ئێمە لە تۆرە کۆمەڵایەتیەکان
ریکلام

ئابوری

هەولێر: شۆفێری بارهەڵگرەكان خۆپیشاندانیان ساز كرد

خەڵك-بەشی هەواڵ
بەهۆی زیادكردنی نرخی پشكنینی تیشك بۆ بارهەڵگرەكان، شوفێری بارهەڵگرەكانی رێگای موسڵ هەولێر لەبازگەی خازر خۆپیشاندانێكیان ئەنجامدا و نیگەرانی خۆیان لەزیادكردنی نرخی ئەو پشكنینە دەردەبڕن.

باوكی لەنیا شوفێری بارهەڵگر و یەكێك لەشوفێرە ناڕازییەكان بە(خەڵك)ی راگەیاند، كۆمپانیایەك لەبازگەی خازر بەناوی هاند داون لەكاتی هاتنی بارهەڵگرەكان پشكنینی تیشك بۆ بارهەڵگرەكان ئەنجام دەدات كە پێشتر بەنرخێكی گونجاو بوو بەشێوەیەك بۆ كیای بچوك لەهەزار دینار دەستی پێدەكرد و پاشان دەبوو بە ٥ هەزار و ١٠ بۆ ١٥ هەزار.

وتیشی “كۆمپانیاكە هەستاوە بەزیادكردنی نرخی پشكنینەكە، بۆ كیای بچوك كردویەتی بە ٥ هەزار و ئەوە پێشتر بە ٥ یاخود ١٠ هەزار پشكنینی بۆ دەكرد كردویەتی بە ١٠ بۆ ١٥ هەزار دینار، تاوەكو ٣٠ هەزار دینار، واتە نرخەكانی بەچەند قات زیادكردووە”.

ئەوەشی خستەڕوو، سەرەڕای ئەوەی رێگاكەیان چال و چۆڵی زۆری تێدایە، شوفێرانیش زۆر نارازین لەم نرخەی ئێستا و بەدەیان شوفێر وەستاون و دەڵێن پارە نادەین نرخەكان كەم نەكەنەوە.

ریکلام

ئابوری

خشتەیەكی دیكەی دابەشكردنی مووچە بڵاوكرایەوە

خەڵك – بەشی هەواڵ
وەزارەتی دارایی و ئابوری حكومەتی هەرێمی كوردستان ڕایدەگەیەنێـت، لە ماوەی سێ ڕۆژی داهاتوودا سەرجەم خانەنشینان مووچە وەردەگرن، دەشڵێت: “ڕۆژی پێنج شەمە مووچەی خانەنشینی (شارستانی و پۆلیس و سەربازی) دابەشدەكرێت”.

بانكی كفری سەر بە وەزارەتی دارایی و ئابوری حكومەتی هەرێمی كوردستان خشتەیەكی مووچەی بڵاوكردۆتەوە، كە وێنەیەكی دەست (خەڵك) كەوتووە و تێیدا ڕایگەیاندووە، سبەی سێ شەممە 25/9/2018 مووچەی (خانەنشینی پێشمەرگە و خانەنشینی ئەیلول) دابەشدەكرێت.

ڕاشیگەیاندووە، ڕۆژی چوار شەممە 26/9/2015 مووچەی خانەنشینی كرێكاران شارستانی دابەشدەكرێت، ڕۆژی پێنج شەممە 27/9/2018 مووچەی خانەنشینی (شارستانی و پۆلیس و سەربازی) دابەشدەكرێت.

هاوكات سەرچاوەیەك لە گەنجینەی سلێمانی بە (خەڵك)ی ڕاگەیاند، لەم هەفتەیەدا مووچەی تەواوی فەرمانبەران و خانەنشینان دابەشدەكرێت و كۆتایی بە دابەشكردنی مووچە دێت.

بەردەوام بە لە خوێندنەوە

ئابوری

نرخی نەوت گەیشتە نزیكەی 81 دۆلار

خەڵك- بەشی هەواڵ
نرخی نەوت لە ماوەی چوار ساڵی ڕابردوودا بەرزترین نرخی تۆمار كرد و گەیشتە نزیكەی 81 دۆلار.

