ئێمە لە تۆرە کۆمەڵایەتیەکان

کوردستان

پەرلەمانتارێكی پارتی: دوای هەژماركردنەوەی دەنگەكان گەردەلولی سیاسی ڕوودەدات

خەڵك – بەشی هەواڵ
ئەندامێكی كوردی ئەنجومەنی نوێنەرانی عیراق ڕایدەگەیەنێت، لەدوای پڕۆسەی هەژماری دەنگەكان بەدەست گەردەلولی سیاسی لە عیراق هەڵدەكات، بزانین كورد ئەمجارە چی دەكات، دەشڵێت: “ئەگەر ئەمجارە كورد یەك دەنگ نەبێت دەبێت ماڵئاوایی لە مافەكانی خۆی بكات لە عیراق”.

ئەشواق جاف، ئەندامی كوردی ئەنجومەنی نوێنەرانی عیراق لە پشكی پارتی بە (خەڵك)ی ڕاگەیاند، لە دوای هەژماردنەوەی دەنگەكان بەدەست، گەردەلولی سیاسی لە عیراق هەڵدەكات و بەتایبەت لە نێوان شیعەكان، كوردیش لە ئێستادا هەریەكو بەلایەكە و خەریكە و خەمی نیە تەنها خۆی لەگەڵ لایەنی عراق مەشغوڵ كردووە، كاتەكەش دەڕوات و لە بەرژەوەندی كوردیش نابێت.

وتیشی، “ئەگەر لایەنە كوردستانیەكان بەرژەوەندی كوردیان لە بەغدا دەوێت دەبێت كورد یەكڕیز بێت و هەر یەكەو لە لایەكەوە خەریكی لایەنی عەرەبی نەبێت”.

سەبارەت بەوەی كام لایەن لەگەڵ یەكڕیزی نییە، جاف وتی، “هێشتا زووە بۆ ئەوەی ئەوە بزانرێت، كە چ لایەنێكی كورد لەگەڵ یەكریزی نیە، بۆیە دەبێت تا ئەو كاتەش چاوەڕێ بكرێت”.

ڕاشیگەیاند، وەك پارتی و خودی مەسعود بارزانیش چەندین جار داوای یەكریزی كردووە بۆ بەغدا و خوولی پێشووش بەپێی ڕێكەوتنی كوردی لە ناوخۆ پۆستەكانی عیراق دابەشكران و هەموو كەس شاهیدی ئەوەش بوون، بۆ ئێستاش داوای یەكڕیزی كورد دەكەین.

ئاشكراشی كرد، ئەمجارە بە نەبوونی یەكڕیزی كورد لە بەغدا كۆتایی بەداواكاریەكانی مافی كورد لە عیراق دێت، بەهۆی پەرتەوازەیی كوتلە كوردیەكان لە عیراق، ئەمەش لە بەرژەوەندی كورد نیە.

کوردستان

لە 10 ڕۆژدا لە سلێمانی 25 تاوانبار دەستگیر كراون
پۆلیس: 112 ئۆتۆمبێلی جامڕەش لەجامەكان لێكراونەتەوە

سلێمانی – نزار جەزا
پۆلیسی سلێمانی ئاماری كار و چالاكییەكانی ماوەی 10 ڕۆژی ڕابردوو ئاشكرادەكات و ڕایدەگەیەنێت، باندێكی دزیكردن، كە ژنێكی تێدابووە دەستگیر كراون.

سەركەوت ئەحمەد، وتەبێژی پۆلیسی سلێمانی لەكۆنگرەیەكی ڕۆژنامەوانیدا ڕایگەیاند، لەماوەی 10 ڕۆژی ڕابردوودا بەشی نەهێشتنی تاوان 25 تاوانباریان دەستگیركردووە، كە 13 كەسیان چوار باندی دزیكردنن و ژنێكیان لەگەڵدایە، كە بەفێلكردن پارەیان لە خەڵك وەرگرتووە.

ئاماژەی بەوەشدا، تۆمەتبارێك بەدزینی مۆبایل دەستگیركراوە و دانی بەتاوانەكەیدا ناوە، هاوكات دوو هاوڵاتی دیكە دەستگیركراون، كە مۆلیدە و كەلوپەلی هاوڵاتیانیان لەدوكانەكاندا دزیوە، هەروەها تۆمەتبارێكی دیكە بەهۆی دزینی ماتۆڕسكیلەوە دەستگیركراوە.

باسی لەوەشكرد، هەروەها سێ كەسی دیكە لەلایەن نەهێشتنی تاوانەوە دەستگیر كراون، كە پێش ئەوەی دزی لەماڵان ئەنجام بدەن دەستگیركراون.

