ئێمە لە تۆرە کۆمەڵایەتیەکان
ریکلام

کوردستان

پەرلەمانتارێكی پارتی: دوای هەژماركردنەوەی دەنگەكان گەردەلولی سیاسی ڕوودەدات

خەڵك – بەشی هەواڵ
ئەندامێكی كوردی ئەنجومەنی نوێنەرانی عیراق ڕایدەگەیەنێت، لەدوای پڕۆسەی هەژماری دەنگەكان بەدەست گەردەلولی سیاسی لە عیراق هەڵدەكات، بزانین كورد ئەمجارە چی دەكات، دەشڵێت: “ئەگەر ئەمجارە كورد یەك دەنگ نەبێت دەبێت ماڵئاوایی لە مافەكانی خۆی بكات لە عیراق”.

ئەشواق جاف، ئەندامی كوردی ئەنجومەنی نوێنەرانی عیراق لە پشكی پارتی بە (خەڵك)ی ڕاگەیاند، لە دوای هەژماردنەوەی دەنگەكان بەدەست، گەردەلولی سیاسی لە عیراق هەڵدەكات و بەتایبەت لە نێوان شیعەكان، كوردیش لە ئێستادا هەریەكو بەلایەكە و خەریكە و خەمی نیە تەنها خۆی لەگەڵ لایەنی عراق مەشغوڵ كردووە، كاتەكەش دەڕوات و لە بەرژەوەندی كوردیش نابێت.

وتیشی، “ئەگەر لایەنە كوردستانیەكان بەرژەوەندی كوردیان لە بەغدا دەوێت دەبێت كورد یەكڕیز بێت و هەر یەكەو لە لایەكەوە خەریكی لایەنی عەرەبی نەبێت”.

سەبارەت بەوەی كام لایەن لەگەڵ یەكڕیزی نییە، جاف وتی، “هێشتا زووە بۆ ئەوەی ئەوە بزانرێت، كە چ لایەنێكی كورد لەگەڵ یەكریزی نیە، بۆیە دەبێت تا ئەو كاتەش چاوەڕێ بكرێت”.

ڕاشیگەیاند، وەك پارتی و خودی مەسعود بارزانیش چەندین جار داوای یەكریزی كردووە بۆ بەغدا و خوولی پێشووش بەپێی ڕێكەوتنی كوردی لە ناوخۆ پۆستەكانی عیراق دابەشكران و هەموو كەس شاهیدی ئەوەش بوون، بۆ ئێستاش داوای یەكڕیزی كورد دەكەین.

ئاشكراشی كرد، ئەمجارە بە نەبوونی یەكڕیزی كورد لە بەغدا كۆتایی بەداواكاریەكانی مافی كورد لە عیراق دێت، بەهۆی پەرتەوازەیی كوتلە كوردیەكان لە عیراق، ئەمەش لە بەرژەوەندی كورد نیە.

کوردستان

بەڤیدیۆ.. یەكەمین لێدوانی بەرهەم ساڵح دوای گەڕانەوەی بۆ نێو یەكێتی

خەڵك-بەشی هەواڵ

ئەمڕۆ بۆ یەكەمجار بەرهەم ساڵح سەرۆكی پێشووی هاوپەیمانی بۆ دیموكراسی‌و دادپەروەری لەگەڵ ژمارەیەك لە سەركردەكانی یەكێتی كۆبووەوە.

كۆسرەت رەسوڵ عەلی جێگری یەكەمی سكرتێری گشتی یەكێتی نیشتمانی كوردستان، وێڕای بەخێرهێنانی بەرهەم ساڵح بۆ نێو ریزەكانی یەكێتی نیشتمانی كوردستان، بە میدیای فەرمی حزبەكەی راگەیاند، ئەو رێكەوتنەی لەنێوان یەكێتی و هاوپەیمانی هەیە دژی هیچ لایەك نییەو دەمانەوێ نێو ماڵی كوردی رێكبخەینەوە.

وتیشی”دەمانەوێ لە هەڵبژاردنەكاندا بەرهەم ساڵح كار بكات بۆ ئەوەی دەنگی باش بەدەست بهێنین”.

لای خۆشییەوە بەرهەم ساڵح رایگەیاند، یەكێتی سەروەتێكی گەورەی نیشتمانییە، لە كاتی دامەزراندنییەوە كۆكەرەوەی كۆمەڵێك تێكۆشەرو خەڵكی دڵسۆز بووە بۆ ئەم نیشتمانە.

وتیشی”لەنێو سەركردایەتی یەكێتی كێشەمان هەبووە لەسەر جۆری حوكمڕانی، بەڵام ئەو كێشەو گرفتانە لەسەر كێشەی شەخسی نەبووە، بەڵكو لەسەر كێشەی نەتەوەكەمان بووە”.

