ئێمە لە تۆرە کۆمەڵایەتیەکان

ئابوری

دابەشكردنی بەشە ئاردی مانگانەی هاوڵاتیان كەم دەكرێتەوە

خەڵك – بەشی هەواڵ
بەڕێوەبەری كومپانیای دروستكراوی دانەوێلەی سلێمانی ڕایدەگەیەنێت، ڕۆژی یەك شەممە بەشە گەنمی مانگی تەمموز وەردەگرین و دەست بە دابەشكردنی بەشە ئاردی مانگی حەوت دەكەین، دەشڵێت: “عیراق بە فەرمی بۆ ئەمساڵ هەشت بەشە ئارد دابەش دەكات”.

نەسرین محەمەد عەلی خان، بەڕێوەبەری كومپانیای دروستكراوی دانەوێڵەی سلێمانی بە (خەڵك)ی ڕاگەیاند، حكومەتی عیراق و وەزارەتی بارزگانی بە فەرمی بۆ ئەمساڵ تەنها هەشت بەشە ئارد دابەشی سەر هاوڵاتیان دەكات، چوار مانگی ساڵ بەشە ئاردی تێدا دابەش ناكرێـت ئەوانیش مانگەكانی (9-10-11-12) یە.

وتیشی، “لە سلێمانی و هەندیك لە قەزا و ناحیەكانی دەوروبەری لە كۆتاییەكانی دابەشكردنی بەشە ئاردی مانگی شەش-ی ئەمساڵداین، ڕۆژی یەك شەممەش بەشە گەنم بۆ مانگی حەوت وەردەگیرن بۆ ئەوەی بكرێتە ئارد و دابەشی سەر بریكارەكانی ئاردی بكەین”.

ڕاشیگەیاند، لە هەندێك شوێنی دیكەی وەك پارێزگای هەڵەبجە و قەزای كەلار و سەیدسادق و شارەزوور بەشە ئاردی مانگی پێنج دابەش دەكرێت، بە هۆی ئەوەی ئاشی سەیدسادق بە بڕیاری حكومەتی عیراقی ئاردی بۆ ئاوارەكان كردووە، بۆیە دابەشكردن لەو شوێنانە دواكەوتووە.

نەسرین محەمەد ئاشكراشی كرد، لەلایەن وەزارەتی بارزگانی عیراقەوە بە نوسراوی فەرمی ئاگادار كراوین بەوەی لەم ساڵدا تەنها 8 مانگ ئارد دابەش دەكرێت، بەشە ئارد تا مانگی هەشت دابەش دەكرێت.

ئابوری

بەهای دۆلار و تمەن لە بازاڕەكانی هەرێم ڕاگەیەنرا

خەڵك – بەشی هەواڵ
خاوەن نووسینگەیەكی دراو لە سلێمانی ڕایدەگەیەنێت، بەهای دۆلار لەكاتی داخستن كەمێك دابەزیوە و دەشڵێت: ” 100 هەزار تمەنی ئێرانی بە 8 هەزار و 850 دینار مامەڵەی پێوەكرا”.

خاوەن نووسینگەیەكی ئاڵوگۆڕی دراو لە بازاڕی دۆلارەكەی سلێمانی بە (خەڵك)ی ڕاگەیاند، بەهای دۆلار بەرامبەر دیناری عیراقی لە كاتی داخستنی بازاڕ 100 دۆلار بە 120 هەزار و850 دینار مامەڵەی پێوەكرا، لەكاتێكدا بەیانی بە 121 هەزار دینار بوو.

وتیشی، ” 100 دۆلار بە ملیۆنێك و 360 هەزار تمەن بەدەستی و ملیۆنێك و 375 هەزار تمەن بە حەواڵە مامەڵەی پێوەكرا”.

