ئێمە لە تۆرە کۆمەڵایەتیەکان

عێراق

مەحمود عوسمان خاڵە گرنگەكانی كابینەی داهاتووی حكومەت ئاشكرادەكات

خەڵك – بەشی هەواڵ
ئەندامێكی پێشووتری ئەنجومەنی نوێنەرانی عیراق ڕایدەگەیەنێت، پێویستە لەپێكهێنانی وەزارەتەكانی حكومەتی نوێی عیراقدا دەرس لە ڕابردوو وەربگیرێت و تیمێكی هاوكار لەگەڵ یەك و پاك و خاوەن ئەزموون دروست بكەن.

د. مەحمود عوسمان، سیاسەتمەدار و ئەندامی پێشووتری ئەنجومەنی نوێنەرانی عیراق لە هەژماری تایبەتی خۆی لە فەیسبوك ڕایگەیاندووە، لە چۆنیەتی پێكهێنانی حكومەتەكەی عادل عەبدولمهدی-ە لەماوەی دەستوریدا، پێویستە لەپێكهێنانی وەزارەتەكانی حكومەتی نوێی عیراقدا دەرس لە ڕابردوو وەربگیرێت.

دەشڵێت: “كاری داهاتووی حكومەتەكەی عادل عەبدولمەهدی لەناوبردنی گەندەڵی بێت، كە زۆر فراوانبووە و كاری خراپی لە هەموو ڕوویەكەوە كردۆتە سەر دەوڵەت و هاووڵاتیان، هەروەها دابینكردنی خزمەتگوزاری پێویست بێت بۆ هاووڵاتیان، كە زۆر كەمە وەكو لە بەسرە و شوێنی دیكە بۆتە كێشەیەكی هەرە گەورەی هاووڵاتیان و ساڵ بەساڵ خراپ دەبێت”.

ڕاشیگەیاندووە، پێویستە چاكسازی لەڕووی ئیداری و دارایی و ئاسایش و كۆمەڵایەتی و هەموو ڕوویەكی دیكە و ڕۆیشتن بەرە و ئەنجامدانی چاكسازی لەدەزگای دادوەریشدا، لەكارەكانی كابینەی داهاتوو بێت لەم وڵاتەدا.

ئاماژەی بۆ ئەوەشكردووە، كارێكی دیكەی حكومەت دەبێت هەوڵدان بێت بۆ پتەوكردن و فراوانكردنی پەیوەندی نێودەوڵەتیەكانی عیراق و ڕاگرتنی باڵانس لەنێوان ئەمریكا و ئێران بەشێوەیەكی بابەتی.

مەحمود عوسمان لە نوسینەكەیدا لەسەر حكومەتی داهاتووی عیراق باس لە كێشەكانی كورد دەكات و دەڵێت: “پێویستە كابینەكەی عادل عەبدولمەهدی هەوڵ بەجدی بدات بۆ چارەسەری كێشەكان لەگەڵ هەرێمی كوردستان، كە ناسراون و حكومەتەكانی دیكە چارەسەریان نەكردن، هێزە كوردستانیەكانیش دەبێت هاوڕابن و پێداگیری بكەن لەمڕووەوە”.

ئاشكراشی كردووە، ئەمانە خاڵی سەرەكین، كە چاوەڕوان ئەكرێت لەم كابینەیەوە بەجێبەجێ كردنیان پشتیوانی هاووڵاتیان بەدەست بێنن، كە مەرجی گرنگی سەركەوتنیان ئەبێت.

عێراق

ژمارەی ئەو وەزارەتانەی لە عیراق دەدرێن بە كورد ئاشكراكران

خەڵك- بەشی هەواڵ

پەرلەمانتارێكی پارتی دیموكراتی كوردستان لە بەغدا ئاشكرای دەكات، كە كورد لە كابینەی حكومەتەكەی عادل عەبدولمەهدی 4 وەزارەتی پێ‌ دەدرێت.

محەمەد فارس، ئەندامی پەرلەمانی عیراق لە فراكسیۆنی پارتی لە لێدوانێكی ڕۆژنامەوانیدا، كە میدیا عیراقیەكان بڵاویانكردۆتەوە ئاماژەی بەوەكردووە، كورد لە حكومەتی داهاتووی عیراق بە سەرۆكایەتی عادل عەبدولمەهدی 4 وەزارەت وەردەگرێت، كە دوو وەزارەتیان بۆ پارتی دەبن.

ڕاشیگەیاندووە، بەپێی زانیارییەكان 4 وەزارەتی حكومەتی داهاتوو بۆ كورد دەبێت، كە وەزارەتێكی سیادی و وەزارەتێكی خزمەتگوزاری بۆ پارتی دەبن، بەو پێیەی زۆرترین كورسیمان لە هەرێمی كوردستان بەدەست هێناوە.

جەختیشی كردۆتەوە، ئەوەی گرنگە بۆ پارتی بەرنامەی حكومەتە و تا چەند مافەكانی كورد دابین دەكات لەنێویشیاندا چارەسەركردنی كێشەی ناوچە جێناكۆكەكان و پشكی هەرێم لە بودجەی فیدڕاڵی.

