ئێمە لە تۆرە کۆمەڵایەتیەکان

جیهان

ئێران 16 ملیار دۆلار هاوكاری دەداتە بەشار ئەسەد و گرووپە شیعەكانی عێراق و یەمەن

خەڵك- بەشی هەواڵ
مایك پەمپیۆ وەزیری دەرەوەی ئەمریكا لە تویتێكدا ئاشكرایكرد “لە كاتێكدا خەڵكی ئێران بە دەیان كێشەی ئابووریەوە دەناڵێنن كۆماری ئیسلامی ١٦ میلیارد دۆلاری لە ساڵی ٢٠١٢وە لە پێناو بەهێزكردنی ڕژێمی بەشار ئەسەد سەرۆك كۆماری سوریا و گروپەكانی دیكەی ژێردەستی خۆی لە سوریا و عێراق و یەمەن خەرج كردووە”.

بەپێی هەواڵی AVATODAY وەزارەتی دەرەوەی ئەمەریكا لە وێبسایتی سەرەكی خۆیدا ڕاپۆڕتێكی ٤٨ لاپەڕەیی لە ژێر نێوی “ڕژێمی یاساشكێن مێژوی هەوڵە تێكدەرانەكانی ئێران” بڵاو كردۆتەوە.

بەپێی هەواڵی ئاژانسەكە “بەش و نێونیشانەكانی ئەو كتێبە بریتین لە نامەیەك لە مایك پۆمپێۆ، كورتە ڕاپۆڕت، پشتیوانی ئێران لە تیرۆریزم، گەڵاڵەی موشەكی ئێران، هەنگاوە نایاساییە ماڵییەكانی ئێران، هەڕەشەكانی ئێران لەسەر ئەمنیەتی دەریایی، هەڕەشەكانی ئێران لە دژی ئەمنیەتی سایبێری، پێشێلكردنی مافەكانی مرۆڤ و لە نێوبردنی ژینگە بەشێكن لە بەش و نێونیشانانەكانی ئەو كتێبە”.

مایل پۆمپێۆ لە بەشێك لە نامەكەی خۆیدا كە لەو ڕاپۆڕتەدا بڵاو بووەتەوە، دەڵێت “ئامانجی ئێمە ئەوە نییە ئێران بۆ هەمیشە لە پەراوێزدا بێڵینەوە و دەمانهەوێت بگەینە ڕێككەوتنێك كە گەرەنتی ئەوەمان پێ بدات چالاكییە ئەتۆمییەكانی ئێران ئاشتی خوازانەن و ڕۆڵی ئەو وڵاتە لە ڕۆژهەڵاتی ناوەڕاست ئەرێنییە”.

دوای هاتنە دەری ئەمەریكا لە بەرجام گوشارەكانی ئەو وڵاتە بۆ سەر ئێران زۆر زیادی كردووە.

بە گوتەی وەزیری دەرەوەی ئەمەریكا كۆماری ئیسلامی دەبێت لەوە دڵنیا بێت گوشارەكانی ئەمەریكا بۆ سەر ئەو وڵاتە تا ئەو كاتەی دەست بەرداری كردەوە خراپەكانی خۆی دەبێت بەردەوام دەبێت.

جیهان

پۆلیسی توركیا كوژرانی خاشەقچی ڕاگەیاند

خەڵك- بەشی هەواڵ
سەرچاوەیەكی ئەمنی توركیا باس لە بوونی تۆمارێكی دەنگی دەكات، كە كوژرانی خاشەقچی لەنێو كونسوڵخانەی سعودیە لە ئەستەنبوڵ دەسەلمێنێت.

ئاژانسی (ڕۆیتەرز) لە زاری سەرچاوەیەكی ئەمنی توركیا ڕایدەگەیەنێت، پۆلیسی توركیا تۆمارێكی دەنگی بەردەستكەوتووە، كە دەیسەلمێنێت جەمال خاشەقچی، ڕۆژنامەنوسی سعودی لەنێو كونسوڵخانەی سعودیە لە ئەستەنبوڵ كوژراوە.

وەك ئاژانسەكە ئاماژەی پێكردووە، سەرچاوەكە ڕەتیكردۆتەوە وردەكاریی زیاتر لەبارەی ئەو تۆمارە دەنگییەوە بخاتەڕوو.

لەئێستادا تیمێكی لێكۆڵینەوەی هاوبەشی توركی و سعودیە بۆ گەڕان بەشوێن چارەنوسی جەمال خاشەقچی، پشكنین لە كونسوڵخانەی سعودیەدا دەكەن لە ئەستەنبوڵ.

