ئێمە لە تۆرە کۆمەڵایەتیەکان

جیهانی

(به‌وێنه‌) پزیشکی هه‌ڵبژارده‌ی میسڕ به‌م شێوه‌یه‌ تێستی شانه‌ پێکراوه‌ سه‌ڵاح ده‌کات

خه‌ڵک سپۆرت

ئه‌مڕۆ ماڵپه‌ڕی “ده‌یلی مه‌یڵ” چه‌ند وێنه‌یه‌کی مه‌شقه‌کانی هه‌ڵبژارده‌ی میسڕی بڵاوکرده‌وه‌، تیایدا ده‌رده‌که‌وێت پزیشکی هه‌ڵبژارده‌که‌ تاقیکردنه‌وه‌ به‌ شانه‌ پێکراوه‌که‌ی موحه‌مه‌د سه‌لاحی میسڕی ده‌کات.

وه‌ک له‌ وێنه‌کاندا ده‌رده‌که‌وێت، چه‌ند مه‌شقێکی تایبه‌تی پێده‌کات تا بزانێت له‌ڕووی ئازار و چۆنیه‌تی جموجۆڵی ماسولکه‌ و ئێسکه‌کانی شانیه‌وه‌ کاردانه‌وه‌ی چۆنه‌، ئه‌وه‌ش ده‌یسه‌لمێنێت که‌ هێشتا یاریزانه‌ ناوداره‌که‌ی لیڤه‌رپوڵ نه‌گه‌ڕاوه‌ته‌وه‌ سه‌ر مه‌شقه‌ ئاساییه‌کانی هه‌ڵبژارده‌ی میسڕ له‌ “ئه‌حمه‌د ئارینا”.

له‌م باره‌یه‌وه‌ “میدۆ”ی ئه‌ستێره‌ی پێشوی هه‌ڵبژارده‌ی به‌چکه‌ فیرعه‌ونه‌کان ڕایگه‌یاندووه‌، تا یاریی ده‌ستپێک به‌رامبه‌ر ئۆرۆگوای، سه‌ڵاح به‌ته‌واوی ئاماده‌ ده‌بێت و ده‌گه‌ڕێته‌وه‌.

جیهانی

کاسانۆ ده‌رباره‌ی کریستیانۆ و مێسی: هاوشێوه‌ی نادال و فێدره‌رن

خه‌ڵک سپۆرت

ئه‌نتۆنیۆ کاسانۆی ئه‌ستێره‌ی پێشوی هه‌ڵبژارده‌ی ئیتاڵیا پێی وایه‌، یانه‌ی یوڤانتۆس سودێکی گه‌وره‌ له‌گواستنه‌وه‌ی کریستیانۆ ڕۆناڵدۆ وه‌رده‌گرێت و له‌گه‌ڵ لیۆنێل مێسی به‌ دوو ئه‌فسانه‌ی زیندوی بواری تێنسی سه‌رزه‌وی ده‌یانشوبهێنێت.

هێرشبه‌ره‌ سه‌ركێشه‌که‌ی پێشوی سامپدۆریا و ڕیاڵ مه‌درید له‌چاوپێکه‌وتنێکدا به‌گۆڤاری “ڤانیتی فه‌یر”ی ڕاگه‌یاندووه‌ :”ماسیمیلیانۆ ئالێگری باشترین ڕاهێنه‌ره‌ بۆ کریستیانۆ ڕۆناڵدۆ، دڵنیام له‌ئامێزی ده‌گرێت و ده‌زانێت چۆن له‌نێو یاریگا به‌کاری ده‌خات، کریس یاریزانێکی نمونه‌یی و به‌توانایه‌ و ته‌نانه‌ت مه‌ودا بۆ یاریزانه‌کانی تریش دروست ده‌کات”.

