ئێمە لە تۆرە کۆمەڵایەتیەکان

ژینگە

پۆڵەندا، پێداویستیەكانی چێشتخانە دەكاتە دۆستی ژینگە

خەڵك – بەشی هەواڵ

كۆمپانیایەكی پۆڵەندی بە ناوی “بیوتریم” قاپێكی دۆستی ژینگەی لە گەپەكی گەنم وەك شوێنگرەوەی قاپە كانزایی و پلاستیكیەكان بەرهەم هێناوە، چاوەڕوان دەكرێت پێشوازییەكی گەورەی لێ‌ بكرێت.

كۆمپانیای “بیوتریم”ی پۆڵەندی، بیرۆكەیەكی ناوازەی خۆی ئاشكرا كردووە كە لەیەك تۆن كەپەكی گەنم دەتوانێت 10 هەزار قاپی دۆستی ژینگە بەرهەم بهێنێت، كە شیاوە بۆ بەكارهێنانی خواردنی گەرم و سارد و بۆ ماوەی یەك مانگ بە كاردێت.

كۆمپانیای ناوبراو، ئەم هەوڵەی بۆ شوێنگرتنەوەی قاپە كانزایی و پلاستیكیەكانە و دەیەوێت لە ڕێی ئەم هەوڵەوە پاشماوە پلاستیكیەكان بەرهەم نەهێنرێنەوە و بە یەكجاری بەكاربەر دەست بەرداری ئەو پێكهاتانە ببن كە لەگەڵ ژینگەدا یەك ناگرنەوە.


كاری دیار و سەرسوڕهێنەر لەم بەرهەمەدا ئەوەیە، بە ماوەی دیاریكراو كە مانگێكە بۆ بەكارهێنانی ئەو قاپە ژینگەییە، بەكاربەر دەتوانێت سود لە پێكهاتەی قاپەكە ببینێت بۆ خواردن بەو پێیەی لە كەپەكی گەنم دروستكراوە.

لە ئێستادا، كۆمپانیای “بیوتریم” سەرقاڵی پەرەپێدانی ئەم داهێنانەیەتی و لەگەڵیشیدا دەیەوێت چنگاڵ و كەوچك و ئەو بەرهەمانە بهێنێتە ئارا كە پێداویستی چێشتخانەكانن.

سەرچاوە:env-news

ژینگە

كەشناسی پێشبینی كەشوهەوای بۆ سبەینێ‌ راگەیاند

خەڵك- بەشی هەواڵ

بەرێوەبەرایەتی گشتی كەشناسی و بومەلەرزەزانی هەرێمی كوردستان پێشبینی دەكات، سبەینێ‌ چوارشەممە پلەی گەرما لە شارەكانی هەرێمی كوردستان بەرزبونەوەی زۆر تۆمارنەكەن و تاڕادەیەك بە جێگیری بمێننەوە.

بەرێوەبەرایەتییەكە لە راگەیەندراوێكدا كە وێنەیەكی دەست (خەڵك) كەوتووە، پێشبینی ئەوەی كردووە، كە بەرزترین پلەی گەرما لە سلێمانی 38 پلە دەبێت و لە هەولێر 40 پلە و دهۆك 38 پلە و لە كەركوكیش 43 پلە زیاتر نابێت.

بەردەوام بە لە خوێندنەوە

ژینگە

سێ‌ بوومەلەرزە چەند ناوچەیەكی كوردستان دەهەژێنێت

خەڵك- بەشی هەواڵ
كەشناسی گەرمیان بڵاویكردەوە، كە ئەمڕۆ دوو شەممە سێ‌ بوومەلەرزە لە ناوچەكانی نێوان تازەئاباد و چیای داڵەهۆی لە ڕۆژهەڵاتی كوردستان داوە و لە چەند گوندێك زیانی لە خانووی هاوڵاتیان داوە.

فەرمانگەی كەشناسی گەرمیان لە ڕاگەیەنراوێكدا، كە لە هەژماری خۆی لە فەیسبووك بڵاویكردۆتەوە، ئاماژەی بەوەكردووە، كە ئەمڕۆ دوو شەممە 16 / 7 / 2018 بوومەلەرزەی یەكەم لەكاتژمێر 05:19 بەیانی بەگوڕی 3 پلە بەپێوەری ڕێختەر لەقوڵایی 8 كیلۆمەتر و بەدوری 82 لەسەنتەری شاری كەلار ڕوویداوە.

ڕاشیگەیاندووە، بوومەلەرزەی دووەم لەكاتژمێر 08:33 ی بەیانی بەگوڕی 4.2 پلە بەپێوەری ڕێختەر لەقوڵایی 7 كیلۆمەتر و بەدووری 88 كیلۆمەتر لەسەنتەری كەلار ڕوویداوە و لەشارۆچكەی تازەئاباد و چەند گوندێكی دەوروبەری زیانی لەچەند خانویەكی هاووڵاتیان داوە و خۆشبەختانە زیانی گیانی نەبووە.

ئاشكراشی كردووە، بوومەلەرزەی سێیەم لەكاتژمێر 08:53 بەیانی بەگوڕی 3.5 پلە بەپێوەری ڕێختەر لەقوڵایی 7 كیلۆمەتر و بەدووری 83 كیلۆمەتر لەسەنتەری كەلار ڕوویداوە.

بەردەوام بە لە خوێندنەوە

ژینگە

شارێكی كوردستان بەرزترین پلەی گەرما لە جیهاندا تۆمار كرد

خەڵك- بەشی هەواڵ
لەم ماوەیەی دواییدا ناوچەكە بەشێوەیەكی بەرچاو بەرزبوونەوەی پلەكانی گەرمای بەخۆوە بینی و ژمارەی پێوانی لە جیهاندا تۆماركرد، شارێكی كوردستانیش یەكێكە لەو شارانەی بەرزترین پلەی گەرمای لە ناوچەكەدا تۆمار كرد.

بەپێی ئینفۆگرافیكێك، كە لەلایەن كەناڵی (سكای نیوز عربیە)وە بڵاوكراوەتەوە، شاری كەركوك لەنێوان ئەو شارانەدایە، كە بەرزترین پلەكانی گەرمایان لە جیهاندا تۆمار كردووە.

لەگەڵ شاری كەركوكدا، شارێكی تری عیراقیش بە هەمان شێوە بەرزترین پلەی گەرمای تۆماركردووە، كە ئەویش شاری عەممارە-یە، بەپێی ئینفۆگرافیكەكە، پلەكانی گەرما لە شاری كەركوك گەیشتونە 50 پلەی سەدی و لە شاری عەممارەی باشووری عیراقیش، 50 پلەی سەدی تۆماركراوە.

بەردەوام بە لە خوێندنەوە
ریکلام

کوردستان

دوایین