ئێمە لە تۆرە کۆمەڵایەتیەکان

ئابوری

یەكێتی و پارتی دوای هەڵبژاردن بەنزینیان گران كرد

خەڵك- بەشی هەواڵ

هەرچەندە لە ناوچەكانی ژێر كۆنترۆڵی حكومەتی عێراق نرخی بەنزین گۆڕانی بەسەردا نەهاتووە، بەڵام لە سنوری هەرێمی كوردستان رۆژانە نرخی بەنزین زیاد دەكات و پێشبینی ئەوەش دەكرێت مانگی داهاتوو قەیرانی بەنزین دروستبێتەوە.

مەهدی مەحمود، سكرتێری ئەنجومەنی پارێزگای سلێمانی و ئەندامی لیژنەی نەوت و وزە بە (خەڵك)ی راگەیاند، پەیوەندییان بە لایەنی پەیوەندارەوە كردووە و پێیانوتراوە، پەیوەندی بە كەمبوونەوەی هاوردەی بەنزین لە ئیمارات و بەرزبونەوەی نرخی نەوتەوە هەیە.

وتیشی”حكومەتی هەرێم نایەوێت كێشەی بەنزین چارەسەر بكات، چونكە قازانجی خۆیانی تێدایە، چونكە ئەوەی عێراق دەیكات، حكومەتی ئێمەیش دەتوانێت بیكات، بەڵام نایكات”.

ئەمڕۆ چوارشەممە جارێكی تر نرخی بەنزین بەرزبوەوە، بەشێوەیەك نرخی لیترێك بەنزینی نۆرماڵ بوو بە 740 دینار، لیترێك بەنزینی موحەسەن 825 دینار و لیترێك بەنزینی سۆپەریش بەرزبوەوە بۆ 900 دینار.

ساڵانە لە هەرێمی كوردستاندا قەیرانی كەمبونەوە و گرانبوونی نرخی بەنزین دروست دەبێت و بەبڕوای چاودێرانی ئابوریش هۆكارەكەی بۆ دەستبەسەرداگرتنی بازاڕی سوتەمەنی دەگەڕێتەوە لەلایەن كۆمپانیاكانی یەكێتی و پارتییەوە.

ئابوری

بانگەواز بۆ بەشداری هاوڵاتیان دەكرێت
ڕێپێوان دژی نەبوونی نەوت و بڕینەوەی دارستانەكان دەستپێدەكات

خەڵك- بەشی هەواڵ
بەهۆی دابەشنەكردنی نەوت لەلایەن حكومەتی هەرێمەوە و بڕینەوەی دارستانەكان، ڕێپێوان لە پێنجوێنەوە تا بەردەم پارێزگای سلێمانی دەستپێدەكات و ڕێكخراوێكی ژینگەپارێز-یش بانگەواز بۆ بەشداری هاوڵاتیان دەكات.

ڕێكخراوی ملەكەوە بۆ پاراستنی ژینگە لە هەژماری خۆی لە فەیسبووك لە ڕاگەیەنراوێكدا ئاماژەی بەوەكردووە، “سبەی كاتژمێر (٤:۳٠ بۆ ۵:٠٠)ی ئێوارە بەڕێدەكەوین بەپێ لە پێنجوێنەوە بۆ بەردەم بینای پارێزگاری سلێمانی بەمەبەستی دابینكردنی نەوت، چونكە دارستانەكان بوونەتە قوربانی ئەم كەمتەرخەمییەی حكومەت”.

دەشڵێت: “هاوڵاتیانی ئازیز ئێمە لە خۆشی سەری خۆمان نییە ئەم خەمە لەكۆڵ دەنێین و ملی ڕێ دەگرین، بەڵكو خەمی بەرژەوەندی گشتییە ئەویش پاراستن و مانەوەی درەخستانەكانە”.

ڕێكخراوی ملەكەوە بۆ پاراستنی ژینگە بانگەوازیشی كردووە، “ئەگەر دڵسۆز و خەمخۆرن ئەوا سبەی هاوسەفەرمانبن، تا هەمووان پێكەوە سكاڵا و ناڕەزایی خۆمان بگەیەنینە شوێنی خۆی”.

