ئێمە لە تۆرە کۆمەڵایەتیەکان

وەرزشەکانی تر

(به‌وێنه‌) واریه‌رز نازناوی خولی یانه‌ پیشه‌گه‌ره‌کانی ئه‌مریکای به‌ده‌ست هێنا

خه‌ڵک سپۆرت

به‌ره‌به‌یانی ئه‌مڕۆ کۆتا ڕووبه‌ڕوبونه‌وه‌ی کۆتایی خولی یانه‌ پیشه‌گه‌ره‌کانی ئه‌مریکا (NBA) له‌نێوان یانه‌ی گۆڵدن سته‌یت واریه‌رز و کلیڤلاند کاڤالێرز ئه‌نجامدرا و جه‌نگاوه‌ره‌ ئاڵتونیه‌کان بۆ جاری چواره‌م سه‌رکه‌وتنیان به‌ده‌ست هێنا.

پێشتر گۆڵدن سته‌یت واریه‌رز سێ بردنه‌وه‌ی به‌ده‌ست هێنابوو و ڕووبه‌ڕوبونه‌وه‌ی به‌ره‌به‌یانی ئه‌مڕۆ چواره‌م ڕووبه‌ڕوبونه‌وه‌ی قۆناغی کۆتایی خوله‌که‌ بوو، تیایدا ستیفان کوری و هاوڕێیانی توانیان به‌ ئه‌نجامێکی گه‌وره‌ سه‌رکه‌وتنی چواره‌م به‌ده‌ست بهێنن (٨٥ – ١٠٥)، به‌وشێوه‌یه‌ هیچ هیوایه‌کیان بۆ لیبرۆن جه‌یمسی پادشا و هاوه‌ڵانی نه‌هێشته‌وه‌، چونکه‌ ئه‌وپه‌ڕی له‌یارییه‌ یه‌کلاکه‌ره‌وه‌کاندا (پله‌ی ئۆف) حه‌وت یاریی له‌نێوان تیمه‌کاندا ئه‌نجام ده‌درێت.

نازاوی ئه‌م وه‌رزه‌ بۆ کیڤن دورانت و هاوڕێیانی دووه‌م نازناوه‌ له‌سه‌ریه‌ک، هه‌روه‌ها سێیه‌م نازناو ده‌کات له‌ماوه‌ی چوار وه‌رزی ڕابردودا.

یه‌کێک له‌ گرنگترین ڕووداوه‌کانی یاریی چواره‌م ئه‌وه‌بوو ستیفان کوری ٣٧ خاڵی تۆمارکرد که‌ به‌رزترین ڕێژه‌یه‌ له‌م وه‌رزه‌دا تۆماری ده‌کات، له‌به‌رامبه‌ردا لیبرۆن جه‌یمسی ڕکابه‌ری به‌هۆی پێکانه‌وه‌ چوار خوله‌ک به‌ر له‌فیکه‌ی کۆتایی ماڵئاوایی له‌ هانده‌رانی یانه‌که‌ی کرد، دواتریش ڕایگه‌یاند که‌ ماوه‌ی چوار ڕووبه‌ڕوبونه‌وه‌یه‌ به‌ ده‌ستێکی شکاوه‌وه‌ یاریی ده‌کات.

ئه‌نجامه‌کانی یاریی کۆتایی (چوار ڕووبه‌ڕوبونه‌وه‌که‌):

گۆڵدن سته‌یت ١٢٤ – ١١٤ کلیڤلاند

گۆڵدن سته‌یت ١٢٢ – ١٠٣ کلیڤلاند

کلیڤلاند ١٠٢ – ١١٠ گۆڵدن سته‌یت

کلیڤلاند ٨٥ – ١٠٨ گۆڵدن سته‌یت

دورانت باشترین یاریزانی خوله‌که‌

کیڤن دورانتی ئه‌فسانه‌ی تیمی گۆڵدن سته‌یت واریه‌رز و خولی یانه‌ پیشه‌گه‌ره‌کانی ئه‌مریکا وه‌ک باشترین یاریزانی وه‌رز ده‌ستنیشان کرا، به‌وپێیه‌ی به‌درێژایی وه‌رز ئاستێکی خه‌یاڵی پێشکه‌ش کردووه‌، به‌تایبه‌ت له‌کۆتا ڕووبه‌ڕوبونه‌وه‌دا توانی ٤٣ خاڵ تۆمار بکات و ئه‌وه‌ش به‌رزترین تۆماره‌ له‌ته‌مه‌نی وه‌رزشییدا.