پێشتریش ڕۆژنامەی (واشنتۆن پۆست) لە زاری بەرپرسانی توركیا و ئەمریكاوە باسیان لەوەكردبوو، كە توركیا بە لایەنی ئەمریكای ڕاگەیاندووە سەبارەت بە دەستەبەركردنی دەنگ و وێنە، كە تەئكید لەسەر كوژرانی خاشەقچی دەكەنەوە لەنێو كونسوڵخانەی وڵاتەكە لە شاری ئەستەنبوڵ.

بەردەوام بە لە خوێندنەوە

جیهان

میرێكی سعودیە: سەبارەت بە كێشەكەی خاشقچی سوپرایز بەڕێوەیە

خەڵك- بەشی هەواڵ
سەتام بن خالید ئال سعود، لە تویتێكیدا لەسەر تۆڕی كۆمەڵایەتی (تویتەر)، داوا لە سعودییەكان دەكات چاوەڕوانی ڕاگەیاندنێكی هاوبەشی نێوان سعودیە و توركیابن سەبارەت بە كێشەی دیارنەمانی جەمال خاشقچی، ئاماژەی بە سوپرایزێكی زۆریش كردووە، كە بەمنزیكانە ئاشكرا دەكرێن.

میر سەتام لە تویتێكدا ڕایگەیاندووە، “چاوەڕوانی راگەیاندنی هاوبەشی نێوان سعودیە و توركیابن سەبارەت بە كێشەی خاشقچی، خۆتان و قەڵەمەكانتان ئامادەبكەن و هەموو ڕۆژنامە و سایتەكان و كۆمپانیاكان و كەسێتییە بەكرێگیراوەكان تۆمار بكەن، كە پێش ڕووداوەكان كەوتن و ڕاستییەكانیان شێواند بۆ هێرشكردنە سەر شانشینی عەرەبی سعودیە”.

دوای ئەوەش میر سەتام لە تویتێكی تریدا، ئاماژەی بە خۆشحاڵی توركیا كردبوو بۆ پێشنیارێكی سعودیە لەبارەی دەستكردن بە لێكۆڵینەوەی هاوبەش لەبارەی دیارنەمانی خاشقچی.

بە وتەی ئەو میرە سعودیە، ئەو ڕێكەوتنە لەڕێی پەیوەندییەكی تەلەفۆنی نێوان شا سەلمان بن عەبدولعەزیز و سەرۆك ڕەجەب تەیب ئەردۆغان بوو، بەبێ‌ ئەوەی ئاماژە بە وردەكاریی بەیاننامە هاوبەشەكەی نێوان سعودیە و توركیا بكات سەبارەت بە خاشقچی، كە لە تویتی یەكەمیدا ئاماژەی پێكردبوو.

بەردەوام بە لە خوێندنەوە

جیهان

ئەردۆغان و شا سەلمان ونبوونی خاشقچییان تاوتوێ كرد

خەڵك- بەشی هەواڵ

سەرۆك كۆماری توركیا، رەجەب تەیب ئەردۆغان پەیوەندییەكی تەلەفۆنی لەگەڵ شای سعوودیە، سەلمان بن عەبدولعەزیز ئەنجامدا.

بەپێی ئاژانسی ئەنادۆڵۆ، لە میانی پەیوەندییە تەلەفۆنییەكەدا، سەرۆك كۆماری توركیا، ئەردۆغان و شا سەلمان، تاوتوێی پرسی ئاشكراكردنی رووداوی بێسەروشوێنبوونی رۆژنامەنووس، جەمال خاشقچییان كرد.

رەجەب تەیب ئەردۆغان و سەلمان بن عەبدولعەزیز لە بارەی لێكۆڵینەوە لە ئاشكراكردنی رووداوی بێسەروشوێنبوونی رۆژنامەنووس، جەمال خاشقچی، جەختیان لەسەر گرنگی پێكھێنانی گرووپێكی كاری ھاوبەش كردەوە.

لای خۆیەوە شا سەلمان ڕایگەیاند، كەس ناتوانێت پەیوەندییەكانی توركیا و سعودیە تێكبدات بەپێی هەواڵی ئاژانسی هەواڵدەری عەرەبستان.

بەردەوام بە لە خوێندنەوە
حکومەتی داهاتووی هەرێمی کوردستان دەتوانێت خزمەتی هاوڵاتیان بکات؟

کوردستان

دوایین