ئەمڕۆ لە دانیشتنێکی دادگایی سەڵاحەدین دەمیرتاش داوای ٢٠ ساڵ زیندانیکردنی دەکرێت.
ئەمڕۆ سێشەممە، دانیشتنێکی دیکەی دادگاییکردنی سەڵاحەدین دەمیرتاش، ھاوسەرۆکی پێشوتری ھەدەپە لە دادگای تاوانە قورسەکانی مێرسین بەڕێوەدەچێت و لە سکاڵاکەدا داوای ٢٠ ساڵ زیندانیکردن بۆ دەمیرتاش کراوە.
لە دانیشتەنەکەی ئەمڕۆدا سەڵاحەدین دەمیرتاش، ھاوسەرۆکی پێشوتری پارتی دیموکراتی گەلان (ھەدەپە) لەسەر وتارە جەماوەرییەکانی ساڵانی ٢٠١٥ و ٢٠١٦ی دادگایی دەکرێت، لە سکاڵاکەدا تۆمەتبار کراوە بە “بێڕێزیکردن بە دامودەزگاکانی حکومەت و دەوڵەت”.
سەڵاحەدین دەمیرتاش لە دانیشتنەکەدا ڕوونکردنەوە پێشکەش بە دادگا دەکات، چاوەڕێش دەکرێت لە دانیشتنەکەدا دادگای تاوانە قورسەکانی مێرسین بڕیاری خۆی لەسەر سکاڵاکە ڕابگەیەنێت.
