مامۆستایانی ناڕازی زانكۆی سلێمانی بۆ شكاندنی بایكۆت هەڵوێستیان ڕاگەیاند


دوابەدوای بڕیارەكەی ئەنجوومەنی زانکۆی سلێمانی بۆ دەستپێكردنەوەی دەوام لە هەفتەی داهاتووەوە، مامۆستایانی ناڕازی ڕەتی دەكەنەوە بایكۆت بشكێنن و مامۆستایەك دەڵێت: ” هەموو پێکەوە بۆ داواکردنی مافە زەوتکراوەکانمان یەک دەنگ و یەک هەڵوێست دەبین”.

ئەنجوومەنی زانكۆی سلێمانی ئەمڕۆ ڕاگەیەنراوێكی بڵاوكردەوە و ڕایگەیاندووە، ” لەڕوانگەی خەمخۆری بۆ ئایندەی ٢٣ هەزار خوێندکاری زانکۆی سلێمانی و هەڵپەساردنی ساڵی ساڵی (٢٠٢٣-٢٠٢٤) سەرجەم خوێندکاران ئاگادار دەکاتەوە کە هەفتەی داهاتوو پرۆسەی خوێندن دەستپێ دەکاتەوە”.

لای خۆشیەوە، مامۆستا گوڵان محمد، پڕۆفیسۆری یاریدەدەر لە زانكۆی سلێمانی لە نووسینێكدا بەناونیشانی “بـەڵــێ بۆ بەردەوامی بایکۆت لەزانکۆ و پەیمانگاکان” لە هەژماری خۆی لە فەیسبووك ڕایگەیاندووە، داوا لەسەرجەم مامۆستایان و فەرمانبەرانی زانکۆ و پەیمانگاکان دەکەم بەهیچ جۆرێک بەبێ گەڕانەوەی شایستە داراییەکانمان و وەرگرتنی موچەی مانگی (٨ +٩ ) و جێبەجێ کردنی داوا ڕەواکانمان بایکۆت نەشکێنن و نەگەڕێنەوە بۆ دەوامێکی بێ مووچە و بێ ئیمتیاز.

دەشڵێت: “ئەمڕۆ لەکۆبونەوەی ئەنجوومەنی زانکۆی سلێمانی بەبێ لەبەرچاوگرتنی بارودۆخی مامۆستایان و فەرمانبەران و خوێندکاران و بەبێ جێبەجێکردنی داواکارییەکانیان و گەڕانەوەی مافە زەوتکراوەکانیان بڕیاردراوە هەفتەی داهاتوو پڕۆسەی خوێندن دەستپێبکاتەوە، هیوادارم هیچ مامۆستا و فەرمانبەرێک پابەندی دەوام نەبێت و خوێندکارانیش بەبێ دابین کردنی دەرماڵەکانیان و سەرجەم پێداویستیەکانی تاقیگە و بەشە ناوخۆییەکانیان نەگەڕێنەوە بۆ دەوام”.

ئەو مامۆستایە نووسیویەتی، “هەموو پێکەوە بۆ داواکردنی مافە زەوتکراوەکانمان یەک دەنگ و یەک هەڵوێست دەبین لەگەڵ سەرجەم دەنگە ناڕازی و خاوەن هەڵوێستەکانی چین و توێژەکانی دیکە دژی زوڵم و ستەم هەڵوێست وەردەگرین بۆ گەیشتن بەئامانجی بایکۆت و بەدەستهێنانی مافە زەوتکراوەکانمان”.

جەختیشی كردۆتەوە، “تــکایە پشتی هاوڕێ و هاوپیشەکانتان بەرمەدەن و هاوهەڵوێستمان بن بۆ کۆتایی هاتن بەزوڵم و ستەم . ماف دەسەندرێ نادرێ “.

ئەنجومەنی وەزیرانی هەرێم هیچ بڕیارێکی بۆ دابەشکردنی مووچە نەدا
پێشت ئەنجومەنی وەزیرانی هەرێم هیچ بڕیارێکی بۆ دابەشکردنی مووچە نەدا
جۆرێک دەرمان لەبازارەکانی هەرێم قەدەغە دەکرێت
دواتر جۆرێک دەرمان لەبازارەکانی هەرێم قەدەغە دەکرێت
پەیوەندیدار