ئێمە لە تۆرە کۆمەڵایەتیەکان

ئابوری

لە سەرتاسەری عیراق و هەرێم ئینتەرنێت دەوەستێت؟

خەڵك- بەشی هەواڵ
هەرچەندە ڕێكخراوی (ئایكان)، كە بەرپرسە لە ئیدارەی ژمارەی پڕۆتۆكۆڵەكانی ئینتەرنێت ڕایگەیاندووە، كە بەهۆی گۆڕینی پاسۆردەوە هێڵەكانی ئینتەرنێت ڕادەوەستن، بەڵام ناوەندی ڕاگەیاندنی تەكنەلۆجیای زانیارییەكان ڕایدەگەیەنێت، ئەو هەواڵانەی باس لە پچڕانی هێڵەكانی ئینتەرنێت دەكەن لە جیهاندا لە سبەینێ‌ پێنج شەممە، دوورن لە ڕاستییەوە.

ناوەندی ڕاگەیاندنی تەكنەلۆجیای زانیارییەكان لە عیراق، لە ڕوونكردنەوەیەكدا لەو بارەیەوە ڕایگەیاندووە، “ڕێكخراوی (ئایكان ICANN )، كە بەرپرسە لە ئیدارەی ژمارەی پڕۆتۆكۆڵەكانی ئینتەرنێت و ناوەكان و چوارچێوەی ڕووبەرەكانی، ڕایگەیاندووە، كە سبەینێ‌ پێنج شەممە لە كاتژمێر پێنجی ئێوارە بە كاتی عیراق، پاسۆردەكەی دەگۆڕێت، بەڵام پڕۆسەكە بەشێوەیەكی گونجاو بەئەنجام دەگات و بەكارهێنەرانی ئینتەنێت بە هیچ شێوەیەك هەستی پێناكەن”.

هەر بەپێی ڕوونكردنەوەكە، “گۆڕینی پاسۆرد، لەم چەند ساڵەی دواییدا چەند جارێك دواخراوە، بەهۆی نائامادەیی بەكارهێنەران خزمەتگوزارییەكانی ئینتەرنێت لە ناوچە جیاجیاكانی جیهان، بەڵام بەهۆی بڕیاری ڕێكخراوەكە بۆ گۆڕینی پاسۆردەكەی لە سبەینێدا، هەندێك لە بەكارهێنەران دووچاری كێشە دەبن لە گەیشتن بە هەندێك پێگە”.

ناوەندی ڕاگەیاندنی تەكنەلۆجیای زانیارییەكان لە عیراق دەڵێت، “گەر بەكارهێنەرانی عیراقیش لەو پڕۆسەیەدا زیانیان بەربكەوێت، بەڵام پێگە ناسراوەكانی وەك فەیسبوك و یوتیوب و گۆگڵ و خزمەتگوزارییەكانی تر بەبێ‌ هیچ كێشەیەك كاردەكەن، وێڕای لەكارنەكەوتنی ئاپەكانی مۆبایلە زیرەكەكان”.

ناوەندی تەكنەلۆجیای زانیارییەكان، باسی لەو هەواڵە كردبوو، كە لە تۆڕە كۆمەڵایەتییەكان لە عیراق بڵاوبوونەتەوە و تێیاندا باس لەوەكرابوو، لە بەیاننامەكەی ئایكان-دا پچڕانی تۆڕەكانی ئینتەنێت لە جیهاندا خراوەتەوەڕوو، بەڵام بەپێی ڕونكردنەوەكەی ناوەندی ڕاگەیاندنی تەكنەلۆجیای زانیارییەكان، پڕۆسەكە هەرگیز نابێتە مایەی پچڕانی ئینتەنێت لە جیهاندا.

ئابوری

بانگەواز بۆ بەشداری هاوڵاتیان دەكرێت
ڕێپێوان دژی نەبوونی نەوت و بڕینەوەی دارستانەكان دەستپێدەكات

خەڵك- بەشی هەواڵ
بەهۆی دابەشنەكردنی نەوت لەلایەن حكومەتی هەرێمەوە و بڕینەوەی دارستانەكان، ڕێپێوان لە پێنجوێنەوە تا بەردەم پارێزگای سلێمانی دەستپێدەكات و ڕێكخراوێكی ژینگەپارێز-یش بانگەواز بۆ بەشداری هاوڵاتیان دەكات.

ڕێكخراوی ملەكەوە بۆ پاراستنی ژینگە لە هەژماری خۆی لە فەیسبووك لە ڕاگەیەنراوێكدا ئاماژەی بەوەكردووە، “سبەی كاتژمێر (٤:۳٠ بۆ ۵:٠٠)ی ئێوارە بەڕێدەكەوین بەپێ لە پێنجوێنەوە بۆ بەردەم بینای پارێزگاری سلێمانی بەمەبەستی دابینكردنی نەوت، چونكە دارستانەكان بوونەتە قوربانی ئەم كەمتەرخەمییەی حكومەت”.

