ئێمە لە تۆرە کۆمەڵایەتیەکان

عێراق

پشكی هەرێم دیاری كراوە
بودجەی 2019ی عیراق ڕەوانەی پەرلەمان دەكرێت

خەڵك- بەشی هەواڵ
پەرلەمانتارێكی كۆمەڵی ئیسلامی ڕایدەگەیەنێت، وەزارەتی دارایی حكومەتی ئیتیحادی پڕۆژە یاسای بوجەی ساڵی 2019ی ڕەوانەی ئەنجومەنی وەزیران كردووە، بۆ پەسەندكردن و ناردنی بۆ پەرلەمان.

ئەحمەدی حاجی ڕەشید، پەرلەمانتاری كۆمەڵی ئیسلامی كوردستان لە پەرلەمانی عیراق، لە لێدوانێكی تایبەت بە (خەڵك)ی ڕاگەیاند، “لە پڕۆژەیاسای بودجەی ساڵی 2019 كە لەلایەن وەزارەتی دارایی حكومەتی فیدڕاڵەوە ئامادەكراوە، داهاتەكان خەمڵێنراون بە 105 ترلیۆن و كەسرێك دینار، خەرجیەكانیشبە128 ترلیۆن و كەسریك دینار خەمڵێنراون”.

بە وتەی ئەو پەرلەمانتارەی كۆمەڵ، “كورتهینان خەمڵێنراوە بە 22 و كەسرێك دینار، بودجەی بەكاربەریشبە95 ترلیۆن و كەسریك دینار خەمڵێنراوە” و ئاماژەی بە بودجەی وەبەرهێنانیش كرد، كە بە32 ترلیۆن و كەسرێك دینار خەمڵێنراوە.

ئەحمەدی حاجی ڕەشید لەدرێژەی قسەكانیدا باسی لە بوجەی سیادییەكانیش كرد، كە بە 46 ترلیۆن و كەسرێك دینار خەمڵێنراوە، وێڕای بوجەی تەرخانكراو بۆ گەشەكردنی پارێزگاكان، كەیەك ترلیۆن دینارە، لەگەڵ بوجەی پترۆ دۆلار، كە بە هەمان شێوە بە یەك ترلیۆن دینار دیاری كراوە.

سەبارەت بە پشكی هەرسێ پارزگاكانی هەرێمیش (هەولێرو دهۆك و سلێمانی) ئەحمەدی حاجی ڕەشید ڕایگەیاند، “8 ترلیۆن و كەسرێك دیناری بۆ تەرخانكراوە، بودجەی پەرەپێدانی سێ پارێزگاكەی هەرێمیش126 ملیارو كەسرێك دینارە، بوجەی وەبەرهێنان لەڕێگەی قەرزەوە بۆ پشكی هەرێم، 102 ملیار و كەسرێك دینارە، بەو واتایە، كە تیكڕا بڕی بودجەی هەرێم دەكاتە 8 ترلیۆن و كەسرێك دینار”.

پەرلەمانتارەكەی كۆمەڵی ئیسلامی بەپێویستی دەزانێت، “حزبە كوردستانییەكان لەكاتی ڕەوانەكردنی پڕۆژە یاساكەدا بۆ پەرلەمان و بەر لەوەش، لەگەڵ لایەنە عیراقییەكان دابنیشن و بەدەر لە هەوڵدان بۆ پچڕینی پۆستەكان، كار بۆ بڕینی قوتی هاوڵاتیانی هەرێمی كوردستان بكەن”.

عێراق

ئەندامانی تۆڕێکی بازرگانی کردن بە منداڵان دەستگیر کران

خەڵک-

وتەبێژی وەزارەتی ناوخۆی عیراق ئاماژە بەوە دەکات، ئەمڕۆ لە پارێزگای دیوانییە ھێزە ئەمنییەکان تۆڕێکی کڕین و فرۆشی منداڵیان دەستگیرکردووە.ڤ

لیوا سەعد مەعن، وتەبێژی وەزارەتی ناخۆی عیراق ڕایگەیەنراوێکی بڵاوکردەوە و تیادا دەڵێت: “ئەمڕۆ ھێزێکی ھاوبەشی لەناوبردنی تاوان و ئاسایشی نیشتمانی و لەناوبردنی بازرگانیکردن بە مرۆڤ، لەسەر بنچینەی زانیاریی ھەواڵگریی ورد، تۆڕێکی بازرگانی کردن بە منداڵیان لە شاری دیوانیە دەستگیر کردووە.

ئەو تۆڕە لە ٣ کەس پێکھاتبوون کە دووانیان ئافرەتن، کاریان کڕینی منداڵ بووە لە کەسوکارەکانیان لای خۆیان بەخێویان کردوون تا بتوانن لە داھاتوودا بیانفرۆشنەوە.

