ئێمە لە تۆرە کۆمەڵایەتیەکان
ریکلام

کوردستان

ڕۆژنامەیەكی بەریتانی نهێنی هاتنی وەفدێكی ئەمریكی بۆ هەرێمی كوردستان ئاشكرادەكات

خەڵك- بەشی هەواڵ
ڕۆژنامەی (الحیاة)ی لەندەنی نهێنی بوونی وەفدێكی ولایەتە یەكگرتووەكانی ئەمریكا لە هەرێمی كوردستان ئاشكرادەكات و هەڵوێستی پارتی لەسەر یەكگرتوویی كورد لە بەغدا ئاشكرادەكات.

بەپێی ڕاپۆرتێك، كە ڕۆژنامە لەندەنیەكە بڵاویكردۆتەوە، وەفدێكی دیبلۆماسی ئەمریكی لە هەرێمی كوردستانن بۆ یەكخستنی هەڵوێستی لایەنە كوردیەكان سەبارەت بە پێكهێنانی حكومەتی داهاتووی عیراق.

ڕاشیگەیاندووە، كە وەفدە ئەمریكیەكە لە كوردستان بەردەوامە لەكاری ڕاوێژكاری لەچوارچێوەی ئەو نێوەندگیریەی واشنتۆن دەیكات بۆ یەكخستنی ناو ماڵی كوردی لە گفتوگۆكانی پێكهێنانی حكومەتی نوێی عیراق.

لای خۆشیەوە، بەرپرسێكی پارتی دیموكراتی كوردستان، كە ناوەكەی ئاشكرانەكراوە ڕایگەیاندووە، “لەگەڵ یەكێتی نیشتمانی كوردستان ڕێكەوتوون بۆ سەردان كردنی بەغدا”.

جەختیشی كردۆتەوە، حزبەكەی داوای لە هەموو هێزە كوردستانیەكان كردووە بە وەفدی هاوبەش بچنە بەغدا بۆ گرنتی كردنی مافەكانی كورد.

وەك ڕۆژنامەكە ئاماژەی پێ‌ كردووە، “دۆگڵاس سڵیمان، باڵێوزی ئەمریكا لە عیراق، لەگەڵ كونسوڵی وڵاتەكە لە هەولێر بەشدارن لەو وەفدەدا و چاویان بە كۆسرەت رەسوڵ، جێگری یەكەمی سكرتێری گشتی یەكێتی كەوتووە، لەسەر بەشداریی كورد بە یەك تیم و بە پلان و بەرنامەیەكی ستراتیژی یەكگرتوو بۆ بەشداریی لە پێكهێنانی حكومەتی فیدراڵی لەگەڵیدا ڕێكەوتوون”.

ئاشكراشی كردووە، پێشتر سڵیمان بەیاوەری جەنەراڵ برادڵی بیكەر، بەرپرسی نوسینگەی هاماهەنگی ئەمنی باڵێوزخانەی ئەمریكا لەگەڵ نێچیرڤان بارزانی، سەرۆكی حكومەتی هەرێم و مەسرور بارزانی، راوێژكاری ئەنجومەنی ئاسایشی هەرێم كۆبۆتەوە.

کوردستان

کوڕەزایەکی خومەینی ھاوشێوەی باپیری لە نەجەف نیشتەجێ دەبێت

خەڵک-

میدیاکانی ئێران ئاماژە بەوە دەکەن، نەوەیەکی ئایەتوڵڵا خومەینی بە نیازە بێتە شاری نەجەف و بۆ ماوەی چەند ساڵێک ھاوشێوەی باپیرەی، لەو شارە بمێنێتەوە.

وەک ئەوەی میدیاکانی ئێران دەڵێن، بڕیارە عەلی خومەینی، نەوەی روحوڵڵا خومەینی ڕابەری شۆڕشی ئیسلامیی شوێنی نیشتەجێبوونی خۆی بۆ شاری نەجەف بگوازێتەوە و بۆ ماوەی چەند ساڵێک ھاوشێوەی باپیرەی لەو شارە نیشتەجێ ببێت.

عەلی خومەینی تەمەنی ٣٣ ساڵە و کوڕی ئەحمەد خومەینییە کە چەند ساڵێک پاش مردنی باوکی بەھۆکارێکی نادیار گیانی لەدەستداوە.

روحوڵڵا خومەینی کە لە حەفتانی سەدەی ڕابردوو لە ئێران ھەڵات، ڕووی لە شاری نەجەف کرد و بۆ ماوەی چەند ساڵێک لەو شارە مایەوە، دواتر لەسەر داوای ئێران، حکومەتی ئەوکاتی عیراق لە نەجەف دەریکرد و رۆشتە فەرەنسا و تا شوباتی ١٩٧٩ لەو وڵاتە مایەوە و دواتر گەڕایەوە ئێران.

