ئێمە لە تۆرە کۆمەڵایەتیەکان

ئۆتۆمبێل و تەکنەلۆژیا

زانست وا ناڵێت
ھەندێک بیروبڕوای ھەڵەی زانسیتی

خەڵك-

زۆركات باوەڕێكی نادروستی زانستی بڵاودەبێتەوە و بۆ ماوەی زۆر خەڵكی بە هەڵە لێكدانەوەی بۆ دەكەن، لێرەدا چەند نمونەیەك لەو شتانە باس دەكەین كە زۆربەمان بە جۆرێكی دیكە بیستوومانە.

1. مانگ تەنها بەرپرسی هەڵكشان داكشانی ئاوی دەیاكان نییە بە تەنها، بەڵكو خۆریش لەو كردارەدا هاوبەشە، هەركات خۆر و مانگ كەوتنە یەك روو، ئەوا بەهۆی هێزی كێشكردنی هەردووكیانەوە ئاوی دەریاكان تا زۆرترین ئاست بەرز دەبنەوە.

2. خۆر تۆپێكی گڕگرتوو نییە وەك ئەوەی ئەبینرێت، بەڵكو كورەیەكی ئەتۆمیی زەبەلاحە كە بەردەوام تەقینەوە ئەتۆمییەكان (ناوكە یەكبوونی هایدرۆجین)ی تیا روو دەدەن و ئەو ئاگرەش ئەنجامی ئەو تەقینەوانەیە نەك سووتانی مادە.

3. هیچ ئەستێرەیەك لەو شوێنەدا نییە كە تیایدا دەبینرێت، یەكەم لە بەرئەوەی كاتێك تیشكی ئەو ئەستێرەیە دێتە بەرگە هەوای زەوییەوە دەشكێتەوە و لە شوێنی خۆی نابینرێت، دووەمیش ئەگەر ئەو تیشكە شكاوانە راست بكەینەوە هەر ناگەین بەو ئەنجامە، چونكە ئەو تیشكانە بە ملیۆنەها ساڵ دەگاتە سەر زەوی و كاتێك دەگەن بە ئێمە ئەو ئەستێرانە ملیۆنەها ساڵە لەو شوێنەدا نەماون كە ئێمە تیایدا دەیانبینین.

4. فەزا خاڵی نییە، بەڵكو هەموو توێژینەوە نوێیەكان ئاماژە دەكەن بۆ ئەوەی فەزا پڕە لە مادەی رەش، بۆیە وای پێدەڵێن تەنها بە حساباتە ماتماتیكییەكان هەستی پیًدەكرێت، ئەگینا تا ئێستا هیچ شتێك لە بارەیەوە نازانین، ئەوە نەبێت كە بوونی هەیە.

5. بیرەوەری ماسیی ئاڵتوونی ناو حەوزی جوانیی ماڵان وەك پێشتر دەزانرا تەنها (5) چركە نییە، بەڵكو ئەو جۆرە ماسییە پێنج مانگ زیاتر شتی بیر دەمێنێت.

6. شەمشەمە كویًرە كوێر نییە، بوونی ئەندامێكی ناردنی تیشكی سۆناریش تیایدا مانای كوێریی ناگەیەنێت، هەیانە چاویان كزە و هەیانە چاوێكی پێشكەوتووی ئاسایی هەیە.

7. مێشی ناوماڵ زیاتر لە (24) سەعات دەژی وەك پێشتر دەزانرا، بەڵكو تەمەنی مێش دەگاتە مانگێك و زیاتریش.

8. هەستەكانی مرۆڤ تەنها (5) هەست نین، بەڵكو مرۆڤ زیاد لە (20) هەستی هەیە، وەك هەستی هاوسەنگی و ئازار و پێوانی كات و زانینی شوێن و هی تریش.

9. زمان دابەش نەكراوە بە ناوچەكانی تامكردن وەك پێشتر دەمانخوێند، بەڵكو هەموو شوێنێكی زمان هەستەوەری بە شێوەی یەكسان بۆ هەموو تامەكان تیا هەیە.

