ئێمە لە تۆرە کۆمەڵایەتیەکان

ئابوری

“پارتی و یەكێتی لەبری ئەو هەموو وەفدە باڵایە بۆ پۆستەكان وەفدێكیش بۆ پێشمەرگە و قوتی خەڵك بنێرن”

خەڵك – بەشی هەواڵ
ئەندامێكی كوردی ئەنجومەنی نوێنەرانی عیراق لە پشكی كۆمەڵ ڕایدەگەیەنێت، پارتی و یەكێتی لەبری ئەو هەموو وەفدە باڵایە بۆ پۆستەكان ڕەوانە دەكەن، وەفدێكیش بۆ پێشمەرگە و قوتی خەڵك بنێرن، دەشڵێت: “لەپڕۆژە یاسای بودجەی ۲٠۱۹ پشكی پێشمەرگە لەبوجەی وەزارەتی بەرگری عێراق دادەنریت”.

ئەحمەدی حاجی ڕەشید، ئەندامی كوردی ئەنجومەنی نوێنەرانی عیراق لە پشكی كۆمەڵ لە هەژماری خۆی لە فەیسبوك لە نوسینێكدا دەڵێت: “لەپڕۆژە یاسای بوجەی ۲٠۱۹ پشكی پێشمەرگە لەبوجەی وەزارەتی بەرگری عیراق دادەنریت بەبڕی (۳۷) ملیار دینار مانگانە بەكۆی گشتی دەكاتە (٤٤٤) ملیار دینار، بەڵام تەنها دەزگای دژە تیرۆری عیراق، كە 120 هەزار چەكدارە 738 ملیار و 91 ملیۆن و 187 هەزار دیناری بۆ تەرخان كراوە”.

ڕاشیگەیاندووە، لە بودجەی ساڵی داهاتوو بڕی تەرخان كراو بۆ حەشدی شەعبی و وەزارەتی بەرگری 9ترلێۆن 963 ملیار و 575 ملیۆن و17 هەزار دیارە “.

دەقی نووسینكەی:

بۆ پارتی و یەكێتی
لەبری ئەو هەموو وەفدە باڵایە بۆ پۆستە كانتان
وەفدیكیش بنێرن بۆ پێشمەرگەو وقوتی خەڵك.
لەپرۆژە یاسای بوجەی ۲٠۱۹ پشكی پێشمەگە لەبوجەی وەزارەتی بەرگری عێراق دادەنریت بەبڕی (۳۷) ملیار دینار مانگانە بەكۆی گشتی دەكاتە(٤٤٤) ملیار دینار بەڵام تەنها دەزگای دژە تیرۆری عێراق كە (۱۲٠٠٠) چەكدارە بڕی (۷۳۸٠۹۱۱۸۷) حەوتسەدو سی و هەشت ملیار دینار ونەوەو یەك ملیۆن وسەدو هەشتاو حەوت هەزاری بۆ تەرخان دەكرێت، هەروەها ژمارەی چەكدارەكانی كەلەبوجەدا پەسەند كراوە بە(۱۲۲٠٠٠) چەكدار دانراوە بڕی (۲٠۹۸۲۹٠٤۷٠) دوو ترلیۆن ونەوەدو هەشت ملیارو دووسەدو نەوەد ملیۆن وچوارسەدو حەفتا هەزار دینار تەرخان كراوە.
لە لایەكی دیكەوە وەزارەتی بەرگری فیدرال بڕی (۷۸٦٥۲۸٤۷٠٠) حەوت ترلیۆن و هەشسەد شەست وپێنج ملیارو دووسەدوهەشتاو چوار ملیۆن و حەوسەد هەزار دیناری بۆ تەرخان كراوە كە سەر ژمێریان تەنها (۱۸٤٠٠٠) كەسە.
لەبەرانبەردا ئەم ژمارانە هی سەر ژمێری پێشمەرگەن نازانم كامیان راستە
۱_ بەپێی لیدوانی شارەزایەكی ئابوری كەلە وەزارەتی دارایی و ئابووری دەوامی دەكرد رایگەیاند كە ژمارەی موچە خورانی وەزارەتی ناوبراو(٤۳۲٠٠٠) كەسن .
۲_ بەپێی لێدوانی ئەندام پەرلەمانەكانی پەرلەمانی كوردستان ژمارەی ئەو كەسانەی كەلەوەزارەتی پێشمەرگە موچە وەر دەگرن(٤۲۸٠٠٠)كەسن .
۳_بەپێی سەرژمێری بایۆ مەتریەكەی حكومەتی هەرێم بێت ژمارەی پێشمەرگە (۲٦٦٠٠٠) كەسن
٤_ بەپێی دەنگدانی تایبەت بێت كەلەم هەلبژاردنەی ۳٠\۹ ئەنجام درا (۱۷٠٠٠٠) كەسن٠
٥_ بەپێی تەخمین و خەمڵاندی عێراق بیت ژمارەی پێشمەرگە (٤٥٠٠٠) كەسن.
٦_ بەپێی ئەو برە پارە بیت كە ئەمریكیەكان تەرخانیان كردوە و بری (٤۲۱) ملیۆن دۆلارە تەنها (٦٠٠٠٠) كەسن .
لەكۆتایدا
بەتەنها تەرخانكراو بۆ حەشدی شە عبی و وەززارەتی بەرگری (۹۹٦۳٥۷٥۱۷٠) نۆ ترلێۆن و نۆسەدو شەست و سێملیارو پینج سەدوحەفتاوپینج ملیۆن وسەدو حەفتا هەزار دینار تەرخان كراوە
تەرخانكراو بۆ هەریم بڕی(۸۹۷٠٤٦۷۲۲٦) ).هەشت ترلێۆن و نۆسەدوو حەفتا ملیارو چوارسەدوشەستو حەوتملیۆن دووسەدووبیستوشەش هەزار دینار تەرخان كراوە . . . من دڵسۆزی پێشەرگەم. . مسن
ێ وە ی هەریم دەوامی دەكردوەەە . و . . . . ، . ە پۆستەكانیدئی م٠٠ ٤٥٠ (ب

