ئێمە لە تۆرە کۆمەڵایەتیەکان

جیهانی

ڕاهێنه‌ری پیرۆ به‌گه‌نجی ده‌یان یاریزانی هاوڕێی له‌ تۆڵه‌ی سه‌رۆکی به‌هێزترین مافیای جیهان ڕزگار کرد !

خه‌ڵک سپۆرت

پابلۆ ئیسکۆبار به‌هێزترین و ناودارترین سه‌رۆکی مافیا له‌جیهاندا له‌هه‌شتاکانی سه‌ده‌ی ڕابردوو به‌هۆی ڕیکاردۆ گارسیای ڕاهێنه‌ری هه‌ڵبژارده‌ی پیرۆوه‌ بڕیاریداوه‌ تۆڵه‌ له‌یاریزانانی یانه‌ی ئه‌مریکا دی کالی نه‌کاته‌وه‌.

ڕۆژنامه‌ی مارکا له‌زاری سه‌رچاوه‌ ئه‌مریکیه‌کانه‌وه‌ ئاشکرای کردووه‌، له‌ هه‌شتاکانی سه‌ده‌ی ڕابردوو به‌هۆی ململانێی نێوان گروپی کالی و میدیلین بۆمبێک به‌ خێزانی ئیسکۆباردا ته‌قیوه‌ته‌وه‌ و به‌هۆیه‌وه‌ چه‌ند که‌سێکی خێزانه‌که‌ی له‌ده‌ستداوه‌، ئه‌وه‌ش گه‌یاندویه‌تیه‌ ئه‌و قه‌ناعه‌ته‌ی که‌ پێویسته‌ تۆڵه‌ له‌ یانه‌ی ئه‌مریکا دی کالی و یاریزانان و ته‌واوی ستافی ئه‌و یانه‌یه‌ بکاته‌وه‌.

له‌م باره‌یه‌وه‌ جۆن خایرۆ ڤالاسکوێز ڤاسکێزی ناسراو به‌ “پۆپای”، که‌ یه‌کێک بووه‌‌ له‌ پیاوکوژ و پیاوه‌کانی ئیسکۆبار ڕایگه‌یاندووه‌ :” لۆرد ئیسکۆبار بڕیاریدا تۆڵه‌ی قورس بکاته‌وه‌، به‌ڵام ڕیکاردۆ گارسیا هه‌میشه‌ له‌به‌رچاوه‌ی بوو، خۆشیده‌ویست، به‌هه‌رحاڵ، بڕیاریدا تۆله‌ له‌ یاریزانانی یانه‌که‌ نه‌کاته‌وه‌ و بڕیارێکی تری دا”.

هه‌روه‌ها ده‌ڵێت :” له‌دوای ئه‌م ڕووداوه‌ چه‌ند یاریزانێکی کالی ڕفاند و وه‌ک بارمته‌ مامه‌ڵه‌ی له‌گه‌ڵ کردن تا ئه‌وکاته‌ی جوت برای ڕۆدریگێزیان بۆ گه‌ڕانده‌وه‌‌، له‌به‌رئه‌وه‌ی ڕکابه‌ران هه‌ماهه‌نگیان له‌گه‌ڵدا نه‌کرد و وه‌ڵامیان نه‌بوو، پیدرۆ ئینریکی سارمینتۆی کوشت که‌ وه‌ک کۆمێنتار له‌که‌ناڵی گۆڵ کاراکۆڵ کاری ده‌کرد”.

ڕیکاردۆ گارسیای ته‌مه‌ن ٦٠ ساڵ، له‌سه‌رده‌می گه‌نجێتیدا هێرشبه‌ری یانه‌کانی بوکا جونیۆرز، سارمێنتۆ، ڕیڤه‌رپله‌یت، ئه‌مریکا دی کالی و ڤیڵس سارسفێڵد و ئیندیپێندیتی بووه‌ و له‌ئێستاشدا ڕاهێنه‌ری هه‌ڵبژارده‌ی پیرۆیه‌، که‌سایه‌تیه‌کی خۆشه‌ویست و ناوداری ولاته‌که‌یه‌تی “ئه‌رجه‌نتین” و ته‌نانه‌ت له‌لایه‌ن ڕکابه‌رانیشه‌وه‌ به‌هۆی کاریزما به‌هێزه‌که‌یه‌وه ڕێزی لێده‌گیرێت ‌.

