ئێمە لە تۆرە کۆمەڵایەتیەکان

عێراق

بڕێكی پارەی زۆری رژێمی پێشووی عیراق لە لوبنانەوە دەگێڕدرێتەوە

خەڵك- بەشی هەواڵ
دەستەی نەزاهەی عیراق، گێڕانەوەی بڕێكی زۆری پارەی رژێمی پێشووی عیراق لە بانكەكانی لوبنان، رادەگەیەنێت.

ئەمڕۆ پێنج شەممە، بەڕێوەبەرایەتی گێڕانەوەی پارەكانی عیراق لە دەستەكە لە بەیاننامەیەكیدا رایگەیاندووە”تیمی گێڕانەوە پارەكانی عیراق، توانیویەتی نیو ملیۆن دۆلاری ئەمریكایی لە بانكەكانی لوبناندا بگێڕێتەوە كە پێشتر بە ناوی بەڕێوەبەری یەكێك لە كۆمپانیاكانی پیشەسازی سەربازی سەر بە رژێمی پێشووی عیراق و ژنەكەی لە یەكێك لە بانكەكانی لوبناندا دانرابوو”.

هەر بەپێی بەیاننامەكە”بەدواداچوونەكانی تیمەكە بە هەماهەنگی لەگەڵ وەزارەتەكانی داد و دەرەوە، و بەپشتبەستن بە بەڵگە یاساییەكان، گەیشتنە ئەو ئاكامەی كە پارەی سەر ئەو حیسابانە بخەنەوە سەر حیسابەكانی عیراق لە سندوقی گەشەپێدانی عیراق”.

بەڕێوەبەرایەتی گێڕانەوەی پارەكانی عیراق لە دەستەی نەزاهە رایگەیاندووە”بەڕێوەبەری كۆمپانیاكە بڕیارەكانی (1518-1483)ی ئەنجومەنی ئاسایش بۆ ساڵی 2003 دەیگرێتەوە، كە بەپێی بڕیاری یەكەم، وڵاتانی ئەندام پابەند دەكات هەر داهاتێكی ئابوری و سامان و پارەپولێكی عیراقیان لایە، پێویستە بلۆكی بكەن و بیگوازنەوە بۆ سندوقی گەشەپێدانی عیراق”.

دەستەی نەزاهە، لە سەرەتای ئەم مانگەدا رایگەیاندبوو، لەڕێی تیمی گێڕانەوەی پارەكانی عیراق توانیویەتی، بڕێكی زۆر پارەی عیراق كە بە ناوی دەزگای پیشەسازی عیراقەوە لە سەردەمی رژێمی پێشوودا لە یەكێك لە بانكەكانی ئوردندا هەڵگیرابوو، بگێڕیتەوە بۆ عیراق.

عێراق

ئەندامانی تۆڕێکی بازرگانی کردن بە منداڵان دەستگیر کران

خەڵک-

وتەبێژی وەزارەتی ناوخۆی عیراق ئاماژە بەوە دەکات، ئەمڕۆ لە پارێزگای دیوانییە ھێزە ئەمنییەکان تۆڕێکی کڕین و فرۆشی منداڵیان دەستگیرکردووە.ڤ

لیوا سەعد مەعن، وتەبێژی وەزارەتی ناخۆی عیراق ڕایگەیەنراوێکی بڵاوکردەوە و تیادا دەڵێت: “ئەمڕۆ ھێزێکی ھاوبەشی لەناوبردنی تاوان و ئاسایشی نیشتمانی و لەناوبردنی بازرگانیکردن بە مرۆڤ، لەسەر بنچینەی زانیاریی ھەواڵگریی ورد، تۆڕێکی بازرگانی کردن بە منداڵیان لە شاری دیوانیە دەستگیر کردووە.

ئەو تۆڕە لە ٣ کەس پێکھاتبوون کە دووانیان ئافرەتن، کاریان کڕینی منداڵ بووە لە کەسوکارەکانیان لای خۆیان بەخێویان کردوون تا بتوانن لە داھاتوودا بیانفرۆشنەوە.

لەکاتی دەستگیرکردنیشیان ٢ منداڵیان لابووە، کچێکی تەمەن ٥ ساڵان و کوڕێکی تەمەن ١٨ مانگ، کە ھیچ پەیوەندییەکی خوێنییان نەبووە پێیانەوە.

