ئێمە لە تۆرە کۆمەڵایەتیەکان

ژینگە

وەرزی باران بارین دەستپێدەكات

خەڵك- بەیش هەواڵ
كەشناسی عیراق پێشبینییەكانی بۆ دۆخی كەشوهەوای ئەم هەفتەیە بڵاودەكاتەوە و ڕایدەگەیەنێت، باران بارین لە هەرێمی كوردستان دەستپێدەكات و بەرپرسێكی كەشناسی دەڵێت: “تەواوی عیراق دەكەوێتە ژێر كاریگەری باران لە ناوەڕاستی ئەم هەفتەیە و تەواوی ئەم مانگە”.

دەستەی كەشناسی و بوومەلەرزەزانی عیراق لە بەیاننامەیەكدا ئاماژەی بەوەكردووە، كە سبەینێ‌ یەك شەممە ئاسمانی تەواوی عیراق و هەرێمی كوردستان لە ساماڵەوە دەگۆڕێت بۆ نیمچە هەور و كەمێك پلەكانی گەرما دادەبەزن و خێرایی با مام ناوەند دەبێت.

ڕاشیگەیاندووە، ڕۆژی دوو شەممە پلەكانی گەرما و خێرایی با وەك خۆی دەمێنێتەوە و ئاسمانیش لە نیمچە هەورەوە دەگۆڕێت بۆ هەوری تەواو و نمە باران لە تەواوی عیراق و ناوچەكانی هەرێم دەستپێدەكات بەتایبەتی لە كاتەكانی ئێوارە و شەودا.

ئاماژەی بەوەشكردوە، كە ڕۆژی سێ‌ شەممە لە ناوەڕاست و باشووری عیراق ئاسمان نیمچە هەور دەبێت، بەڵام لە هەرێمی كوردستان ئاسمان هەوری باراناوی دەبێت و كەمێك پلەكانی گەرما بەرزدەبنەوە و ئاستی بینین نزیكەی 10 كیلۆمەتر دەبێت.

سەبارەت بە ڕۆژی چوار شەممە كەشناسی عیراق ڕوونی كردۆتەوە، كە دۆخەكە ئاسایی دەبێتەوە و ئسمان نیمچە هەور دەبێت و خێرایی با كەمتر دەبێتەوە.

لای خۆشیەوە، عەلی جابر زیادی، بەرپرسی كەشناسی پارێزگای موسەنا لە لێدوانێكی ڕۆژنامەوانیدا ڕایگەیاندووە، كە كەشوهەوای ناوچەكانی وڵات لە ەناوەڕاستی ئەم هەفتەیەوە باراناوی دەبێت و تەواوی مانگەكە باران بە بڕی جیاواز و لە ناوچە جیاوازەكان دەبارێت.

دەشڵێت: “لەمڕۆ شەممەوە كاریگەری با دروست دەبێت لەسەر ناوچەكانی وڵات و ئەگەری باران بارین هەیە لە چەندین ناوچەی وڵات بە تایبەتیش ناوچەكانی فوڕاتی ناوەڕاست و چەند ناوچەیەكی بیابانی سەماوە و شارەكانی باشووری وڵاتیش”.

ژینگە

باران و هەورە تریشقە دەستپێدەكات و ڕەشەبای لەگەڵە

خەڵك- بەشی هەواڵ
كەشناسی هەرێم پێشبینی زیادبوونی خێرایی با (ڕەشەبا) دەكات و ڕایدەگەیەنێت، لە سەرجەم پارێزگاكانی باشووری كوردستان باران دەبارێت و هەورە تریشقەی لەگەڵ دەبێت.

بەڕێوەبەرایەتی گشتی كەشناسی و بوومەلەرزەزانی هەرێم لە ڕاگەیەنراوێكدا ئاماژەی بەوەكردووە، كە سبەینێ‌ یەك شەممە لە سەرجەم پارێزگاكانی باشووری كوردستان “ئاسمان هەوری باراناوی دەبێت لە زۆربەی كاتەكاندا”.

