ئێمە لە تۆرە کۆمەڵایەتیەکان

جیهانی

به‌زۆرینه‌ی ده‌نگ بڕیاردرا مۆندیالی ٢٠٢٦ له‌ “سێ وڵاته‌ ئه‌مریکیه‌که”‌ ئه‌نجام بدرێت

خه‌ڵک سپۆرت

بۆ وه‌رگرتنی مافه‌کانی ڕێکخستنی مۆندیالی ٢٠٢٦، زۆرینه‌ی یه‌کێتیه‌ وه‌رزشییه‌کانی سه‌ر به‌ یه‌کێتی تۆپی پێی جیهان “فیفا” ده‌نگیان به‌ دۆسیه‌ی پێشکه‌شکراوی وڵاتانی ئه‌مریکا و مه‌کسیک و که‌نه‌دا دا.

ئه‌مڕۆ کۆبونه‌وه‌ی گشتی ژماره‌ (٦٨)ی یه‌کێتی تۆپی پێی جیهان به‌سه‌رۆکایه‌تی جیانی ئینفانتینۆ له‌ ڕوسیا ئه‌نجامدرا، تیایدا چه‌ندین بڕیاری گرنگ درا و چه‌ندین دۆسیه‌ی گرنگ یه‌کلایی کرانه‌وه‌، یه‌کێک له‌ دۆسیه‌کان مه‌سه‌له‌ی به‌شداریکردنی (٤٨) هه‌ڵبژارده‌ بوو له‌ مۆندیالی ٢٠٢٦ له‌بڕی (٣٢) هه‌ڵبژارده‌، هه‌روه‌ها به‌زۆرینه‌ی ده‌نگی یه‌کێتیه‌ وه‌رزشیه‌کانی بواری تۆپی پێ که‌ ئه‌ندامن له‌ “فیفا” بڕیاردرا وڵاتانی ئه‌مریکا و مه‌کسیک و که‌نه‌دا مافی ڕێکخستنی ئه‌و مۆندیاله‌یان پێبدرێت (٢٠٢٦)، به‌وشێوه‌یه‌ش وڵاتی مه‌غریب بۆ جاری پێنجه‌م له‌ ململانێکانی بۆ ڕێکخستنی مۆندیال شکستی هێنا.

به‌پێی تۆماری ده‌نگه‌کان، له‌کۆی (٢٠٧) یه‌کێتی تۆپی پێی وه‌رزشیی (١٣٤)یان پاڵپشتی وڵاتانی ئه‌مریکا و مه‌کسیک و که‌نه‌دایان کردووه‌ و (٦٥) وڵاتیش ده‌نگیان به‌ مه‌غریب دا.

تائێستا و به‌درێژایی مێژووی مۆندیال، ئه‌مریکا ته‌نها له‌ ساڵی ١٩٩٤ مافه‌کانی ڕیکخستنی مۆندیالی به‌ده‌ست هێناوه‌، به‌ڵام خاکی مه‌کسیک هه‌ردوو مۆندیالی (١٩٧٠ و ١٩٨٦)ی له‌خۆگرتووه‌، که‌نه‌دا که‌ هاوبه‌شه‌ له‌ دۆسیه‌که‌دا ته‌نها جامی جیهانی ئافره‌تانی له‌ساڵی ٢٠١٥ ڕێکخستووه‌، واتا یاریگاکانی ئه‌و سێ وڵاته‌ له‌ئێستاوه‌ ئاماده‌ن بۆ ئه‌نجامدانی مۆندیال، به‌یه‌که‌وه‌ یه‌ک دۆسیه‌یان پێشکه‌ش کردبوو له‌ژێر ناوی (مۆندیالی یه‌کگرتن) و هه‌ڵبژارده‌ به‌شداره‌کانی ٢٠٢٦ دابه‌ش ده‌کرێن به‌سه‌ر ویلایه‌ته‌کانی ئه‌مریکا و که‌نه‌دا و مه‌کسیکدا.