هه‌روه‌ها ده‌ڵێت :” ڕۆناڵدۆ وه‌ک ڕافائێل ناداله‌، به‌هره‌یه‌کی ناوازه‌ی هه‌یه‌ و پشتی به‌ مه‌شق و ڕاهێنانه‌کان به‌ستووه‌ و ماندوو بووه‌ تا گه‌یشتۆته‌ ئه‌و ئاسته‌، له‌به‌رامبه‌ردا لیۆ مێسی هاوشێوه‌ی ڕۆجێ فێدره‌ره‌، ته‌نانه‌ت له‌ خراپترین بارودۆخه‌کانیشدا هێنده‌ پێویستی به‌توانا جه‌سته‌ییه‌کان نییه‌، به‌ڵکو ته‌نها پشت به‌ به‌هره‌ سه‌رسوڕهێنه‌ره‌که‌ی ده‌به‌ستێت”.

له‌کۆتاییدا وه‌ڵامی پرسیارێک ده‌داته‌وه‌ و ڕایده‌گه‌یه‌نێت :” دایکی و سروشت جه‌سته‌ و توانایه‌کی به‌هێزیان پێبه‌خشێوه‌ له‌گه‌ڵ ئه‌قڵدا، مه‌شقی قورس ده‌کات و به‌رده‌وامه‌، وره‌ی پۆڵایینه‌ و کۆڵنادات، ته‌نها به‌بردنه‌وه‌ قایل ده‌بێت، پرۆفیشناڵ ئه‌و که‌سه‌یه‌ هه‌میشه‌ له‌و ئاسته‌دا بێت، ئه‌وه‌ی‌ من پێمنه‌کرا و ڕقیشم لێیبوو، خۆزگه‌ منیش وه‌ک ئه‌و بمتوانیایه‌ به‌وشێوه‌یه‌ به‌رده‌وام بم، دڵنیام له‌یانه‌ی یوڤانتۆس ده‌توانێت چه‌ندین ساڵ به‌رده‌وام بێت و مێژوو وه‌ک یه‌کێک له‌باشترینه‌کان باسی بکات”.

بەردەوام بە لە خوێندنەوە

جیهانی

پێرێز دوو باشترینه‌که‌ی هه‌ڵبژارده‌ی به‌لجیکای مسۆگه‌ر کردووه‌ و گواستنه‌وه‌ی گه‌وره‌ به‌ڕێوه‌یه‌ !

خه‌ڵک سپۆرت

دوو سه‌رچاوه‌ی ناودار ئاماژه‌ به‌ یه‌کلایی بونه‌وه‌ی بۆندی تیبۆ کۆرتوای گۆڵپارێز و ئیدین هازاردی ئه‌ستێره‌ی ئه‌ستێره‌کانی به‌لجیکا ده‌که‌ن بۆ یانه‌ی ڕیاڵ مه‌درید، له‌هه‌مان کاتدا گۆنزالۆ هیگواین ئاڕاسته‌ی یانه‌ی چێڵسی ده‌که‌ن.

ئێزگه‌ی “ئاڕ ئێم سی” فه‌ره‌نسی له‌به‌رنامه‌یه‌کی تایبه‌تدا پشتبه‌ست به‌زانیارییه‌ به‌ده‌ستهاتوه‌کان ئاشکرای کردووه‌، ئیداره‌ی یانه‌ی شاهانه‌ی مه‌درید له‌دوای ڕۆیشتنی کریستیانۆ ڕۆناڵدۆی پورتوگالی ده‌سته‌وسان نه‌وه‌ستاوه‌، به‌ڵکو گواستنه‌وه‌ی تیبۆ کۆرتوای گۆڵپارێزی به‌لجیکی یانه‌ی چێڵسی-یان به‌بڕی (٤٠ ملیۆن یورۆ) یه‌کلایی کردۆته‌وه‌، بۆنده‌که‌شی تا وه‌رزی ٢٠٢٢ به‌رده‌وامی ده‌بێت.

