ئێمە لە تۆرە کۆمەڵایەتیەکان

کوردستان

بزوتنەوەی گۆڕان: یەكێتی نایەوێت ڕێكەوتنەكە جێبەجێ بكات

خەڵك-یەحیا حبیب

لێپرسراوی مەكۆی هەڵەبجەی بزوتنەوەی گۆڕان ڕایدەگەیەنێت، “بە بۆچونی ئێمە دواخستنی پرسی كاندیدكردنی كەسێك بۆ پۆستی پارێزگار بۆ ئەوەبووە، كە پارێزگارەكە دانەنێن و جێگری پارێزگار و قائیمقام بدەن بە ئێمە “.

نزار مەحمود، لێپرسراوی مەكۆی هەڵەبجەی بزوتنەوەی گۆڕان لە لێدوانێكیدا بە (خەڵك)ی ڕاگەیاند، “دوای ئەوەی ڕێكەوتن كرا لەسەر دابەشكردنی ئەو پۆستانەی پارێزگای سلێمانی و هەڵەبجە وەك ئاشكرایە پارێزگاری سلێمانی ماوەكەی تەواو بوو و پۆستەكەی جێهێشت بۆ یەكێتی، بەڵام بە بیانوی ئەوەی پارێزگاری هەڵەبجە بە وەكالەتە فەرمانی بۆ دەرنەچووە و نوسراوەكانی كاری پێناكرێت و دانی پێدا نانرێت ماوەیەكی زۆریان كوشت بۆ ئەوەی كاندیدێك بۆ پۆستەكە دیاری بكەن”.

وتیشی، “بە بۆچونی ئێمە دواخستنی پرسی كاندیدكردنی كەسێك بۆ پۆستی پارێزگار بۆ ئەوەبووە، كە پارێزگارەكە دانەنێن و جێگری پارێزگار و قائیمقام بدەن بە ئێمە”.

ئاماژەی بەوەشكرد، “لە هەڵمەتی هەڵبژاردنی پەڕلەمانی كوردستان پێش ئەوەی بڕیارێك دەربكەن لەگەڵ ئێمەش گفتوگۆیان كرد بۆ ئەوەی ئێمەش كاندیدی خۆمان بۆ هەریەكە لە پۆستەكانی قائیمقامی ناوەندی هەڵەبجە و جێگری پارێزگاری ئەم شارە دیاری بكەین”.

ئاماژەی بەوەشدا، “ئێمەش داواكاری خۆمان بۆ ئەنجومەنی وەزیران ناردووە و هەریەكە لە پارێزگاری هەڵەبجە لەسەر پشكی یەكێتی و قائیمقامی ناوەند و جێگری پارێزگاری هەڵەبجە پێكەوە فەرمانیان بۆ دەردەچێت”.

لێپرسراوی مەكۆی هەڵەبجەی بزوتنەوەی گۆڕان هێمای بۆ ئەوەشكرد، “بەهۆی ئەوەی ئێمە ئەنجومەنی هەڵبژێردراومان نیە لە پارێزگای هەڵەبجە هەر بۆیە بڕیاری دەستبەكاربونی هەریەكە لە قائیمقام و جێگری پارێزگاری شارەكە و پۆستەكانی تریش لە هەڵەبجە وەك پۆستی بەڕێوەبەری ناحیە دەبێت نووسراوی هەرێمی بۆ دەربكەین تا ئەو كاتەی ئەنجومەنی پارێزگای هەڵەبجە هەڵدەبژێرێت”.

کوردستان

ھەولێر.. لە دوو ڕووداوی ھاتووچۆدا دوو کەس گیانیان لەدەستدا

خەڵک-

وتەبێژی پۆلیسی ھاتووچۆی ھەولێر ڕاگەیەنراوێکی بڵاوکردەوە و تیایدا ڕایگەیاندووە، ئەمڕۆ لە دوو ڕووداوی ھاتووچۆدا لە سنوری پارێزگای ھەولێر، دوو کەس گیانیان لەدەستداوە.

فازڵ حاجی، وتەبێژی پۆلیسی هاتووچۆی هەولێر رایگەیاند: ئەمڕۆ لە دوو ڕووداوی ھاتووچۆدا لە سنوری پارێزگای ھەولێر دوو کەس گیانیان لەدەستداوە.

ڕووداو یەکەم له ‌شارۆچكه‌ی كۆڕێ له ‌نزیك شیره‌سوار ڕوویداوە، کاتێک ئۆتۆمبێلێکی جۆری سۆزۆكی بەھۆی تیژڕەوییەوە کۆنترۆڵی نەماوە و خۆی کێشاوە بە چوار پیادە دا، کە لەپێش فرۆشگەیەک وەستابوون، لە ئەنجامدا یەکیان گیانی لەدەستداوە و سیانەکەی دیکەش بە سەختی بریندار بوون.

ڕووداوی دووەمیش لە کاتژمێر 3:30 له‌سه‌ر رێگەی سه‌ره‌كی هه‌ولێر-كه‌ركوك له‌ نزیك گوندی سێقووچان ڕوویداوە، کاتێک تاکسییەکی جۆری کرۆلا به‌هۆی تیژڕەوییه‌وه‌ کۆنترۆڵی لەدەستداوە، لە ئەنجامدا لە شەقام دەرچووە و وەرگەڕاوە، لەو ڕووداوەشدا شۆفێری تاکسییەکە گیانی لەدەستداوە.

