ئێمە لە تۆرە کۆمەڵایەتیەکان

عێراق

عەبدولمەهدی: 36 هەزار كەس خۆیان بۆ پۆستە وەزارییەكان كاندیدكردووە

خەڵك- بەشی هەواڵ
نوسینگەی عادل عەبدولمەهدی سەرۆك وەزیرانی راسپێردراو بۆ پێكهێنانی حكومەتی داهاتووی عیراق، ژمارەی ئەو كەسانە رادەگەیەنێت كە لەماوەی یەك رۆژدا سیڤییان پێشكەش كردووە بۆ پۆستە وەزارییەكان، ئاماژە بە ژمارەی ناوە تۆماركراوەكانیش دەكات كە زیاترن لە 36 هەزار كەس.

ئەمڕۆ چوار شەممە، نوسینگەی عادل عەبدولمەهدی لە بەیاننامەیەكدا رایگەیاندووە”ئاماری ئەنجامی رۆژی یەكەمی ئاواڵاكردنی دەرگای خۆكاندیدكردن بۆ پۆستی وەزیر، تا كۆتایی رۆژی سێ‌ شەممە 9ی تشرینی یەكەم گەیشتۆتە، 36006، كاندیدكردنە تەواوەكانیش گەیشتونەتە 9317″.

هەر لە بەیاننامەكەدا هاتووە”رێژەی سەربەخۆكان لە نێوان ناوەكاندا، گەیشتۆتە 97%، رێژەی داواكاریی ژنانیش 15% بووە، كاندیدەكان هەموو پارێزگاكانی عیراقی گرتۆتەوە بۆ هەموو وەزارەتەكانی ئێستا، و رێژەی هەڵگرانی بڕوانامە باڵاكانیش 23% بووە”.

پێشتر، عادل عەبدولمەهدی سەرۆك وەزیرانی راسپێردراو بۆ پێكهێنانی حكومەتی داهاتووی عیراق رایگەیاندبوو، هەر كەسێك لە كارامەیی خۆی رادەبینێت و دەیەوێت خۆی بۆ پۆستە وەزارییەكان كاندید بكات، دەتوانێت لەڕێی پێگەیەكی ئەلیكترۆنییەوە سیڤی خۆی پێشكەش بكات.

عێراق

ئەندامانی تۆڕێکی بازرگانی کردن بە منداڵان دەستگیر کران

خەڵک-

وتەبێژی وەزارەتی ناوخۆی عیراق ئاماژە بەوە دەکات، ئەمڕۆ لە پارێزگای دیوانییە ھێزە ئەمنییەکان تۆڕێکی کڕین و فرۆشی منداڵیان دەستگیرکردووە.ڤ

لیوا سەعد مەعن، وتەبێژی وەزارەتی ناخۆی عیراق ڕایگەیەنراوێکی بڵاوکردەوە و تیادا دەڵێت: “ئەمڕۆ ھێزێکی ھاوبەشی لەناوبردنی تاوان و ئاسایشی نیشتمانی و لەناوبردنی بازرگانیکردن بە مرۆڤ، لەسەر بنچینەی زانیاریی ھەواڵگریی ورد، تۆڕێکی بازرگانی کردن بە منداڵیان لە شاری دیوانیە دەستگیر کردووە.

ئەو تۆڕە لە ٣ کەس پێکھاتبوون کە دووانیان ئافرەتن، کاریان کڕینی منداڵ بووە لە کەسوکارەکانیان لای خۆیان بەخێویان کردوون تا بتوانن لە داھاتوودا بیانفرۆشنەوە.

لەکاتی دەستگیرکردنیشیان ٢ منداڵیان لابووە، کچێکی تەمەن ٥ ساڵان و کوڕێکی تەمەن ١٨ مانگ، کە ھیچ پەیوەندییەکی خوێنییان نەبووە پێیانەوە.

سەعد مەعن ئەوەشی ڕاگەیاندووە: لێکۆڵینەوە لەگەڵ تۆڕەکە بەردەوامە و دۆسیەکەیان ڕەوانەی دادگا کراوە.

