ئێمە لە تۆرە کۆمەڵایەتیەکان

کوردستان

هاوپەیمانی، هەڵوێستی خۆی لەسەر هاوپەیمانی شەش لایەنەكە بۆ پەرلەمانی كوردستان ئاشكرا كرد

خەڵك-بەشی هەواڵ

ئەندامێكی ئەنجومەنی بەڕێوەبردنی هاوپەیمانی بۆ دیموكراسی و دادپەروەری هەڵ,ێستی حزبەكەی لەسەر هاوپەیمانی نێوان شەش لایەنەكە ئاشكرا دەكات و ئاماژە بۆ ئەوە دەكات، ئەوان هەموو كات یەكلایین بۆ یەكڕیزی و یەك هەڵوێستی نێوان لایەنەكان.

“گۆڕان، كۆمەڵ، یەكگرتوو، بزووتنەوە، هاوپەیمانی، شیوعی” ئەنجامی هەڵبژاردنەكانی عێراق لە بەرەیەكدا كۆی كردنەوەو لە بەپێی زانیارییەكان دوای جەژنی رەمەزان تاوتوێی پێكهێنانی هاوپەیمانیەتییەك دەكەن بۆ هەڵبژاردنەكانی هەرێم.

عوسمان عەبدوڵڵا گوڵپی ئەندامی ئەنجومەنی بەڕێوەبردنی هاوپەیمانی بۆ دیموكراسی و دادپەروەری بە (خەڵك)ی راگەیاند، هەموو كات هەڵوێستمان یەكلاییە بۆ ئەوەی یەكڕیز و یەك دەنگ و یەك هەڵوێست بین لەگەڵ لایەنەكان كە پێكەوە بتوانین داهاتووی ئەم وڵاتە بەرەو باشی بەرین.

وتیشی، هەموو هەوڵەكانمان بۆ ئەوەیە كە هێزە چاكەخوازەكان پێكەوەبین و یەك دەنگ و یەكریز بین.

كاتێكی كەمی ماوە بۆ پێدانی ناوی هاوپەیمانی بە كۆمسیۆنی هەڵبژاردنەكانی هەرێم و پێویستە لایەنەكان لە زووترین كاتدا خۆیان یەكلایی بكەنەوە، گوڵپی لەو بارەوە رایگەیاند، دەبێت هێزەكانیتر گفتوگۆكان بەردەوامی پێبدەن‌و وەڵام بدەنەوە، ئێمە مەبدەئیەن لەگەڵ یەكریزیداین.

سەبارەت بە نەهاتنە پێشەوەی لایەنێك لەو لایەنانە بۆ نێو ئەو هاوپەیمانیەتییە، ناوبراو رایگەیاند، هێشتا نەهاتوەتەسەر ئەو وردەكارییە، چونكە هەڵبژاردن و ساختەكارییەكەی بەغدا تا رادەیەك سەرقاڵی كردوون.

کوردستان

لە یەک ھەفتەدا لە کەرکوک دە کەس کوژراون

خەڵک-

بە تەنھا لە ماوەی ھەفتەی ڕابردوودا لە کەرکوک، ١٠ ھاوڵاتی و کارمەندی ھێزە ئەمنییەکان کوژراون و دەیان تۆمەتباریش لە لایەن ھێزە ئەمنییەکانەوە دەستگیر کراون.

بەپێی راپۆرتێکی پێگەی کەرکوک ناو، لە ماوەی رۆژانی ٦ تا ٢٠١٨/٧/١٣ لە نێو شاری کەرکوک و قەزا و ناحیەکانی دەوروبەری دەیان ڕووداوی جیاواز ڕوویانداوە، وەک هێرشی چه‌كداری و رفاندنی هاوڵاتیان.

راپۆرتەکە ئاماژە بەوە دەکات: رۆژی هه‌ینیی رابردوو ٢٠١٨/٧/٦، له‌ ئه‌نجامی ته‌قینه‌وه‌ی بۆمبێكی چێنراوی داعش له‌ گوندی خاتونیه‌ی حه‌ویجه‌، كاروانێكی حه‌شدی شه‌عبی بۆته‌ ئامانجی و كارمه‌ندێكیان كوژراوه‌ و یه‌كێكی تر برینداربوون.

رۆژی دواتر، شه‌ممه‌ ٢٠١٨/٧/٧ له‌ گوندی ئه‌زه‌ربان، ژماره‌یه‌كی چه‌كداری داعش چوونەتە‌ سه‌ر ماڵی موختاری ناوچه‌كه‌ و كوڕە‌كه‌یان ده‌ستبه‌سه‌ركردووه‌، كاتێك موختاره‌كه‌یان نه‌دۆزیوه‌تەوە،‌ خانووه‌كه‌یان سوتاندوه‌ و كوڕەكه‌یان له‌ چیاكانی حه‌مرین كوشتووه‌.

رۆژی یه‌كشه‌ممه‌ش ٢٠١٨/٧/٨ له‌ ناحیه‌ی ریاز، به‌هۆی ته‌قینه‌وه‌ی بۆمبێكی چێنراوەوە سێ جوتیار كوژراون و یه‌كێكی تر برینداربووە.

هه‌مان رۆژ له‌ گوندی نه‌سر له‌سه‌ر رێگای سه‌ره‌كی حه‌ویجه‌، بۆمبێكی چێنراو به‌ كاروانی ئۆتۆمبێله‌كانی پۆلیسی فیدراڵیدا ته‌قوەتەوە، لە ئەنجامدا کارمەندێکی پۆلیس كوژراوە و ٧ کارمەندی دیكه‌ بریندار بوون.