10. دروستبوونی وەرزەكان لەسەر زەوی، بەهۆی لاربوونەوەی زەوییە بە پلەی (23) لە كاتی خولانەوەی بە دەوری خۆردا، نەك بە هۆی دوور و نزیكی (لە خولگەكەی خۆیدا) لە خۆرەوە.

11. هەورە بروسكە دووجار و زیاتریش ئەدات لە هەمان شوێن، بە نمونە، بینای ئیمپایەر ستەیت لە شاری نیۆیۆرك ساڵی پار زیاد لە (100) جار هەورە بروسكە لێی داوە.

12. نەیزەكەكان گڕگرتوو نین وەك ئەوەی كە لە فیلمەكاندا دەیبینین، بەڵكو هەندێكیشیان لە سەهۆڵ پێكهاتوون، كاتێك دێنە ناو بەرگە هەوای زەوی بە هۆی خێرایی و لێخشانەوە لەگەڵ هەوا گڕ دەگرن.

13. چەقی زەوی سەرەڕای پلەی گەرمی بەرز تواوە نییە، بەڵكو پارچەیەكی توند و رەقە، ئەویش بەهۆی گەورەیی پەستان لەسەری گەردەكانی هەردوو مادەی ئاسن و نیكڵ ئەوەندە پەستێنراون تا وەك بەردیان لێهاتووە.

ریکلام

ئۆتۆمبێل و تەکنەلۆژیا

فەیسبووک تایبەتمەندی نوێ زیاد دەکات بەمەش ئاستی سکیوریتی تۆڕەکە باشتر دەبێت

خەڵک
بەرپسانی پڕۆگرامی تۆڕی پەیوەندیی (ماسنجەری فەیسبووک)، تایبەتمەندییەکی نوێ و بەسوود بۆ پڕۆگرامەکەیان زیاد دەکەن. ماڵپەڕی (زە ڤێرج)ی تەکنۆلۆژیی ئەمریکی بڵاوی کردەوە، کە بەرپرسانی ماسنجەری فەیسبووک، لە داھاتوویەکی نزیکدا تایبەتمەندییەک بۆ پڕۆگرامەکەیان زیاد دەکەن، کە بەشێوەیەکی خۆکاری (ئۆتۆماتیکی)، ئەو نامانەی کە بۆ ھاککردن و ناردنی ڤایرۆس بەکار دێن، لە نامە ئاساییەکان جیایان دەکاتەوە و دەیانسڕێتەوە.

تا ئێستا ئەو تایبەتمەندییە لەسەر ماسنجەری فەیسبووک کارا نەکراوە، بەڵام ئاماژە بەوە کراوە، کە ئەگەری ھەیە لەگەڵ ھاتنی ڤێرژنی نوێی پڕۆگرامەکە، ئەو تایبەتمەندییەش زیاد بکرێت. پێشتر ھاکەران لە ڕێگەی ماسنجەری فەیسبووکەوە، نامەی ساختەیان بۆ بەکارھێنەرانی ئەو پڕۆگرامە دەنارد، کە نامەکان یان بۆ ھاککردن، یان بۆ ناردنی ڤایرۆس بوون. پڕۆگرامی ماسنجەری فەیسبووک، لە ساڵی 2011دا کارا کرا، ئێستاش بەکارھێنەرێکی زۆری لە سەرانسەری جیھاندا ھەیە، کۆمپانیای (فەیسبووک)ی ئەمریکی خاوەنیەتی، ھەروەھا بە یەکێک لە باشترین پڕۆگرامەکانی تۆڕی پەیوەندی دادەنرێت.
سەرچاوە:کاروان ئای تی.

Image result for messenger

Image result for messenger security

بەردەوام بە لە خوێندنەوە

ئۆتۆمبێل و تەکنەلۆژیا

ھەندێک دەستەواژەی کورتکراوە لە جیھانی ئۆتۆمبێلەوە

خەڵک-

زۆرێك لە ئێمە لە كاتی خوێندنەوەی هەواڵی تایبەت بە ئۆتۆمبێل یان زانینی تایبەتمەندییەكانی ئۆتۆمبێلێك، هەندێك دەستەواژە دەبینین كە لێیان تێناگەین.