جیهانی

فلۆرنتینۆ پێرێز له‌نێوان نایمار و هازارد خۆی یه‌کلایی کردۆته‌وه‌ و ده‌ستبه‌رداری خه‌ونه‌کانی نابێت

خه‌ڵک سپۆرت

فلۆرنتینۆ پێریزی سه‌رۆکی یانه‌ی ڕیاڵ مه‌درید له‌و جۆره‌ که‌سایه‌تیانه‌یه‌ که‌ خه‌ونه‌کانی به‌هیچ خه‌ونێکی دیکه‌ ئاڵوگۆڕ ناکات و بۆ گواستنه‌وه‌کانی هاوینه‌ی ٢٠١٩ خۆی یه‌کلایی کردۆته‌وه‌.

ماڵپه‌ڕی “دیفێنسا سه‌نتراڵ”ی نزیک له‌ یانه‌ی شاهانه‌ بڵاویکردۆته‌وه‌، پێریز سه‌رده‌مێکه‌ خه‌ون به‌ نایمار دا سیلڤای به‌رازیلیه‌وه‌ ده‌بینێت، ته‌نانه‌ت له‌ هاوینی ٢٠١٨ به‌شێوه‌یه‌کی ناڕاسته‌وخۆ له‌ڕێگه‌ی میدیاکانه‌وه‌ هه‌وڵیداوه‌ که‌یسی په‌یوه‌ندیکردنی نایمار به‌ یانه‌ی شاهانه‌وه‌ زیندو بکاته‌وه‌، به‌ڵام دوای زانینی هه‌ڵوێستی ئیداره‌ی یانه‌ی پاریس سانت جێرمان هه‌ستی کردووه‌ گواستنه‌وه‌که‌‌ مه‌حاڵه‌ و کشاوه‌ته‌وه‌.

به‌پێی سه‌رچاوه‌که‌، سه‌رۆکی ڕیاڵ ده‌ستبه‌رداری خه‌ونه‌کانی نه‌بووه‌ و تاکه‌ خه‌ونی ئه‌وه‌یه‌ نایمار له‌ هاوینی ٢٠١٩ دابین بکات، به‌ڵکو ئه‌مجاره‌ به‌شێوه‌یه‌کی کرداری هه‌وڵی بۆ ده‌دات و بۆ ئه‌و مه‌به‌سته‌ش پێشوه‌خت توانیویانه‌ په‌یوه‌ندی ژێربه‌ژێر له‌گه‌ڵ باوکی یاریزانه‌که‌ و لێپرسراوی کاره‌کانی ببه‌ستن.

“دیفێنسا” نوسیویه‌تی: هازارد خه‌ونی دووه‌م و یه‌ده‌گه‌، ئه‌م دوو ئه‌ستێره‌یه‌ ناکرێت هه‌ردووکیان به‌یه‌که‌وه‌ په‌یوه‌ندی به‌ ڕیاڵه‌وه‌ بکه‌ن، بۆیه‌ سه‌ره‌تا هه‌وڵه‌کان بۆ نایمار ده‌بێت و له‌ خراپترین ئه‌گه‌ردا ئه‌گه‌ر له‌م گواستنه‌وه‌یه‌ شکست بهێنێت ئه‌وا هه‌وڵه‌کان بۆ هازاردی به‌لجیکی ده‌ست پێده‌که‌ن، ئه‌وه‌ش وه‌ک وه‌ڵامێک بۆ لێدوانه‌کانی ڕابردوی که‌ تیایدا ته‌ئکیدی کردبۆوه‌ له‌ڕیاڵ مه‌درید زیاتر خه‌ون به‌ هیچ یانه‌یه‌کی تره‌وه‌ نابینێت.

