بەگوێرەی بۆرسەی جیهانی یەک بەرمیل نەوتی خاوی برێنت بە ٨٤ دۆلار و ٨٩ سەنت مامەڵەی پێوەدەکرێت و بەراورد بە نرخی دوێنێی نەوت، زیاتر لە دوو دۆلار دابەزیووە.
ئەمڕۆ شەممە، نرخی یەک بەرمیل نەوتی خاوی ئەمریکی (تێکساس) بە ٨٠ دۆلار و ٥١ سەنتە و نرخەکەی کەمی کردووە.
لەماوەی دوو ڕۆژی رابردوودا بەهۆی نەگۆڕانی ڕێژەی سودی یەدەگی فیدراڵی ئەمریکاوە نرخی نەوت ١٪ بەرزبووەوە و ئەو وڵاتە دەیەوێت ئاستی سود لە ئاستێکدا بهێڵێتەوە کە هەڵئاوسان کەمبکاتەوە.
هاوکات، ناکۆکییەکانی نێوان حەماس و ئیسرائیل کاریگەری لەسەر نرخی نەوت و بازاڕەکانی ئەو کانزایە هەیە کە بە ئاڵتونی ڕەش دەناسرێت.