ئاشكراشی كردووە، هەر كەسێك ویستی هاوسەفەرمان بێت بۆ زانیاری پەیوەندی بكات بەم ژمارە مۆبایلانەوە (٠۷۵٠۱۱۲٦٠٦۲ یان
٠۷۵٠۱۸٤۷٠۵۷) و دەشڵێت: “شوێنی كۆبوونەوەمان: بازاڕی خوارەوە-ترافیكەكە!”.

سبەی کاتژمێر(٤:۳٠بۆ۵:٠٠)ی ئێوارە بەڕێدەکەوین بەپێ لە پێنجوێنەوە بۆ بەردەم بینای پارێزگاری سلێمانی،بەمەبەستی دابینکردنی…

Posted by ‎رێكخراوی ملەكەوە بۆ پاراستنی ژینگە‎ on Saturday, October 20, 2018

بەردەوام بە لە خوێندنەوە

ئابوری

سبەینێ‌ مووچەی چەند وەزارەتێك دابەشدەكرێت

خەڵك- بەشی هەواڵ
ماوەی 16 ڕۆژە دابەشكردنی مووچەی مانگی تەمموزی فەرمانبەران و هێزە سەربازی و ئەمنییەكان دەستی پێ كردووە و بڕیارە لەم هەفتەیەدا بە پێدانی مووچەی سێ‌ سەرۆكایەتییەكە و خانەنشینان كۆتایی بە دابەشكردنی مووچە بهێنرێت.

سەرچاوەیەك لە وەزارەتی دارایی و ئابووری حكومەتی هەرێم بۆ (خەڵك) ڕایگەیاند، ڕۆژی یەك شەممە 21ی تشرینی یەكەمی 2018 مووچەی مانگی تەمموزی هەریەكە لە وەزارەتەكانی (پیشەسازی و بازرگانی و ڕۆشنبیری و لاوان و ئاوەدانكردنەوە و ڕێگەوبان) دابەش دەكرێت.

ئاشكراشی كرد، ڕۆژی دوو شەممە مووچەی سەرجەم دامەزراوەكانی دیكە و سێ‌ سەرۆكایەتییەكەی هەرێم دابەش دەكرێت.

بە وتەی ئەو سەرچاوەیە، لە كۆتایی ئەم هەفتەیە مووچەی خانەنشینانی سەربازی و شارستانی دابەش دەكرێت.

بەردەوام بە لە خوێندنەوە

ئابوری

دابەشكردنی نەوت دەستپێدەكاتەوە

خەڵك – بەشی هەواڵ
لیژنەی سەرپەرشتی دابەشكردنی نەوت لە پارێزگای هەڵەبجە ڕایدەگەیەنێت، بەهۆی دابەشكردنی نەوت لە ناوچەی هەورامان بۆ ماوەی دوو ڕۆژ لەناو پارێزگاكە دابەشكردنی نەوت ڕادەگیرێت، دەشڵێت: “كۆتایی هەفتە دابەشــكردنی نەوت لە ناو هەڵەبجە دەستپێدەكاتەوە”.

لیژنەی سەرپەرشتی دابەشكردنی نەوت لە هەڵەبجە لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، پێشتر بڵاوكرایەوە ڕۆژی یەك شەممە 21ی تشرینی یەكەم دەست بە دابەشكردنی نەوت لە ناو شاری هەڵەبجە دەكرێتەوە، بەڵام بۆ كۆتایی هەفتە دوادەكەوێت.

دەشڵێت: “دواكەوتنی دابەشكردنی نەوت لە ناو سەنتەری شارەكە بەهۆی دابەشكردنی بەشە نەوتە لەناوچەی هەورامان و ڕۆژی چوار شەممە لە هەڵەبجە دەستپێدەكاتەوە”.

جەختیشی كردۆتەوە، دانیشتوانی ناوچەی هەورامان بە پێی ئەم خشتەیە نەوت وەردەگرن، “ڕۆژانی دوو شەممە و سێ شەممە نەوت لە تەوێڵە و بیارە دابەشدەكرێت”.

بە پێی زانیاریەكان، لە پارێزگای هەڵەبجە زیاتر لە 6 هەزار خێزان بەشە نەوتیان وەرگرتووە و بەشێكی دیكەی ماوە نەوت وەربگرێت.

بەردەوام بە لە خوێندنەوە
حکومەتی داهاتووی هەرێمی کوردستان دەتوانێت خزمەتی هاوڵاتیان بکات؟

کوردستان

دوایین