دوابەدوای بڕیارەكەی وڵاتانی ڕێكخراوی ئۆپیك بۆ زیادكردنی بڕی هەناردەی نەوت بە ڕێژەیەكی كەم سەرەڕای فشارەكانی دۆناڵد ترەمپ، سەرۆكی ئەمریكا بۆ زیادكردنی ڕێژەیەكی زۆری نەوت لە بازاڕەكان بۆ قەرەبوو كردنەوەی ڕاگرتنی نەوتی ئێران، كە بە بڕیاری ترەمپ لە مانگی 11ی ئەمساڵەوە جێبەجێ‌ دەكرێت تاوەكو نرخەكەی بەرزنەبێتەوە، بەڵام ئەمڕۆ نرخەكەی بەرزبووەوە.

بەپێی ڕاپۆرتێكی ماڵپەِی (فیكس نیوز تودەی) ئەمڕۆ دوو شەممە نرخی نەوت لە بازاڕەكانی جیهان بەرزبووەوە و ئەمەش بە بەرزترین ئاست دادەنرێت لە دوای نانگی 11ی ساڵی 2014-ەوە، كە نرخەكەی بۆ نزمترین ئاست شكا.

وەك ماڵپەڕەكە ڕاشیگەیاندووە، نرخی بەرمیلێك نەوتی برێنت گەیشتۆتە 80 دۆلار و 94 سەنت و بەوەش بڕی 2.05 دۆلار چۆتە سەر بەهاكەی بەراورد بە ڕۆژی هەینی ڕابردوو.

هاوكات نرخی نەوتی سووك (لایت سویت كرود) بە بڕی 1.52 دۆلار بۆ هەر بەرمیلێك زیادی كردووە و بۆ 72.30 دۆلار بەرزبۆتەوە.

ئەمە لەكاتێكدایە، كە لیژنەی هاوبەشی ئۆپیك و وڵاتانی بەرهەمهێنەری دەرەوەی ئەو ڕێكخراوە ڕایانگەیاند، كە دڵخۆشن بە ئایندەی بازاڕی نەوت و دروستكردنی هاوسەنگی لەنێوان خواست و خستنەڕوو.

لای خۆشیەوە، خالید فالح، وەزیری وزەی سعودیە، كە یەكەم وڵاتی بەرهەمهێنەری نەوت لە ئۆپیك ڕایگەیاندووە، كە وڵاتانی نەوتی لە “كاتی گونجاودا” هەنگاو دەنێن بۆ زیادكردنی بەرهەمی نەوت ئەوەش وەك وەڵامێك بۆ داواكەی ترەمپ لە ڕێكخراوی ئۆپیك بۆ زیادكردنی بڕی نەوتی خاو.

بەردەوام بە لە خوێندنەوە

ئابوری

بەهۆی كێشەیەكی هونەری دابەشكردنی نەوت ڕادەگیرێت

خەڵك – بەشی هەواڵ
لیژنەی دابەشكردنی سوتەمەنی لە پارێزگای هەڵەبجە ڕایدەگەیەنێت، بەهۆی بوونی كێشەیەكی تەكنیكیەوە، سبەینێ نەوت لەهەڵەبجە دابەش ناكرێت و ڕۆژی چوار شەممە دەست بەدابەشكردنی نەوت دەكرێتەوە.

لیژنەی دابەشكردنی سوتەمەنی لە پارێزگای هەڵەبجە لە ئاگادارییەكدا، كە وێنەیەكی دەست (خەلك) كەوتووە ڕایگەیاندووە، دابەشكردنی نەوت بۆ ئەو ماڵانەی تا ئێستا نەوتیان وەرنەگرتووە بەردەوامە، بەڵام تەنها سبەی دابەشناكرێت.

ئاماژە بۆ ئەوەشكراوە، سبەی سێ شەممە 25ی ئەیلول 2018 بەهۆی بوونی كێشەیەكی تەكنیكیەوە، نەوت لەهەڵەبجە دابەش ناكرێت و ڕۆژی چوار شەممە دەست دەكرێتەوە بەدابەشكردنی نەوت.

بەردەوام بە لە خوێندنەوە
ریکلام
ریکلام
ریکلام

کوردستان

دوایین