جیهانی

کریستیانۆ ئامانجه‌ بازرگانیه‌کانی یوڤانتۆسی پێکاوه‌ و حه‌وت ململانێی وه‌رزشیی له‌به‌رده‌مدا ماوه‌

خه‌ڵک سپۆرت

کریستیانۆ ڕۆناڵدۆی پورتوگالی له‌گواستنه‌وه‌کانی هاوینه‌ی ٢٠١٨دا به‌بڕی (١١٧ ملیۆن یورۆ) له‌یانه‌ی ڕیاڵ مه‌دریده‌وه‌ ڕوویکرده‌ یانه‌ی یوڤانتۆس.

هه‌ندێک له‌سه‌رچاوه‌کان پێیان وابوو ئه‌و نرخه‌ بۆ یاریزانێکی ته‌مه‌ن (٣٣ ساڵ) زۆره‌ ئه‌گه‌رچی ئه‌و یاریزانه‌ دۆنی پورتوگالیش بێت، به‌ڵام داتا بازرگانیه‌ به‌ده‌ستهاتووه‌کان پێچه‌وانه‌ی ئه‌و بۆچونه‌ نیشان ده‌ده‌ن و ئاشکرایان کردووه‌، که‌ گواستنه‌وه‌ی ئه‌م ئه‌فسانه‌ زیندووه‌ هانده‌رانی یوڤی له‌ شاری تۆرینۆ و گشت جیهان سه‌رسام کردووه‌ شێتانه‌ ڕوویان له‌ کڕینی درێسی ژماره‌ (٧) کردووه‌.

ڕۆژنامه‌ی “موندۆ دیپۆرتیڤۆ” له‌زاری “بزنس ئینسایده‌ر”ه‌وه‌ بڵاویکردۆته‌وه‌، ته‌نها له‌ماوه‌ی ٢٤ کاتژمێردا کۆگاکانی کۆمپانیای “ئه‌دیداس” زیاتر له‌ نیو ملیۆن درێسی ژماره‌ حه‌وتی کریستیانۆیان فرۆشتووه‌ (٥٢٠ هه‌زار درێس)، که‌ نرخی هه‌ر درێسێک ١٣٠ یورۆ بووه‌ و کۆی گشتی فرۆش ته‌نها له‌و شه‌و و ڕۆژه‌دا (٦٧ ملیۆن یورۆ) بووه‌، یانه‌ی یوڤانتۆسیش له‌م پاره‌یه‌ به‌رێژه‌ی له‌سه‌دا (١٠ بۆ ١٥) پاره‌ به‌ده‌ست ده‌هێنێت و کۆی گشتی پاره‌ی به‌ده‌ستهاتو ده‌گاته‌ سنوری (٦.٧ ملیۆن یورۆ).

ڕۆژنامه‌ی “مارکا”ی ئیسپانی له‌م باره‌یه‌وه‌ نوسیویه‌تی: کریستیانۆ ئامانجه‌ داراییه‌کانی “لاڤیکیا سنیۆرا”ی پێکاوه‌ و له‌ئێستادا حه‌وت ململانێی وه‌رزشیی له‌به‌رده‌مدا ماوه‌ و هانده‌ران به‌په‌رۆشه‌وه‌ چاوه‌ڕوانی به‌ده‌ستهێنانی ده‌که‌ن، ئامانجه‌کانیش بریتین له‌:

  • ده‌رخستنی تواناکانی: ١٠ ساڵ له‌مه‌وبه‌ر کریستیانۆ له‌ترۆپکی تواناکانیدا په‌یوه‌ندی به‌ ڕیاڵه‌وه‌ کرد، ئێستا کاتی ئه‌وه‌یه‌ له‌گه‌ڵ یوڤی هه‌مان ئاست پێشکه‌ش بکاته‌وه‌ سه‌ره‌ڕای ئه‌وه‌ی ته‌مه‌نی ١٠ ساڵ زیادی کردووه‌.