لە سەرەتای ئەم مانگە پەرلەمانی عیراق بە زۆرینەی دەنگ، بەرهەم ساڵح-ی وەك سەرۆك كۆماری عیراق هەڵبژاردن و لای خۆشیەوە سەرۆك كۆمار، عادل عەبدولمەهدی لە پێكهاتەی شیعەكان بۆ پێكهێنانی حكومەتی نوێ‌ ڕاسپارد.

بەردەوام بە لە خوێندنەوە

عێراق

عەبادی: دەبێت وریابین و كەلێنەكان دابخەین

خەڵك- بەشی هەواڵ
سەرۆك وەزیرانی كاربەڕێكەری عیراق ڕایدەگەیەنێت، كاری هێزە ئەمنی و سەربازیەكان پاراستنی ئاسایشی هاوڵاتیانە و دەشڵێت: “دەبێت وریابین و ڕێگە نەدەین تیرۆرستان لە كەلێنەكانەوە دزەبكەنەوە”.

حەیدەر عەبادی، سەرۆك وەزیرانی كاربەڕێكەری عیراق سەردانی فرقەی تایبەتی هێزە هاوبەشەكان دەكات و لە كۆبوونەوەیەكدا ڕۆڵی ئەو هێزانە لە جەنگی دژی داعش و سەقامگیركردنی ئاسایش بەرز دەنرخێنێت و ڕایدەگەیەنێت، كە “ئێوە دژی داعش لە سەڵاحەدین و چاخی مەكحول و تكریت جەنگان و سەركەوتنتان بەدەستهێنا”.

بەپێی ڕاگەیەنراوی نووسینگەی سەرۆك وەزیرانی عیراق، عەبادی وتویەتی، “كاری هێزە ئەمنی و سەربازیەكان پاراستنی ئاسایشی هاوڵاتیانە”.

ڕاشیگەیاندووە، قۆناغی داهاتوو زۆر گرنگە و چەندین ئاڵنگاری لەپێشە بەهۆی بوونی هەڕەشەی شانەكانی تیرۆر لەناو سوریا و وتوشیەتی، “ئێمە سەركەوتنمان بەدەستهێنا بەسەر تیرۆردا لە عیراق، بەڵام تا ئێستا لە سوریا ماوە و پێویستە لەناوببرێن”.

عەبادی ئاماژەی بەوەشكردووە، تیرۆر دەیەوێت لە هەر كەلێنێكەوە دزە بكات، بەڵام پێویستە ئێمە ڕێگە بەوەنەدەین و دەبێت ئاگادار و وریابین و ئامادەباشی وەربگرین لە هەر هەوڵێك تا پوچەڵی بكەینەوە.

بەردەوام بە لە خوێندنەوە

عێراق

داوا دەكرێت گۆرانییەكی قەیسەر بكرێت بە سرودی نیشتمانی عیراق

خەڵك- بەشی هەواڵ
ماوەیەكە لە عیراق مشتومڕێكی فراوان لەبارەی گۆڕینی سرودی نیشتمانی ئێستاوە دروستبووە كە هۆنراوەی ئیبراهیم توقانی شاعیری فەلەستینییە.

بەپێی زۆرێك لە ماڵپەڕە عیراقییەكان، ئەنغام خوزاعی پەرلەمانتار داوای لە پەرلەمان كردووە، سرودەكە بگۆڕدرێت، چالاكوانانیش داوا دەكەن، گۆرانییەكی هونەرمەند كازم ساهر “سلام علیك” بكرێتە سرودی نیشتمانی كە هۆنراوەی ئەسعەد غرێری شاعیری عیراقییە و لەلایەن ساهرەوە ئاوازی بۆ دانراوە.

هەر لەو بارەیەوە لەژێر ناونیشانی (دەمانەوێت، سلام علیك، بكرێتە سرودی نیشتمانی)، هاشتاگ دەكرێت لەپێناو گۆڕینی سرودی نیشتمانی بە گۆرانییەكەی ساهر.

هەڵمەتی داواكارییەكە بۆ گۆڕینی سرودی نیشتمانی و دانانی گۆرانییەكەی ساهر، لەلایەن سینان عەزاوی دەرهێنەری عیراقییەوە سەركردایەتی دەكرێت كە پەیجەكەی خۆی كردۆتە مینبەرێك بۆ ئەو دەنگانەی داوای گۆڕینی سرودی نیشتمانی دەكەن.

بە وتەی عەزاوی”پەیوەندی بەردەوامی لەگەڵ هونەرمەند كازم ساهر و ئەسعەد غرێری شاعیر هەیە، و ساهریش لەئێستادا سەرقاڵی دابەشكردن و پەرەپێدانی سرودی (سلام علیك علی رافدیك عراق القیم)ە كە لەلایەن ژمارەیەك لە سرودبێژەكان و منداڵانی عیراقییە دەوترێت و وابڕیارە لەدوای ئەم مانگەوە تەواوبكرێت”.

بەردەوام بە لە خوێندنەوە
حکومەتی داهاتووی هەرێمی کوردستان دەتوانێت خزمەتی هاوڵاتیان بکات؟

کوردستان

دوایین