ئێمە لە تۆرە کۆمەڵایەتیەکان

ئابوری

چەند بڕیارێك دەربارەی مووچە و دەوام و كاروباری مامۆستایان دەركرا

خەڵك – بەشی هەواڵ
جێگری سەرۆكی یەكێتی مامۆستایانی كوردستان ڕایدەگەیەنێـت، لە كۆبوونەوەی ئاسایی مەكتەبی تەنفیزی چەند بڕیارێك بۆ خوولی داهاتووی یەكێتی مامۆستایان درا، یەكێك لە بڕیارەكان كاركردنە بۆ نەهێشتن و لابردنی پاشەكەوتی مووچە.

عەتا ئەحمەد، جێگری سەرۆكی یەكێتی مامۆستایانی كوردستان لە هەژماری تایبەتی خۆی لە فەیسبوك ڕایگەیاندووە، لە كۆبوونەوەی ئاسایی مەكتەبی تەنفیزی چەند بڕیارێك بۆ خوولی داهاتووی یەكێتی مامۆستایان درا.

دەشڵێت: “لە كۆبوونەوەی ئاسایی مەكتەبی تەنفیزی (یەكێتی مامۆستایان) ژمارە (٢٧) لە ١١\١٠\٢٠١٨ ، كۆمەڵێك بڕیاری گرنگ و ڕاسپاردە دەركران”.

بە وتەی عەتا ئەحمەد، یەكێتی مامۆستایان ئەم بڕیارانەی دەركردووە:
یەكەم: نوێكردنەوەی ناسنامەی (ی.م.ك) بە دیزاینێكی نوێ و بۆ ماوەی دوو ساڵ لە ١\١\٢٠١٩ تاكۆ ٣١\١٢\٢٠٢٠.

دووەم: ئەنجامدانی هەڵبژاردنی (ی.م.ك) لە مانگی نیسانی ٢٠١٩، دانانی لیژنەیەكی تایبەت لە سكرتاریەت بەمەبەستی سەرپەرشتی و ئامادەسازی بۆ هەڵبژاردن.

سێیەم: دانانی بەرنامەی كار بۆ ساڵی خوێندنی ٢٠١٨-٢٠١٩ لە گرنگترینیان:
١- كاركردن بۆ نەهێشتنی و لابردنی پاشەكەوتی مووچە.
٢- كاركردن بۆ دانانی ژمارەی بانكی بۆ مامۆستایانی هەردوو وەزارەتی پەروەردە و خوێندنی باڵا.
٣-كاركردن و فشاركردن لەسەر حكومەت بۆ دانانی بودجەی پێویست بۆ هەردوو وەزارەتی پەروەردە و خوێندنی باڵا بۆ چارەسەری گرفت و كەموكورتیەكان.
٤- كاركردن بۆ بە هەمیشەیی كردنی مامۆستایانی گرێبەست و مامۆستایانی وانەبێژان بكرێنە گرێبەست و فەرمی.
٥- كاركردن بە هاوتاكردنی خانەنیشانی هەرێم بە خانەنیشانی ناوەند.
٦- كاركردن بۆ پەسەندكردنی یاسای پارێزبەندی مامۆستایان.
٧- كاركردن بۆ گەڕانەوەی مامۆستایانی ناوچە كوردستانییەكانی دەرەوەی هەرێم بۆ سەر ناوەند و بایەخ دان بە داخوازیەكانی خوێندنی كوردی لەلایەن حكومەتی هەرێم.
٨- كاركردن بۆ بەپشووكردنی ڕۆژانی شەممە لە ناوەندەكانی خوێندن.
٩- كاركردن بۆ قەرەبووكردنەوەی مامۆستایانی سنوری هەولێر و دهۆك بۆ جیاوازی مووچە پێش ٢٠٠٣.

ئابوری

بەهای تمەن و دۆلار لە كاتی داخستنی بازاردا

خەڵك – بەشی هەواڵ
خاوەن نووسینگەیەكی ئاڵوگۆڕی دراو لە سلێمانی ئاماژە بەوەدەكات، كە بەهای دۆلار و تمەن بە بەراورد بە دیناری عیراقی ئەمڕۆ لە بازاڕەكانی هەرێم تا ڕادەیەك جێگیر بووە و گۆڕانكاری ئەوتۆ ڕووینەداوە.

خاوەن نووسینگەیەكی ئاڵوگۆڕی دراو لە بازاڕی دۆلارەكەی سلێمانی بە (خەڵك)ی ڕاگەیاند، بەهای دۆلار بەرامبەر دیناری عیراقی لە كاتی داخستنی بازاڕ 100 دۆلار بە 120 هەزار و 900 دینار مامەڵەی پێوكرا.

سەبارەت بە بەهای تمەن وتیشی، “100 دۆلار بە ملیۆنێك و 363 هەزار تمەن بەدەستی و ملیۆنێك و 378 هەزار تمەن بە حەواڵە مامەڵەی پێوەكرا”.

ڕاشیگەیاند، هەر 100 هەزار تمەن بە 8 هەزار و 900 دینار ئاڵوگۆڕی پێوەكرا لەكاتی داخستنی بازاڕدا لە كاتێكدا بەیانی ئەمڕۆ بە 8 هەزار و 850 هەزار دینار بوو.

