ئێمە لە تۆرە کۆمەڵایەتیەکان
ریکلام

ئابوری

جارێكی تر دەستكاری موچەی خانەنشینی پەرلەمانتاران كرایەوە

خەڵك- بەشی هەواڵ

لە دواین كۆبونەوەی پەرلەمانی كوردستاندا كە دوێنێ‌ بە نهێنی بەرێوەچوو، بڕیار لەسەر پرۆژەیاسای چاكسازی موچە درا و خانەنشینی پەرلەمانتاران و پلەباڵاكانیش یەكلای كرایەوە.

ئەندامێكی پەرلەمانی كوردستان بە (خەڵك)ی راگەیاند، دوای ئەوەی هەفتەی پێشوو لە كۆبونەوەی لیژنەكانی یاسا و دارایی و ئابوریدا جۆرێك لە رێكەوتن كرا لەسەر دیاریكردنی موچە و خانەنشینی پەرلەمانتار و پلەباڵاكان و فەرمانبەران، بەڵام بەزۆری لەلایەن پەرلەمانتارانەوە رەتكرایەوە و بڕی پارەی خانەنشینییەكەیان بە كەمزانیووە.

ئەو پەرلەمانتارە كە نەیوست ناوی بڵاوبكرێتەوە رونیكردەوە، كە پێشتر بڕیار بوو ئەو پەرلەمانتارانەی كە تەمەنیان لە 50 ساڵ كەمترە و 15 خزمەتیان نیە، بە 40%ی موچەوە خانەنشین بكرێن، بەڵام ئەو بۆچونە رەتكراوەتەوە و دوێنێ‌ جارێكی تر بڕیاری لێدراوە.

وتیشی”بەپێی دواین رێكەوتن لەسەر موچە و خانەنشینی، موچەی پەرلەمانتارانیش وەك فەرمانبەران ئاسایی دەكرێتەوە و دەكرێت بە 8 ملیۆن و 200 هەزار دینار و بە دوو شێوەی جیاوازیش خانەنشین دەكرێن”.

ئەو پەرلەمانتارە رونیكردەوە، كە ئەو پەرلەمانتارانەی كە تەمەنیان لە سەرو 50 ساڵەوەیە و 15 ساڵ خزمەتیان هەیە بە 60%ی موچەكانیانەوە خانەنشین دەكرێن، كە دەكاتە نزیكەی چوار ملیۆن و 900 هەزار دینار و ئەوانی تریش بە 50%ی موچەكانیانەوە خانەنشین دەكرێن، كە دەكاتە نزیكەی 4 ملیۆن و 100 هەزار دینار.

عینایەت عەبدوڵا، سەرۆكی یەكێتی پەرلەمانتارانی كوردستان بە (خەڵك)ی راگەیاند، ئەوان پێشنیازیان كردووە، كە دەستكاریكردنەوەی موچەی پلەباڵاكان و پەرلەمانتاران لەسەر بنەمای یاسای عێراقی بێت.

وتیشی”ئێستا موچەی پەرلەمانتارانی خانەنشین 3 ملیۆن و 936 هەزار دینارە و ماوەی مانگێكە دەستكاری كراوەتەوە و پێشتر 3 ملیۆن و 280 هەزار دینار بووە.

ریکلام

ئابوری

قوباد تاڵەبانی لەسەر پاشەكەوتی مووچە بەڵێنێك بە فەرمانبەران دەدات

خەڵك- بەشی هەواڵ
سەرۆكی لیستی یەكێتی بۆ هەڵبژاردنی پەرلەمانی كوردستان و جێگری سەرۆك وەزیرانی هەرێم داوای “لێبوردن لە خەڵكی گەرمیان” دەكات و ڕایدەگەیەنێت، دروشمی ئارامی و هەلی كار و خزمەت موزایەدە نیە و دەشڵێت: “بەڵێنی گەڕانەوەی سەرجەم پارەی پاشەكەوتكراوی فەرمانبەران دەدەین”.

قوباد تاڵەبانی، سەرۆكی لیستی یەكێتی لە بانگەشەی هەڵبژاردن لە كەلار ڕایگەیاند، گەرمیان لانكەی شۆڕش و قوربانیدانە و ناونیشانێكی پان و بەرینی لە داستانەكانی یەكێتیدا تۆمار كردووە و لە خۆڕا مامی گەورە بە قەڵای سەوزی یەكێتیی ناوی نەبردووە و سەرەڕای ئەوەش داوای لێبووردنمان هەیە، كە بەقەد گەورەیی خۆی خزمەت نەكراوە.