ریکلام

وەرزشەکانی تر

مانی پاکیاوی ئه‌فسانه‌ له‌ته‌مه‌نی (٣٩) ساڵیدا گه‌ڕایه‌وه‌ و پشتوێنی (WBA) به‌ده‌ستهێنایه‌وه‌

خه‌ڵک سپۆرت

مانی پاکیاوی بۆکسێنه‌ری ئه‌فسانه‌یی فلیپین توانی له‌دوای شکستهێنان به‌رامبه‌ر فلۆید مایوێزه‌ر به‌هێزه‌وه‌ بگه‌ڕێته‌وه‌ و پشتوێنی (WBA) له‌ناوقه‌دی ببه‌ستێته‌وه‌.

شه‌وی ڕابردوو له‌ کوالالامپور، پاکیاو له‌سه‌ر پشتوێنی (WBA) ڕووبه‌ڕوی لوکاس مازیاسی بۆسکێنه‌ری ئه‌رجه‌نتی بۆوه‌ (کێشی ناوه‌ند)، ئه‌فسانه‌ فیلیپینیه‌که‌ له‌ته‌مه‌نی ٣٩ ساڵیدا توانایه‌کی جه‌سته‌یی بێوێنه‌ و ته‌رکیزێکی باشی نیشاندا و توانی له‌ جه‌وله‌ی حه‌وته‌م به‌لێدانی یه‌کلاکه‌ره‌وه‌ (KO) سه‌رکه‌وتن به‌ده‌ست بهێنێت.

له‌م باره‌یه‌وه‌ پاکیاو ڕایگه‌یاند :” سه‌رسامبووم به‌ تواناکانی مازیاسی، سه‌رسامیش بووم به‌وه‌ی له‌ جه‌وله‌ی حه‌وته‌مدا توانیم بیکوتم به‌زه‌ویدا، چونکه‌ ئه‌و له‌و جۆره‌ بۆکسێنه‌رانه‌یه‌ که‌ به‌ئاسانی خۆی نادات به‌ده‌سته‌وه‌، به‌ڵام من به‌ ته‌رکیزه‌وه‌ دانم به‌خۆمدا گرت و ئه‌وه‌ش هۆکاری سه‌رکه‌وتنه‌که‌م بوو، هه‌روه‌ها هۆکاری دووه‌میش بریتی بوو له‌ مه‌شق و ڕاهێنانێکی زۆر قورس که‌ ماوه‌ی چه‌ند مانگێکه‌ ئه‌نجامی ده‌ده‌م”.

پاکیاوی پاڵه‌وانی ئه‌فسانه‌یی بۆکسێن ساڵی ڕابردوو ڕووبه‌ڕوبونه‌وه‌ی مێژوویی له‌گه‌ڵ فلۆید مایوێزه‌ری ئه‌فسانه‌ی ئه‌مریکا ئه‌نجامدا و شکستی هێنا، له‌و کاته‌وه‌ تائێستا هه‌وڵده‌دات ڕووبه‌ڕوبونه‌وه‌که‌ دووباره‌ بکاته‌وه‌، به‌ڵام سه‌رکه‌وتو نابێت.

بەردەوام بە لە خوێندنەوە

وەرزشەکانی تر

جیۆکۆڤیچ، ئه‌ندێرسۆنی ڕاماڵی و جامی “ویمبڵدۆن”ی به‌رزکرده‌وه‌

خه‌ڵک سپۆرت

ئه‌مڕۆ یاریی کۆتایی پاڵه‌وانێتی ویمبڵدۆن ئه‌نجامدرا و نۆڤاک جیۆکۆڤیچی سڕبی بۆ جاری چواره‌م له‌مێژوویدا نازناوه‌که‌ی چنییه‌وه‌.

