ئێمە لە تۆرە کۆمەڵایەتیەکان

عێراق

عادل عەبدولمەهدی داواكارییەكی سەیر لە پەرلەمان دەخاتەڕوو

خەڵك- بەشی هەواڵ
عادل عەبدولمەهدی، ڕاسپێردراو بۆ سەرۆك وەزیرانی عیراق، داوا دەكات ناوچەی سەوز، كە ناوچەیەكی پارێزراوە، بەڕووی هاوڵاتییاندا بكرێتەوە، ئەم داواكارییەش لە دوای ساڵی 2003 بە داواكارییەكی سەیر دادەنرێت.

عەبدولمەهدی لە وتارێكیدا لە پەرلەمانی عیراق، ڕایگەیاند، “پێویستە ناوچەی سەوز بەڕووی هاوڵاتیاندا بكرێتەوە، داوای پاڵپشتی دەكەین لە پەرلەمان بۆ شكاندنی ئەو بەربەستەی لەنێوان هاوڵاتیان و بەرپرسان هەیە”.

سەرۆك وەزیرانی راسپێردراو بۆ پێكهینانی حكومەتی داهاتووی عیراق، بەپێویستیشی دەزانێن هەردوو دەسەڵاتی یاسادانان و ڕاپەڕاندن لەیەكتر نزیك ببنەوە، چونكە بە وتەی ئەو “هەندێك یاسا هەیە، كە لە ئەنجومەنی وەزیران دادەڕێژرێت و دەنێردرێت بۆ ئەنجومەنی شورای دەوڵەت و لیژنە پەرلەمانییەكان تا تاوتوێ‌ بكرێت و پاشان دەگێڕدرێتەوە، ئەمە تەگەرە لەبەردەم یاساكان دروست دەكات، هەندێك یاسای تریش هەن تائێستا جێبەجێ‌ نەكراون، هەرچەندە لەلایەن خولی یەكەمەوە دانراون”.

عەبدولمەهدی دەڵێت: “دەكرێت سەرۆكی ئەنجومەنی وەزیران بارەگایەكی لەنێو پەرلەماندا هەبێت و كۆبوونەوەی بەردەوام لەگەڵ پەرلەمان و پەرلەمانتاران بكات بۆ زیاتر هەماهەنگی لەنێوان هەردوو دەسەڵاتی ڕاپەڕاندن و یاسادانان”.

لە درێًژەی قسەكانیدا عەبدولمەهدی ڕایگەیاندووە، “گونجانێكی باش لەكاری هاوبەشدا دەخولقێت، بە جۆرێك داڕشتنی یاساكان بەبێ‌ ئاستەنگ ، بەبێ‌ ئەوەی بكەوێتە نێو بازنەی ڕەوانەكردن و گێڕانەوەی”.

عەبدلمەهدی دەڵێت: “لەسەر ئەو پرەنسیپە ڕێكەوتوون لەگەڵ دەستەی سەرۆكایەتی، چونكە ئەم هەنگاوانە گرنگن”.

عێراق

ئەندامانی تۆڕێکی بازرگانی کردن بە منداڵان دەستگیر کران

خەڵک-

وتەبێژی وەزارەتی ناوخۆی عیراق ئاماژە بەوە دەکات، ئەمڕۆ لە پارێزگای دیوانییە ھێزە ئەمنییەکان تۆڕێکی کڕین و فرۆشی منداڵیان دەستگیرکردووە.ڤ

لیوا سەعد مەعن، وتەبێژی وەزارەتی ناخۆی عیراق ڕایگەیەنراوێکی بڵاوکردەوە و تیادا دەڵێت: “ئەمڕۆ ھێزێکی ھاوبەشی لەناوبردنی تاوان و ئاسایشی نیشتمانی و لەناوبردنی بازرگانیکردن بە مرۆڤ، لەسەر بنچینەی زانیاریی ھەواڵگریی ورد، تۆڕێکی بازرگانی کردن بە منداڵیان لە شاری دیوانیە دەستگیر کردووە.

ئەو تۆڕە لە ٣ کەس پێکھاتبوون کە دووانیان ئافرەتن، کاریان کڕینی منداڵ بووە لە کەسوکارەکانیان لای خۆیان بەخێویان کردوون تا بتوانن لە داھاتوودا بیانفرۆشنەوە.

لەکاتی دەستگیرکردنیشیان ٢ منداڵیان لابووە، کچێکی تەمەن ٥ ساڵان و کوڕێکی تەمەن ١٨ مانگ، کە ھیچ پەیوەندییەکی خوێنییان نەبووە پێیانەوە.

