ئێمە لە تۆرە کۆمەڵایەتیەکان
ریکلام

ئابوری

حكومەت و پەرلەمانی كوردستان لەسەر دەرماڵە لەململانێدان

خەڵك ـ نزار جەزا

حكومەتی هەرێمی كوردستان دەیەوێت بڕینی بەشێك لە دەرماڵەی مووچەخۆران بخاتە ئەستۆی پەرلەمانی كوردستان، لەبەرامبەردا پەرلەمانی كوردستان ئەم هەوڵە ڕەتدەكاتەوە.

عەبدولڕەحمان عەلی، بڕیاردەری فراكسیۆنی گۆڕان لەپەرلەمانی كوردستان بە(خەڵك)ی ڕاگەیاند، حكومەتی هەرێم هەندێكجار باسی ئەوەدەكات، كە ئەگەر پڕۆژە یاسای چاكسازی مووچە جێبەجێ بكرێت، ئەوا پاشەكەوتی مووچە نامێنێت، بەڵام ئەو مووچەیەی مانگانە حكومەت دابەشی دەكات 890 ملیار دینارە و لەسەدا 58ی دەرماڵەكانە، لەسەدا 22ی ئەو دەرماڵەیەش، دەرماڵەی هاوسەر و منداڵ و بڕوانامەیە، ئەوانەی دیكە حكومەت خۆی بەبڕیارێك كردویەتی”.

زیاتر ڕونیكردەوە، كەواتە حكومەتی هەرێم ئامانجی ئەوەیە ئەو جۆرە دەرماڵەیە لەپەرلەمانی كوردستانەوە لابەرێت، ئەمەش كارێكی قورسە و زەحمەتە پەرلەمان و فراكسیۆنە جیاوازەكان بچنە ژێر باری ئەو بابەتە.

باسیلەوەشكرد، حكومەتی هەرێم ئەم یاسایەی ناردە پەرلەمانی كوردستان دەیویست بەتەواوی بێ دەستكاریكردن جێبەجێ بكرێت، بەڵام ئەمە جێگەی ڕەزامەندی پەرلەمانتاران نەبوو، چونكە لەسەدا 90ی ئەو بڕگە و مادانەی لەو پڕۆژە یاسایەدا باسكراوە بریتی بووە لە كارە نایاسایی و نائیدارییەكانی 25 ساڵی ڕابردووی دەسەڵاتدارانی هەرێم.

ئاماژەی بەوەشدا، هۆكاری سەرەكی ئەنجامنەدانی كۆبونەوەكەی دوێنێی پەرلەمان، ئەنجومەنی وەزیران بوو بەتایبەت سەرۆكی حكومەت و جێگرەكەی ناڕازی نەبوون وەزیری دارایی بێتە پەرلەمانی كوردستان.

ئەوەشی خستەڕوو، دەبوو سەرۆكایەتی پەرلەمان پێشئەوەی بانگەوازی ئەنجامدانی كۆبونەوە بكات، دڵنیای بكردایەتەوە، كە وەزیری دارایی حكومەتی هەرێم بەشداری كۆبونەوەی پەرلەمان دەكات.

ئابوری

نرخی دراوەكان لە بازاڕەكانی هەرێمی كوردستان

خەڵك-بەشی هەواڵ

بەهێز عەبدولحەمید خاوەنی نوسینگەی سروشتی چنگیان لە شاری سلێمانی بە (خەڵك)ی ڕاگەیاند، بۆ ئەمڕۆ پێنج شەممە نرخی دۆلار بە 121 هەزار و 150 دینار مامەڵەی پێوە كراوە.

نرخی دراوەكان لە بازاڕەكانی هەرێمی كوردستان بەمشێوەیەیە..
100دۆلار 121 هەزار و 150 دینار.
100 یۆرۆ 140 هەزار و 750 دینار.
100 پاوەن 157 هەزار دینار.
100 هەزار تمەن 9 هەزار دینار.
100 لیرە 19 هەزار و 500 دینار.

بەردەوام بە لە خوێندنەوە

ئابوری

نرخی نەوت گەیشتە نزیكە 80 دۆلار

خەڵك- بەشی هەواڵ
سەرەڕای زیادبوونی بڕی ئەمباركراوی نەوت، بەڵام بەهۆی مەترسییەكانی لەسەر ئەوەی بەرهەمهێنەرانی نەوت نەتوانن بڕی پێویست نەوت بەرهەم بهێنن و ئەو كورتهێنانەی نەوت پڕبكەنەوە، كە بەهۆی سزاكانی ئەمریكاوە بەسەر ئێران لە بڕی بەرهەم دروست دەبێت، نرخی نەوت بەرزبووەوە.

ئاژژانسی (ڕۆیتەرز) بڵاویكردەوە، دوانیوەڕۆی ئەمڕۆ جارێكی دیكە نرخی نەوتی برێنت 16 سەنت بەرزبۆتەوە و نرخی بەرمیلێك بۆتە 79 دۆلار و 19 سەنت، هەرچەندە لە ڕۆژانی ڕابردوودا بەڕێژەی 1.3% بەرزبووەوە.

