ئێمە لە تۆرە کۆمەڵایەتیەکان

عێراق

داوای زیادكردن و باشكردنی بەشەخۆراكی هاوڵاتییان دەكرێت

خەڵك- بەشی هەواڵ
ژمارەیەكی زۆر لە ئەندامانی پەرلەمانی عیراق، داوای زیادكردن و باشكردنی بەشەخۆراكی مانگانەی هاوڵاتییان دەكەن.

بەپێی نوسراوێكی فەرمی كە بەرواری ئەمڕۆ پێنج شەممە 2018/10/11ی لەسەرە، 109 ئەندامی پەرلەمانی عیراق، داوا دەكەن ماددەكانی بەشەخۆراكی مانگانەی هاوڵاتییان زیاد بكرێن و جۆرەكانیشیان باشتر بكرێن.

وەك لە نوسراوەكەدا هاتووە،داوا لە سەرۆكی پەرلەمانی عیراق دەكرێت، لەگەڵ وەزارەتی بارزگانی گفتوگۆ بكات بۆ زیادكردن و باشكردنی ماددەكانی بەشە خۆراكی مانگانە، بە جۆرێك كە لەگەڵ پێداویستییەكانی هاوڵاتییاندا بگونجێت.

نوسراوەكە لەلایەن د. عەلیە ئیمارەوە بەرزكراوەتەوە بۆ سەرۆكایەتی پەرلەمان و 109 پەرلەمانتار ئیمزايان لەسەر كردووە.

بەشەخۆراكی مانگانەی هاوڵاتییان كە لەلایەن وەزارەتی بازرگانی عیراقەوە دابین دەكرێت و لەڕێی بریكارەكانی بەشەخۆراكەوە بەسەر هاوڵاتییاندا دابەش دەكرێت، لەماوەی ئەم چەند ساڵەی رابردوو، بەشێوەیەكی بەرچاو كەمی كرد، لە هەندێك جاریشدا پێڕانەگەیشتنی دابەشكردنی بۆ چەند مانگێك، وەزارەتی بازرگانی ناچار كردووە لەبری خۆراك، بڕێك پارەی كەم بەسەر هاوڵاتییاندا دابەش بكات، ئەمەش لەكاتێكدایە كە هەندێك لە توێژەكانی نێو كۆمەڵگەی عیراقی پشت بەو بەشەخۆراكە دەبەستن.

عێراق

بۆ پشتیوانیكردنە لە عەبدولمەهدی
بەرهەم ساڵح داوایەك لە هێزە سیاسییەكان دەكات

خەڵك- بەشی هەواڵ
بەرهەم ساڵح سەرۆك كۆماری عیراق، داوا لە هێزە سیاسییەكان دەكات، پشتیوانی لە عادل عەبدولمەهدی سەرۆك وەزیرانی راسپێردراو بكەن لە پێكهێنانی كابینە وەزارییەكەی.

سەرۆكایەتی كۆماری عیراق لە بەیاننامەیەكدا رایگەیاندووە”بەرهەم ساڵح سەرۆك كۆمار، پێشوازیی لە وەفدێكی بەرەی دیالۆگی نیشتمانی بە سەرۆكایەتی محەمەد تەمیم كردووە، و ئەندامانی وەفدەكەش پیرۆزباییان لە سەرۆك بەرهەم ساڵح كردووە بەبۆنەی گرتنەدەستی پۆستەكەی، و هیوای سەركەوتنیان بۆ خواستووە لە خزمەتكردن بە عیراق و عیراقییەكان”.

بەپێی بەیاننامەكە”بەرهەم ساڵح جەختی لەسەر گرنگی یەكخستنی دید و هەڵوێستەكان كردووە لە قۆناغی داهاتوو، و كاركردن بۆ پێكهێنانی حكومەتێكی بەهێز كە بتوانێت بەرەنگاریی رووبەڕبوونەوەكان ببێتەوە” داواشی لە هێزە سیاسییەكان كردووە”پشتیوانی لە عادل عەبدولمەهدی سەرۆك وەزیرانی راسپێردراو بكەن لە پێكهێنانی كابینە وەزارییەكەی، وێڕای پاڵپشتی لە جێبەجێكردنی بەرنامە حكومییەكەی، تا بتوانێت خواستەكانی گەلی عیراق بهێنێتەدی”.

