ئێمە لە تۆرە کۆمەڵایەتیەکان

ژینگە

“كاتی بانگەشە و هەڵبژاردن بۆ بیرلێدان دەقۆزرێتەوە”
بیرلێدانی نایاسایی لە گەڕەك و ناوچەكانی سلێمانی دەستی پێكردۆتەوە

خەڵك – بەشی هەواڵ
بەڕێوەبەری ئاوی ژێرزەوی سلێمانی ڕایدەگەیەنێت، بۆ بنەبڕكردنی دیاردەی بیرلێدان لەسنوری سلێمانی 17 نوسراوم ئاڕاستەی پارێزگار و لایەنە پەیوەندیدارەكان كردووە، دەشڵێت: “ئەو كەسانەی خەریكی ئەو زیادەڕۆییەن هەلمَەتی هەڵبژاردنیان قۆستۆتەوە بۆ لێدانی بیر”.

عەباس عەلی ئەحمەد، بەڕێوەبەری ئاوی ژێرزەوی سلێمانی (خەڵك)ی ڕاگەیاند، بە پێی یاسا بیرلێدان بۆ كەرتی كشتوكاڵ و كەرتی تایبەت و كەرتی گشتی ڕێگە پێدراوە، لەوە بەدەر دەچێتە چوارچێوەی زیادەڕۆییەوە.

وتیشی، “لە ساڵی 2016 –ەوە تا ئێستا 17 جار نوسراوم بۆ پارێزگار و لایەنی پەیوەندیدار كردووە و داواكاری گشتیم لێ ئاگادار كردۆتەوە، ئەمە دیاردەیەكە بوونی هەیە بەردەوام تەنها لە هەڵبژاردنەكان نیە، بەڵكو هاوڵاتیان كاتەكانی بانگەش ەو هەڵبژاردن دەقۆزنەوە بۆ بیر لێدان بەهۆی ئەوەی لەو ماوەیەدا پۆلیس لە حاڵەتی ئامادەباشیدان بۆ پاراستنی ڕۆژانی بانگەشە و هەڵبژاردن”.

ڕاشیگەیاند، لە سنوری سلێمانی 15 ئامێری بیرلێدان ڕێگەپێدراون، لەوە زیاتر بە زیادەڕۆ هەژمار دەكرێت، هەڵكەندی بیر لەلایەن هاوڵاتیانە بۆ نەبوونی هۆشیاری كۆمەڵایەتی دەگەڕێتەوە لەگەڵ ئەوەی ئاوی خواردنەوەی ماڵان بۆ هەموو گەڕەكێك ڕۆیشتووە، بەڵام ڕەنگە كەم بێت و بەشی ئەو پێویستیانە نەكات، كاتێك ئاو لە شۆردنی ئۆتۆمبێل و ئاودانی باخچە و شۆدرنی كۆڵاندا بەكاری بهێنێت.

ئاشكراشی كرد، ئەم دیاردەی بیرلێدانە بۆتە بازرگانی و هەندێك كەسی لە پشتەوەیە من نازانم كێن، ڕۆژانی ئاسایی 10% بووە، بەڵام لە ڕۆژانی بانگەشە زۆر زیادی كرد، پارێزگارم لێ ئاگادار كردۆتەوە، ئیجرائات دەكرێت، بەڵام بە ئەندازەی زیادەڕۆییەكە نییە.

ژینگە

هەواڵێكی (خەڵك) دەنگدانەوەی بەدوای خۆیدا هێنا
شارەوانی سلێمانی لەسەر پیسكردنی مێز و كورسیەكانی شاخی گۆیژە و ئەزمەڕ هاتەدەنگ

خەڵك – بەشی هەواڵ
لێپرسراوی بەشی خزمەتگوزاری لە شارەوانی سلێمانی ڕایدەگەیەنێت، گەشتوگوزاری سلێمانی ژمارەی كورسی و مێزەكانی شاخی ئەزمەر دەگاتە زیاتر لە 150 دانە و داواش لە هاوڵاتیان دەكات پاكوخاوێنی ئەو شوێنە گەشتیارییە بپارێزن، دەشڵێت: “ڕۆژانە 25 كارمەند و دوو ئامێری پاكردنەوە سەرقاڵی پاك ڕاگرتنی شاخی ئەزمەڕن”.

ڕزگار ئەحمەد، لێپرسراوی بەشی خزمەتگوزاری لە شارەوانی سلێمانی بە (خەڵك)ی ڕاگەیاند، لە شاخی ئەزمەڕ و گۆیژە لە ڕێگەی تیمێكی 25 كارمەندی و دوو ئامێری كەپسی خۆڵ كۆكردنەوە ڕۆژانە سەرقاڵی پاكوخاوێن ڕاگرتنی ناوچەكەین.