بەردەوام بە لە خوێندنەوە

جیهانی

کومان ناڕاسته‌وخۆ بۆ به‌رشلۆنه‌: ڕه‌نگه‌ “گه‌وهه‌ره‌که‌ی هۆڵه‌ندا” له‌ من باشتر بێت بۆتان !

خه‌ڵک سپۆرت

ڕۆناڵد کومان، ئه‌فسانه‌ و ڕاهێنه‌ری هه‌ڵبژارده‌ی هۆڵه‌ندا به‌شێوه‌یه‌کی ناڕاسته‌وخۆ وه‌سفی یه‌کێک له‌ به‌هره‌مه‌نده‌کانی پێکهاته‌که‌ی بۆ ئیداره‌ی یانه‌ی به‌رشلۆنه‌ ده‌کات.

دوای بردنه‌وه‌ مێژوییه‌که‌ی “ئاشه‌وانه‌ پرته‌قاڵیه‌کانی هۆڵه‌ندا” به‌ سێ گۆڵی بێوه‌ڵام به‌سه‌ر هه‌ڵبژارده‌ی ئه‌ڵمانیا، کومان به‌ میدیاکانی ڕاگه‌یاند :” دی لیخت به‌هره‌یه‌کی ناوازه‌یه‌، ده‌توانێت له‌ من باشتر به‌رگری بکات، به‌ڕای من له‌و ته‌مه‌نه‌دا و به‌و ئاسته‌ به‌رزه‌وه‌ یاریزانێکی تایبه‌ته‌ و ده‌توانێت له‌ گه‌وره‌ترین یانه‌کانی جیهان جێگه‌ی خۆی بکاته‌وه‌”.

هه‌روه‌ها فرانک دی بۆیری ئه‌ستێره‌ی پێشوی هۆڵه‌ندا و یانه‌ی به‌رشلۆنه‌ ده‌ڵێت :” دی لیخت ڕۆژ به‌ڕۆژ ده‌یسه‌لمێنێت که‌ له‌ وڵاتی هۆڵه‌ندا هێشتا به‌هره‌ به‌رزه‌کان بونیان ماوه‌ و زیاتریش په‌روه‌رده‌ ده‌کرێن له‌لایه‌ن ئه‌کادیمیاکانمانه‌وه‌، پێموابێت داهاتویه‌کی پرشنگدار چاوه‌روانی ده‌کات”.

له‌م باره‌یه‌وه‌ ڕۆژنامه‌ی “سپۆرت”ی که‌ته‌لۆنی ئاماژه‌ی کردووه‌، کومان و دی بۆیر که‌ پێشتر له‌ڕیزه‌کانی بارسا یارییان کردووه‌، ده‌زانن یانه‌ که‌ته‌لۆنیه‌که‌ له‌دوای ئه‌نجامدانی نه‌شته‌رگه‌ری بۆ ساموێل ئومتیتی پێویستی به‌ به‌رگریکارێکی شوێنگره‌وه‌ ده‌بێت، ته‌واوی لێدوانه‌کانیشیان په‌یامی ناراسته‌وخۆیه‌ و ئاراسته‌ی جوسێپ ماریا بارتومیۆ و ئیریک ئه‌بیدال و ئێرنێستۆ ڤاڵڤێردی ده‌که‌ن.

ئایا به‌رشلۆنه‌ له‌گواستنه‌وه‌ی ئه‌م گه‌وهه‌ره‌ به‌رگریکاره‌دا سه‌رکه‌وتو ده‌بێت؟

بەردەوام بە لە خوێندنەوە

جیهانی

کۆلینا بۆ ڕاهێنه‌رانی ئه‌وروپا: تۆپی پێ ناکه‌ین به‌ باسکه‌، پێشنیاره‌که‌تان مه‌حاڵه‌ و به‌قسه‌تان ناکه‌ین

خه‌ڵک سپۆرت

پێرلویجی کۆلینا وه‌ڵامی پێشنیاری ڕاهێنه‌رانی ئه‌وروپا و جیهان ده‌داته‌وه‌، ئه‌و ڕاهێنه‌رانه‌ی داوا ده‌که‌ن مافی لێدانه‌وه‌ی گرته‌ ڤیدیۆییه‌کانیانی (ڤار)یان پێبدرێت.

