ئێمە لە تۆرە کۆمەڵایەتیەکان
ریکلام

عێراق

سەرپەرشتیکاری کوشتارگەی سپایکەر لە فەرەنسا دەستگیر کرا

خەڵک-

وەزارەتی ناوخۆی فەرەنسا دەستگیرکردنی تۆمەتبارێکی مەترسیداری داعشی لە وڵاتەکەی ڕاگەیاند، کە یەکێک بووە لە سەرپەرشتیکارانی کوشتارگەی سپایکەر و دوو ساڵە مافی پەنابەرێتی لەو وڵاتە پێدراوە.

ئاژانسی فرانس پرێس لە زاری بەرپرسانی ئینتەرپۆڵ و وەزارەتی ناوخۆی فەرەنساوە ئاشکرایکردووە، بە ھاوکاری ئەو دوو لایەنە، توانراوە (ئەحمەد حەمدان ئەلئەسوەدی) لە فەرەنسا دەستگیر بکرێت، ناوبراو یەکێک بووە یەکێک بووە لە سەرپەرشتیکارانی کوشتارگەی سپایکەر و بە پێی ڕاپۆرتەکانی ھەواڵگریی فەرەنساش، بە دەستی خۆی ١٠٣ خوێندکاری ئەکادیمیای سپایکەری لە نێو یەکێک لە کۆشکەکانی کۆماریی لە شاری تکریت کوشتووە.

ئەحمەد ئەسوەدیی لە ساڵی ٢٠٠٢ بە تۆمەتی دزیکردن لە تکریت دەستگیر کراوە، دواتر بەر بەخشینی سەدام حسێن کەوتووە و چەند مانگێک پێش ڕووخانی ڕژێم ئازاد کراوە، لە پاش پرۆسەی ئازادییشەوە پەیوەندیی بە گروپە چەکدارەکانەوە کردووە و لە ساڵی ٢٠١٢ ش لە لایەن پۆلیسی عیراقەوە دەستگیر کراوە و حوکمی تاھەتایی ھەبووە، لە کاتی کۆنترۆڵکردنی تکریت لە لایەن داعشەوە ئازاد کراوە و دواتر بووە بە ئەمیری ئەو ڕێکخراوە لە تکریت.

ناوبراو پاش کۆنترۆڵکردنەوەی تکریت لە لایەن ھێزە عیراقییەکانەوە لە عیراق دەرچووە و چۆتە فەرەنسا، لە ھاوینی ٢٠١٦ ش لەو وڵاتە مافی مانەوەی بۆ ماوەی ١٠ وەرگرتووە و خۆی لە چاو ونکردووە.

لە ھاوینی ٢٠١٧ ش ھەواڵگریی فەرەنسا لەسەر ڕاپۆرتەکانی ئینترپۆڵ بەدواداچوونی کردووە و گەشتووە بەو ئەنجامەی ئەسوەدیی کە بە ناوێکی دیکە لە فەرەنسا خۆی تۆمار کردووە، تۆمەتبارە بە ئەنجامدانی تاوانی دژە جەنگ و تاوانی مرۆیی و جینۆساید و مانگی ڕابردووش لە ناوچەی کاڵفادۆس لە باکوری رۆژئاوای فەرەنسا دەستگیر کراوە.

لە ئێستاشدا حکومەتی عیراق لە ڕێگەی پۆلیسی ئینتەرپۆڵەوە دەیەوێت ناوبراو لە فەرەنسا وەربگرێتەوە و فەرەنساش ڕایگەیاندووە، پاش تەواوبوونی لێکۆڵینەوەکانی خۆیان لەگەڵ ناوبراو، ڕادەستی حکومەتی عیراقی دەکەنەوە.

ھاوینی رابردووش دوو پەنابەری دیکەی عیراقی لە فنلاند دەستگیر کران و دواتر دەرکەوت بەشداری سەرەکی بوون لە ئەنجامدانی کوشتارگەی سپایکەر کە تیایدا ١٩١٠ خوێندکار و کارمەندی ئەکادیمیای ئاسمانیی سپایکەر کۆمەڵکوژ کران.

 

عێراق

کوڕەزایەکی خومەینی ھاوشێوەی باپیری لە نەجەف نیشتەجێ دەبێت

خەڵک-

میدیاکانی ئێران ئاماژە بەوە دەکەن، نەوەیەکی ئایەتوڵڵا خومەینی بە نیازە بێتە شاری نەجەف و بۆ ماوەی چەند ساڵێک ھاوشێوەی باپیرەی، لەو شارە بمێنێتەوە.

وەک ئەوەی میدیاکانی ئێران دەڵێن، بڕیارە عەلی خومەینی، نەوەی روحوڵڵا خومەینی ڕابەری شۆڕشی ئیسلامیی شوێنی نیشتەجێبوونی خۆی بۆ شاری نەجەف بگوازێتەوە و بۆ ماوەی چەند ساڵێک ھاوشێوەی باپیرەی لەو شارە نیشتەجێ ببێت.

عەلی خومەینی تەمەنی ٣٣ ساڵە و کوڕی ئەحمەد خومەینییە کە چەند ساڵێک پاش مردنی باوکی بەھۆکارێکی نادیار گیانی لەدەستداوە.