لەکاتی دەستگیرکردنیشیان ٢ منداڵیان لابووە، کچێکی تەمەن ٥ ساڵان و کوڕێکی تەمەن ١٨ مانگ، کە ھیچ پەیوەندییەکی خوێنییان نەبووە پێیانەوە.

سەعد مەعن ئەوەشی ڕاگەیاندووە: لێکۆڵینەوە لەگەڵ تۆڕەکە بەردەوامە و دۆسیەکەیان ڕەوانەی دادگا کراوە.

بەردەوام بە لە خوێندنەوە

عێراق

٤٥٠ منداڵی تورک لە خانەی بێ سەرپەرشتان و زیندانەکانی عیراقدان

خەڵک-

رۆژنامەیەکی تورکی لە ڕاپۆرتێکیدا ئاماژە بەوە دەکات، ٤٥٠ منداڵی تورک لە خانەی بێ سەرپەرشتان و زیندانی روسافەن لە شاری بەغداد، کە لەگەڵ دایک و باوکیان لە تورکیاوە ھاتوونەتە عیراق و چوونەتە نێو داعشەوە، ئێستا بێ سەرپەرشت ماونەتەوە یان لەگەڵ دایکیان زیندانی کراون.

رۆژنامەی دەیلی وەتەنی تورکی چیرۆکی دوو منداڵی تورک دەگێڕێتەوە، کە دایکیان ھێناونی بۆ عیراق و خۆی دوو ساڵ پێش ئێستا لە موسڵ کوژراوە و ئێستا چاوەڕێی گەڕانەوەن بۆ لای باوکیان بۆ تورکیا.

رۆژنامەکە دەڵێت، (ک. یەڵماز) ڕێگەی پۆلیسی ولاتەکەیەوە وێنەی منداڵەکانی پێگەشتووە و ناسیونەتییەوە، پاش ئەوەی پۆلیسی عیراق وێنەی سەرجەم منداڵەکانی ڕادەستی پۆلیسی تورکیا کردووە.

ھاوسەرەکەی یەڵماز، ٤ ساڵ پێش ئێستا منداڵەکانی لە تورکیاوە بردۆتە سوریا و دواتر ھاتۆتە عیراق و لە یەکێک لە بردومانەکانی ھاوپەیمانان لە موسڵ کوژراوە.

ھەفتەی ڕابردووش عیراق یەکەمین کاروانی منداڵەکان کە لە ١٧ منداڵ پێکھاتبوون ڕادەستی تورکیا کردۆتەوە، ئەو منداڵانە لە خانەی بێ سەرپەرشتانی ساڵحییە بوون و دایک و باوکیان نەماوە.

 

بەردەوام بە لە خوێندنەوە

عێراق

كۆبوونەوەی پەرلەمان تا پێكهێنانی حكومەت هەڵپەسێردرا

خەڵك- بەشی هەواڵ
كۆبوونەوەی ئەمڕۆی پەرلەمانی عیراق كۆتایی هات و هیچ وادەیەكیش بۆ كۆبوونەوەی داهاتوو دیاری نەكرا، سەرۆكی پەرلەمانیش دەڵێت: “كۆبوونەوەی داهاتوو بۆ پێكهێنانی حكومەت دەبێت”.

سەرچاوەیەك لە پەرلەمانی عیراق بۆ (خەڵك) ئاشكرای كرد، كە كۆبوونەوەی پەرلەمانی عیراق، كە ئەمڕۆ بە بەشداری 232 پەرلەمانتار و بە سەرۆكایەتی محەمەد حەلبوسی، سەرۆكی پەرلەمان ئەنجام درا، كەمێك پێش ئێستا تەواو بوو.

ڕاشیگەیاند، لە كۆبوونەوەی ئەمڕۆ دەنگ درا لەسەر پێكهێنانی لیژنە هەمیشەییەكانی پەرلەمان، كە 27 لیژنەن و سەرۆكایەتی پەرلەمان هیچ وادەیەكی بۆ كۆبوونەوەی داهاتوو ڕانەگەیاند.

هاوكات، محەمەد حەلبوسی، سەرۆكی پەرلەمانی عیراق لە كۆتایی كۆبوونەوەكە ڕایگەیاند، كە ئەگەری ئەوە هەیە كۆبوونەوەی داهاتووی پەرلەمان تەرخان بكرێت بۆ پێكهێنانی كابینەی حكومەتی نوێ.

بەردەوام بە لە خوێندنەوە
حکومەتی داهاتووی هەرێمی کوردستان دەتوانێت خزمەتی هاوڵاتیان بکات؟

کوردستان

دوایین