دیارە هەرە ئۆتۆمبێلیك كۆمەڵێك تایبەتمەندی خۆی هەیە، لە رووی سیستمی كارپێكردن و قەبارەی بزوێنەر و هی تریشەوە، ئەو تایبەتمەندێتیانەش زۆركات بە شێوەی هێما ئاماژەیان پێدەكرێت، لێرەدا چەند هێمایەك لەوانە روون دەكەینەوە:

– (*) ئەم هیمایە، مانی ئەوەیە خێرایی ئەو ئۆتۆمبێلە بە شێوەی ئەلیكترۆنی لەوەندە كیلۆمەتردا داخراوە، بۆ نمونە: 180* كیلۆمەتر/سەعات.

– (2.5SC)  واتە، بزوێنەرێكی قەبارە (2.5) یان هەر ژمارەیەكی تر، بە هەواكێشی ئاسایی.

– (2.5TC) واتە، بزوێنەرێكی قەبارە (2.5) یان هەر ژمارەیەكی تر، بە هەواكێشی توربۆ.

– (2.5D) واتە، بزوێنەرێكی قەبارە (2.5)ـی دیزڵ (گاز).

– (2.5TDI) واتە، بزوێنەرێكی قەبارە (2.5)ـی دیزڵ (گاز)، لەگەڵ توربۆ.

– (l4) واتە، بزوێنەرێكی (4) بستۆن كە بە شێوەی ئاسۆیی بستۆنەكانی دانراوە.

– (l6) واتە، بزوێنەرێكی (6) بستۆن كە بە شێوەی ئاسۆیی بستۆنەكانی دانراوە. (نمونەی بزوێنەرە پێشووەكانی كۆمپانیای تۆیۆتا)

– (V6) واتە، بزوێنەرێكی (6) بستۆن یان هەر ژمارەیەكی تر، كە بستۆنەكانی بە شێوەی پیتی (V) دانراوە، لەم سیستمەدا كە زۆرینەی بزوێنەرە نوێیەكانی لەسەر بنیاد نراوە، هێزێكی زیاترمان بە بڕێكی كەمتر لە سوتەمەنی دەستدەكەوێت.

– (FWD)، كورتكراوەی (Front Wheel Drive)ـە، واتە ئەو ئۆتۆمبێلە هێزی بزوێنەرەكەی دەدات بە تایەكانی پێشەوە، بۆ ئەوەش تەنها تەماشەیەكی بزوێنەرەكە دەری دەخات، ئەگەر بزوێنەرەكە لە باری پانی ئۆتۆمبێلەكە دانرابوو، ئەوا (FWD)ـە.

– (RWD)، كورتكراوەی (Rear Wheel Drive)ـە، واتە ئەو ئۆتۆمبێلە هێزی بزوێنەرەكەی دەدات بە تایەكانی دواوە، ئەگەر بزوێنەرەكە لە باری درێژی ئۆتۆمبێلەكە دانرابوو، ئەوا (RWD)ـە.

– (AWD)، كورتكراوەی (All Wheel Drive)ـە، واتە ئەو ئۆتۆمبێلە هێزی بزوێنەرەكەی بە شێوەی ئۆتۆماتیك و بە سیستمێكی كۆمپیوتەری، دابەش دەكات بەسەر هەر چوار تەگەرەكەدا بە شێوەی هەمیشەیی.

– (4WD)، كورتكراوەی (4 Wheel Drive)ـە، واتە ئەو ئۆتۆمبێلە هێزی بزوێنەرەكەی بە شێوەی دەستی یا ئۆتۆماتیكی كاتێك شۆفێر بیەوێت، دابەش دەكات بەسەر هەر چوار تەگەرەكەدا، لەم جۆرە ئۆتۆمبێلانەدا دەتوانرێت تەنها تەگەرەكانی دواوە بخرێنە كار، لە كاتی پێویستیشدا هەر چواریان.