بەردەوام بە لە خوێندنەوە

ئابوری

نرخی نەوت بۆ خوار 80 دۆلار دابەزی

خەڵك- بەشی هەواڵ
ئەمڕۆ پێنج شەممە، نرخی بەرمیلێك نەوت بۆ خوار 80 دۆلار رووی لە دابەزین كرد، ئەمەش لەكاتێكدایە كە دەستەواژەكان ئاماژە بە زیادبوونی عەمباری نەوتی خاوی ئەمریكایی و زیادبوونی خستنەڕووی نەوت دەكەن لە بازاڕەكان.

دوێنێ‌ چوار شەممە، ئیدارەی زانیارییەكانی وزەی ئەمریكایی رایگەیاندبوو، عەمباری نەوتی خاوی ئەمریكایی بە بڕی 6.5 ملیۆن بەرمیل بەراورد بە هەفتەی رابردوو زیادی كردووە، ئەم زیادكردنەش سێ‌ هێندەی پێشبینی شرۆڤەكارانە.

لە كاتژمێر 10:10 بە كاتی گرێنیچ، نرخی نەوتی خاوی پێوەری جیهانی برنت بە بڕی 70 سەنت رووی لە دابەزین كرد و نرخی بەرمیلێك لەو جۆرە نەوتە گەیشتە 79.35 دۆلار.

نەوتی خاوی برنت لە 3ی ئەم مانگە و  لە ساڵی 2014وە، بەرزترین ئاستی تۆماركرد و نرخی بەرمیلێكی گەیشتە 86.74 دۆلار.

هەر لەگەڵ دابەزینی نرخی نەوتی برنت، بە هەمان شێوە نرخی نەوتی خاوی ئەمریكایی خۆرئاوای تكساسيش، بە بڕی 61 سەنت رووی لە دابەزین كرد و نرخی بەرمیلێكی گەیشتە 69.14 دۆلار.

بەردەوام بە لە خوێندنەوە

ئابوری

وەبەرهێنانی گەرمیان لەبارەی سیاجكردنی 248 دۆنم زەوی ڕوونكردنەوە دەدات

خەڵك- بەشی هەواڵ

دوای بڵاوكردنەوەی هەواڵێك لەسەر سیاجكردنی نزیكەی 248 دۆنم زەوی لە ناحیەی رزگاری لەلایەن كۆمپانیایەكەوە، ئەندامێكی ئەنجومەنی پارێزگای سلێمانی بڵاوی كردەوە، كە بەبێ‌ مۆڵەت كۆتایی كۆمپانیایەك ئەو پارچە زەوییەی سیاجكردووە و بەڕێوەبەری وەبەرهێنانی گەرمیانیش رونكردنەوەیەك بڵاودەكاتەوە و سەرۆكی یەكێتی وەبەرهێنەرانی كوردستانیش دەڵێت”سیاجكردن دوای وەرگرتنی مۆڵەتی سەرەتای نایاسایی نیە”.

یاسین مەحمود رەشید، بەرێوەبەری یەكێتی وەبەرهێنەرانی كوردستان بە (خەڵك)ی راگەیاند، ئەوەی لەسەر ئەو پرۆژەیە وتراوە سەبارەت بە “نایاسایی” بوونی دورە لەراستیەوە.
ناوبراو بۆ (خەڵك) ئاماژەی بەوەكرد، مۆڵەتی سەرەتایی بۆ سیاجكردن و مۆڵەتی كۆتایش بۆ دەستپێكردنی كاركردنەوە و ئەوەیشی لەسەر پرۆژەی “گاردنیا”ی گەرمیان بڵاوكراوەتەوە دورە لەراستیەوە.

عومەر محەمەد عەلی، بەڕێوەبەری وەبەرهێنانی گەرمیان بە (خەڵك)ی راگەیاند، ئەو پارچە زەوییە بڕیاری دەستەی وەبەرهێنان و مۆڵەتی كاركردنی هەیە و بە هەموو رێكارە یاساییەكاندا كارەكانی بۆ كراوە.

وتیشی”ئەو زەوییە بەپێی فەرمانی ئەنجومەنی وەزیران و دەستەی وەبەرهێنان دراوە بە كۆمپانیای گاردینیا و بڕیارە شارێكی نیشتەجێبوونی بەناوی قەڵای شێروانە تێدا دروستبكرێت، سیاجكردنیشی بۆ ئەوەیە، بۆ ئەوەی نەكرێت بە گەنم و جۆ و پاشان كێشە بۆ وەبەرهێنەكە دروستبكات، چونكە ئەگەر كێشە بۆ ئەو دروست بكرێت، ئەوا كێشە بۆ ئێمەش دروست دەكات”.

(خەڵك) بۆ وەرگرتنی زانیاری پێویست پەیوەندی بە یونس جاف، بەڕێوەبەری هونەری پرۆژەكانی ئیدارەی گەرمیانەوە كرد و ناوبراویش قسەكانی بەڕێوەبەری وەبەرهێنانی تەئیكد كردەوە.

یونس جاف هەر لە قسەكانیدا رونیكردەوە، مەبەستی ئاسانكاری بۆ وەبەرهێنان بۆ ئەوەیە، كێشەی نیشتەجێبوون لە گەرمیان چارەسەر بكەن.

بەردەوام بە لە خوێندنەوە
حکومەتی داهاتووی هەرێمی کوردستان دەتوانێت خزمەتی هاوڵاتیان بکات؟

کوردستان

دوایین