ئێمە لە تۆرە کۆمەڵایەتیەکان

ئابوری

“نرخی نەوت 100 دۆلار تێدەپەڕێنێت “

خەڵك- بەشی هەواڵ
كۆمپانیا بازرگانییە گەورەكانی جیهان، پێشبینی دەكەن نرخی نەوت دانەبەزێت و ڕەنگە لە ساڵی داهاتوودا بەهۆی سزاكانی ئەمریكا بەسەر ئێرانەوە، نرخی بەرمیلێك 100 دۆلار تێبپەڕێنێت.

نرخی نەوت لەمساڵدا بەهۆی ئەو پێشنبینیانەی دەڵێن،لەگەڵ دابەزینی ئاستی هەناردەكانی ئێران، سزاكانی ئەمریكا كاریگەرییان بۆسەر توانای بەرهەمهێنانی ڕێكخراوی وڵاتانی بەرهەمهێنی نەوت (ئۆپیك) دەبێت.

نرخی بەرملێك نەوتی خاو لە هەفتەی ڕابردوودا گەیشتە 86.74 دۆلار، ئەمەش بە بەرزترین نرخ دادەنرێت لە ساڵی 2014وە.

بەڵام بۆ ساڵی 2019، ئاژانسی وەزەی نێودەوڵەتی، پێشبینی دەكات، “قەیرانی بازاڕە تازە هەڵكەوتووەكان و ناكۆكییە بازرگانییەكان، كاریگەریی نەرێنییان لەسەر داواكاریی جیهانی ببێت، خستنەڕووی نەوتیش پتەو دەبێت بەهۆی زیادكردنی بەرهەم لە دەرەوەی ئۆپیك”.

جێرمی وێر، سەرۆكی جێبەجێكار لە ترافیجۆرا لە كۆنفرانسێكی ڕۆژنامەوانیدا لە لەندەن ڕایگەیاندووە، “سەیر نابێت گەر نرخی بەرمیلێك نەوت لە ساڵی داهاتوودا بگاتە 100 دۆلار”.

ئەلێكس بێرد، سەرۆكی جێبەجێكار بۆ نەوت و غاز لە جلینكۆر، لە هەمان كۆنفرانسی ڕۆژنامەوانیدا ڕایگەیاندووە، “پێشبینی دەكات، لەم ماوەیەدا نرخی بەرمیلێك نەوت بگاتە 85 بۆ 90 دۆلار”.

بەڵام تۆریگۆن تۆرنكفیست، سەرۆكی جێبەجێكار لە جانفۆر،لای خۆیەوە پێشبینی كردووە، نرخی بەرمیلێك نەوت لە ساڵی داهاتوودا لەنێوان 70 بۆ 75 دۆلاردا بێت، لەو بارەیەشەوە ئاماژەی بە خاوبوونەوەی ئاستی داواكاریی و گەیشتنی ئاستی پێویستی نەوت كردبوو بە بازاڕەكان.

ئابوری

بەهای دۆلار و تمەن لە بازاڕەكانی هەرێم ڕاگەیەنرا

خەڵك – بەشی هەواڵ
خاوەن نووسینگەیەكی دراو لە سلێمانی ڕایدەگەیەنێت، بەهای دۆلار لەكاتی داخستن كەمێك دابەزیوە و دەشڵێت: ” 100 هەزار تمەنی ئێرانی بە 8 هەزار و 850 دینار مامەڵەی پێوەكرا”.

خاوەن نووسینگەیەكی ئاڵوگۆڕی دراو لە بازاڕی دۆلارەكەی سلێمانی بە (خەڵك)ی ڕاگەیاند، بەهای دۆلار بەرامبەر دیناری عیراقی لە كاتی داخستنی بازاڕ 100 دۆلار بە 120 هەزار و850 دینار مامەڵەی پێوەكرا، لەكاتێكدا بەیانی بە 121 هەزار دینار بوو.

وتیشی، ” 100 دۆلار بە ملیۆنێك و 360 هەزار تمەن بەدەستی و ملیۆنێك و 375 هەزار تمەن بە حەواڵە مامەڵەی پێوەكرا”.

