ئێمە لە تۆرە کۆمەڵایەتیەکان

جیهان

هاوسەرگیری نێوان ئامۆزاكان لەچەند وڵاتێك قەدەغە دەكرێت

خەڵك- بەشی هەواڵ
هاوسەرگیری لەنێوان خزمەكان و بەتایبەت لەنێوان ئامۆزاكان بەربڵاوە، ڕەنگە لە زۆربەی كۆمەڵگەكانی ئەم ناوچەی خۆمان و ناوچەكانی تری جیهان، بە كارێكی باش دابنرێت.

بەڵام لە هەندێك كلتوری تردا لەڕووی كۆمەڵایەتی و ئاینییەوە حەرامە، بۆ نمونە گەر لەو وڵاتانە كوڕی یەكێك لەو خانەوادانەبیت، زۆر نەنگییە یەكێك بە دایك و باوكت بڵێت كوڕەكەتان بەنیازە هاوسەرگیری لەگەڵ كچە ئامۆزا یان كچە پورزا بكات.

وێڕای ئەوەی لە زۆربەی وڵاتاندا یاسایەك نییە ڕێگری لەو جۆرە هاوسەرگیرییە بكات لەوانە: بەریتانیا، كەنەدا و فەرەنسا، بەڵام بەپێی خشتەیەكی ماڵپەڕی (ئیندپندنت) لەم وڵاتانەدا بەپێی یاسا قەدەغە كراوە.

ڕوسیا:
یاساكانی ڕوسیا رێگە بە هاوسەرگری نادەن لەنێوان ئامۆزاكان

چین:
لە چین ڕێگەنادرێت هاوسەرگری لەنێوان ئامۆزاكاندا بكرێت، ئەمەش وەك كارپێكردن بە یاسایەك، كە لە ساڵی 1981 دەركرا، كە هەندێك بە جەلادی خزمایەتی ناوی دەبەن، بەڵام هەندێكی تر هەن هەر لەو وڵاتەدا بەر لە دەرچوونی یاساكە هاوسەرگیرییان لەگەڵ ئامۆزاكانیان كردووە و ئێستا پێكەوە ژیان بەسەردەبەن.

كۆریای باكوور:
ڕژێمی سەرۆكی كیم جۆنگ ئون، سەرۆكی كۆریای باكوور، ڕێگە نادات هاوسەرگریی لەنێوان ئامۆزاكاندا بكرێت.

ولایەتە یەكگرتووەكان :
هاوسەرگیری لە ولایەتە یەكگرتووەكان لەنێوان ئامۆزاكاندا، پەیوەندی بەو شوێنەوە هەیە، كە كەسەكانی تێدا دەژی، هەندێك لە ولایەتەكان ڕێگەدەدات لەگەڵ هەندێك كۆتوپێوەند یان بەدەركردن، بەڵام لە هەندێك ولایەتی تر قەدەغەیە لەگەڵ هەندێك بەدەركردن، لە هەندێك ولایەتی دیاریكراویش بە هەموو شێوەیەك قەدەغەیە، لە پێنج ولایەتیش بە تاوانێكی گەورە دادەنرێت.

جیهان

پۆلیسی توركیا كوژرانی خاشەقچی ڕاگەیاند

خەڵك- بەشی هەواڵ
سەرچاوەیەكی ئەمنی توركیا باس لە بوونی تۆمارێكی دەنگی دەكات، كە كوژرانی خاشەقچی لەنێو كونسوڵخانەی سعودیە لە ئەستەنبوڵ دەسەلمێنێت.

ئاژانسی (ڕۆیتەرز) لە زاری سەرچاوەیەكی ئەمنی توركیا ڕایدەگەیەنێت، پۆلیسی توركیا تۆمارێكی دەنگی بەردەستكەوتووە، كە دەیسەلمێنێت جەمال خاشەقچی، ڕۆژنامەنوسی سعودی لەنێو كونسوڵخانەی سعودیە لە ئەستەنبوڵ كوژراوە.

وەك ئاژانسەكە ئاماژەی پێكردووە، سەرچاوەكە ڕەتیكردۆتەوە وردەكاریی زیاتر لەبارەی ئەو تۆمارە دەنگییەوە بخاتەڕوو.

لەئێستادا تیمێكی لێكۆڵینەوەی هاوبەشی توركی و سعودیە بۆ گەڕان بەشوێن چارەنوسی جەمال خاشەقچی، پشكنین لە كونسوڵخانەی سعودیەدا دەكەن لە ئەستەنبوڵ.

