وەزارەتی دارایی عێراق دەستی بە دابەشکردنی مووچەی مانگی 12 کرد، بەڵام چارەنووسی مووچەی سێ مانگی فەرمانبەرانی هەرێمی کوردستان دیار نییە.
ئەمڕۆ چوارشەممە، وەزارەتی دارایی عێراق ڕایگەیاند، دەستیان بە دابەشکردنی مووچەی مانگی 12ی فەرمانبەران کرد.
ئەمەش لە کاتێکدایە کە هێشتا حکومەتی هەرێمی کوردستان سەرقاڵی دابەشکردنی مووچەی مانگی نۆیە و بڕیارە سبەینێ کۆتایی بێت.
فەرمانبەرانی هەرێمی کوردستان لە کاتێکدا بەرەو ساڵی 2024 دەچن کە تا ئێستا مووچەی مانگەکانی 10 و 11 و 12یان وەرنەگرتووە.
