ئێمە لە تۆرە کۆمەڵایەتیەکان
ریکلام

عێراق

داوای پێكهێنانی حكومەتی رزگاریی نیشتمانی و دووبارەكردنەوەی هەڵبژاردنەكان دەكرێت

خەڵك – بەشی هەواڵ

 ئەسیل نوجێفی پارێزگاری پێشووی نەینەوا و ئەندامی هاوپەیمانی قەراری عێراقی داوای پێكهێنانی حكومەتی رزگاری نیشتمانی لە عێراق دەكات دوای سەلماندنی ساختەكردنی هەڵبژاردنەكان كە بەهۆیەوە قەیرانێك دروستبووە، كە بە رەتكردنەوەی ئەنجامەكان و سوتاندنی سندوقەكان دەستیپێكرد.

رۆژنامەی شەرقولئەوسەت لە زاری نوجێفییەوە بڵاویكردەوە،  ئەنجامەكانی هەڵبژاردن یەك كەسیشی قایل نەكرد، بۆیە پێویستە حكومەتی رزگاری نیشتمانی پێكبهێندرێت بۆدووبارە بنیاتنانەوەی دامەزراوەكانی دەوڵەت و سیستمێكی هەڵبژاردن پێش سازكردنی دروستبكرێت، كە بڕواپێكراو بێت.

لای خۆیەوە ئەیاد عەلاوی سەرۆكی لیستی وەتەنییە داوای دووبارەكردنەوەی  هەڵبژاردنەكان دەكات لە دوای سەلیم جبووری سەرۆكی پەرلەمانی عێراق.

نوسینگەی عەلاوی لە راگەیەندراوێكدا روونیكردەوە بە پشت بەستن بە سوتاندنی سندوقەكانی رەسافە و كەمی بەشداری هاووڵاتیان لە دەنگدان پێویست دەكات بە دۆزینەوەی رێگاچارەیەكی دیكە بۆ متمانەكردنەوە بە پرۆسەی سیاسی و هەڵبژاردن لە رێگای بەشداریپێكردنی هاووڵاتیان لە دەركردنی بڕیاردا.

بەڵام عەبادی دەڵێت دووبارەكردنەوەی هەڵبژاردنەكان رەتدەكاتەوە، بەڵكو ئەوە لە دەسەڵاتی دادگای فیدراڵیدایە كارێكی لەوجۆرە بكات.

سەعد حەدیسی گوتەبێژی نوسینگەی عەبادی سەرۆك وەزیران بۆ رۆیتەزر رایگەیاندووە كە تاكە لایەن كە مافی بڕیاردانی بۆ دووبارەكردنەوەی هەڵبژاردنەكان هەیە، دادگای فیدراڵییە، نەك لایەنی جێبەجێكار یان لایەنی دیكە.

 

 

عێراق

یەكەم كەسایەتی بۆ سەرۆك وەزیرانی عیراق خۆی كاندید كرد

خەڵك- بەشی هەواڵ
كەسایەتییەكی سیاسی عیراقی لە پارێزگای بەسرە خۆی بۆ پۆستی سەرۆك وەزیرانی عیراق كاندید كرد و ڕایگەیاند، كە بەشداری هەڵبژاردنە پەرلەمانیەكەی 12ی ئایاری نەكردووە.

وابس عامود، كەسایەتی سیاسی شاری بەسرە بە ماڵپەڕی (سۆمەریە نیوز)ی عیراقی ڕاگەیاندووە، “بە فەرمی خۆم بۆ پۆستی سەرۆك وەزیرانی عیراق كاندید كردووە و داواكاریم ئاڕاستەی سەرۆكایەتی پەرلەمان كردووە، ئەوەشم لە ئاهەنگێكدا لە بەسرە بە ئامادەبوونی هەواداران و كەسایەتییە عەشایەریەكان ڕاگەیاندووە”.

وتیشی، “كوتلە سیاسیەكان تا ئێستا لەسەر دیاری كردنی كاندیدێك ڕێكنەكەوتوون، بۆیە ئەوەم بە هەڵیچك زانی”.

عامود ڕاشیگەیاندووە، كە وەك ئەركێكی ئایینی خۆم بۆ ئەو پۆستە كاندید كردووە، بەتایبەتیش لەژێر ڕۆشنایی ئەوەی پارێزگای بەسرە تووشی قەیرانی و دەردەسەری زۆر بووە و چەندین شەهیدی داوە.