بەردەوام بە لە خوێندنەوە

کوردستان

سەركردەیەكی هاوپەیمانی: رۆیشتنی بەرهەم ساڵح كاریگەریمان لەسەر دادەنێت

خەڵك-بەشی هەواڵ

ئەندامێكی ئەنجومەنی بەڕێوەبردنی هاوپەیمانی بۆ دیموكراسی‌و دادپەروەری رایدەگەیەنێت، رۆیشتنی بەرهەم ساڵح كاریگەری لەسەر هاوپەیمانی دروست دەكات.

دوێنێ بەرهەم ساڵح سەرۆكی پێشووی هاوپەیمانی بۆ دیموكراسی‌و دادپەروەری نامەی دەستلەكاركێشانەوەی ئاڕاستەی حزبەكەی كردو گەڕایەوە نێو یەكێتی نیشتمانی كوردستان.

عوسمان عەبدوڵڵا گوڵپی ئەندامی ئەنجومەنی بەڕێوەبردنی هاوپەیمانی بۆ دیموكراسی و دادپەروەری بە (خەڵك)ی راگەیاند، بەرهەم ساڵح كەسایەتییەكی كاریگەرەو ناتوانین بڵێین بە رۆیشتنی كاریگەری لەسەرمان نییە.

وتیشی”ئەوانەی درێژە بە هاوپەیمانی دەدەن كەسایەتی گرنگیان تێدایەو دەتوانن سەرۆكایەتی هێزێكی فراوان بكەن‌و ئەزمونی چەندین ساڵەی كاری رابردووی سیاسیان هەیە”.

ئاماژەی بۆ ئەوەش كرد، ئەو كەسانە لەنێو هێزەكانی رابردوویاندا، چەندین قەیرانی گرنگیان تێپەڕاندووە، لەبەرئەوە پێمان وایە دەتوانن ئەم قۆناغەش تێپەڕێنن‌و بێگومان كەسێك كە دەڵێت هاوپەیمانی بەردەوامە، پلان دادەنێت بۆ ئەوەی چۆن بەردەوام بێت.

ئاشكراشیكرد، چەندین هێزی سیاسی بە مانگ‌و ساڵیان تێپەڕاندووەو كەسی یەكەمیشیان نەبووە، ئێستا دامەزراوەكانی هاوپەیمانی كاری خۆیان دەكەن‌و بوونیان هەیە.

بەردەوام بە لە خوێندنەوە

کوردستان

فڕۆكەخانەی سلێمانی وەڵامی كۆڕەك تیلیكۆم دەداتەوە

خەڵك- نزار جەزا

كۆمپانیای كۆڕەك تیلیكۆم قوباد تاڵەبانی جێگری سەرۆك وەزیرانی هەرێم و سەرۆكی لیستی یەكێتی بۆ هەڵبژاردنەكانی پەرلەمانی كوردستان تۆمەتباردەكات بەلەكارخستنی تاوەرەكانی لەفڕۆكەخانەی نێودەوڵەتی سلێمانی، لەبەرامبەردا ئەو فڕۆكەخانەیە ئەو هەواڵە ڕەتدەكاتەوە.

كۆمپانیای كۆڕەك تیلیكۆم لە راگەیەندراوێكدا، ڕایدەگەیەنێت، قوباد تاڵەبانی سەرۆك لیستی یەكێتی نیشتیمانی كوردستان‌و جێگری سەرۆكی حكومەتی هەرێمی كوردستان، بەرپرس لە دابین كردنی خزمەتگوزاری بۆ هاووڵاتیان، رۆژی شەممە 15/9/2018 هەروەها 16/9/2018 فەرمانی بە ئاسایشی فڕۆكەخانەی سلێمانی كردووە بەمەبەستی رازی كردنی كۆمپانیایەكی ركابەر تاوەرەكانی كۆمپانیای كوڕەك تیلیكۆم لە كار بخەن و كۆمپانیاكە و هاووڵاتیانی ئەم دەڤەرە بێ بەش بكەن لە مافەكانی خۆیان، بەبێ گوێدانە لایەنە یاساییەكان.

لەبەرامبەردا فڕۆكەخانەی نێودەوڵەتی سلێمانی لەڕوونكردنەوەیەكدا ڕایدەگەیەنێت، كۆمپانیای ناوبراو هیچ جۆرە بورجێكی لەناو بازنەی فڕۆكەخانەدا نییە و ئەو هەواڵانە دوورن لە ڕاستییە و تەنها بۆ چەواشەكاری و پڕكردنەوەی ڕاپۆرتی ناڕاستە بۆ مەرامێكی سیاسی و ئامانجدار.

بەمەبەستی وەگرتنی ڕای قوباد تاڵەبانی، (خەڵك) پەیوەندیكرد بە سەمیر هەورامی، وتەبێژی هەڵمەتی بانگەشەی هەڵبژاردنی قوباد تاڵەبانی، بەڵام ئامادەنەبوو لەئێستادا وەڵامی ئەو تۆمەتانە بداتەوە و ڕایگەیاند، لەدواتردا ڕاوێژ لەگەڵ قوباد تاڵەبانی دەكات و ئەگەر پێویستی كرد وەڵام دەدەنەوە.

بەردەوام بە لە خوێندنەوە
ریکلام

کوردستان

دوایین