بەردەوام بە لە خوێندنەوە

کوردستان

كچێكی ئێزدی تر لەژێر چنگی داعش رزگار دەكرێت

خەڵك- بەشی هەواڵ
بەڕێوەبەری نوسینگەی رزگاركردنی رفێنراوانی ژێردەستی داعش رایدەگەیەنێت، حكومەتی هەرێمی كوردستان كچێكی تری ئێزدی لە سوریا رزگاركردووە كە چوار ساڵ لەمەوبەر لەلایەن چەكدارانی داعشەوە رفێندرابوو.

حسێن كۆرۆ قاییدی، بەڕێوەبەری نوسینگەی رزگاركردنی رفێنراوانی ژێردەستی داعش لەلێدوانێكدا بۆ ئاژانسی ئەنادۆڵ رایگەیاندووە”حكومەتی هەرێمی كوردستان تائێستا زیاتر لە 3 هەزار و 332 كوردی ئێزدی لە چنگی داعش لە عیراق و سوریا رزگار كردووە، ئەمڕۆش كچێكی تری ئێزدی تەمەن 19 ساڵان، بەناوی نور عەڤدۆ لە سوریا رزگاركرا، كە دانیشتوی گوندی دوو گرێی سنوری قەزای شنگالە”.

بە وتەی قاییدی “لەكۆی 6 هەزار و 417 رفێنراوی ئێزدی، تائێستا 3 هەزار و 332 كچ و ژنی ئێزدی لە عیراق و سوریا رزگاركراون، كە لە مانگی ئابی ساڵی 2014دا لەلایەن داعشەوە بێ سەروشوێن كرابوون”، ئاماژەی بەو كار و پلانانەش كرد كە هەیانە بۆ هێنانەوەی زیاتر لە 3 هەزار كەسی تر لە عیراق و سوریا.

بەڕێوەبەری نوسینگەی رزگاركردنی رفێنراوانی ژێردەستی داعش دەڵێت” ڕێكخراوی داعش لە ماوەی رابردودا بە بەرنامەیەكی رێكخراو، ئایین و زمان و كلتوری بە رفێنراوە ئێزدییەكان گۆڕیوە، بەشێوەیەك منداڵانی لەسەر بیروباوەڕی توندڕەوی راهێناوە، حكومەتی هەرێمی كوردستانیش بەردەوام لە هەوڵدایە بۆ ئەوەی دۆخی دەروونی و جەستەیی ئەو رزگاربووانە بگەڕێنێتەوە باری ئاسایی جارانیان”.

لە مانگی حوزەیرانی ساڵی 2014، دوای ئەوەی چەكدارانی رێكخراوی داعش شاری موسڵ سەنتەری پارێزگای نەینوایان كۆنترۆڵ كرد، دەستیان گرت بەسەر زۆرێك لە ناوچەكانی دەوروبەری شارەكە، بە تایبەت ئەو ناوچانەی كە جێنیشتەجێی ئێزدی و مەسیحییەكان بوون، لەو شاڵاوە دڕندانەیەشدا هەزاران كچ و ژنی ئێزدییان وەك سەبایە بەدیل گرت و لە بازاڕەكانی موسڵ و رەقەدا وەك كۆیلە كڕین و فرۆشتنیان پێوەدەكرد.

بەردەوام بە لە خوێندنەوە

کوردستان

پەروەردە مامۆستایان ئاگادار دەكاتەوە

خەڵك – بەشی هەواڵ
بەڕێوەبەرایەتی پەروەردەی كەلار، داوا لە مامۆستایانی سەرجەم قۆناغەكان دەكات، بەهیچ شێوەیەك داوای مەلزەمە لە خوێندكاران نەكەن، دەشڵێـت:”بۆ خۆێندن پشت بە ئەو پڕۆگرام و كتێبانە ببەستن، كە لە لایەن وەزارەتی پەروەردە دانراوە”.

بەڕێوەبەرایەتی پەروەردەی كەلار لە ئاگادارییەكدا، كە وێنەیەكی دەست (خەڵك) كەوتووە ئاڕاستەی سەرجەم ناوەندەكانی خوێندنی سەر بە سنوری پەروەردەكەی كردووە، ڕایگەیاندووە، بۆ مامۆستایانی سەرجەم قۆناغەكان بەهیچ شێوەیەك داوای مەلزەمە لە خوێندكاران نەكەن.

دەشڵێت:”بۆ خۆێندن تەنها پشت بە ئەو پڕۆگرام و كتێبانە ببەستن، كە لەلایەن وەزارەتی پەروەردە دانراوە”.

ئەمە لەكاتێكدایە، بەشێك لە مامۆستایان مەلزەمە وەك جێگرەوەی پرۆگرامی خوێندن بەكاردەهێنن، كە پێشتر لە لایەن وەزارەتی پەروەردەوە بە فەرمی بەكارهێنانی قەدەغە كراوە.

بەردەوام بە لە خوێندنەوە
حکومەتی داهاتووی هەرێمی کوردستان دەتوانێت خزمەتی هاوڵاتیان بکات؟

کوردستان

دوایین