ئێمە لە تۆرە کۆمەڵایەتیەکان

کوردستان

لە چەلێ و بارزان ١٠ سەربازی توركیا كوژران

خەڵك- بەیش هەواڵ

گەریلاكانی هەپەگە لە ناوچەی چەلێی جۆلەمێرگ و شاخی خودێ لە ناوچەی بارزان لە باشووری كوردستان گورزی قورسیان لە سوپای داگیركەری توركیا وەشاند و لەو چالاكییانەدا زیاتر لە ١٠ سەربازی سوپای توركیا كوژراون.

ئاژانسی (فوڕات نیوز) بە پشت بەستن بە زانیارییە هەرێمییەكان ئاشكرای كردووە، گەریلاكانی هێزەكانی پاراستنی گەل (هەپەگە) دوێنێ لە دژی بنكەی سەربازیی گەمان لە ناوچەی چەلێی جۆلەمێرگ چالاكییەكی كاریگەریان ئەنجامداوە.

ئاماژە بەوەشكراوە، لەو چالاكییەدا ٨ سەربازی سوپای توركیا كوژران و زرێپۆشێكی جۆری كیرپیش لەلایەن هێزی گەریلاوە تێكشكێنراوە.

هەر دوێنێ گەریلاكانی هەپەگە لە شاخی خودێ لە ناوچەی بارزان لە باشووری كوردستان چالاكییان بە قەناس لە دژی هێزەكانی توركیا لەو شاخەدا ئەنجامداوە و لەو چالاكییەدا ٢ سەربازی سوپای توركیا كوژراون.

بەڵام تا ئێستا ناوەندی ڕاگەیاندن و چاپەمەنیی هەپەگە لەبارەی ئەو چالاكییانەوە ڕاگەیاندراوی فەرمیی بڵاونەكردۆتەوە.

کوردستان

ھەولێر.. لە دوو ڕووداوی ھاتووچۆدا دوو کەس گیانیان لەدەستدا

خەڵک-

وتەبێژی پۆلیسی ھاتووچۆی ھەولێر ڕاگەیەنراوێکی بڵاوکردەوە و تیایدا ڕایگەیاندووە، ئەمڕۆ لە دوو ڕووداوی ھاتووچۆدا لە سنوری پارێزگای ھەولێر، دوو کەس گیانیان لەدەستداوە.

فازڵ حاجی، وتەبێژی پۆلیسی هاتووچۆی هەولێر رایگەیاند: ئەمڕۆ لە دوو ڕووداوی ھاتووچۆدا لە سنوری پارێزگای ھەولێر دوو کەس گیانیان لەدەستداوە.

ڕووداو یەکەم له ‌شارۆچكه‌ی كۆڕێ له ‌نزیك شیره‌سوار ڕوویداوە، کاتێک ئۆتۆمبێلێکی جۆری سۆزۆكی بەھۆی تیژڕەوییەوە کۆنترۆڵی نەماوە و خۆی کێشاوە بە چوار پیادە دا، کە لەپێش فرۆشگەیەک وەستابوون، لە ئەنجامدا یەکیان گیانی لەدەستداوە و سیانەکەی دیکەش بە سەختی بریندار بوون.

ڕووداوی دووەمیش لە کاتژمێر 3:30 له‌سه‌ر رێگەی سه‌ره‌كی هه‌ولێر-كه‌ركوك له‌ نزیك گوندی سێقووچان ڕوویداوە، کاتێک تاکسییەکی جۆری کرۆلا به‌هۆی تیژڕەوییه‌وه‌ کۆنترۆڵی لەدەستداوە، لە ئەنجامدا لە شەقام دەرچووە و وەرگەڕاوە، لەو ڕووداوەشدا شۆفێری تاکسییەکە گیانی لەدەستداوە.

بەردەوام بە لە خوێندنەوە

کوردستان

كچێكی ئێزدی تر لەژێر چنگی داعش رزگار دەكرێت

خەڵك- بەشی هەواڵ
بەڕێوەبەری نوسینگەی رزگاركردنی رفێنراوانی ژێردەستی داعش رایدەگەیەنێت، حكومەتی هەرێمی كوردستان كچێكی تری ئێزدی لە سوریا رزگاركردووە كە چوار ساڵ لەمەوبەر لەلایەن چەكدارانی داعشەوە رفێندرابوو.