سەرۆك كۆماری عیراق، تەئكیدی لە” گرنگی رێزگرتن لە سەروەری دەستور لەلایەن هەموو هێزە سیاسییەكان و جێبەجێكردنی كردۆتەوە، بە جۆرێك كە ببێتە مایەی زامنكردنی مافەكانی گەلی عیراق بە هەموو پێكهاتەكانی”.

بەرهەم ساڵح سەرۆك كۆماری عیراق، لە 2ی تشرینی یەكەمی 2018، عادل عەبدولمەهدی بۆ پێكهێنانی حكومەتی داهاتوو راسپارد.

بەردەوام بە لە خوێندنەوە

عێراق

عادل عەبدولمەهدی راگەیەنراوێكی بڵاوكردەوە

خەڵك – بەشی هەواڵ
عادل عەبدولمەهدی راسپێردراو بۆ پێكهێنانی حوكمەتی عیراق ڕایدەگەیەنێت، ماوەیەكە هەندێك لەو وەزارەت و فەرمانگەكان چەند گرێبەستێكی بەپەلەیان ئیمزاكردووە كە لەدەرەوەی یاسا و رێنماییەكانن داواش لە سەرۆك كۆماری عیراق دەكات رێگری بكەن لەو رێكارە نادەستوری و نایاساییانە.

نوسینگەی ڕاگەیاندنی عادل عەبدولمەهدی راسپێردراو بۆ پێكهێنانی حوكمەتی عیراق بلاویكردەوە، ماوەیەكە هەندێك لەو وەزارەت و فەرمانگەكان چەند گرێبەستێكی بەپەلەیان ئیمزاكردووە كە لەدەرەوەی یاسا و رێنماییەكانن.

ئاماژە بۆ ئەوەشكراوە، عادل عەبدولمەهدی داوای لە هەریەك لە بەرهەم ساڵح، سەرۆككۆماری عیراق و حەیدەر عەبادی سەرۆك وەزیرانی كاربەرێكەری عیراق كردووە، رێگری بكەن لەو رێكارە نادەستوری و نایاساییانە.

ڕاشیگەیاندووە، پێویستە ئەو وەزارەت و فەرمانگەكان ئەو جۆرە كارانە رابگرن، هەروەها داوای لە ئەنجومەنی نوێنەران كردووە چاودێری ئەو حاڵەتانە بكەن.

لە ڕاگەیەنراوەكەدا هاتووە، حكومەتی داهاتوو سەرجەم ئەو فەرمانانە رەتدەكاتەوە، كە لەدەرەوەی رێكارە دەستوری و یاساییەكانن، چونكە ئەركی ئەو وەزارەت و فەرمانگانە لەئێستادا تەنیا راپەڕاندنی ئەركی رۆژانەیە، هەركەسێك دژی یاسا و دەستور مامەڵە بكات ئەوا خۆی رووبەڕووی سزا دەكاتەوە.

بەردەوام بە لە خوێندنەوە

عێراق

ھەفتەی داھاتوو عادل عەبدولمەھدی کابینەکەی ڕادەگەیەنێت

خەڵک-

بڕیارە ھەفتەی داھاتوو عادل عەبدولمەھدیی ڕاسپێردراو بۆ پێکھێنانی حکومەت، ناوی ئەندامانی کابینەکەی ڕابگەیەنێت، وەک ئەوەی نوسینگەی رۆژنامەوانیی ناوبراو ئاماژەی پێکردووە.

نوسینگەی رۆژنامەوانیی عادل عەبدولمەھدیی ڕایگەیاند: عادل عەبدولمەھدی بە نیازە ھەفتەی داھاتوو ناوی ئەندامانی کابینەکەی ڕابگەیەنێت، لە ئێستادا ناوبراو لەگەڵ سەرۆکایەتیی پەرلەمان و سەرکردە و فراکسیۆنەکانی پەرلەمان لە پەیوەندیدایە، بۆ ئەوەی وادەیەکی گونجاو بۆ ئەو بابەتە دیاریبکرێت.

عادل عەبدولمەھدی لە رۆژی ٢٠١٨/١٠/٢ ڕاسپێردرا بۆ پێکھێنانی حکومەت، بەپێی یاسا دەبێت لە ماوەی ٣٠ رۆژدا بتوانێت حکومەت پێکبھێنێت، ئەگەر نا ئەرکەکە ڕادەستی کەسێکی تر دەکرێت.

بەردەوام بە لە خوێندنەوە
حکومەتی داهاتووی هەرێمی کوردستان دەتوانێت خزمەتی هاوڵاتیان بکات؟

کوردستان

دوایین