روحوڵڵا خومەینی کە لە حەفتانی سەدەی ڕابردوو لە ئێران ھەڵات، ڕووی لە شاری نەجەف کرد و بۆ ماوەی چەند ساڵێک لەو شارە مایەوە، دواتر لەسەر داوای ئێران، حکومەتی ئەوکاتی عیراق لە نەجەف دەریکرد و رۆشتە فەرەنسا و تا شوباتی ١٩٧٩ لەو وڵاتە مایەوە و دواتر گەڕایەوە ئێران.

بەردەوام بە لە خوێندنەوە

عێراق

“هەڵبژاردنی سەرۆك كۆمار دواخرا”
ژمارەی كاندیدەكانی سەرۆك كۆمار گەیشتە 30 كەس

خەڵك- بەشی هەواڵ
سەرۆكی پەرلەمانی عیراق ڕایدەگەیەنێت، ژمارەی كاندیدەكانی پۆستی سەرۆك كۆمار گەیشتە 30 كاندید و پەرلەمانتارێك-یش دەڵێت: “هەڵبژاردنی سەرۆك كۆمار دواخرا”.

محەمەد حەلبوسی، سەرۆكی پەرلەمانی عیراق لە كۆنگرەیەكی ڕۆنامەوانیدا لە نەجەف ڕایگەیاند، لە ئێستادا نزیكەی ناوی 30 كاندیدیان لایە بۆ پۆستی سەرۆك كۆماری عیراق و چاوەڕێی پڕۆسەی وردبینی كردنین لە دۆسیە كەسیەكانیان.

ڕاشیگەیاند، كە پابەندن بە هەڵبژاردنی سەرۆك كۆمار لە كاتی دەستوری و ئەگەر بە ڕێكەوتن پرسەكە یەكلایی نەكرێتەوە پەنا دەبەنە بەر دەنگدان.

سەبارەت بە پۆستی سەرۆك وەزیران حەلبوسی وتیشی، “ڕۆڵی كوتلە گەورەكە كۆتایی دێت بە دیاری كردنی ناوی كاندیدەكەی، بەلام پێویستە ڕێكەوتن هەبێت بۆ دیاری كردنی كەسێكی سیاسی ئیداری و پیشەیی لێهاتوو، كە توانای بەڕێوەبردنی ئەو دۆسیەیەی هەبێت و ئەگەر ڕێكەوتنیشی لەسەر نەكرا لە پەرلەمانەوە ڕێكەوتنی لەسەر دەكرێت”.

لای خۆشیەوە، عەلی سنێد، پەرلەمانتاری هاوپەیمانی نەسر، كە لەلایەن عەبادی-یەوە سەرۆكایەتی دەكرێت بە (شەفەق نیوز)ی ڕاگەیاند، نیمچە ڕێكەوتن كراوە لەسەر دواخستنی هەڵبژاردنی سەرۆك كۆماری عیراق بۆ دوای هەڵبژاردنی پەرلەمانی كوردستان، كە لە كۆتایی ئەم مانگە ئەنجام دەدرێت.

پێشتر سەرۆكایەتی پەرلەمانی عیراق ڕۆژی 25ی ئەم مانگەیان بۆ دەنگدان لەسەر كاندیدی سەرۆك كۆماری عیراق دیاری كرد و تا ئێستاش نزیكەی 8 كەس خۆیان بۆ ئەو پۆستە كاندید كردووە، كە زۆرینەیان كوردن و بریتین لە (بەرهەم ساڵح، فوئاد حسێن، سروە عەبدولواحید، سەلیم شوشكەیی، سەردار عەبدوڵا، لەتیف ڕەشید، عومەر بەرزنجی) و چەند كاندیدێكی عەرەب و ئەوەش ناكۆكی لەنێوان پارتی و یەكێتی دروست كردووە.

بەردەوام بە لە خوێندنەوە

عێراق

بەوێنە؛ جێگری سەرۆكی حزبێك خۆی بۆ سەرۆك كۆماری عیراق كاندید كرد

خەڵك- بەشی هەواڵ
جێگری سەرۆكی حزبی “بزوتنەوەی نەتەوەیی توركمانی” خۆ كاندید كردنی بۆ پۆستی سەرۆك كۆماری عیراق ڕاگەیاند.

عەباس بەیاتی، جێگری سەرۆكی بزوتنەوەی نەتەوەیی توركمانی لە لێدوانێكی ڕۆژنامەوانیدا ڕایگەیاند، كە ئێوارەی ڕۆژی یەك شەممە بەڵگەنامەكانی خۆكاندید كردنم بۆ پۆستی سەرۆك كۆمار پێشكەشی پەرلەمانی عیراق كردووە.

پێشتر سەرۆكایەتی پەرلەمانی عیراق ڕۆژی 25ی ئەم مانگەیان بۆ دەنگدان لەسەر كاندیدی سەرۆك كۆماری عیراق دیاری كرد و تا ئێستاش نزیكەی 10 كەس خۆیان بۆ ئەو پۆستە كاندید كردووە، كە زۆرینەیان كوردن و بریتین لە (بەرهەم ساڵح، فوئاد حسێن، سروە عەبدولواحید، سەلیم شوشكەیی، سەردار عەبدوڵا، لەتیف ڕەشید، عومەر بەرزنجی) و چەند كاندیدێكی عەرەب.

بەردەوام بە لە خوێندنەوە
ریکلام
ریکلام
ریکلام

کوردستان

دوایین