حسێن كۆرۆ قاییدی، بەڕێوەبەری نوسینگەی رزگاركردنی رفێنراوانی ژێردەستی داعش لەلێدوانێكدا بۆ ئاژانسی ئەنادۆڵ رایگەیاندووە”حكومەتی هەرێمی كوردستان تائێستا زیاتر لە 3 هەزار و 332 كوردی ئێزدی لە چنگی داعش لە عیراق و سوریا رزگار كردووە، ئەمڕۆش كچێكی تری ئێزدی تەمەن 19 ساڵان، بەناوی نور عەڤدۆ لە سوریا رزگاركرا، كە دانیشتوی گوندی دوو گرێی سنوری قەزای شنگالە”.

بە وتەی قاییدی “لەكۆی 6 هەزار و 417 رفێنراوی ئێزدی، تائێستا 3 هەزار و 332 كچ و ژنی ئێزدی لە عیراق و سوریا رزگاركراون، كە لە مانگی ئابی ساڵی 2014دا لەلایەن داعشەوە بێ سەروشوێن كرابوون”، ئاماژەی بەو كار و پلانانەش كرد كە هەیانە بۆ هێنانەوەی زیاتر لە 3 هەزار كەسی تر لە عیراق و سوریا.

بەڕێوەبەری نوسینگەی رزگاركردنی رفێنراوانی ژێردەستی داعش دەڵێت” ڕێكخراوی داعش لە ماوەی رابردودا بە بەرنامەیەكی رێكخراو، ئایین و زمان و كلتوری بە رفێنراوە ئێزدییەكان گۆڕیوە، بەشێوەیەك منداڵانی لەسەر بیروباوەڕی توندڕەوی راهێناوە، حكومەتی هەرێمی كوردستانیش بەردەوام لە هەوڵدایە بۆ ئەوەی دۆخی دەروونی و جەستەیی ئەو رزگاربووانە بگەڕێنێتەوە باری ئاسایی جارانیان”.

لە مانگی حوزەیرانی ساڵی 2014، دوای ئەوەی چەكدارانی رێكخراوی داعش شاری موسڵ سەنتەری پارێزگای نەینوایان كۆنترۆڵ كرد، دەستیان گرت بەسەر زۆرێك لە ناوچەكانی دەوروبەری شارەكە، بە تایبەت ئەو ناوچانەی كە جێنیشتەجێی ئێزدی و مەسیحییەكان بوون، لەو شاڵاوە دڕندانەیەشدا هەزاران كچ و ژنی ئێزدییان وەك سەبایە بەدیل گرت و لە بازاڕەكانی موسڵ و رەقەدا وەك كۆیلە كڕین و فرۆشتنیان پێوەدەكرد.

بەردەوام بە لە خوێندنەوە

کوردستان

پەروەردە مامۆستایان ئاگادار دەكاتەوە

خەڵك – بەشی هەواڵ
بەڕێوەبەرایەتی پەروەردەی كەلار، داوا لە مامۆستایانی سەرجەم قۆناغەكان دەكات، بەهیچ شێوەیەك داوای مەلزەمە لە خوێندكاران نەكەن، دەشڵێـت:”بۆ خۆێندن پشت بە ئەو پڕۆگرام و كتێبانە ببەستن، كە لە لایەن وەزارەتی پەروەردە دانراوە”.

بەڕێوەبەرایەتی پەروەردەی كەلار لە ئاگادارییەكدا، كە وێنەیەكی دەست (خەڵك) كەوتووە ئاڕاستەی سەرجەم ناوەندەكانی خوێندنی سەر بە سنوری پەروەردەكەی كردووە، ڕایگەیاندووە، بۆ مامۆستایانی سەرجەم قۆناغەكان بەهیچ شێوەیەك داوای مەلزەمە لە خوێندكاران نەكەن.

دەشڵێت:”بۆ خۆێندن تەنها پشت بە ئەو پڕۆگرام و كتێبانە ببەستن، كە لەلایەن وەزارەتی پەروەردە دانراوە”.

ئەمە لەكاتێكدایە، بەشێك لە مامۆستایان مەلزەمە وەك جێگرەوەی پرۆگرامی خوێندن بەكاردەهێنن، كە پێشتر لە لایەن وەزارەتی پەروەردەوە بە فەرمی بەكارهێنانی قەدەغە كراوە.

بەردەوام بە لە خوێندنەوە
حکومەتی داهاتووی هەرێمی کوردستان دەتوانێت خزمەتی هاوڵاتیان بکات؟

کوردستان

دوایین