دابەشکردنی مووچەی مانگی هەشتی فەرمانبەران بەردەوامە و سبەینێ سێشەممە مووچەی چەند وەزارەت و دەستەیەک دابەشدەکرێت.
بە پێی خشتەی وەزارەتی دارایی و ئابوری هەرێمی کوردستان، سبەینێ سێشەممە، مووچەی ئەنجوومەنی دەزگای ئاسایش، وەزارەتی کارو کاروباری کۆمەڵایەتی، خاوەنپێداویستی تایبەت، ئەنجوومەنی دادوەری، وەزارەتی داد، وەزارەتی ئەوقاف و کاروباری ئاینی، مافی مرۆڤ، دەستەی دەستپاکی، دەستەی وەبەرهینان، ژینگە، دەزگای مین، ناوچەکانی دەرەوەی هەرێم، کۆمسیۆنی باڵای هەڵبژاردن و دیوانی چاودیری دارایی دابەشدەکرێت.
دابەشکردنی مووچەی مانگی هەشتی فەرمانبەرانی هەرێمی کوردستان لە مانگی ١١دا ناڕەزایی فەرمانبەران و مووچەخۆرانی لێکەوتووەتەوە و ئەوەش وایکردووە تاوەکو ئێستا لە سنوری سلێمانی و هەڵەبجە و راپەرین و گەرمیان خوێندن دەستیپێنەکردووەتەوە و مامۆستایان بایکۆتی دەوامیان کردووە و داوا دەکەن مووچەی مانگی نۆ و دەیان بۆ خەرجبکرێت.