ئابوری

بەهای تمەن و دۆلار لە كاتی داخستنی بازاردا

خەڵك – بەشی هەواڵ
خاوەن نووسینگەیەكی ئاڵوگۆڕی دراو لە سلێمانی ئاماژە بەوەدەكات، كە بەهای دۆلار و تمەن بە بەراورد بە دیناری عیراقی ئەمڕۆ لە بازاڕەكانی هەرێم تا ڕادەیەك جێگیر بووە و گۆڕانكاری ئەوتۆ ڕووینەداوە.

خاوەن نووسینگەیەكی ئاڵوگۆڕی دراو لە بازاڕی دۆلارەكەی سلێمانی بە (خەڵك)ی ڕاگەیاند، بەهای دۆلار بەرامبەر دیناری عیراقی لە كاتی داخستنی بازاڕ 100 دۆلار بە 120 هەزار و 900 دینار مامەڵەی پێوكرا.

سەبارەت بە بەهای تمەن وتیشی، “100 دۆلار بە ملیۆنێك و 363 هەزار تمەن بەدەستی و ملیۆنێك و 378 هەزار تمەن بە حەواڵە مامەڵەی پێوەكرا”.

ڕاشیگەیاند، هەر 100 هەزار تمەن بە 8 هەزار و 900 دینار ئاڵوگۆڕی پێوەكرا لەكاتی داخستنی بازاڕدا لە كاتێكدا بەیانی ئەمڕۆ بە 8 هەزار و 850 هەزار دینار بوو.

بەردەوام بە لە خوێندنەوە

ئابوری

نرخی نەوت بۆ خوار 80 دۆلار دابەزی

خەڵك- بەشی هەواڵ
ئەمڕۆ پێنج شەممە، نرخی بەرمیلێك نەوت بۆ خوار 80 دۆلار رووی لە دابەزین كرد، ئەمەش لەكاتێكدایە كە دەستەواژەكان ئاماژە بە زیادبوونی عەمباری نەوتی خاوی ئەمریكایی و زیادبوونی خستنەڕووی نەوت دەكەن لە بازاڕەكان.

دوێنێ‌ چوار شەممە، ئیدارەی زانیارییەكانی وزەی ئەمریكایی رایگەیاندبوو، عەمباری نەوتی خاوی ئەمریكایی بە بڕی 6.5 ملیۆن بەرمیل بەراورد بە هەفتەی رابردوو زیادی كردووە، ئەم زیادكردنەش سێ‌ هێندەی پێشبینی شرۆڤەكارانە.