ئه‌ستێره‌ سڕبیه‌که‌ بردنه‌وه‌یه‌کی گه‌وره‌ی به‌ئه‌نجامی سێ کۆمه‌ڵه‌ی بێبه‌رامبه‌ر (٦-٢، ٦-٢، ٧-٦) به‌رامبه‌ر کیڤن ئه‌ندێرسۆنی ئه‌ستێره‌ی ئه‌فریقای باشور به‌ده‌ستهێنا، به‌و بردنه‌وه‌یه‌ش یه‌که‌مین نازناوی گه‌وره‌ی ئه‌م وه‌رزه‌ی مسۆگه‌ر کرد “گرانس سلام”.

نازناوی ویمبلدۆنی ٢٠١٨ یه‌که‌م نازناوی ئه‌م وه‌رزه‌ و سیانزه‌هه‌مین نازناوی گراند سلامه‌ جیۆکۆڤیچ به‌ده‌ستی ده‌هێنێت، به‌شێوه‌یه‌کی گشتی له‌ژیانی وه‌رزشییدا (٦٩) نازناوی گه‌وره‌ و بچوکی به‌ده‌ست هێناوه‌.

کیڤن ئه‌ندێرسۆن له‌قۆناغی چاره‌کی کۆتایی پاڵه‌وانێتیه‌که‌ توانی ڕۆجێ فێدره‌ی ئه‌فسانه‌ی سویسری بکاته‌ ده‌ره‌وه‌، جیۆکۆڤیچیش له‌قۆناغی نیوه‌ی کۆتایی ماڵئاوایی به‌ ڕافائێل نادالی ئه‌فسانه‌ی ئیسپانی کرد.

له‌سه‌ر ئاستی کچانیش ئه‌نجیلیک کێربه‌ری ئه‌ڵمانی توانی به‌سه‌ر سیرینا ویلیامزی ئه‌مریکی-دا سه‌ربکه‌وێت و نازناوی ئه‌م وه‌رزه‌ مسۆگه‌ر بکات.

بەردەوام بە لە خوێندنەوە

وەرزشەکانی تر

ڤیتێل پێشبڕکێی بەریتانیای بردەوە و لەڕیزبەندی شۆفێراندا پلەی یەکەمی گرتووە

خەڵک سپۆرت

ئەمڕۆ جەولەی دەیەمی پاڵەوانیتی جیهانی “فۆرمولا ١”  لەبەریتانیا ئەنجامدرا و سباستیان ڤیتێڵی ئەڵمانی شۆفێری تیمی “فێراری” پلەی یەکەمی بەدەست هێنا.

سەرەڕای ئەوەی ڤیتێڵ لەپێگەی دووەمەوە دەستی پێکرد، بەڵام توانی لەسەرەتا خولانەوەکاندا پێش لویس هامیڵتۆنی بەریتانی شۆفێری ناوداری تیمی “مێرسیدس” بکەوێت، هەر لە پێگەی یەکەمیشدا کۆتایی بە پێشبڕکێکە هێنا.

ڤیتێڵ تەواوی (٥٢)  خولانەوەی حەلەبەی “سیلڤەر ستۆن”ی بە (01:27:29.784) کاتژمێر تێپەڕاند و ئەمەش ئەنجامی کۆتاییە:

پاڵەوانێتی “بەریتانیا جی پی” دەبێتە دەیەم پێشبڕکێی وەرزی ٢٠١٧/٢٠١٨ و لەداهاتودا (١١) پێشبڕکێی تر ئەنجام دەدرێن، تا ئەم ساتە لەڕیزبەندی شۆفێراندا سباستیان ڤیتێڵی ئەڵمانی پلەی یەکەمی گرتووە بەجیاوازییەکی کەم بەرامبەر هامیڵتۆن، ئەمەش ڕیزبەندییەکەیە:

ڕیزبەندی تیمەکانیش تا ئێستا بەم شێوەیەیە:

بەردەوام بە لە خوێندنەوە
ریکلام

کوردستان

دوایین