ئێمە لە تۆرە کۆمەڵایەتیەکان

عێراق

ئەنجومەنی وەزیران پشووی جەژنی ڕەمەزانی دیاریكرد

خەڵك- بەشی هەواڵ
بەبۆنەی جەژنی ڕەمەزانی پیرۆزەوە، ئەمیندارێتی گشتی ئەنجومەنی وەزیرانی عیراق 3 ڕۆژ دەكاتە پشووی فەرمی لە سەرجەم دامك و دەزگاكانی دەوڵەت.

ئەمیندارێتی گشتی ئەنجومەنی وەزیرانی عیراق لە بەیاننامەیەكدا ئاماژەی بەوەكردووە، كە بەبۆنەی جەژنی ڕەمەزانی پیرۆزەوە بڕیاریان داوە پشووی جەژن لەسەرجەم دام و دەزگاكانی دەوڵەت لە ڕۆژی یەك شەممە 17ی حوزەیران دەست پێ بكات تا ڕۆژی سێ‌ شەممە 19ی حوزەیران.

ئاشكراشی كردووە، كە ڕۆژی چوار شەممە 20ی حوزەیران دەوامی فەرمی لە فەرمانگەكان دەستپێدەكاتەوە.

ئەمە لەكاتێكدایە، كە سەفین دزەیی، وتەبێژی حكومەتی هەرێم سەبارەت بە پشووی جەژن ڕایگەیاند، لە سبەینێ‌ پێنج شەممە-وە دەست پێدەكات تا ڕۆژی دوو شەممەی هەفتەی داهاتوو، بەڵام ڕۆژی سێ‌ شەممە دەوامی فەرمی دەستپێدەكاتەوە.

عێراق

بانگەشەی دەستپێكردنی شۆڕشی چەكداری لە عێراق گەرمە

خەڵك-بەشی هەواڵ

دەنگۆی دەستپێكردنی شۆڕشی چەكداری لە میدیا و تۆڕە كۆمەڵایەتییەكانی عێراقدا گەرمترین پرسە، هەرچەندە حكومەت سانسۆری زۆری خستوەتەسەر تۆڕەكان.

میدیاكانی عێراق لەزاری چەند سەرچاوەیەكەوە بڵاویانكردەوە، كە سبەینێ‌ خۆپیشاندانی چەكداری لە شارەكانی باشور و چەند شوێنێك لە ناوەڕاستی عێراق بۆ داواكردنی مافە سەرەتاییەكان بەڕێوەدەچێت.

چەند ماڵپەڕێك لەزاری سەرچاوەكانەوە ئەوەیان بڵاوكردۆتەوە، خۆپیشاندەران بە چەكەوە شوێنە گشتییەكان دادەخەن، بەڵام پارێزگاری لە شوێنە گشتییەكان دەكرێت و فەرمانگەكانی حكومەت ناگرێنە ئامانج.

جەزنەزر بەتیخ، ئەندامی ئەنجومەنی پارێزگای واست لە راگەیەندراوێكدا ئاماژەی بەوەكردووە، ئەو دەنگۆیانەی بڵاوكراونەتەوە دورن لە راستییەوە، بەڵكو ئەوەی هەیە سەرۆك هۆزەكان، چالاكان و خۆپیشاندەران داوای مافەكانیان دەكەن، نەك بە چەك رووبەڕووی حكومەت ببنەوە.

هەر لە راگەیەندراوەكەدا تەئكیدی كردۆتەوە، خۆپیشاندەران خۆیان لە رووبەڕبوونەوە لەگەڵ هێزە ئەمنییەكان دەپارێزن و هێرش ناكەنەسەر هیچ فەرمانگە و دامەزراوەیەكی نەوتی.

بڵاوبونەوەی ئەو دەنگۆیانە لەكاتێكدایە كە لەناوچەكانی ناوەڕاستی عێراق و بەتایبەتی لە شاری رومادییەوە پشتگیری خۆپیشاندانەكانی بەسرە و باشوری عێراق دەكرێت.

بەردەوام بە لە خوێندنەوە

عێراق

واشنتن پۆست: داعش بە خێرایی دەگەڕێتەوە بۆ عێراق

خەڵك- بەشی هەواڵ

رۆژنامەی واشنتن پۆست-ی ئەمریكایی ئەمڕۆ پێنج شەممە بڵاویكردەوە، رێكخراوی داعش هەوڵ دەدات لە ماوەی كەمتر لە ساڵێكدا سەرلەنوێ بگەڕێتەوە بۆ عێراق و ژمارەیەك كردەی تیرۆرستی جێبەجێدەكات.

رۆژنامەكە لە راپۆرتێكدا باسی لەوەكردووە، داعش كۆتایی پێنەهاتووە لە عێراق بە تەواوی و لێدوانەكەی دۆناڵد ترەمپ سەرۆكی ئەمریكا كە دەڵێت “سەركەوتنی ئێستا لە عێراق بەسەر داعشدا 98%ە” كۆتایی هاتنی داعشی رەتكردەوە بە تەواوی.

بەپێی رۆژنامەكە، رێكخراوی داعش خۆڕێكخستنەوەی لە عێراق سەرلەنوێ دەستپێكردووە سەرباری شكستە گەورەكانی رابردووی.

ئاماژەی بەوەشكردووە كە ئەم گەڕانەوە خێرایەی داعش دوای نەگرتنەبەری رێوشوێنی خێرا دێت بۆ ئاوەدانكردنەوەی ئەو شارانەی داعش چۆڵی كرد لەگەڵ گەمارۆنەدانی لە رووی ئەمنییەوە، كە كارئاسانی كرد بۆ دووبارە بڵاوبونەوەی شانەكانی لەو ناوچانەدا بۆ جارێكی دیكە.

بەردەوام بە لە خوێندنەوە

عێراق

داواكارییەكی سەرۆك كۆمار بۆ قەبوڵكردنی ئەنجامی هەڵبژاردنەكان رەتدەكرێتەوە

خەڵك- بەشی هەواڵ

بەشێك لە سەركردەی كوتلە سیاسییەكان داواكاری فوئاد مەعسوم سەرۆك كۆماری عێراق بۆ قەبوڵكردنی ئەنجامی هەڵبژاردنەكان لە دوای تەواوبوونی ژماردنەوەی دەستی دەنگەكان رەتدەكەنەوە.

رۆژنامەی العربی الجدید لە زاری پەرلەمانتارێكی پێشووی پەرلەمانی عێراقەوە بڵاویكردەوە، كۆبونەوەی سەرۆك كۆمار لەگەڵ سەركردەی كوتلە سیاسییەكان دوێنێ هەوڵی لێكنزیككردنەوەی كوتلە سیاسییەكان و كۆتاییهێنان بە قەیرانی پێكهێنانی حكومەتی تێدا دراوە.

ئاشكراشیكردووە، كە سەرۆك كۆمار داوای لە سەرجەم سەركردەكان كردووە كە ئەنجامی هەڵبژاردنەكان قەبوڵ بكەن، بەڵام قەبوڵیان نەكردووە.

بەپێی راپۆرتی رۆژنامەكە، پێش راگەیاندنی ئەنجامی كۆتایی هەڵبژاردنەكان كۆبوونەوەی دیكە دەكرێت بۆ رێگرتن لە روودانی قەیرانی نوێ بەمهۆیەوە.

بەردەوام بە لە خوێندنەوە
ریکلام

کوردستان

دوایین