ڕاشیگەیاند، هەر 100 هەزار تمەن بە 8 هەزار و 850 دینار ئاڵوگۆڕی پێوەكرا لەكاتی داخستنی بازاڕدا لە كاتێكدا بەیانی ئەمڕۆ بە 9 هەزار دینار بوو.

بەردەوام بە لە خوێندنەوە

ئابوری

سبەینێ‌ مووچەی چەند شوێنێك دابەش دەكرێت

خەڵك – بەشی هەواڵ
سەرچاوەیەكی باڵا لە وەزارەتی دارایی و ئابووری حكومەتی هەرێم ڕایدەگەیەنێت، سبەی مووچەی دەزگا ئەمنییەكان و كەمئەندامان دابەش دەكرێت.

سەرچاوەیەكی باڵا لە وەزارەت دارایی و ئابووری حكومەتی هەرێم بە (خەڵك)ی ڕاگەیاند، دابەشكردنی مووچەی فەرمانبەران بۆ مانگی تەمموزی ئەمساڵ بەردەوامە و سبەی سێ شەممە 16-10-2018 مووچەی ئەنجومەنی ئاسایش، دەزگای ئاسایش، زێرەڤانی و هێزەكانی بەرگری فریاكەوتن دابەش دەكرێت.

لە بارەی دابەشكردنی مووچە لە ڕۆژی چوار شەممە ڕایگەیاند، هێشتا ڕوون نیە بە فەرمی ڕۆژی چوار شەممە كام وەزارەت مووچە وەردەگرێت، چونكە ڕۆژێك پێش دابەشكردن گەنجینەكان ئاگادار دەكرێنەوە.

لای خۆشیەوە، بەڕێوەبەرایەتی چاودێری و گەشەپێدانی كۆمەڵایەتی گەرمیان لە ڕاگەیەنراوێكدا ئاماژەی بەوەكردووە، كە سبەینێ‌ مووچەی كەمئەندامان دابەش دەكرێت.

هاوكات بەپێی خشتەیەك، كە ئەو بەڕێوەبەرایەتییە بڵاویكردۆتەوە، لە سبەینێوە تا كۆتایی هەفتە مووچەی مانگی 1ی ئەمساڵی كەمئەندامان دابەش دەكرێت.

بەردەوام بە لە خوێندنەوە

ئابوری

هەڵمەتی ڕێكخستنەوەی ناوبازاڕ دەستپێدەكات

خەڵك- بەشی هەواڵ
پۆلیسی سۆران ئاشكرای دەكات، كە پۆلیسی شارەوانی دەستی بە ڕێكخستنەوەی ناو بازاڕی شارۆچكەكە كردووە و دەشڵێت: “سیمایەكی جوان دەبەخشێت”.

بەڕێوەبەرایەتی پۆلیسی سۆران لە ڕاگەیەنراوێكدا ئاماژەی بەوەكردووە، ئاگاداری گشت خاوەن دوكاندارەكانی شاری سۆران دەكەینەوە بۆ خۆ پاراستن لەغرامەكردن و لێپئچینەوە لەگەڵیان هیچ كەل و پەلێكی دوكانەكانیان نەهێننە سەر شۆستە.

جەختیشی كردۆتەوە، هێنانەدەرەوەی شتەكانیان بەهەموو شێوەیەك قەدەغەیە و توشی سزای یاسایی دەبنەوە.

ئاشكراشی كردووە، مەبەست لە م ڕێكارە بۆ زیاتر ڕێكخستن بەخشینی سیمایەكی جوان بە شارەكەمان و بەشی پۆلیسی شارەوانی سەرپەرشتی ناو بازاڕ دەكات و دەشڵێت: “داواكارین هاوكاری تەواوی ئەفسەران و كارمەندانی بەشی پۆلیسی شارەوانی بكەن”.

بەردەوام بە لە خوێندنەوە
حکومەتی داهاتووی هەرێمی کوردستان دەتوانێت خزمەتی هاوڵاتیان بکات؟

کوردستان

دوایین