– (5M) واتە، گێربۆكسی ئۆتۆمبێلەكە، (5) نمرە یان هەر ژمارەیەكی دیكەی دەستییـ(Manual)ـە.

– (5A) واتە، گێربۆكسی ئۆتۆمبێلەكە، (5) نمرە یان هەر ژمارەیەكی دیكەی ئۆتۆماتیكیـ(Auto)ـە.

– (5AM) واتە، گێربۆكسی ئۆتۆمبێلەكە، (5) نمرە یان هەر ژمارەیەكی دیكەی دەستی و ئۆتۆماتیكیشە.

– (RPM)، كورتكراوەی (Round Per Minute)ـە، كە ئاماژەیە بۆ خولانەوەی فڕەكانی كرانك شەفتی بزوێنەرەكە لە یەك خولەكدا، لێرە پێی دەڵێن (پەستانی مەكینە).

– (ABC) كورتكراوەی (Active Body Control)ـە، واتە كۆنترۆڵی چالاكانەی بۆدی ئۆتۆمبێلەكە، ئەم تایبەتمەندێتییە لە ئۆتۆمبێلە گرانبەهاكاندا هەیە، كە لە پێچكردنەوەدا ناهێڵێت ئۆتۆمبێلەكە زۆر بكەوێتە سەر لا و بە رێكی دەیهێڵێتەوە.

– (ABS)، كورتكراوەی (Anti Lock Brake System)ـە، كە ناهێڵێت برێكی ئۆتۆمبێلەكە قوفڵ ببێت و بخلیسكێت، بەڵكو بە شێوەی راست و چەپ تەگەرەكان دەگرێت و بەری دەدات، تا ئۆتۆمبێلەكە بە هاوسەنگی بمێنێتەوە.

– (ESP)، كورتكراوەی (Electronic Stability Program)ـە، واتە جێگیرهێشتنەوە ئۆتۆمبێلەكە بە شیچوەی ئۆتۆماتیكی، ئەم تایبەتمەندێتییەش ناهێڵێت ئۆتۆمبێلەكان لە پێچەكاندا، یاود لەسەر جادە خلیسكەكان بخلیسكێن.

– (EBD)، كورتكراوەی (Electronic Brakeforce Distribution)ـە، كە بە شێوەی ئۆتۆماتیكی هێزی برێكەكە دابەشی هەر چوار تەگەرەكە دەكات، هەركام پێویستی بە زیاتر بوو زیاتر دەیگرێت و كامیان پێویستی بە كەمتر بوو، كەمتر دەیگرێت، ئەوەش لە كاتی برێكی توند و پێچدا ناهێڵێت ئۆتۆمبێلەكە بەملاولادا بچێت، هاوكاری سیستمی (ABS)ـە لە كاركردندا.

 

بەردەوام بە لە خوێندنەوە

ئۆتۆمبێل و تەکنەلۆژیا

فلاش چییە و كەی بەكاردەهێنرێت؟
ئایا سەرف بوونی بەنزین لە ئۆتۆمبێلەكەت كەم دەكاتەوە؟

خەڵك- ئۆتۆمبێل
زۆرجار شۆفێران بۆ پاككردنەوەی بزوێنەری ئۆتۆمبێلەكانیان پەنا دەبەنە بەر بەكارهێنانی فلاش، بەڵام بۆ ئەوەی بزانین فلاش چییە؟ شۆفێران دەپرسن، ئایا بەكارهێنانی بۆ بزوێنەر باشە یان خراپ؟ ئایا سەرف بوونی بەنزین كەم دەكاتەوە؟ جیاوازی چییە بۆ بزوێنەری ئۆتۆمبێلی نوێ یان كۆن؟

دانا كریم، ماستەر لە ئەندازیاری میكانیك دەڵێت: “فلاش بریتییە لەمادەیەكی كیمیایی تایبەت بەكاردەهێنرێت بۆ پاككردنەوەی ئەو پاشماوانەی لەناو بزوێنەر درروست دەبێت و چەند جۆرێكی هەیە، كە بەكاردێت بۆ پاككردنەوەی ڕێڕەوی هەواو بەنزین و پاشەڕۆی ڕۆن‌”.