هاوكات نرخی نەوتی خاوی ئەمریكی بە بڕی 20 سەنت و بە ڕێژەی 0.29% بەرزبۆتەوە و بۆتە 70 دۆلار و 5 سەنت، دوای ئەوەی لە چەند ڕۆژی ڕابردوودا بە ڕێژەی 1.4% بەهاكەی بەرزبووەوە.

ڕۆژی سێ‌ شەممەی ڕابردوو بەپێی ڕاپۆرتی ڕاگەیاندنەكان، سعودیە وەك یەكێك لە گەورە هەناردەكارانی نەوت هەستی بە گەشانەوەیەكی زۆر كردووە بەهۆی بەرزبوونەوەی نرخی نەوت بۆ 80 دۆلار.

5ی ئەیلول ئاژانسەكە بڵاویكردەوە، سعودیە دەیەوێت نرخی نەوت لەنێوان 70 بۆ 80 دۆلار بمێنێتەوە بۆ پارێزگاری لە هاوسەنگی نرخەكان تا ئەو كاتەی هەڵبژاردنی كۆنگرێسی ئەمریكا دەكرێت.

بەردەوام بە لە خوێندنەوە

ئابوری

خەڵك؛ خشتەی دووەمی مووچەی فەرمانبەران بڵاودەكاتەوە

خەڵك – بەشی هەواڵ
سەرچاوەیەكی باڵا لە وەزارەتی دارایی و ئابووری حكومەتی هەرێم ڕایدەگەیەنێت، لە ڕۆژی یەك شەممەوە دەست بە دابەشكردنی مووچەی فەرمانبەرانی هەرێم دەكرێت، دەشڵێت: “ڕۆژی پێنج شەممەی داهاتوو كۆتایی بەدابەشكردنی مووچەی مانگی حوزەیران دێت”.

لە دوای گەیشتنی بڕی 317 ملیار دینارەكەی حكومەتی ناوەندی بۆ وەزارەتی دارایی تاكۆتایی هەفتەی داهاتوو مووچەی سەرجەم مووچەخۆرانی هەرێم دابەشدەكرێت بە پێی زانیارییەكانی (خەڵك)یش ڕۆژی دوو شەممە 24ی ئەیلول مووچەی سەرجەم وەزارەت و دەستە و سەرۆكایەتییەكانی هەرێم دەدرێت.

سەرچاوەیەكی باڵا لە وەزارەتی دارایی و ئابووری حكومەتی هەرێم بە (خەڵك)ی ڕاگەیاند، وەزارەتی دارایی پێشوەختە هیچ لیستێكی مووچە بڵاوناكاتەوە، بەڵام لە ڕێگەی گەنجینەكانەوە وەزارەتەكان ئاگادار دەكرێنەوە، كە چ ڕۆژێك مووچەكەیان دابەشدەكرێت.

وتیشی، “حكومەت بابەندە بە پێدانی مووچەی فەرمانبەرانی وەزارەتەكان هەموو 30 ڕۆژ جارێك و بڵاونەكردنەوەی خشتەی مووچەی پێشوەختە بۆ ئەوە دەگەڕێتەوە، كە هەواڵی مووچە نەكرێت هەواڵی بەپەلە”.

ئاشكراشی كرد، هەفتەی داهاتوو كۆتایی بەدابەشكردنی مووچەی فەرمانبەران دێت بەجۆرێك ڕۆژی یەك شەممە 23ی ئەیلول (وەزارەتی ناوخۆ، ئەنجومەنی ئاسایشی هەرێم و دەزگای ئاسایش، لەگەڵ هێزەكانی زێرەڤانی و هێزی بەرگری و فریاكەوتن ڕەگەزنامە مووچەیان پێ‌ دەدرێت.

وتیشی، “ڕۆژی دوو شەممە 24ی ئەیلول بڕیارە مووچەی سەرجەم ئەو وەزارەتانە دابەشبكرێـت، كە مووچەیان وەرنەگرتووە، ڕۆژی سێ شەممە 25ی ئەیلول مووچەی خانشینی پێشمەرگە و ڕۆژی چوار شەممە مووچەی خانەشینی شارستانی خەرج دەكرێت”.

سەرەڕای بڕیاری وەزارەتی دارایی بۆ پێدانی مووچە بە 30 ڕۆژ جارێك، بەڵام پێدانی مووچەی بەشێكی وەزارەتەكان دەبێتە 35 ڕۆژ و زیاتر.

پێشتر فەرمانبەرێكی شارەوانی بۆ (خەڵك) ڕایگەیاندبوو، كە مانگی ڕابردوو لە 16 مانگ مووچەمان وەرگرت و ئەم مانگە دابەشكردنی مووچەی وەزارەتەكەمان دەگاتە دوای 23ی مانگ و بەوەش زیاتر لە 30 ڕۆژ دەكات.

بەردەوام بە لە خوێندنەوە
ریکلام

کوردستان

دوایین