی ئێمە بوو”.

وەزیری وەزەی ئێران دەڵێت: “ئێران لەپێناو فراوانكردنی ئاڵوگۆڕەكانی لەگەڵ وڵاتانی دراوسێ‌، بەنیازە هێڵێكی گواستنەوەی تر لەگەڵ توركمانستان دابمەزرێنێت و بە هەمان شێوە لەگەڵ ئەرمینیا، كاتێكیش ئەو هێڵانە تەواو دەبن و وڵات تواناكانی لەڕووی وزەوە زیاد دەكات، ئەو كات پابەند دەبین بەرانبەر بەو وڵاتانەی وزەیان بۆ هەناردە دەكەین”.

پێشتر وەزارەتی كارەبای عیراق ڕایگەیاندبوو، ئێران ئەو هێڵە كارەبایەی بڕیوە، كە بۆ عیراق دەهات، ئەمەش هێندەی تر قەیرانی كارەبای لە وڵاتدا قوڵتركردەوە.

ماوەی چەند ڕۆژێكە خۆپیشاندانی ناڕەزایی لە شارەكانی باشووری عیراقدا بەڕێوەدەچێت و یەكێك لە داواكارییەكانی خۆپیشاندەرانیش، باشتركردنی خزمەتگوزارییەكانە و بە تایبەتیش باشكردنی كارەبا.

بەردەوام بە لە خوێندنەوە

عێراق

ڕێنمایی بۆ خۆپیشاندەران دەردەچێت

خەڵك- بەشی هەواڵ
فەرماندەیی ئۆپەراسیۆنە هاوبەشەكان، چەندان ڕێنمایی بۆ خۆپیشاندەران دەردەكات و داوایان لێدەكات پشتیوانی لە تەواوی هێزە ئەمنییەكان بكەن.

عەمید یەحیا ڕەسوڵ، وتەبێژی فەرماندەیی هێزە هاوبەشەكان لە كۆنفڕانسێكی ڕۆژنامەوانیدا ڕایگەیاند، “داوا لە ڕۆڵەكانی گەل دەكەین، زانیاریی لەبارەی ئەو كەسانەوە بدەن، كە خۆیان خزاندۆتە نێو خۆپیشاندەران و زیان بە دامەزراوە گشتییەكان و دەزگا حكومییەكان دەگەیەنن”، ئەمەش لەلایەن یەحیا رەسوڵەوە بە ئەركێكی نیشتمانی وەسفكرابوو، كە بە وتەی ئەو، “فڕۆكەخانە و بیرە نەوتییەكان و دامەزراوە حكومییەكان سامانی گەلە و سامانی تاكە كەسێك نییە”.

یەحیا رەسوڵ ڕایگەیاند، “شوێن بۆ خۆپیشاندان تەرخان كراوە، دەكرێت لەو شوێنانەدا خۆپیشاندان بكرێت و داوای مافەكان بكرێت”، بەپێویستیشی زانیبوو، هەماهەنگی هێزە چەكدارەكان بكرێت بۆ پارێزگاریی و بەڕێوەچوونی ئاشتیانەی خۆپیشاندانەكان و ڕێگرتن لە هەموو ئەوانەی، كە بڕوایان بە عیراقێكی یەكگرتووەی سەركەوتوو نییە.

وتەبێژی ئۆپەراسیۆنە هاوبەشەكانی عیراق، تەئكیدی لەسەر گرنگی پشتوانیكردن لە هێزە چەكدارەكان كردبۆوە، داوای لە خۆپیشاندەران كردبوو، توانا جەنگییەكانی ئەو هێزانە بەفیڕۆنەدرێت لە ململانێیەكدا، كە نازانرێت ئامانجەكەی چییە، ڕووبەڕبوونەوەی تیرۆر و لەناوبردنی پاشماوەكانی تیرۆریشی بە ئەلەویەتی ئەم قۆناغە لەقەڵەمدابوو.

بۆ چەند ڕۆژێك دەچێت، ژمارەیەك لە پارێزگاكانی عیراق خۆپیشاندانی ناڕەزایی بەخۆوە دەبینن و تێیدا خۆپیشاندەران داوای باشتركردنی خزمەتگوزارییە گشتییەكان و دابینكردنی ئاو و كارەبا و نەهێشتنی بێكاریی و بنبڕكردنی گەندەڵی لە فەرمانگەكانی دەوڵەتدا دەكەن، بەڵام لە خۆپیشاندانەكاندا كاریی توندوتیژی تێكەوت و بەو هۆیەوە ژمارەیەكی زۆر بریندار بوون و زیانی زۆر بە دامەزراوەكانی دەوڵەت كەوت.