بەردەوام بە لە خوێندنەوە

عێراق

٤٥٠ منداڵی تورک لە خانەی بێ سەرپەرشتان و زیندانەکانی عیراقدان

خەڵک-

رۆژنامەیەکی تورکی لە ڕاپۆرتێکیدا ئاماژە بەوە دەکات، ٤٥٠ منداڵی تورک لە خانەی بێ سەرپەرشتان و زیندانی روسافەن لە شاری بەغداد، کە لەگەڵ دایک و باوکیان لە تورکیاوە ھاتوونەتە عیراق و چوونەتە نێو داعشەوە، ئێستا بێ سەرپەرشت ماونەتەوە یان لەگەڵ دایکیان زیندانی کراون.

رۆژنامەی دەیلی وەتەنی تورکی چیرۆکی دوو منداڵی تورک دەگێڕێتەوە، کە دایکیان ھێناونی بۆ عیراق و خۆی دوو ساڵ پێش ئێستا لە موسڵ کوژراوە و ئێستا چاوەڕێی گەڕانەوەن بۆ لای باوکیان بۆ تورکیا.

رۆژنامەکە دەڵێت، (ک. یەڵماز) ڕێگەی پۆلیسی ولاتەکەیەوە وێنەی منداڵەکانی پێگەشتووە و ناسیونەتییەوە، پاش ئەوەی پۆلیسی عیراق وێنەی سەرجەم منداڵەکانی ڕادەستی پۆلیسی تورکیا کردووە.

ھاوسەرەکەی یەڵماز، ٤ ساڵ پێش ئێستا منداڵەکانی لە تورکیاوە بردۆتە سوریا و دواتر ھاتۆتە عیراق و لە یەکێک لە بردومانەکانی ھاوپەیمانان لە موسڵ کوژراوە.

ھەفتەی ڕابردووش عیراق یەکەمین کاروانی منداڵەکان کە لە ١٧ منداڵ پێکھاتبوون ڕادەستی تورکیا کردۆتەوە، ئەو منداڵانە لە خانەی بێ سەرپەرشتانی ساڵحییە بوون و دایک و باوکیان نەماوە.

 

بەردەوام بە لە خوێندنەوە

عێراق

كۆبوونەوەی پەرلەمان تا پێكهێنانی حكومەت هەڵپەسێردرا

خەڵك- بەشی هەواڵ
كۆبوونەوەی ئەمڕۆی پەرلەمانی عیراق كۆتایی هات و هیچ وادەیەكیش بۆ كۆبوونەوەی داهاتوو دیاری نەكرا، سەرۆكی پەرلەمانیش دەڵێت: “كۆبوونەوەی داهاتوو بۆ پێكهێنانی حكومەت دەبێت”.

سەرچاوەیەك لە پەرلەمانی عیراق بۆ (خەڵك) ئاشكرای كرد، كە كۆبوونەوەی پەرلەمانی عیراق، كە ئەمڕۆ بە بەشداری 232 پەرلەمانتار و بە سەرۆكایەتی محەمەد حەلبوسی، سەرۆكی پەرلەمان ئەنجام درا، كەمێك پێش ئێستا تەواو بوو.

ڕاشیگەیاند، لە كۆبوونەوەی ئەمڕۆ دەنگ درا لەسەر پێكهێنانی لیژنە هەمیشەییەكانی پەرلەمان، كە 27 لیژنەن و سەرۆكایەتی پەرلەمان هیچ وادەیەكی بۆ كۆبوونەوەی داهاتوو ڕانەگەیاند.

هاوكات، محەمەد حەلبوسی، سەرۆكی پەرلەمانی عیراق لە كۆتایی كۆبوونەوەكە ڕایگەیاند، كە ئەگەری ئەوە هەیە كۆبوونەوەی داهاتووی پەرلەمان تەرخان بكرێت بۆ پێكهێنانی كابینەی حكومەتی نوێ.

بەردەوام بە لە خوێندنەوە
حکومەتی داهاتووی هەرێمی کوردستان دەتوانێت خزمەتی هاوڵاتیان بکات؟

کوردستان

دوایین