لە كاتژمێر 10:10 بە كاتی گرێنیچ، نرخی نەوتی خاوی پێوەری جیهانی برنت بە بڕی 70 سەنت رووی لە دابەزین كرد و نرخی بەرمیلێك لەو جۆرە نەوتە گەیشتە 79.35 دۆلار.

نەوتی خاوی برنت لە 3ی ئەم مانگە و  لە ساڵی 2014وە، بەرزترین ئاستی تۆماركرد و نرخی بەرمیلێكی گەیشتە 86.74 دۆلار.

هەر لەگەڵ دابەزینی نرخی نەوتی برنت، بە هەمان شێوە نرخی نەوتی خاوی ئەمریكایی خۆرئاوای تكساسيش، بە بڕی 61 سەنت رووی لە دابەزین كرد و نرخی بەرمیلێكی گەیشتە 69.14 دۆلار.

بەردەوام بە لە خوێندنەوە

ئابوری

وەبەرهێنانی گەرمیان لەبارەی سیاجكردنی 248 دۆنم زەوی ڕوونكردنەوە دەدات

خەڵك- بەشی هەواڵ

دوای بڵاوكردنەوەی هەواڵێك لەسەر سیاجكردنی نزیكەی 248 دۆنم زەوی لە ناحیەی رزگاری لەلایەن كۆمپانیایەكەوە، ئەندامێكی ئەنجومەنی پارێزگای سلێمانی بڵاوی كردەوە، كە بەبێ‌ مۆڵەت كۆتایی كۆمپانیایەك ئەو پارچە زەوییەی سیاجكردووە و بەڕێوەبەری وەبەرهێنانی گەرمیانیش رونكردنەوەیەك بڵاودەكاتەوە و سەرۆكی یەكێتی وەبەرهێنەرانی كوردستانیش دەڵێت”سیاجكردن دوای وەرگرتنی مۆڵەتی سەرەتای نایاسایی نیە”.

یاسین مەحمود رەشید، بەرێوەبەری یەكێتی وەبەرهێنەرانی كوردستان بە (خەڵك)ی راگەیاند، ئەوەی لەسەر ئەو پرۆژەیە وتراوە سەبارەت بە “نایاسایی” بوونی دورە لەراستیەوە.
ناوبراو بۆ (خەڵك) ئاماژەی بەوەكرد، مۆڵەتی سەرەتایی بۆ سیاجكردن و مۆڵەتی كۆتایش بۆ دەستپێكردنی كاركردنەوە و ئەوەیشی لەسەر پرۆژەی “گاردنیا”ی گەرمیان بڵاوكراوەتەوە دورە لەراستیەوە.

عومەر محەمەد عەلی، بەڕێوەبەری وەبەرهێنانی گەرمیان بە (خەڵك)ی راگەیاند، ئەو پارچە زەوییە بڕیاری دەستەی وەبەرهێنان و مۆڵەتی كاركردنی هەیە و بە هەموو رێكارە یاساییەكاندا كارەكانی بۆ كراوە.

وتیشی”ئەو زەوییە بەپێی فەرمانی ئەنجومەنی وەزیران و دەستەی وەبەرهێنان دراوە بە كۆمپانیای گاردینیا و بڕیارە شارێكی نیشتەجێبوونی بەناوی قەڵای شێروانە تێدا دروستبكرێت، سیاجكردنیشی بۆ ئەوەیە، بۆ ئەوەی نەكرێت بە گەنم و جۆ و پاشان كێشە بۆ وەبەرهێنەكە دروستبكات، چونكە ئەگەر كێشە بۆ ئەو دروست بكرێت، ئەوا كێشە بۆ ئێمەش دروست دەكات”.

(خەڵك) بۆ وەرگرتنی زانیاری پێویست پەیوەندی بە یونس جاف، بەڕێوەبەری هونەری پرۆژەكانی ئیدارەی گەرمیانەوە كرد و ناوبراویش قسەكانی بەڕێوەبەری وەبەرهێنانی تەئیكد كردەوە.

یونس جاف هەر لە قسەكانیدا رونیكردەوە، مەبەستی ئاسانكاری بۆ وەبەرهێنان بۆ ئەوەیە، كێشەی نیشتەجێبوون لە گەرمیان چارەسەر بكەن.

بەردەوام بە لە خوێندنەوە
حکومەتی داهاتووی هەرێمی کوردستان دەتوانێت خزمەتی هاوڵاتیان بکات؟

کوردستان

دوایین