وتیشی، “بەداخەوە لەدوای دانانی ئەو مێز و كورسیانە لەلایەن گەشتوگوزاری سلێمانی-یەوە، هاوڵاتیان و گەشتیاران پاكوخاوێنی ناوچەكە ڕاناگرن، بۆیە بەهیواین لەمەودوا هاوڵاتیان دوای گەشت و سەیرانەكانیان خۆڵ و خاشاكەكانیان بخەنە سەتڵی خۆڵەكانەوە”.

ڕاشیگەیاند، ئەوەی گەشتوگوزاری سلێمانی لە دانانی ئەو مێز و كورسیانەی بۆ شاخی گۆیژە و ئەزمەڕ كردویەتی خزمەتێكی باشە بە گەشتیاران و هاوڵاتیانی سلێمانی، بڕیارە ژمارەی مێز و كورسیەكانیش زیاتر بكات بۆ نزیكەی 150 دانە.

ئەمە لەكاتێكدایە، لەماوەی ڕابردوودا (تۆڕی میدیایی خەڵك) وەك ئەركی پیشەیی و ڕۆژنامەوانی وێنەی ئەو میز و كورسیانەی شاخی گۆیژەی بڵاوكردەوە، كە لەدوای گەشت و سەیرانەكان، بەشێك لە هاوڵاتیان پاشماوەكانیان بەجێهێشتووە ئەوەش لە تۆڕە كۆمەڵایەتییەكان كاردانەوەی لێ كەوتەوە.

بەردەوام بە لە خوێندنەوە

ژینگە

كەشناسی هەرێم ڕاگەیەنراوێكی لەسەر بوومەلەرزەكە بڵاوكردەوە

خەڵك – بەشی هەواڵ
بەڕێوەبەرایەتی گشتی كەشناسی و بوومەلەرزەزانی هەرێمی كوردستان ڕایدەگەیەنێت، ئێوارەی ئەمڕۆ لە كاتژمێر 6.08 خولەك بوومەلەرزەیەك تۆماركرا بەقوڵایی 10 كم لە دووری 25 كم لە قەزای ڕەواندوز، دەشڵێت: “گوڕەكەی 3.9 پلە بووە بە پێوەری ڕێختەر”.

بەڕێوەبەرایەتی گشتی كەشناسی و بوومەلەرزەزانی هەرێمی كوردستان لە ڕاگەیەنراوێكدا، كە وێنەیەكی دەست (خەڵك) كەوتووە ڕاگەیاندووە، ئێوارەی ئەمڕۆ لەكاتژمێر 6.08 خولەك بوومەلەرزەیەك تۆماركرا بەقوڵایی 10 كم لە دووری 25 كم لە قەزای ڕەواندوز و گوڕەكەی 3.9 پلە بووە بە پێوەری ڕێختەر.

ئاماژەی بۆ ئەوەشكردووە، هیچ زیانێكی نەبووە و لە لایەن هاوڵاتیانەوە هەستی پێكراوە.

ئەمە لەكاتێكدایە، ئەمڕۆ 14/10/2018 كاتژمێر 12:4خوولەك بوومەلەرزەیەك بەگوڕی 3.2 پلەی ڕێختەر بە قوڵایی 10كم لە قەزای سۆران ڕوویدا و هاوڵاتیان هەستیان پێ كردوە بێ ئەوەی زیانی هەبێت.

بەردەوام بە لە خوێندنەوە

ژینگە

بوومەلەرزە لە چەند ناوچەیەكی هەرێم ڕوویدا

خەڵك- بەشی هەواڵ
ئێوارەی ئەمڕۆ بۆ جاری دووەم بوومەلەرزە لە ناوچەی سۆران و ڕەواندزی دا و تا ئێستا كەشناسی هەرێم هیچ زانیارییەكی بڵاونەكردۆتەوە.

ناوەندی بوومەلەرزەزانی ئەوروپای ناوەڕاست لە خشتەیەكدا زانیاری سەبارەت بە بوومەلەرزەكە بڵاوكردۆتەوە و ڕایگەیاندووە، بوومەلەرزەكە بە گوڕی 3.9 پلە بووە بە پێوەری ڕێختەر و 74 كیلۆمەتر لە هەولێر دوور بووە.

لای خۆشیەوە، محەمەد كەلاری، شارەزای كەشناسی و بوومەلەرزەزانی بۆ (خەڵك) ئاماژەی بەوەكردووە، كە بوومەلەرزەكە لە ناوچەی سۆران و ڕەواندز-ی داوە بە پلەی 4 پلە بە پێوەری ڕێختەر و بە قوڵایی 10 كیلۆمەتر بووە.

ئەمە لەكاتێكدایە، بەیانی ئەمرۆ بوومەلەرزەیەك لە قەزای سۆران ڕوویدا و لە لایەن هاوڵاتیانەوە هەستی پێكرا، كە گوڕەكەی 3.8 پلە بووە بە پێوەری ڕێختەر.

بەردەوام بە لە خوێندنەوە
حکومەتی داهاتووی هەرێمی کوردستان دەتوانێت خزمەتی هاوڵاتیان بکات؟

کوردستان

دوایین