ڕاشیگەیاند، هەر 100 هەزار تمەن بە 8 هەزار و 850 دینار ئاڵوگۆڕی پێوەكرا لەكاتی داخستنی بازاڕدا لە كاتێكدا بەیانی ئەمڕۆ بە 9 هەزار دینار بوو.

بەردەوام بە لە خوێندنەوە

ئابوری

سبەینێ‌ مووچەی چەند شوێنێك دابەش دەكرێت

خەڵك – بەشی هەواڵ
سەرچاوەیەكی باڵا لە وەزارەتی دارایی و ئابووری حكومەتی هەرێم ڕایدەگەیەنێت، سبەی مووچەی دەزگا ئەمنییەكان و كەمئەندامان دابەش دەكرێت.

سەرچاوەیەكی باڵا لە وەزارەت دارایی و ئابووری حكومەتی هەرێم بە (خەڵك)ی ڕاگەیاند، دابەشكردنی مووچەی فەرمانبەران بۆ مانگی تەمموزی ئەمساڵ بەردەوامە و سبەی سێ شەممە 16-10-2018 مووچەی ئەنجومەنی ئاسایش، دەزگای ئاسایش، زێرەڤانی و هێزەكانی بەرگری فریاكەوتن دابەش دەكرێت.

لە بارەی دابەشكردنی مووچە لە ڕۆژی چوار شەممە ڕایگەیاند، هێشتا ڕوون نیە بە فەرمی ڕۆژی چوار شەممە كام وەزارەت مووچە وەردەگرێت، چونكە ڕۆژێك پێش دابەشكردن گەنجینەكان ئاگادار دەكرێنەوە.

لای خۆشیەوە، بەڕێوەبەرایەتی چاودێری و گەشەپێدانی كۆمەڵایەتی گەرمیان لە ڕاگەیەنراوێكدا ئاماژەی بەوەكردووە، كە سبەینێ‌ مووچەی كەمئەندامان دابەش دەكرێت.

هاوكات بەپێی خشتەیەك، كە ئەو بەڕێوەبەرایەتییە بڵاویكردۆتەوە، لە سبەینێوە تا كۆتایی هەفتە مووچەی مانگی 1ی ئەمساڵی كەمئەندامان دابەش دەكرێت.

بەردەوام بە لە خوێندنەوە

ئابوری

هەڵمەتی ڕێكخستنەوەی ناوبازاڕ دەستپێدەكات

خەڵك- بەشی هەواڵ
پۆلیسی سۆران ئاشكرای دەكات، كە پۆلیسی شارەوانی دەستی بە ڕێكخستنەوەی ناو بازاڕی شارۆچكەكە كردووە و دەشڵێت: “سیمایەكی جوان دەبەخشێت”.

بەڕێوەبەرایەتی پۆلیسی سۆران لە ڕاگەیەنراوێكدا ئاماژەی بەوەكردووە، ئاگاداری گشت خاوەن دوكاندارەكانی شاری سۆران دەكەینەوە بۆ خۆ پاراستن لەغرامەكردن و لێپئچینەوە لەگەڵیان هیچ كەل و پەلێكی دوكانەكانیان نەهێننە سەر شۆستە.

جەختیشی كردۆتەوە، هێنانەدەرەوەی شتەكانیان بەهەموو شێوەیەك قەدەغەیە و توشی سزای یاسایی دەبنەوە.

ئاشكراشی كردووە، مەبەست لە م ڕێكارە بۆ زیاتر ڕێكخستن بەخشینی سیمایەكی جوان بە شارەكەمان و بەشی پۆلیسی شارەوانی سەرپەرشتی ناو بازاڕ دەكات و دەشڵێت: “داواكارین هاوكاری تەواوی ئەفسەران و كارمەندانی بەشی پۆلیسی شارەوانی بكەن”.

بەردەوام بە لە خوێندنەوە
حکومەتی داهاتووی هەرێمی کوردستان دەتوانێت خزمەتی هاوڵاتیان بکات؟

کوردستان

دوایین