ئاماژەی بەوەشكردووە، بەهۆی بەهێزی كاریگەری ئەو نزمە پاڵەپەستۆیەی لەسەر ناوچەكەمان هەیە دەبێتە هۆی زیادبوونی ڕێژەی باران بارین و هەورە تریشقە لە هەندێ كاتدا و هەروەها خێرایی با زیاد دەكات لەگەڵیدا.

بەردەوام بە لە خوێندنەوە

ژینگە

بڕی باران بارین و كەش و هەوای ئەمڕۆ و سبەی شارەكانی هەرێمی كوردستان

خەڵك-بەشی هەواڵ

بەڕێوەبەرایەتی گشتی كەشناسی و بومەلەرزەزانی هەرێم كەش و هەوای ئەمڕۆ و سبەینێی بڵاوكردەوە.

بەپێی پێشبینییەكانی كەشناسی هەرێم، ئەمڕۆ شەممە بەرزترین پلەی گەرما لە هەولێر 30 پلە و لە سلێمانی 25 پلە و لە دهۆك 27 پلەو لە كەركوكیش 31 پلە دەبێت‌و ئاسمانی شارەكانیش هەور و هەتاو دەبێت و نمە بارانیش لە سەرجەم پارێزگاكانی هەرێم دەبارێت.

هەر بەپێی پێشبینییەكانی كەشناسی، سبەینێ یەك شەممە بەرزترین پلەی گەرما لە هەولێر 35 پلە و لە سلێمانی 33 پلەو لە دهۆك 33 پلەو لە كەركوكیش 37 پلە دەبێت و لە سەرجەم شارەكانی هەرێمی كوردستانیش باران دەبارێت.

كەشناسی هەرێم بڕی باران بارینی لە 24 كاتژمێری رابردوو بڵاوكردەوەو بەپێی زانیارییەكان، زۆرترین باران لە لە ناوچەی هەڵشۆی سەر بە پارێزگای سلێمانی بە بڕی 10.6 ملم باریوە.

بەردەوام بە لە خوێندنەوە

ژینگە

كەشناسی ڕاگەیەنراوێكی نوێی لەبارەی دابەزینی پلەكانی گەرما و بارانبارین بڵاوكردەوە

خەڵك – بەشی هەواڵ
بەرێوەبەرایەتی گشتی كەشناسی و بومەلەرزەزانی هەرێمی كوردستان ڕایدەگەیەنێت، بەهۆی كاریگەری نزمە پاڵەپەستۆیەكی دەریای سوورەوە شەپۆلێكی كورتی بارانبارین لە ئێوارەی سبەی شەممە دەستپێدەكات و تا ڕۆژی دوو شەممە بەردەوام دەبێت .

بەرێوەبەرایەتی گشتی كەشناسی و بومەلەرزەزانی هەرێمی كوردستان لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، شەپۆلە كورتەكەی بارانبارین لە ڕۆژئاوای هەرێمەوە دەستپێدەكات و كاریگەری زیاد دەبێت لەسەر ناوچەكانی ڕۆژهەڵات.

دەشڵێت :”پێشبینی دەكرێت برێكی مام ناوەند باران ببارێت و زیاتر ناوچەكانی ڕۆژهەڵاتی پارێزگای سلێمانی و گەرمیان”.

ڕاشگەیاندووە، ئاڕاستەی با باشووری خۆرهەڵات بە خێرایی مامناوەند دەبێت و پلەكانی گەرما كەمێك نزم دەبێتەوە لە نێوان (1-2) پلەی سیلیزی، مودای بینین لە نێوان (7-9) كم دەبێت .

بەردەوام بە لە خوێندنەوە
حکومەتی داهاتووی هەرێمی کوردستان دەتوانێت خزمەتی هاوڵاتیان بکات؟

کوردستان

دوایین