بەردەوام بە لە خوێندنەوە

عێراق

بەوێنە و ڤیدیۆ؛ ئۆتۆمبێلە دەگمەنەكەی سەدام حسێن لە ئەمریكا دەركەوت

خەڵك- بەشی هەواڵ
ماڵپەڕێكی ئەمریكی، وێنە و ڤیدیۆی ئۆتۆمبێلە دەگمەنەكەی سەدام حسێن، سەرۆكی لەسیدارەدراوی عیراق بڵاودەكاتەوە.

بەپێی ماڵپەڕی ئەلكیترۆنی ڕۆژنامەی(Detroit Free Press)ی ئەمریكی، ئۆتۆمبێلەكە لە پێشانگای(Concoursd’Elegance) بۆ ئۆتۆمبێلەكان لە ولایەتە یەكگرتووەكانی ئەمریكا لە ڕۆژی چوار شەممەی ڕابردوو نمایشكرابوو، ئۆتۆمبێلەكە لە جۆرێكی دەگمەنی بنتلی(Bentley) ی مۆدێل 1958-ە.

لوواند همۆند، وتەبیژی ماڵپەڕی (دراینفینگ زە نایشۆن دۆت كۆم) دەڵێت: “لە ڤیدیۆكەدا وێنەی ئەو تۆمبێلە دەردەكەوێت وەك چۆن دۆزراوەتەوە (نە كورسی و سندوقەكانی مابوون، چەندان گوللـەشی پێوە بوو)، ئەوە ئۆتۆمبێلی بنتلی مۆدێل 1958 و تەنیا 31 ئۆتۆمبێلی لەو جۆرە دروستكراوە و تاكە ئۆتۆمبێلیشە، كە لەلایەن خانەوادەیەكی شاهانەوە كڕدراوە”.

همۆند دەڵێت: “لە مانگی ئاداری ساڵی 1958 ڕادەستی خانەوادەی شاهانە كراوە لە عیراق و بۆ ماوەی 10 ساڵ بەو شێوەیە ماوەتەوە، بەڵام دواتر لەلایەن بازرگانێكی عیراق بە ناوی جەنابیەوە كڕدراوە”.

وەك وتەبیژی ماڵپەڕەكە ئاماژەی پێ‌ كردووە، “ئەو پیاوە ڕەنگی ئۆتۆمبێلەكەی گۆڕیوە بۆ سپی و لە زەماوەندی كچەكەیدا بەكاری هێناوە، دواتر لە یەكێك لەو فیلمانەدا دەركەوتووە، كە باس لە چیرۆكی خانەوادەی شاهانەی عیراق دەكات، بەڵام لەدوای دەرچوونی فیلمەكە، سەدام حسێن دارودەستەكەی ناردووە تا بیكڕن، چونكە سەدام لە ئارەزوومەندانی كۆكردنەوەی ئۆتۆمبێلە دەگمەنەكان بوو”.

بە وتەی همۆند، “دوای ئەوەی خاوەنەكەی ڕەتیكردۆتەوە ئۆتۆمبێلەكە بفرۆشێت، سەدام حسێن بە زۆر دەستی بەسەریدا گرتووە، بەڵام لەپاش ڕوخاندنی ڕژێمەكەی، ئۆتۆمبێلەكە زیانێكی گەورەی بەركەوت و جەنابیش لەگەڵ هێزە ئەمریكاییەكان و لەڕێی پێشكەشەكردنی بەڵگەنامەكان، كە خاوەندارییەكەی دەسەلمێنن، بە تایبەت، كە سەدام لە تۆمارە عیراقییەكاندا تۆماری نەكردبوو، توانی ئۆتۆمبێلەكە وەربگرێتەوە”.

جەنابی وەك همۆند ئاماژەی پێدەكات، توانیویەتی ئۆتۆمبێلەكە بگێڕێتەوە و بیگوازێتەوە بۆ كەنەدا و لەوێ‌ هەوڵیداوە نۆژەنی بكاتەوە، بەڵام ئاستەنگی هاتۆتەڕێ‌ بەو هۆیەی پارچەكانی دەستنەكەوتووە، بۆیە فرۆشتوویەتی بە كۆمپانیای “فتنج وۆكس” كە نۆژەنەكردنەوەكەی ساڵێكی تەواوەتی پێچووە.

ئۆتۆمبێلەكە ئێستاش هەڵگری تابلۆیەكی دەگمەنی بەغداد/ عیراقە.

بەردەوام بە لە خوێندنەوە
ریکلام

کوردستان

دوایین