سه‌رچاوه‌که‌ ئاماژه‌ی کردووه‌، بۆنده‌کانی نێوان ڕیاڵ و چێڵسی ته‌نها به‌ کۆرتواوه‌ ناوه‌ستێت‌، به‌ڵکو ئیدین هازاردی هێرشبه‌ریش ده‌گرێته‌وه‌‌ و ئه‌و بۆنده‌ش به‌نسبه‌ت ئیداره‌ی “مێره‌نگی”یه‌وه‌ مسۆگه‌ره‌، چونکه‌ یاریزانه‌که‌ ژێر به‌ژێر ڕێکه‌وتنی له‌گه‌ڵیاندا کردووه‌، به‌ڵام کێشه‌ ته‌نها له‌سه‌ر نرخه‌که‌ی دروست بووه‌ به‌وپێیه‌ی‌ چێڵسی داوای ٢٠٠ ملیۆن ده‌کات و ڕیاڵ ئاماده‌یه‌ تا ١٥٠ ملیۆن هه‌نگاو بنێت.

له‌لایه‌کی تره‌وه‌ ڕۆژنامه‌ی “توتۆ سپۆرت”ی ئیتاڵی ته‌ئکیدی کردۆته‌وه‌، په‌یوه‌ندیکردنی هازارد به‌ یانه‌ی ڕیاڵ مه‌دریده‌وه‌ مسۆگه‌ر و که‌یسه‌که‌ به‌نسبه‌ت شارازایانه‌وه‌ داخراوه‌، به‌ڵکو ئه‌م گواستنه‌وه‌یه‌ کاریگه‌ری له‌سه‌ر گواستنه‌وه‌کانی چێڵسی دروست کردووه‌ و یانه‌ زه‌به‌لاحه‌که‌ی له‌نده‌ن ده‌یانه‌وێت به‌ کڕینی گۆنزالۆ هیگواین قه‌ره‌بوی بکه‌نه‌وه‌ و ئه‌و بۆنده‌شیان به‌ نزیک وه‌سف کردووه‌، هه‌روه‌ها بۆجێگه‌ی کۆرتوا ئیداره‌ی “بلوز” هه‌ڵه‌کانیان بۆ کڕینی جه‌یمس بوتڵاندی گۆڵپارێزی یانه‌ی ستۆک سیتی ده‌ست پێکردووه‌.

بەردەوام بە لە خوێندنەوە

جیهانی

(به‌وێنه‌) ئه‌فسانه‌یه‌کی هۆلیود سه‌ردانی مه‌شق و ڕاهێنانه‌کانی مانچسته‌ر یونایتدی کرد

خه‌ڵک سپۆرت

یانه‌ی مانچسته‌ر یونایتد سه‌رقاڵی ئاماده‌کارییه‌کانه‌ بۆ وه‌رزی ٢٠١٨/١٩ و حاڵی حازر ستافی ڕاهێنان و چه‌ند یاریزانێکی ئه‌و یانه‌یه‌ له‌ کالیفۆرنیا – ئه‌مریکا یه‌که‌ی مه‌شق و ڕاهێنانه‌کان ئه‌نجام ده‌ده‌ن.

ئه‌مڕۆ به‌شێوه‌یه‌کی کتوپڕ گاری ئۆڵدمان، ئه‌فسانه‌ی هۆلیود و براوه‌ی خه‌ڵاتی “ئۆسکار” له‌ کالیفۆرنیا سه‌ردانی مه‌شقه‌کانی مۆرینیۆ و یاریزانانیی کرد و ته‌واوی ستافی یونایتد وێنه‌ی یادگارییان له‌گه‌ڵدا گرت.

ئه‌کته‌ره‌ ناوداره‌که‌ی ئه‌مریکا له‌به‌رامبه‌ردا داوای درێسی مارکۆس ڕاشفۆردی کرد و به‌رپرسانی یانه‌که‌ش به‌خۆشحاڵییه‌وه‌ درێسێکی ئه‌و یاریزانه‌یان به‌ واژۆی خۆیه‌وه‌ پێشکه‌ش کرد…

بەردەوام بە لە خوێندنەوە
ریکلام

کوردستان

دوایین