جەختیشی كردۆتەوە، كە سەرجەم مەرجەكانی بوون بە سەرۆك وەزیرانی تێدایە و ئامادەیە لە دیبەیتێكدا ڕووبەڕووی سەرجەم كاندیدەكانی ئەو پۆستە ببێتەوە.

وابس سەلمان عامود ئەلشەمەری لە ساڵی 1943 لە شارۆچكەی (سەت ئەلعەرەب) لەدایك بووە و خاوەنی بڕوانامەی دكتۆرایە لە فەسلەجەی دەمار و ماسولكە لە زانكۆی (برستۆڵ) لە بەریتانیا لە ساڵی 1973 و چەندین ساڵە لە زانكۆی بەسرە وانە دەڵێتەوە و ئەندامی ئەنجومەنی پارێزگای بەسرە بووە لە ساڵی 2005- 2009 و لە ئێستاشدا لەگەڵ هاوسەرەكەی دامەزراوەی حەوانەوە و سەرپەرشتی هەتیوان بەڕێوە دەبن بەناوی (دامەزراوەی هەتیوانی نیشتمانی).

بەردەوام بە لە خوێندنەوە

عێراق

مالكی و عەبادی ڕێكەوتن

خەڵك- بەشی هەواڵ
ئەمڕۆ حزبی دەعوەی ئیسلامی عیراقی بە ئامادەبوونی مالكی و عەبادی كۆبووەوە و وتەبێژی فەرمی هاوپەیمانی دەوڵەتی یاسا ڕایدەگەیەنێت، لە كۆبوونەوەكەدا باسی كاندیدی كەسێكی دیاری كراو بۆ سەرۆك وەزیران نەكراوە.

عەباس موسەوی، وتەبێژی فەرمی هاوپەیمانیەكە لە تویتێكدا ئاماژەی بەوەكردووە، كۆبوونەوەی حزبی دەعوەی ئیسلامی كۆتایی هات و بەهیچ شێوەیەك باس و خواسی كاندیدكردنی كەسێك بۆ سەرۆك وەزیران نەكراوە.

پێشتر سەركردەكانی حزبی دەعوە ڕایانگەیاند، كە ڕێكەوتوون لەسەر تێپەڕاندنی ناكۆكیە ناوخۆییەكان و یەكخستنی دیدگای هەردوو كوتلەی نەسر و دەوڵەتی یاسا بۆ (یەكخستنی)ی كوتلەكانی پەرلەمان و پاراستنی مافەكانی حزب لە پۆستی سەرۆك وەزیران.

هاوكات، نووسینگەی ڕاگەیاندنی حزبی دەعوە لە بەیاننامەیەكدا ئاماژەی بەوەكردووە، سەركردایەتی و ئەنجومەنی شورای حزبی دەعوەی ئیسلامی كۆبوونەوەیەكی هاوبەشی ئەنجامدا و دۆخ و بەركەوتەكانی عیراق و پڕۆسەی سیاسی و ڕۆڵی حزبەكەی لەو پێشكەوتنانە تاوتوێ‌ كرد”.

بەردەوام بە لە خوێندنەوە

عێراق

حزبی دەعوە مالیكی و عەبادی ئاشتدەكاتەوە

خەڵك- بەشی هەواڵ
سەرچاوەیەك لە حزبی دەعوەی ئیسلامی رایدەگەیەنێت، حزبی دەعوە بەشێوەیەكی یەكگرتوو، بەشداریی لە دانوستانەكانی پێكهێنانی حكومەتدا دەكات.

ئەمڕۆ شەممە، سەرچاوەیەك لە حزبی دەعوەی ئیسلامی بە ماڵپەڕی (سۆمەریە نیوز)ی راگەیاندووە”حزبی دەعوە لە میانی كۆبوونەوەی سەركردایەتی و ئەنجومەنی شورای حزبەكە، هەموو ناكۆكییەكانی تێپەڕاند”.

بە وتەی سەرچاوەكە كە نەیویستووە ناوەكەی ئاشكرا بكات”حزبی دەعوە بەشێوەیەكی یەكگرتووە بەشداریی لە دانوستانەكانی پێكهێنانی حكومەتدا دەكات”.

ئەمڕۆ سەرچاوەیەكی ئاگادار رایگەیاندبوو، سەركردایەتی و ئەنجومەنی شورای حزبی دەعوە، بە ئامادەبوونی نوری مالیكی ئەمینداری گشتی حزبەكە و حەیدەر عەبادی سەرۆك وەزیران، كۆبوونەوەیەكی سازكرد.

بەردەوام بە لە خوێندنەوە
ریکلام

کوردستان

دوایین