ئێمە لە تۆرە کۆمەڵایەتیەکان
ریکلام

جیهان

بەوێنە: ئەنیشتاین بۆچی سەرۆكایەتی ئیسرائیلی رەتكردەوە

خەڵك-بەشی هەواڵ

 

ئەلبێرت ئەنیشتاین فیزیازانی ئەڵمانی بە یەكێك لە هەرە زانا دیارەكانی مێژووی مرۆڤایەتی هەژمار دەكرێت، ئەم زانایە بەهۆی بیردۆز و لێكۆڵینەوەكانی كۆمەك و هاوكارییەكی زۆری بە مرۆڤایەتی گەیاندووە، بەو هۆیەوە ناوبراو لە ساڵی 1921 بە ناونیشانی براوەی خەڵاتی نۆبڵی لە زانیتی فیزیا ناسێنرا.

ئەنیشتاین لە بنەڕەتدا لە خێزانێكی جولەكە لەدایك بووەو لە ساڵی 1952 ئیسرائیل پێشنیاری وەرگرتنی پۆستی سەرۆكایەتی ئیسرائیلی بۆ كردووە، بەڵام ئەو رەتیكردەوە، هۆكارەكەشی ئەوە بوو كە ئەو دەیەوێ لە دونیای سیاسەت دوور بكەوێتەوە.

لە 9ی تشرینی دووەمی ساڵی 1952 حایم وایزمن سەرۆك وەزیرانی پێشووی ئیسرائیل لە تەمەنی 77 ساڵی دوای ئەوەی بەهۆی نەخۆشییەوە كۆچی دوایی كرد، وایزمن بە تەواوەتی لە شوباتی ساڵی 1949 تا ئەو كاتەی كە كۆچی دوایی كرد بە بەردەوامی بەهۆی نەخۆشییەكی كوشندە تێوەگلابوو.

هەر لەگەڵ كۆچی دوایی وایزمن، حكومەتی ئیسرائیل بە سەرۆكایەتی دەیڤد بن گوریون بەشوێن ئەنیشتایندا رۆیشت تاكو رازی بكات بەوەی كە ببێتە سەرۆكی ئیسرائیل و قبوڵی بكات، ئەو بەرپرسیاریەتییەش درا بە ئابا ئیبان باڵیۆزی ئیسرائیل لە واشنتن.

باڵیۆزی ئیسرائیل لە نامەیەكیدا بۆ فیزیازانی گەورەی جیهان كە لەو كاتەدا لە شاری پرینستون لە ویلایەتی نیوجرسی ئەمریكا نیشتەجێ بوو پێشنیارەكەی بن گورینی بە ناوبراو دا.

ئیسرائیل لە رێگەی پێشنیاری پۆستی سەرۆكایەتی بە ئەنیشتانین هەوڵ دەدات وێنەیەكی زۆر جوان بداتە حكومەتی نوێی ئیسرائیل كە سەرۆكەكەی دەتوانێت فیزیازانێكی بەناوبانگی جیهان بێت، بەڵام وەڵامی ئەنیشتاین بۆ حكومەتی ئیسرائیل زۆر خەمناك بوو، بەشێوەیەك ئەنیشتاین هۆكاری رەتكردنەوەی ئەو پۆستەی بۆ زۆری تەمەنی گەڕاندەوەو رایگەیاند، ئەو هیچ زانیارییەكی لە زانستی سیاسەتدا نییە، هەروەها ئاماژەی بۆ ئەوەش كردبوو كە ئەو لەگەڵ كەسانی دەوروبەریدا زۆر بە نارەحەت دەتوانێ هەڵسوكەوت بكات و زمانی عیبریش باش نازانێت.

لە ساڵی 1921 فیزیازانی ئەڵمانی بە هاوكاری چایم وایزمن لە ویلایەتە یەكگرتوەكانی ئەمریكا بەمەبەستی كۆكردنەوەی كۆمەك بۆ دروستكردنی زانكۆی عیبری لە قودس گەشتێكی بە شارە جیاوازەكانی ئەمریكادا كرد.

لە ساڵی 1923 ئەنیشتاین سەردانی ئیسرائیلی كردو لە زانكۆی قودس وتارێكی پێشكەش كردو تەئكیدی لەوە كردەوە كە ئەم زانكۆیە دەبێت ببێتە مەڵبەندی فەرهەنگی جولەكە لە ناوچەكە.

ئەنیشتانی لە ساڵی 1925 وەسیەتی ئەوەی كرد دوای كۆچی دوایی تەواوی وێنەو ئەو شتانەی لەدوای جێدەمێنن لە رێگەی ئەم زانكۆیەوە بفرۆشرێن.

جیهان

ئێران رێكخراوێك بە ئەنجامدانی هێرشەكەی ئەهواز تۆمەتبار دەكات

خەڵك- بەشی هەواڵ
سوپای پاسدارانی ئێران، (رێكخراوی ئەحوازی) بە ئەنجامدانی هێرشەكەی سەرلەبەیانی ئەمڕۆی ئەهواز تۆمەتبار دەكات كە نمایشێكی سەربازی لە باشووری خۆرئاوای وڵاتەكە كردە ئامانج و تێیدا 12 كەس كوژران و 60 كەسی تر برینداربوون.

رەمەزان شەریف، وتەبێژی سوپای پاسدارانی ئێران رایگەیاند”رێكخراوی ئەحوازی لە پشت ئەو هێرشەوە بوو كە كرایە سەر نمایشێكی سەربازی بە بۆنەی ساڵیادی جەنگی ئێران- عیراق (1980-1988)”.