سەعد مەعن ئەوەشی ڕاگەیاندووە: لێکۆڵینەوە لەگەڵ تۆڕەکە بەردەوامە و دۆسیەکەیان ڕەوانەی دادگا کراوە.

بەردەوام بە لە خوێندنەوە

عێراق

٤٥٠ منداڵی تورک لە خانەی بێ سەرپەرشتان و زیندانەکانی عیراقدان

خەڵک-

رۆژنامەیەکی تورکی لە ڕاپۆرتێکیدا ئاماژە بەوە دەکات، ٤٥٠ منداڵی تورک لە خانەی بێ سەرپەرشتان و زیندانی روسافەن لە شاری بەغداد، کە لەگەڵ دایک و باوکیان لە تورکیاوە ھاتوونەتە عیراق و چوونەتە نێو داعشەوە، ئێستا بێ سەرپەرشت ماونەتەوە یان لەگەڵ دایکیان زیندانی کراون.

رۆژنامەی دەیلی وەتەنی تورکی چیرۆکی دوو منداڵی تورک دەگێڕێتەوە، کە دایکیان ھێناونی بۆ عیراق و خۆی دوو ساڵ پێش ئێستا لە موسڵ کوژراوە و ئێستا چاوەڕێی گەڕانەوەن بۆ لای باوکیان بۆ تورکیا.

رۆژنامەکە دەڵێت، (ک. یەڵماز) ڕێگەی پۆلیسی ولاتەکەیەوە وێنەی منداڵەکانی پێگەشتووە و ناسیونەتییەوە، پاش ئەوەی پۆلیسی عیراق وێنەی سەرجەم منداڵەکانی ڕادەستی پۆلیسی تورکیا کردووە.

ھاوسەرەکەی یەڵماز، ٤ ساڵ پێش ئێستا منداڵەکانی لە تورکیاوە بردۆتە سوریا و دواتر ھاتۆتە عیراق و لە یەکێک لە بردومانەکانی ھاوپەیمانان لە موسڵ کوژراوە.

ھەفتەی ڕابردووش عیراق یەکەمین کاروانی منداڵەکان کە لە ١٧ منداڵ پێکھاتبوون ڕادەستی تورکیا کردۆتەوە، ئەو منداڵانە لە خانەی بێ سەرپەرشتانی ساڵحییە بوون و دایک و باوکیان نەماوە.

 

بەردەوام بە لە خوێندنەوە

عێراق

كۆبوونەوەی پەرلەمان تا پێكهێنانی حكومەت هەڵپەسێردرا

خەڵك- بەشی هەواڵ
كۆبوونەوەی ئەمڕۆی پەرلەمانی عیراق كۆتایی هات و هیچ وادەیەكیش بۆ كۆبوونەوەی داهاتوو دیاری نەكرا، سەرۆكی پەرلەمانیش دەڵێت: “كۆبوونەوەی داهاتوو بۆ پێكهێنانی حكومەت دەبێت”.

سەرچاوەیەك لە پەرلەمانی عیراق بۆ (خەڵك) ئاشكرای كرد، كە كۆبوونەوەی پەرلەمانی عیراق، كە ئەمڕۆ بە بەشداری 232 پەرلەمانتار و بە سەرۆكایەتی محەمەد حەلبوسی، سەرۆكی پەرلەمان ئەنجام درا، كەمێك پێش ئێستا تەواو بوو.

ڕاشیگەیاند، لە كۆبوونەوەی ئەمڕۆ دەنگ درا لەسەر پێكهێنانی لیژنە هەمیشەییەكانی پەرلەمان، كە 27 لیژنەن و سەرۆكایەتی پەرلەمان هیچ وادەیەكی بۆ كۆبوونەوەی داهاتوو ڕانەگەیاند.

هاوكات، محەمەد حەلبوسی، سەرۆكی پەرلەمانی عیراق لە كۆتایی كۆبوونەوەكە ڕایگەیاند، كە ئەگەری ئەوە هەیە كۆبوونەوەی داهاتووی پەرلەمان تەرخان بكرێت بۆ پێكهێنانی كابینەی حكومەتی نوێ.

بەردەوام بە لە خوێندنەوە
حکومەتی داهاتووی هەرێمی کوردستان دەتوانێت خزمەتی هاوڵاتیان بکات؟

کوردستان

دوایین