حەسەن نەسرولا ئەمینداری گشتی حزبوڵای لوبنانی کە بەیەکێک لە نەیارەکانی ئیسرائیل دادەنرێت لەگەڵ ساڵح العاروری سەرکردەی حەماس و زیاد النخالە سەرکردەی بزوتنەوەی جیهاد کۆبووەوە.
کۆبوونەوەکەی نەسروڵا لەگەڵ هەردوو سەرکردەکە بەمەبەستی هەڵسەنگاندنی بارودۆخی جەنگ و سەرکەوتنەکانی ئەو هێزانەبوو بەرامبەر سوپای ئیسرائیل لە غەززە.
لایخۆیەوە ئەمڕۆ چوارشەممە، تەلەفزیۆنی ئەل مەنار کە زمانحاڵی حزبوڵای لوبنانییە دەربارەی کۆبوونەوەکە ڕایگەیاند، “لە کۆبوونەوەکەد اهەڵسەنگاندن بۆ هەڵوێستی وڵاتانی ناوچەکە و جیهانیش کراوە دەربارەی جەنگی نێوان فەلەستینییەکان و دەوڵەتی ئیسرائیل و ئەوەی لەلایەن هێزەکانی بەرگری فەلەستینەوە بەرامبەر ئیسرائیل ئەتا ئەم ساتەوەختە ئەنجامدراوە بە سەرکوتنێکی گەرەیان لەقەڵەمداوە.”
حزبوڵا و لایەنە فەلەستینییەکان کە لە لوبنانەوە کاردەکەن چوونەتە هێڵی شەڕی ئیسرائیلەوە لە کەرتی غەزە. سنووری نێوان لوبنان و ئیسرائیل ڕۆژانە گرژی بەخۆیەوە دەبینێت و شەڕی مووشەک لەلایەن هەریەکە لە حزبوڵا و لایەنە فەلەستینییەکان لە لایەکەوە و سوپای ئیسرائیل لە لایەکی دیکەوە دەکرێت.
ئەوەش لەکاتێکدایە بنیامین نەتەنیاهۆ سەرۆکوەزیرانی ئیسرائیل هۆشداری توندی بە حزبوڵای لوبنانیدا نەبنە بەشێک لە شەڕی نێوان ئیسرائیل و فەلەستین ئەگەرنا زیانێکی گەورەیان بەردەکەوێت بەجۆرێک کە پێشبینییان نەکردووە.