وتیشی، “هاتووین بۆ دەستپێكێكی نوێ بۆ خزمەتكردن و بەجێگەیاندنی خزمەتگوزاری زیاتر بە ناوچەكە و دووپاتی دەكەینەوە دروشمی ئارامی و هەلی كارو خزمەت موزایەدە نیە، بەڵكو تێگەیشتنی قوڵمانە لە خەمی گەرمیانیەكان و چیتر نامانەوێت لە دوورەوە سەیری گڕی نەوت بكەن و كاردەكەین گەرمیان سوودمەندی یەكەم لە داهاتی سامانە سرووشتیەكان”.

قوباد تاڵەبانی جەختیشی كردەوە، بەڵێنی گەڕانەوەی سەرجەم پارەی پاشەكەوتكراوی فەرمانبەران دەدەین و بەكرداریش جێبەجێی دەكەین.

ڕاشیگەیاند، دەزانم گەرمیانییەكان زوڵم قبوڵ ناكەن، هەر دەنگی گەرمیانییەكانیش بوو یەكێتیی بە ئاگا هێنایەوە، زۆریش ویستیان خۆیان بكەن بە خاوەنی ناڕەزاییەكان.

ئاماژەی بەوەشكرد، چارەسەری كێشەكانیش هەر بە یەكێتی نیشتمانی كوردستان دەكرێت، ئەوەی كراوە یەكێتی پێشەنگ بووە لە كردنی، ئەوەش كە نەكراوە هەر یەكێتی لە جێبەجێكردنیدا پێشەنگ دەبێت.

بەردەوام بە لە خوێندنەوە

ئابوری

حكومەتی هەرێم كاتی هەڵوەشاندنەوەی پاشەكەوتی مووچەی ڕاگەیاند

خەڵك- بەشی هەواڵ
وتەبێژی فەرمی حكومەتی هەرێم كاتی هەڵوەشاندنەوەی پاشەكەوتی مووچەی فەرمانبەران ئاشكرادەكات و ڕایدەگەیەنێت، كە دۆخی دارایی حكومەت باش بووە.

سەفین دزەیی، وتەبێژی فەرمی حكومەتی هەرێم لە پەراوێزی بانگەشەی هەڵبژاردنی پارتی لە دهۆك بە میدیاكانی ڕاگەیاند، كە پاش هەڵبژاردن حكومەت هەوڵی خۆی دەدات بۆ دابەشكردنی مووچە بە شێوەیەكی باش و نەهێشتنی پاشەكەوتی مووچە.

وتیشی، “بێگومان یەكەم هەنگاوی حكومەتی نوێ‌ هەڵوەشاندنەوەی پاشەكەوتی مووچە دەبێت و ئومێدی ئەوەش هەیە، چونكە دۆخی دارایی حكومەت لە 6 مانگ یان ساڵێك پێش ئێستا باشترە”.

جەختیشی كردەوە، كە ئەوە بەڵێنی سەرۆكی حكومەتە.

بەردەوام بە لە خوێندنەوە

ئابوری

نرخی نەوت ڕیكۆردێكی جیهانی تۆماركرد

خەڵك- بەشی هەواڵ
جارێكی دیكە نرخی نەوت لە بازاڕەكانی جیهانی ڕیكۆردێكی نوێی تۆمار كرد بە بەراورد بە 4 ساڵی ڕابردوو، ئەمەش بەهۆی نزیك بوونەوەی وادەی سزاكانی ئەمریكا لەسەر ئێران و قەدەغە كردنی هەناردەی نەوتی ئەو وڵاتە.

بەپێی ڕاپۆرتێك، كە ئاژانسی (ڕۆیتەرز) بڵاویكردۆتەوە، ئەمڕۆ سێ‌ شەممە لە كاتژمێر 11 و 21 خولەك بەكاتی گرنج نرخی نەوت بەرزبووەوە و نرخی بەرمیلێك نەوتی برێنت گەیشتە 82 دۆلار و 20 سەنت، كە ئەوەش بەرزترین ئاستە لەدوای مانگی 11ی ساڵی 2014-ەوە.

هاوكات نرخی نەوتی خاوی ڕۆژئاوای تەكساسی ئەمریكی بەرزبۆتەوە و نرخی بەرمیلێك گەیشتۆتە 72 دۆلار و 38 سەنت.

بەپێی بڕیارەكەی دۆناڵد ترەمپ، سەرۆكی ئەمریكا، ئیدارەی واشنتۆن لە مانگی 11ی ئەمساڵەوە بەشی دووەمی سزا قورسەكان بەسەر بواری وزە و هەناردەی ئێران-دا دەسەپێنێت و بۆ ئەوەش فشاریان خستۆتە سەر زۆربەی وڵاتان و كۆمپانیاكانی جیهان بازرگانی لەگەڵ تاران ڕابگرن.

بەردەوام بە لە خوێندنەوە
ریکلام
ریکلام
ریکلام

کوردستان

دوایین