شەریف بە ئاژانسی دەنگوباسی (ئیسنا)ی ئێرانی راگەیاندووە”رێكخراوی ئەحوازی لەلایەن سعودیەوە پشتیوانی دەكرێت و دەستی لە هێرشەكەی ئەمڕۆدا هەیە”.

(بەرەی دیموكراتی میللی ئەحوازی) كە بە (ئەحوازی) ناودەبرێت، وەها ناسراوە كە رێكخراوێكە داوای جیابوونەوەی ناوچەكانی باشووری ئێران و دامەزراندنی ئیدارەیەكی عەرەبی سەربەخۆ دەكات لەو ناوچانە.

لە هێرشەكەدا 12 كەس كوژران كە زۆربەیان پاسدار بوون و نزیكەی 60 كەسی تر برینداربوون، بەپێی میدیاكانی ئێرانیش، هێرشبەرەكان جلوبەرگی سەربازییان لەبەركردبوو، دواتر بەشێوەیەكی كوێرانە دەستدڕێژی گولـلەیان بەنێو ئەو سەربازانەدا كرد كە بەشدارییان لە نمایشە سەربازییەكەدا كردبوو، هێرشەكەش وەك میدياكان باسی دەكەن، نزیكەی 10 خولەكی خایەندووە.

ئاژانسی (ئیسنا)ی ئێرانی باسی لە كوژرانی 4 لە هێرشبەرەكان كردبوو، بەبێ‌ ئەوەی ژمارەی تەواوەتییان بخاتەڕوو.

بەردەوام بە لە خوێندنەوە

جیهان

بەڤیدیۆ..ساتەوەختی تەقەكردن لە نمایشە سەربازییەكەی سوپای ئێران

خەڵك-بەشی هەواڵ

میدیاكانی ئێران بڵاویان كردەوە، بەرەبەیانی ئەمڕۆ چوار چەكداری نەناسراو هێرشیان كردوەتەسەر نمایشێكی سەربازی سوپای ئێران و بەپێی زانیارییەكان، تا ئێستا 12 كەس كوژراون و زیاتر لە 60 كەس بریندار بوون.

ئاژانسی ئیلنای ئێرانی چەند تۆمارێكی ڤیدیۆیی ساتەوەختی تەقەكرنی هێرشبەرەكان بڵاودەكاتەوە.
پێشتر بریكاری سیاسی پارێزگاری خوزستان ئاشكرایكرد، 11 كوژراو بوونیان هەیە و ژمارەیان لە زیادبووندایە.

بەردەوام بە لە خوێندنەوە

جیهان

یەكەم لێدوانی فەرمی ئێران لەپاش هێرشی سەر نمایشە سەربازییەكەى ئەهواز

خەڵك- بەشی هەواڵ

دوای ئەو هێرشەی كرایە سەر نمایشێكی سەربازی لە ئەهوازی خۆرئاوای ئێران كە تێیدا 11 كەس كوژران و 30 كەسی تر برینداربوون، محەمەد جەواد زەریف وەزیری دەرەوەی ئێران رایگەیاند”بەخێوكەرانی ئیقلیمی تیرۆریستان و ئاغا ئەمریكاییەكانیان، دەستییان لە هێرشە تیرۆریستییەكەدا هەبووە”.

زەریف لە تویتێكیدا لەسەر تۆڕی كۆمەڵایەتی (تویتەر) رایگەیاندووە”بەسەربازكردنی تیرۆریستان و پڕچەككردنیان و كۆمەمەككردنیان لەڕێی سیستمە بیانییەكان، هێرشیان كردە سەر ئەهواز، لەنێوان قوربانییەكاندا منداڵ هەیە و ئێران، بەخێوكەرانی ئیقلیمی تیرۆریستان و ئاغا ئەمریكاییەكانیان، بە بەپرس دادەنێت لەو هێرشەدا”.

بە وتەی زەریف”ئێران بۆ بەرگری لە ژیانی ئێرانییەكان، بەشێوەیەكی توند و خێرا وەڵام دەداتەوە”.

سەرلەبەیانی ئەمڕۆ لانی كەم 11 پاسداری ئێرانی لە هێرشێكی چەكداریدا كوژران كە كرایە سەر نمایشێكی سەربازی لە شاری ئەهوازی باشووری خۆرئاوای وڵاتەكە.

سەرلەبەیانی ئەمڕۆ تەلەفیزیۆنی فەرمی ئێران رایگەیاند، ژمارەیەك كوژراو و بریندار هەیە لە هێرشێكدا كە نمایشێكی سەربازی لە باشووری خۆرئاوای وڵات كردە ئامانج.

بەپێی تەلەفیزیۆنی ئێرانی، تەقەكردنە سەرەتا لەلایەن چەكدارەكانەوە دەستیپێكرد كە لە پشت یەكێك لە مەدرەجەكانەوە وەستابوون لەكاتی نمایشەكەدا و بەو هۆیەوە ژمارەیەك كوژران و دەیانی تریش بریندار بوون.

ئاژانسی فارسی ئێرانی رایگەیاندبوو، تەقەكردنەكان سەربازە بەشداربووەكانی نمایشە سەربازییەكەیان كردبووە ئامانج كە بە بۆنەی یاردی دەستپێكردنی جەنگی ئێران عیراق لە هەشتاكانی سەدەی رابردوو، سازكرابوو.

ئاژانسی (روسیا الیوم)یش لای خۆیەوە بڵاویكردبۆوە، حەسەن رۆحانی سەرۆكی ئێران، لەدوای بيستنى هەواڵی هێرشە چەكدارییەكەی سەر نمایشی سەربازی ئەهواز، نمایشێكی سەربازی لە تاران بەجێهێشتووە.

بەردەوام بە لە خوێندنەوە
ریکلام

کوردستان

دوایین