پێشتریش ڕۆژنامەی (واشنتۆن پۆست) لە زاری بەرپرسانی توركیا و ئەمریكاوە باسیان لەوەكردبوو، كە توركیا بە لایەنی ئەمریكای ڕاگەیاندووە سەبارەت بە دەستەبەركردنی دەنگ و وێنە، كە تەئكید لەسەر كوژرانی خاشەقچی دەكەنەوە لەنێو كونسوڵخانەی وڵاتەكە لە شاری ئەستەنبوڵ.

بەردەوام بە لە خوێندنەوە

جیهان

میرێكی سعودیە: سەبارەت بە كێشەكەی خاشقچی سوپرایز بەڕێوەیە

خەڵك- بەشی هەواڵ
سەتام بن خالید ئال سعود، لە تویتێكیدا لەسەر تۆڕی كۆمەڵایەتی (تویتەر)، داوا لە سعودییەكان دەكات چاوەڕوانی ڕاگەیاندنێكی هاوبەشی نێوان سعودیە و توركیابن سەبارەت بە كێشەی دیارنەمانی جەمال خاشقچی، ئاماژەی بە سوپرایزێكی زۆریش كردووە، كە بەمنزیكانە ئاشكرا دەكرێن.

میر سەتام لە تویتێكدا ڕایگەیاندووە، “چاوەڕوانی راگەیاندنی هاوبەشی نێوان سعودیە و توركیابن سەبارەت بە كێشەی خاشقچی، خۆتان و قەڵەمەكانتان ئامادەبكەن و هەموو ڕۆژنامە و سایتەكان و كۆمپانیاكان و كەسێتییە بەكرێگیراوەكان تۆمار بكەن، كە پێش ڕووداوەكان كەوتن و ڕاستییەكانیان شێواند بۆ هێرشكردنە سەر شانشینی عەرەبی سعودیە”.

دوای ئەوەش میر سەتام لە تویتێكی تریدا، ئاماژەی بە خۆشحاڵی توركیا كردبوو بۆ پێشنیارێكی سعودیە لەبارەی دەستكردن بە لێكۆڵینەوەی هاوبەش لەبارەی دیارنەمانی خاشقچی.

بە وتەی ئەو میرە سعودیە، ئەو ڕێكەوتنە لەڕێی پەیوەندییەكی تەلەفۆنی نێوان شا سەلمان بن عەبدولعەزیز و سەرۆك ڕەجەب تەیب ئەردۆغان بوو، بەبێ‌ ئەوەی ئاماژە بە وردەكاریی بەیاننامە هاوبەشەكەی نێوان سعودیە و توركیا بكات سەبارەت بە خاشقچی، كە لە تویتی یەكەمیدا ئاماژەی پێكردبوو.

بەردەوام بە لە خوێندنەوە

جیهان

ئەردۆغان و شا سەلمان ونبوونی خاشقچییان تاوتوێ كرد

خەڵك- بەشی هەواڵ

سەرۆك كۆماری توركیا، رەجەب تەیب ئەردۆغان پەیوەندییەكی تەلەفۆنی لەگەڵ شای سعوودیە، سەلمان بن عەبدولعەزیز ئەنجامدا.

بەپێی ئاژانسی ئەنادۆڵۆ، لە میانی پەیوەندییە تەلەفۆنییەكەدا، سەرۆك كۆماری توركیا، ئەردۆغان و شا سەلمان، تاوتوێی پرسی ئاشكراكردنی رووداوی بێسەروشوێنبوونی رۆژنامەنووس، جەمال خاشقچییان كرد.

رەجەب تەیب ئەردۆغان و سەلمان بن عەبدولعەزیز لە بارەی لێكۆڵینەوە لە ئاشكراكردنی رووداوی بێسەروشوێنبوونی رۆژنامەنووس، جەمال خاشقچی، جەختیان لەسەر گرنگی پێكھێنانی گرووپێكی كاری ھاوبەش كردەوە.

لای خۆیەوە شا سەلمان ڕایگەیاند، كەس ناتوانێت پەیوەندییەكانی توركیا و سعودیە تێكبدات بەپێی هەواڵی ئاژانسی هەواڵدەری عەرەبستان.

بەردەوام بە لە خوێندنەوە
حکومەتی داهاتووی هەرێمی کوردستان دەتوانێت خزمەتی هاوڵاتیان بکات؟

کوردستان

دوایین