بەڕێوەبەرایەتی گشتی كارەبای سلێمانی ڕایدەگەیەنێت، دوای تاقیكردنەوەكانی وەرزی یەكەم و لەگەڵ پشووەكانی سەری ساڵ گۆڕانكاری لە كاتی پێدانی كارەبای مۆلیدە دەكرێت.
بەڕێوەبەرایەتی گشتی کارەبای سلێمانی لە ڕاگەیەنراوێكدا ئاماژەی بەوەكردووە، دوای تەواوبوونی تاقیکردنەوەکانی وەرزی یەکەم و دەستێکردنی پشووەکانی سەری ساڵ لە سبەینێ یەک شەممە 25/12/2022 بەرنامەی کارکردنی مۆلیدە ئەهلییەکان گۆڕانکاری تێدا دەکرێت.
ڕوونیشی كردۆتەوە، مۆلیدەكان بەیانیان کارناکەن و ڕۆژانە بەرنامەی کارکردنیان، لەکاتژمێر 11ی پێشنیوەڕۆ بۆ 1ی شەو دەبێت.
ئاشكراشی كردووە، لەو ماوەیەدا هەر کاتێک کارەبای نشتیمانی کوژایەوە مۆلیدە ئەهلییە کارەبا بدەن و بەیانیان کارناکەن.