رۆژی دووشەممەش ٢٠١٨/٧/٩، گه‌نجێكی ته‌مه‌ن ١٨ ساڵ له‌ شه‌قامی پارێزگا له‌ شاری كه‌ركوك بە فیشەکێک كۆتایی به‌ ژیانی خۆی هێناوه، ئه‌وه‌ش به‌هۆی ده‌رنه‌چوونی بووه‌ له‌ تاقیكردنه‌وه‌كاندا، به‌ڵام لێكۆڵینه‌وه‌ له‌ ڕووداوه‌كه‌ به‌رده‌وامیی هه‌یه‌.

 

بەردەوام بە لە خوێندنەوە

کوردستان

سەركردایەتییەكی یەكێتی كاتی گونجاوی بەستنی كۆنگرە ئاشكرادەكات

خەڵك – بەشی هەواڵ
ئەندامێكی سەركردایەتی یەكێتی نیشتمانی كوردستان ڕایدەگەیەنێت، دۆخی ناوخۆی حزبەكەی تاڕادەیەكی باش هێوربۆتەوە و زەمینەسازیەكان بەرەو كۆنگرە كۆتایی هاتووە، تەنها بڕیاردان لە سەر ڕۆژی كۆنگرە ماوە، دەشڵێت: “دەرفەتی ئەوەش هەیە پێش هەڵبژاردن كۆنگرە ببەسترێت”.

فەرید ئەسەسەرد، ئەندامی سەركردایەتی یەكێتی بە (خەڵك)ی ڕاگەیاند، لە ئێستادا دۆخی یەكێتی تاڕادەیەكی باش هێوربۆتەوە و هەنگاونان بەرەو كۆنگرە ئاڕاستەی خۆی وەرگرتووە، پەیڕەوی ناوخۆ و بەرنامەی كۆنگرە كۆتایی هاتووە و بەم نزیكانە بڵاودەكرێتەوە بۆ ئەوەی ڕاوبۆچی یەكێتی لەسەر وەربگیرێت.

وتیشی، “لە ئێستادا تەنها یەكلایی كردنەوەی ئەوە ماوە كۆنگرە لە پێش هەڵبژاردن یان لەدوای هەڵبژاردن ببەسترێت، بەڵام دەرفەت ماوە بۆ ئەوەی پێش هەڵبژاردن یەكێتی كۆنگرەی خۆی ببەستێت، هەنگاوە سەرەكیەكانی كۆتایی هاتووە و تەنها دەست نیشان كردنی ئەندامانی كۆنگرە ماوە”.

ڕاشیگەیاند، ئەنجومەنی سەركردایەتی یەكێتی بڕیاری كۆتایی لە دیاری كردنی ڕۆژی كۆنگرە دەدات و ئەگەر هیچ پێشهاتێك ڕوونەدات یەكێتی لە پێش هەڵبژاردن كۆنگرە دەبەستێت.

لە بارەی بۆچوونی فەرید ئەسەسەرد لە بارەی بەستنی كۆنگرەی حزبەكەی، ناوبراو وتی، “من پێم باشە كۆنگرە لە پێش هەڵبژاردن ببەسترێت، چونكە بۆ هەردوو كاتەكە دەرفەت هەیە، بەڵام پێش هەڵبژاردن كاریگەری دەبێت لەسەر هاندانی جەماوەری یەكێتی لە بەشداریەكی كارای هەڵبژاردنەكان، بە پێچەوانە بخرێتە دوای هەڵبژاردن، كادیرانی یەكێتی لێكدانەوەی جیاوازی بۆ دەكەن، یان باوەڕیان وادەبێت ئیتر هەر ناكرێت”.

بەردەوام بە لە خوێندنەوە

کوردستان

پێشمەرگە و هێزە عیراقییەكان یەكەم ئەركی هاوبەشیان ئەنجامدا

خەڵك- بەشی هەواڵ
پێشمەرگە و هێزە عیراقییەكان، یەكەم ئەركی هاوبەش لە زنجیرە چیاكانی ناحیەی قەراجی نزیك قەزای مەخمور ئەنجام دەدەن.

ئەمڕۆ دوو شەممە، عەقید سەعد تەحسین، بەرماندەی فیرقەی 16 لە سویای عیراق، لە لێدوانێكی ڕۆژنامەوانیدا ڕایگەیاندووە، “هێزەكانی سوپا و پێشمەرگە، بە سەرپەرشتی هاوپەیمانی نێودەوڵەتی، یەكەم ئەركی هاوبەشیان لە زنجیرە چیاكانی قەراج، ئەنجامدا”.

بە وتەی ئەو فەرماندەیەی سوپای عیراق، “ئەركەكە لە چوارچێوەی هەڵمەتێكی پشكنین بوو بە درێژایی گوندەكانی عەلی ڕەش، چوار كومان، پردی ستی و سۆران”.

عەقید سەعد تەحسین، ڕەتیكردۆتەوە، لەو هەڵمەتەدا كەسیان دەستگیركردبێت، بەڵام بە وتەی ئەو، “ئەو هەنگاوە هەوڵێكە بۆ گێڕانەوەی متمانە لەنێوان سوپا و پێشمەرگە لەپاش ئەو ناكۆكیانەی لە ساڵی 2017دا لە ناوچە جێناكۆكەكان ڕوویاندا”.

بەردەوام بە لە خوێندنەوە
ریکلام

کوردستان

دوایین