ئەوەشی خستەڕوو، بەشی پۆلیسی ڕۆژئاوای سلێمانی 130 فەرمانی دەستگیركردنیان جێبەجێكردووە، هاوكات بەشی پۆلیسی ڕۆژهەڵات 40 فەرمانی دەستگیركردنیان جێبەجێكردووە، كە ڕووبەڕووی دادگا كراونەتەوە، هەروەها 319 پسوڵەی ئاگاداركردن و بەزۆر ئامادەكردنی دادگاكانیان جێبەجێكردووە، هاوكات دوو ئۆتۆمبێل دەستی بەسەردا گیراوە، كە دزی پێ ئەنجامدراوە.

هێمای بۆئەوەشكرد، هێزە تایبەتەكەی پۆلیسی سلێمانیش، لەماوەی ئەم هەفتەیەدا چالاكییەكانی خۆی ئەنجامداوە، كە خۆی دەبینێتەوە لە 355 سەرپێچی ئۆتۆمبێلیان گرتووە و ڕووبەڕووی دادگایان كردونەتەوە، هاوكات 112 ئۆتۆمبێلی جامڕەش لەجامەكان لێكراونەتەوە، 40 چەقۆ و كەرەستەی شەڕكردن لەهاوڵاتیان سەندراوە، ماتۆڕسكیلێكی بێ بنەما دەستی بەسەردا گیراوە.

بەردەوام بە لە خوێندنەوە

کوردستان

تەرمی پێشمەرگەیەك لەناو بەنداوێك دۆزرایەوە

خەڵك- بەشی هەواڵ
پێشمەرگەیەك، كە ماوەی ڕۆژێكە بێسەروشوێنە، ئەمڕۆ تەرمەكەی لەناو بەنداوی موسڵ-دا بە خنكاوی دۆزرایەوە.

ڕاگەیاندنی بەرگری شارستانی دهۆك لەو بارەیەوە لە ڕاگەیەندراوێكدا ئاماژەی بەوەكردووە، ” ئەمڕۆ 17-7-2018 كاتژمێر 12:30ی نیوەڕۆ تیمەكانی بەرگری شارستانی دهۆك توانیان تەرمی پێشمەرگە خنكاوەكەی بەنداوی موسڵ بدۆزنەوە، كە ماوەی ڕۆژێكە بێسەروشوێنە”.

بەپێی ڕاگەیاندراوەكەی بەرگری شارستی پارێزگای دهۆك، “پێشمەرگەكە ناوی ( ی.غ.ح)ە و تەمەنی 20 ساڵانە و دوێنێ 16-7-2018 كەوتبووە ناو بەنداوی موسڵ-ەوە”.

هەروەها ئاماژە بە ڕەوانكردنی تەرمەكە كراوە بۆ فەرمانگەی پزیشكی دادوەریی دهۆك، تا لە دوای توێكاریی ڕادەستی كەسوكارەكەی بكرێتەوە.

بەردەوام بە لە خوێندنەوە

کوردستان

فەرهاد پیرباڵ ئازادكرا
خەڵك؛ دواین زانیاری لەسەر ڕەوشی تەندروستی پیرباڵ بڵاودەكاتەوە

خەڵك- بەشی هەواڵ
بەڕێوەبەری پۆلیسی هەولێر ڕایدەگەیەنێت، كە فەرهاد پیرباڵ ئازادكراوە و دواین زانیاریش لەسەر ڕەوشی تەندروستی ئاشكرادەكات.

لیوای مافپەروەر عەبدولخالق تەڵعەت، بەڕێوەبەری پۆلیسی هەولێر بە (خەڵك)ی ڕاگەیاند، كە ئەمڕۆ فەرهاد پیرباڵ ئازاد كراوە و گەڕاوەتەوە ماڵەوە.

ڕاشیگەیاند، ڕەوشی تەندروستی باشە، بەڵام كێشەی دەروونی هەیە دەبێت چارەسەر بكرێت.

بەڕێوەبەری پۆلیسی هەولێر ئاشكراشی كرد، بڕیارێك هەیە بۆ ناردنی بۆ دەرەوەی وڵات بۆ چارەسەركردنی، بەڵام جارێ‌ بڕیارەكە ماوە و دەبێت جێبەجێ‌ بكرێت.

ماوەی چوار مانگە فەرهاد پیرباڵ، ڕۆشنبیر و نووسەری كورد بەهۆی تێكچوونی باری دەروونی لەلای هێزەكانی پۆلیس لە ژێرچاودێری پزیشكیدایە.

(خەڵك) بۆ وەرگرتنی زانیاری زیاتر پەیوەندی بە فەرهاد پیرباڵ، نووسەر و ڕۆشنبیری كورد و مامۆستای زانكۆ كرد، بەڵام پەیوەندییەكەی بەردەست نەبوو.

بەردەوام بە لە خوێندنەوە
ریکلام

کوردستان

دوایین