  • به‌ده‌ستهێنانی شه‌شه‌م نازناوی چامپیۆنزلیگ: له‌گه‌ڵ یانه‌کانی مان یونایتد و ڕیاڵ مه‌درید ئه‌م نازناوه‌ی به‌ده‌ستهێناوه‌، ئامانجی گه‌وره‌ و سه‌ره‌کی وه‌رزی داهاتو به‌ده‌ستهێنانی جامه‌ گوێچکه‌داره‌که‌یه‌ به‌درێسی یوڤانتۆسه‌وه‌، ئه‌م ئامانجه‌ داواکاری سه‌ره‌کی ئیدارو هانده‌رانی یانه‌ ئیتاڵیه‌که‌یه‌ له‌ “دۆن”.

  • سێ چامپیۆنزلیگ و سێ یانه‌ی جیاواز: یه‌کێکی تر له‌ڕیکۆرده‌ چاوه‌ڕوانکراوه‌کان ئه‌وه‌یه‌ به‌درێسی یوڤیه‌وه‌ نازناوی خولی یانه‌ پاڵه‌وانه‌کان به‌ده‌ست بهێنێت، ئه‌وه‌ش ده‌بێته‌ ڕیکۆردی مێژوویی (به‌درێسی سێ یانه‌وه‌ سێ نازناوی چامپیۆنز).

  • سێ نازناوی خولی ناوخۆ له‌گه‌ڵ سێ یانه‌: به‌ده‌ستهێنانی نازناوی کالچیۆی وه‌رزی داهاتو خۆی له‌خۆیدا ڕیکۆرده‌، به‌وشێوه‌یه‌ کریس ده‌بێته‌ ئه‌و یاریزانه‌ی به‌درێسی سێ یانه‌وه‌ سێ نازناوی خولی ناوخۆی (ئینگلته‌را، ئیسپانیا، ئیتاڵیا) به‌ده‌ست ده‌هێنێت.

  • پێگه‌ی گۆڵکار: تۆمارکردنی ٣٥ گۆڵ له‌خولی ناوخۆی ئیتاڵیا یه‌کێکه‌ له‌ ئامانجه‌ سه‌ره‌کیه‌کانی کریستیانۆ‌، به‌وشێوه‌یه‌ ڕیکۆردی گۆڵکاری یه‌ک وه‌رزی یوڤانتۆس ده‌شکێنێت که‌ ٣٥ گۆڵه‌ و به‌ناوی فێرنیک هایه‌رزری هه‌نگارییه‌وه‌یه‌.

  • پێڵاوی ئاڵتونی: له‌گه‌ڵ یانه‌ی مان یونایتد و ڕیاڵ مه‌درید چوار خه‌ڵاتی پێڵاوی ئاڵتونی “گۆڵکاری خوله‌کانی ئه‌وروپا”ی به‌ده‌ستهێناوه‌، له‌م وه‌رزه‌دا پێویسته‌ له‌پێناو مێژوودا هه‌مان خه‌ڵات به‌درێسی خانمه‌ پیره‌که‌وه‌ به‌ده‌ست بهێنێت.

  • شه‌شه‌م “بالۆن دۆر”: بۆ ئه‌وه‌ی بیسه‌لمێنێت له‌مێژوودا باشترینه‌ و پێش لیۆ مێسی بکه‌وێت، پێویسته‌ له‌ وه‌رزی نوێدا خه‌ڵاتی شه‌شه‌می “بالۆن دۆر” به‌ده‌ست بهێنێت.