کۆلینا که‌ یه‌کێکه‌ له‌ ناودارترین ناوبژیوانانی بواری تۆپی پێ له‌ئێستادا سه‌رۆکی لیژنه‌ی ناوبژیوانانی سه‌ر به‌ یه‌کێتی تۆپی پێی جیهانه‌ (فیفا)، یه‌کێکه‌ له‌و که‌سایه‌تیانه‌ی له‌پشت جێبه‌جێکردنی سیستمی “ڤار”ه‌وه‌ بووه‌ و زۆرینه‌ی یاساکانی یه‌کێتیه‌که‌ له‌ژێر ده‌ستیه‌وه‌ به‌ره‌و به‌ یاسابوون هه‌نگاو ده‌نێت.

له‌وه‌ڵامی پرسیارێکدا به‌ ڕۆژنامه‌ی “لیکیپ”ی فه‌ره‌نسی ڕاگه‌یاندووه‌ :” بێگومان ناتوانین پێشنیاری ڕاهێنه‌ران سه‌باره‌ت به‌ لێدانه‌وه‌ی گرته‌ ڤیدیۆییه‌کان جێبه‌جی بکه‌ین، ناکرێت ڕێگه‌ بده‌ین به‌ ڕاهێنه‌ران دوو حاڵه‌ت ده‌ستنیشان بکه‌ن و به‌دڵی خۆیان یارییه‌ک ڕابگرن تا ڕووداوه‌کان ده‌بیننه‌وه‌، ئه‌وه‌ شتێکی مه‌حاڵه‌، چونکه‌ تۆپی پێ وه‌ک باسکه‌ و تێنسی سه‌رزه‌وی و باله‌ نییه‌”.

هه‌روه‌ها ده‌ڵێت :” باله‌ و باسکه‌ وه‌ک تۆپی پێ نییه‌ و هه‌موو شته‌کان بابه‌تین و له‌کاتی خۆیاندا به‌هێواشی ڕووده‌ده‌ن، به‌ڵام له‌نێو یاریگای تۆپی پێدا هه‌لی زیاتر له‌به‌رده‌م ناوبژیواناندایه‌ تا بڕیاری له‌باره‌وه‌ بده‌ن، بۆیه‌ ئه‌و پێشنیاره‌زی ڕاهێنه‌ران ڕه‌ت ده‌که‌ینه‌وه‌”.

له‌ماوه‌ی ڕابردوودا کۆبونه‌وه‌ی ئه‌نجومه‌نی ڕاهێنه‌رانی جیهان ئه‌نجامدرا، تیایدا چه‌ندین ڕاهێنه‌ر داوایان کرد هاوشێوه‌ی یارییه‌کانی تێنس و باله‌ و باسکه‌ مافی داواکردنی لێدانه‌وه‌ی دوو حاڵه‌تی گومانلێکراویان له‌یه‌ک ڕووبه‌ڕوبونه‌وه‌دا پێبدرێت، پێیان وابوو به‌وشێوه‌یه‌ ته‌واوی گومانه‌کان ده‌ڕه‌وێننه‌وه‌، به‌ڵام وا دیاره‌ فیفا له‌به‌ر کات و له‌ده‌ستنه‌دانی ڕیتمی ڕووبه‌ڕوبونه‌وه‌کان ئه‌و پێشنیاره‌ به‌ته‌واوی ڕه‌ت ده‌کاته‌وه‌.

بەردەوام بە لە خوێندنەوە
حکومەتی داهاتووی هەرێمی کوردستان دەتوانێت خزمەتی هاوڵاتیان بکات؟

کوردستان

دوایین