ئێمە لە تۆرە کۆمەڵایەتیەکان

ژینگە

بوومەلەرزەیەك سلێمانی هەژاندووە ..گوڕەكەی چەندە؟

خەڵك- بەشی هەواڵ
دەستەی كەشناسی ئاشكرای دەكات، كە بوومەلەرزەیەك لە شاری سلێمانی داوە و ڕایدەگەیەنێت، گوڕەكەی 3.4 پلە بووە بە پێوەری ڕێختەر.

دەستەی كەشناسی و بوومەلەرزەزانی عیراق لە بەیاننامەیەكدا ئاماژەی بەوەكردووە، لە كاتژمێر 2:42 خولەكی بەرەبەیانی ئەمڕۆ شەممە بوومەلەرزەیەك لە شاری سلێمانی و دەورووبەری داوە.

ڕاشیگەیاندووە، گوڕی بوومەلەرزەكە 3.4 پلە بووە بە پێوەری ڕێختەر و هاولاتیان بەتەواوی هەستیان پێ‌ كردووە.

ساڵی ڕابردوو لە شەوی 11/12ی مانگی 11دا بوومەلەرزەیەك لە ڕۆژهەلاتی كوردستان و هەرێمی كرودستانی دا، كە پلەكەی 7.3 پلە بوو بە پێوەری ڕێختەر و زیانی گیانی و مادی زۆری لێ‌ كەوتەوە و دواتریش بەردەوام بوومەلەرزەی دیكە ڕوویانداوە.

ژینگە

كەشناسی پێشبینی كەشوهەوای بۆ سبەینێ‌ راگەیاند

خەڵك- بەشی هەواڵ

بەرێوەبەرایەتی گشتی كەشناسی و بومەلەرزەزانی هەرێمی كوردستان پێشبینی دەكات، سبەینێ‌ چوارشەممە پلەی گەرما لە شارەكانی هەرێمی كوردستان بەرزبونەوەی زۆر تۆمارنەكەن و تاڕادەیەك بە جێگیری بمێننەوە.

بەرێوەبەرایەتییەكە لە راگەیەندراوێكدا كە وێنەیەكی دەست (خەڵك) كەوتووە، پێشبینی ئەوەی كردووە، كە بەرزترین پلەی گەرما لە سلێمانی 38 پلە دەبێت و لە هەولێر 40 پلە و دهۆك 38 پلە و لە كەركوكیش 43 پلە زیاتر نابێت.

بەردەوام بە لە خوێندنەوە

ژینگە

سێ‌ بوومەلەرزە چەند ناوچەیەكی كوردستان دەهەژێنێت

خەڵك- بەشی هەواڵ
كەشناسی گەرمیان بڵاویكردەوە، كە ئەمڕۆ دوو شەممە سێ‌ بوومەلەرزە لە ناوچەكانی نێوان تازەئاباد و چیای داڵەهۆی لە ڕۆژهەڵاتی كوردستان داوە و لە چەند گوندێك زیانی لە خانووی هاوڵاتیان داوە.

فەرمانگەی كەشناسی گەرمیان لە ڕاگەیەنراوێكدا، كە لە هەژماری خۆی لە فەیسبووك بڵاویكردۆتەوە، ئاماژەی بەوەكردووە، كە ئەمڕۆ دوو شەممە 16 / 7 / 2018 بوومەلەرزەی یەكەم لەكاتژمێر 05:19 بەیانی بەگوڕی 3 پلە بەپێوەری ڕێختەر لەقوڵایی 8 كیلۆمەتر و بەدوری 82 لەسەنتەری شاری كەلار ڕوویداوە.

ڕاشیگەیاندووە، بوومەلەرزەی دووەم لەكاتژمێر 08:33 ی بەیانی بەگوڕی 4.2 پلە بەپێوەری ڕێختەر لەقوڵایی 7 كیلۆمەتر و بەدووری 88 كیلۆمەتر لەسەنتەری كەلار ڕوویداوە و لەشارۆچكەی تازەئاباد و چەند گوندێكی دەوروبەری زیانی لەچەند خانویەكی هاووڵاتیان داوە و خۆشبەختانە زیانی گیانی نەبووە.

ئاشكراشی كردووە، بوومەلەرزەی سێیەم لەكاتژمێر 08:53 بەیانی بەگوڕی 3.5 پلە بەپێوەری ڕێختەر لەقوڵایی 7 كیلۆمەتر و بەدووری 83 كیلۆمەتر لەسەنتەری كەلار ڕوویداوە.

بەردەوام بە لە خوێندنەوە

ژینگە

شارێكی كوردستان بەرزترین پلەی گەرما لە جیهاندا تۆمار كرد

خەڵك- بەشی هەواڵ
لەم ماوەیەی دواییدا ناوچەكە بەشێوەیەكی بەرچاو بەرزبوونەوەی پلەكانی گەرمای بەخۆوە بینی و ژمارەی پێوانی لە جیهاندا تۆماركرد، شارێكی كوردستانیش یەكێكە لەو شارانەی بەرزترین پلەی گەرمای لە ناوچەكەدا تۆمار كرد.

بەپێی ئینفۆگرافیكێك، كە لەلایەن كەناڵی (سكای نیوز عربیە)وە بڵاوكراوەتەوە، شاری كەركوك لەنێوان ئەو شارانەدایە، كە بەرزترین پلەكانی گەرمایان لە جیهاندا تۆمار كردووە.

لەگەڵ شاری كەركوكدا، شارێكی تری عیراقیش بە هەمان شێوە بەرزترین پلەی گەرمای تۆماركردووە، كە ئەویش شاری عەممارە-یە، بەپێی ئینفۆگرافیكەكە، پلەكانی گەرما لە شاری كەركوك گەیشتونە 50 پلەی سەدی و لە شاری عەممارەی باشووری عیراقیش، 50 پلەی سەدی تۆماركراوە.

بەردەوام بە لە خوێندنەوە
ریکلام

کوردستان

دوایین