بەردەوام بە لە خوێندنەوە

جیهانی

ئوندا سیرۆ: نایمار قوفڵ نه‌کراوه‌ و داهاتوی له‌سه‌ر هه‌ڵوێستی پێرێز و توخێل وه‌ستاوه‌

خه‌ڵک سپۆرت

یانه‌ی پاریس سانت جێرمانی فه‌ره‌نسی گڵۆپی سه‌وزی بۆ گواستنه‌وه‌ی نایمار دا سیلڤای به‌رازیلی داگیرساندووه‌ و داهاتوی یاریزانه‌که‌ به‌ هه‌ڵوێستی فلۆرنتینۆ پێریزی سه‌رۆکی یانه‌ی ڕیاڵ مه‌درید و توماس توخێلی ڕاهێنه‌ری پاریسه‌وه‌ به‌ستراوه‌.

به‌پێی زانیارییه‌کانی به‌رنامه‌ی “ئیل ترانسیستۆر”ی تایبه‌ت به‌ ئێزگه‌ی “ئوندا سیرۆ”، ئیداره‌ی یانه‌ی پاریس سانت جێرمان هه‌وڵێستیان ده‌رباره‌ی نایمار گۆڕانکاری به‌سه‌ردا هاتووه‌، به‌ڵکو له‌ ئێستادا یاریزانه‌که‌یان قوفڵ نه‌کردووه‌ و ئاماده‌ن به‌بڕێک پاره‌ی باش بیفرۆشن‌ به‌ یانه‌یه‌کی تر، به‌ڵکو ته‌نها یاریزان که‌ ئاماده‌نین له‌باره‌یه‌وه‌ هیچ گفتوگۆیه‌ک بکه‌ن کیلیان مباپێ-ی فه‌ره‌نسی-یه‌ که‌ له‌مۆندیالی ٢٠١٨ ئاستێکی خه‌یاڵی پێشکه‌ش کردووه‌.

به‌پێی زانیارییه‌کان، به‌رپرسانی پاریس گڵۆپی سه‌وزیان بۆ تۆماس توخێلی ڕاهێنه‌ری یانه‌که‌ داگیرساندووه‌ و بڕیاری به‌رده‌وامبون و ڕۆیشتنی یاریزانه‌که‌یان خستۆته‌ سه‌ر شانی ڕاهێنه‌ری نوێ، ئه‌گه‌ر بێتو له‌ماوه‌ی داهاتودا بڕیاری فرۆشتنی بدات ئه‌وا ڕاسته‌وخۆ وه‌ک شوێنگره‌وه‌ی هه‌وڵه‌کانیان بۆ ئه‌ستێره‌یه‌کی گه‌وره‌ی تر ده‌ست پێده‌که‌ن له‌ نمونه‌ی پاولۆ دیبالای ئه‌رجه‌نتینی یاریزانی یانه‌ی یوڤانتۆسی ئیتاڵی.

له‌لایه‌کی تره‌وه‌ فلۆرنتینۆ پێریزی سه‌رۆکی “مێره‌نگی” به‌هه‌مان شێوه‌ بڕیاری یه‌کلاکه‌ره‌وه‌ی له‌ژێر ده‌ستدا ده‌بێت، به‌وپێیه‌ی له‌ئێستادا کریستیانۆی فرۆشتووه‌ و بڕیارێکی فه‌رمی ده‌رباره‌ی شوێنگره‌وه‌ی نه‌داوه‌‌، به‌ڵام ئه‌وه‌ی گومانی له‌نێو میدیاکانی ئیسپانیا دروست کردووه‌ لێدوانه‌کانی ڕابردویه‌تی که‌ ڕایگه‌یاندووه‌ :” هه‌موو جیهان ده‌زانن که‌ ئێمه‌ چه‌ند گرنگه‌ به‌لامانه‌وه‌ نایمار بهێنینه‌ ڕیزه‌کانمان”.