 

بەردەوام بە لە خوێندنەوە

کوردستان

پارتی: خێزانی فوئاد حسێن مەسیحییە نەک جولەکە

خەڵک-

پاش کاندید کردنی فوئاد حسێن سەرۆکی دیوانی سەرۆکایەتیی ھەرێمی کوردستان بۆ پۆستی سەرۆکایەتیی کۆماری عیراق، چەند میدیا و تۆڕی کۆمەڵایەتیی عیراق بڵاویانکردەوە، خێزانی ناوبراو جولەکەیە و لە کاتی ھەڵبژاردنی بە سەرۆک کۆمار، ژنێکی جولەکە دەبێت بە خانمی یەکەمی عیراق.

بەڵام سۆمەرییە نیوز، لە زاری رێناس جانۆ پەرلەمانتاری پێشووی پارتی لە پەرلەمانی عیراق، ڕایگەیاندووە: “خێزانی فوئاد حسێن خانمێكی ھۆڵەندییە و بە ئایین مه‌سیحی پرۆتیستانتە‌، ئەو ژنە له‌ بنه‌ماڵه‌ی مۆنتسۆرییه‌ كه‌ له‌هه‌مو ئه‌وروپا به‌ناوبانگن نه‌ك ته‌نیا له‌ هۆڵه‌ندا.”

ئەوەشی ڕاگەیاندووە: “بنه‌ماڵه‌ی مۆنتسۆری خزمه‌تێكی زۆریان له‌بواری په‌روه‌رده‌ و فێركردندا كردووه‌ و ماریا مۆنتسۆری یه‌كێكه‌ له‌ بیرمه‌نده‌كانی ئه‌و بنه‌ماڵه‌یه ‌کە خاوه‌نی هه‌زاران قوتابخانه‌ن له‌ سه‌رتاسه‌ری دنیادا.”

 

بەردەوام بە لە خوێندنەوە

کوردستان

بە وشکبوونی دەریاچەی ورمێ شارێک نامێنێت بە ناوی تەبرێز

خەڵک-

جێگری سه‌رۆكی رێكخراوی پاراستنی ژینگه‌ی ئێران ئاماژە بەوە دەکات، ئەگەر دەریاچەی ورمێ وشک ببێت، ئەوا شارێک نامێنێت بە ناوی تەبرێزەوە.

مه‌سعود ته‌جریشی جێگری سه‌رۆكی رێكخراوی پاراستنی ژینگه‌ی ئێران لە میانی وتووێژێکی لەگەڵ رۆژنامەی (کارگران) دا ڕەخنەی توندی لە بەرپرسانی ئێران گرت سەبارەت بە فەرامۆشکردنی کارەساتی وشکبوونی دەریاچەی ورمێ.

ئەو ڕاگەیاندووە: “ئه‌گه‌ر ده‌ریاچه‌ی ورمێ وشك بكات، ئه‌وا شارێك نامێنێت به‌ناوی ته‌برێز و پێویسته‌ ئەو شارە لە شوێنی خۆی بگوازرێته‌وه.”

ئەوەشی ڕاگەیاندووە: وشكبوونی ده‌ریاچه‌كه‌ جگە لەوەی تەبرێز دەمرێنێت، كاریگه‌ری نه‌رێنی ده‌كاته‌ سه‌ر دانیشتوانی ناوچەکە، كه‌ ژیان و گوزه‌رانیان له‌سه‌ر كشتوكاڵ و ئاژه‌ڵدارییه، بۆیە پێویستە ھەرچی لەدەست دەێت بکرێت تا ڕێ بگیرێت لە وشکبوونی تەواوی دەریاچەکە.

ده‌ریاچه‌ی ورمێ پێش بچوکبوونەوە بە دووه‌م گه‌وره‌ترین ده‌ریاچه‌ی سوێر له‌ جیهان ھەژمار دەکرا، ئەو دەریاچەیە ده‌كه‌وێته‌ نێوان پارێزگاکانی ئازه‌ربایجانی خۆرئاوا و ئازه‌ربایجانی خۆرهه‌ڵات، پێش دەستپێک وشكبوونەکەی، ڕووبه‌ری ده‌ریاچه‌كه‌ ٥ هه‌زار و ٢٠٠ كیلۆمه‌تر چوارگۆشه‌ بوو، لە ئێستاشدا تەنھا نزیکی ٢٠٪ ـی ڕووبەرەکەی ئاوی تیا ماوە و نزیک بە شاری ورمێیە لە رۆژھەڵاتی کوردستان.

شاری تەبرێزیش دوای تاران و مەشھەد سێیەمین گەورەترین شاری ئێرانە و بەپێی داتای ساڵی ٢٠١٦، دانیشتووانی شارەکە نزیک بە ٢ ملیۆن و ٥٠٠ ھەزار کەسە، زۆرینەی دانیشتووانەکەشی تورکی ئازەرین، کوردیش بە پلەی دووەم دێن لە شارەکە.

ئەم وێنەیەش قەبارەی دەریاچەکە پیشاندەدات لە نێوان ساڵانی ٢٠٠٠ تا ٢٠١٤

بەردەوام بە لە خوێندنەوە
ریکلام
ریکلام
ریکلام

کوردستان

دوایین