دەشڵێت: “هاوڵاتیانی ئازیز ئێمە لە خۆشی سەری خۆمان نییە ئەم خەمە لەكۆڵ دەنێین و ملی ڕێ دەگرین، بەڵكو خەمی بەرژەوەندی گشتییە ئەویش پاراستن و مانەوەی درەخستانەكانە”.

ڕێكخراوی ملەكەوە بۆ پاراستنی ژینگە بانگەوازیشی كردووە، “ئەگەر دڵسۆز و خەمخۆرن ئەوا سبەی هاوسەفەرمانبن، تا هەمووان پێكەوە سكاڵا و ناڕەزایی خۆمان بگەیەنینە شوێنی خۆی”.

ئاشكراشی كردووە، هەر كەسێك ویستی هاوسەفەرمان بێت بۆ زانیاری پەیوەندی بكات بەم ژمارە مۆبایلانەوە (٠۷۵٠۱۱۲٦٠٦۲ یان
٠۷۵٠۱۸٤۷٠۵۷) و دەشڵێت: “شوێنی كۆبوونەوەمان: بازاڕی خوارەوە-ترافیكەكە!”.

سبەی کاتژمێر(٤:۳٠بۆ۵:٠٠)ی ئێوارە بەڕێدەکەوین بەپێ لە پێنجوێنەوە بۆ بەردەم بینای پارێزگاری سلێمانی،بەمەبەستی دابینکردنی…

Posted by ‎رێكخراوی ملەكەوە بۆ پاراستنی ژینگە‎ on Saturday, October 20, 2018

بەردەوام بە لە خوێندنەوە

ئابوری

سبەینێ‌ مووچەی چەند وەزارەتێك دابەشدەكرێت

خەڵك- بەشی هەواڵ
ماوەی 16 ڕۆژە دابەشكردنی مووچەی مانگی تەمموزی فەرمانبەران و هێزە سەربازی و ئەمنییەكان دەستی پێ كردووە و بڕیارە لەم هەفتەیەدا بە پێدانی مووچەی سێ‌ سەرۆكایەتییەكە و خانەنشینان كۆتایی بە دابەشكردنی مووچە بهێنرێت.

سەرچاوەیەك لە وەزارەتی دارایی و ئابووری حكومەتی هەرێم بۆ (خەڵك) ڕایگەیاند، ڕۆژی یەك شەممە 21ی تشرینی یەكەمی 2018 مووچەی مانگی تەمموزی هەریەكە لە وەزارەتەكانی (پیشەسازی و بازرگانی و ڕۆشنبیری و لاوان و ئاوەدانكردنەوە و ڕێگەوبان) دابەش دەكرێت.

ئاشكراشی كرد، ڕۆژی دوو شەممە مووچەی سەرجەم دامەزراوەكانی دیكە و سێ‌ سەرۆكایەتییەكەی هەرێم دابەش دەكرێت.

بە وتەی ئەو سەرچاوەیە، لە كۆتایی ئەم هەفتەیە مووچەی خانەنشینانی سەربازی و شارستانی دابەش دەكرێت.

بەردەوام بە لە خوێندنەوە

ئابوری

دابەشكردنی نەوت دەستپێدەكاتەوە

خەڵك – بەشی هەواڵ
لیژنەی سەرپەرشتی دابەشكردنی نەوت لە پارێزگای هەڵەبجە ڕایدەگەیەنێت، بەهۆی دابەشكردنی نەوت لە ناوچەی هەورامان بۆ ماوەی دوو ڕۆژ لەناو پارێزگاكە دابەشكردنی نەوت ڕادەگیرێت، دەشڵێت: “كۆتایی هەفتە دابەشــكردنی نەوت لە ناو هەڵەبجە دەستپێدەكاتەوە”.

لیژنەی سەرپەرشتی دابەشكردنی نەوت لە هەڵەبجە لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، پێشتر بڵاوكرایەوە ڕۆژی یەك شەممە 21ی تشرینی یەكەم دەست بە دابەشكردنی نەوت لە ناو شاری هەڵەبجە دەكرێتەوە، بەڵام بۆ كۆتایی هەفتە دوادەكەوێت.

دەشڵێت: “دواكەوتنی دابەشكردنی نەوت لە ناو سەنتەری شارەكە بەهۆی دابەشكردنی بەشە نەوتە لەناوچەی هەورامان و ڕۆژی چوار شەممە لە هەڵەبجە دەستپێدەكاتەوە”.

جەختیشی كردۆتەوە، دانیشتوانی ناوچەی هەورامان بە پێی ئەم خشتەیە نەوت وەردەگرن، “ڕۆژانی دوو شەممە و سێ شەممە نەوت لە تەوێڵە و بیارە دابەشدەكرێت”.

بە پێی زانیاریەكان، لە پارێزگای هەڵەبجە زیاتر لە 6 هەزار خێزان بەشە نەوتیان وەرگرتووە و بەشێكی دیكەی ماوە نەوت وەربگرێت.

بەردەوام بە لە خوێندنەوە
حکومەتی داهاتووی هەرێمی کوردستان دەتوانێت خزمەتی هاوڵاتیان بکات؟

کوردستان

دوایین