سەعد مەعن ئەوەشی ڕاگەیاندووە: لێکۆڵینەوە لەگەڵ تۆڕەکە بەردەوامە و دۆسیەکەیان ڕەوانەی دادگا کراوە.

بەردەوام بە لە خوێندنەوە

عێراق

٤٥٠ منداڵی تورک لە خانەی بێ سەرپەرشتان و زیندانەکانی عیراقدان

خەڵک-

رۆژنامەیەکی تورکی لە ڕاپۆرتێکیدا ئاماژە بەوە دەکات، ٤٥٠ منداڵی تورک لە خانەی بێ سەرپەرشتان و زیندانی روسافەن لە شاری بەغداد، کە لەگەڵ دایک و باوکیان لە تورکیاوە ھاتوونەتە عیراق و چوونەتە نێو داعشەوە، ئێستا بێ سەرپەرشت ماونەتەوە یان لەگەڵ دایکیان زیندانی کراون.

رۆژنامەی دەیلی وەتەنی تورکی چیرۆکی دوو منداڵی تورک دەگێڕێتەوە، کە دایکیان ھێناونی بۆ عیراق و خۆی دوو ساڵ پێش ئێستا لە موسڵ کوژراوە و ئێستا چاوەڕێی گەڕانەوەن بۆ لای باوکیان بۆ تورکیا.

رۆژنامەکە دەڵێت، (ک. یەڵماز) ڕێگەی پۆلیسی ولاتەکەیەوە وێنەی منداڵەکانی پێگەشتووە و ناسیونەتییەوە، پاش ئەوەی پۆلیسی عیراق وێنەی سەرجەم منداڵەکانی ڕادەستی پۆلیسی تورکیا کردووە.

ھاوسەرەکەی یەڵماز، ٤ ساڵ پێش ئێستا منداڵەکانی لە تورکیاوە بردۆتە سوریا و دواتر ھاتۆتە عیراق و لە یەکێک لە بردومانەکانی ھاوپەیمانان لە موسڵ کوژراوە.

ھەفتەی ڕابردووش عیراق یەکەمین کاروانی منداڵەکان کە لە ١٧ منداڵ پێکھاتبوون ڕادەستی تورکیا کردۆتەوە، ئەو منداڵانە لە خانەی بێ سەرپەرشتانی ساڵحییە بوون و دایک و باوکیان نەماوە.

 

بەردەوام بە لە خوێندنەوە

عێراق

كۆبوونەوەی پەرلەمان تا پێكهێنانی حكومەت هەڵپەسێردرا

خەڵك- بەشی هەواڵ
كۆبوونەوەی ئەمڕۆی پەرلەمانی عیراق كۆتایی هات و هیچ وادەیەكیش بۆ كۆبوونەوەی داهاتوو دیاری نەكرا، سەرۆكی پەرلەمانیش دەڵێت: “كۆبوونەوەی داهاتوو بۆ پێكهێنانی حكومەت دەبێت”.

سەرچاوەیەك لە پەرلەمانی عیراق بۆ (خەڵك) ئاشكرای كرد، كە كۆبوونەوەی پەرلەمانی عیراق، كە ئەمڕۆ بە بەشداری 232 پەرلەمانتار و بە سەرۆكایەتی محەمەد حەلبوسی، سەرۆكی پەرلەمان ئەنجام درا، كەمێك پێش ئێستا تەواو بوو.

ڕاشیگەیاند، لە كۆبوونەوەی ئەمڕۆ دەنگ درا لەسەر پێكهێنانی لیژنە هەمیشەییەكانی پەرلەمان، كە 27 لیژنەن و سەرۆكایەتی پەرلەمان هیچ وادەیەكی بۆ كۆبوونەوەی داهاتوو ڕانەگەیاند.

هاوكات، محەمەد حەلبوسی، سەرۆكی پەرلەمانی عیراق لە كۆتایی كۆبوونەوەكە ڕایگەیاند، كە ئەگەری ئەوە هەیە كۆبوونەوەی داهاتووی پەرلەمان تەرخان بكرێت بۆ پێكهێنانی كابینەی حكومەتی نوێ.

بەردەوام بە لە خوێندنەوە
حکومەتی داهاتووی هەرێمی کوردستان دەتوانێت خزمەتی هاوڵاتیان بکات؟

کوردستان

دوایین