سه‌رچاوه‌کان ده‌نوسن: پێرێز هه‌میشه‌ وا خۆی ده‌رخستووه‌ که‌ پێویستی به‌ یاریزانی نوێ نییه‌، به‌ڵام له‌ناکاو هه‌ڵوێستی ده‌گۆڕێت و گه‌وره‌ترین بۆنده‌کان ئیمزا ده‌کات…

بەردەوام بە لە خوێندنەوە

جیهانی

ڕابیۆ مانی گرتووه‌ و چاوه‌ڕێی به‌رشلۆنه‌ و کۆبونه‌وه‌که‌ی ناسڕ خلێفی-یه‌!

خه‌ڵک سپۆرت

ئه‌دریان رابیۆی ناوه‌ندسازی فه‌ره‌نسی ئاماده‌ نییه‌ بۆنده‌که‌ی له‌گه‌ڵ یانه‌ی پاریس سانت جێرمان نوێ بکاته‌وه‌ و سه‌رچاوه‌کان جه‌خت ده‌که‌نه‌وه‌، که‌ ڕێکه‌وتنی له‌گه‌ڵ ئیداره‌ی به‌رشلۆنه‌دا کردووه‌.

ڕۆژنامه‌ی “موندۆ دیپۆرتیڤۆ”ی ئیسپانی له‌زاری سه‌رچاوه‌کانیه‌وه‌ ئاشکرای کردووه‌، له‌ماوه‌ی چه‌ند هه‌فته‌ی ڕابردوودا ئیداره‌ی یانه‌ی پاریس سانت جێرمان چه‌ند ئۆفه‌رێکی نوێیان خستۆته‌ به‌رده‌م ڕابیۆ، به‌ڵام یاریزانه‌ ته‌مه‌ن ٢٣ ساڵه‌که‌ ته‌واوی ئه‌و ئۆفه‌ر و بۆندانه‌ی ڕه‌ت کردۆته‌وه‌، هۆکاره‌که‌ش بۆ توڕه‌یی له‌ یانه‌ زه‌به‌لاحه‌که‌ی فه‌ره‌نسا و هه‌ڵبژارده‌ی وڵاته‌که‌ی ده‌گه‌ڕێته‌وه‌ که‌ له‌پێکهاته‌ی سه‌ره‌کی مۆندیال دووریانخسته‌وه‌.

به‌پێی سه‌رچاوه‌که‌، ڕابیۆ ڕێکه‌وتنی سه‌ره‌تایی له‌گه‌ڵ بارسا کردووه‌ و یانه‌ی پاریس سانت جێرمان ده‌زانن که‌ ئه‌گه‌ر له‌م هاوینه‌دا بۆنده‌که‌ی نوێ نه‌که‌نه‌وه‌‌ وه‌رزی داهاتو ناچارن بێبه‌رامبه‌ر ده‌ستبه‌رداری بن (یه‌ک وه‌رز له‌ بۆنده‌که‌یدا ماوه‌)، لێره‌وه‌ ناسڕ خلێفی بڕیاریداوه‌ کۆبونه‌وه‌ی له‌گه‌ڵدا ئه‌نجام بدات، ئه‌گه‌ر له‌و کۆبونه‌وه‌یه‌شدا ناوه‌ندسازه‌که‌ سوربێت له‌سه‌ر ڕۆیشتن، بێگومان خلێفی ناچار ده‌بێت ده‌ستبه‌رداری بێت.

له‌به‌رامبه‌ردا ئیریک ئه‌بیدال و پیپی سیگوێرای به‌ڕێوه‌به‌رانی گواستنه‌وه‌کانی به‌رشلۆنه‌ له ‌پاریس ده‌ستیان به‌ گفتوگۆی گواستنه‌وه‌که‌ کردووه‌ و ئاماده‌ن دوای ئاشکرابونی ئه‌نجامی کۆبونه‌وه‌که‌ راسته‌وخۆ بۆندی خۆیان پێشکه‌ش بکه‌ن و که‌یسه‌که‌ کۆتایی پێبهێنن.

بەردەوام بە لە خوێندنەوە
ریکلام

کوردستان

دوایین