ئەو ئەندازیاری میكانیكە لێرەدا باسی ئەو جۆرەیان دەكات، كە تایبەتە بە پاككەرەوەی ڕۆن لەئەنجامی مانەوەی پاشەڕۆی ڕۆن و لكانی بە دیواری بزوێنەر.

دەشڵێت: “شێوازی بەكارهێنانی بەم جۆرەیە بە پێی جۆرەكەی لە 5 خولەكەوە بۆ 15 خولەك دەكرێتە ناو بزوێنەرەوە و دەبێت بزوێنەر لەكاردابێت پاشان ڕۆنی بزوێنەر دەگۆڕێت و هەروەها فلتەریش دەگۆڕیت”.

دانا كەریم ئاماژەی بەوەكردووە، لەكاتی كاركردن بۆ ماوەیەكی زۆر ڕۆنی سووتاو یان چڕبووە لەناو كێسی ڕۆن و دیواری بزوێنەر درووست دەبێت لە ئەنجامی ڕۆشتنی تۆز و خۆڵ بۆ ناو بزوێنەر لەكاتی ڕۆن گۆڕین یان تەواو گەرم نەبوونی ڕۆن لە ئەنجامی سەفەری كورت، كە ڕۆن ناگاتە پلەی گەرمی تەواو یان گۆڕانی كیمیای دێت بەسەر ڕۆندا ئەمەش لەكاتی بەكارهێنانی ڕۆنی كوالیتی نزم هەروەها كۆن بوونی بزوێنەر، كە بۆماوەی چەندین ساڵ كاردەكات، ئەمەش كاریگەری لەسەر توانای بزوێنەر هەیە و دەبێتە هۆی گیرانی لولەكانی ڕۆن و گیربونی جوڵەی پارچە جوڵاوەكان و دابەزینی توانای بزوێنەر و زۆر بەنزین سەرفكردن و قوورس بوونی ڕۆشتن.

جەختیشی كردۆتەوە، بەكارهێنانی فلاشی كوالیتی بەرز دەبێتە هۆی پاكبونەوەی بزوێنەر، ئەمەش بزوێنەر دەگێڕێتەوە بۆ ئاستی تازە بوونەوە، كە بەتوانای تەواوی خۆی كاربكاتەوە، بەڵام بۆ ئەو بزوێنەرانەی، كە زۆر كۆن بوون لابردنی نیشتووی سەر دیوارەكان لەوانەیە ببێتە هۆی بەر بوونی كونێك یان لێچوونی ڕۆن لە درزی درووست بوو لەبەرئەوە بەكارهێنانی بۆ بزوێنەری كۆن بە گونجاو دانانرێت.

دانا كریم، ماستەر لە ئەندازیاری میكانیك دەشڵێت: “ئەگەر هاتوو ڕێژەی پیسی بزوێنەر زۆر بوو ئەوە لەپاش بەكارهێنانی فلاش لەوانەیە فلتەری پاڵێوەر لەناو كێس بگیرێت یان دەبێتە هۆی كێشە بۆ ئۆیل پەمپ، كە ئەمەش وات لێدەكات، كە كێسی بزوێنەر بكەیتەوە بۆ پاككردنەوەی فلتەرەكە یان ئۆیل پەمپەكە، بەڵام ئەم حاڵەتە لە هەموو ئۆتۆمبێلێك ڕوو نادات، بەڵكو بە حاڵەتێكی كەم دادەنرێت”.

ڕوونیشی كردۆتەوە، باشترە فلاش كەم بەكاربهێنرێت لەبەرئەوەی‌ فلاش مادەیەكی كیمیایی بەهێزە و لەوانەیە كاریگەری بۆ دیواری بزوێنەر هەبێت.

بەردەوام بە لە خوێندنەوە
ریکلام

کوردستان

دوایین